Al Rahma_الرَّحمَه

Al Rahma_الرَّحمَه كل ما يقربنَا من الله.... لعلها صدقه جارية عن عمري وعُمرك🍂🦋

02/03/2024

"فيظل الشيطان يهدم حصون النوافل حتي يصل إلي قلعه الفروض".

د. محمد الغليظ

02/03/2024

‏دكتور أحمد عبدالمنعم قال:

اكسر الحاجز في العبادة ولو لمرة واحدة!

يعني اقرأ القرءان لمدة ٣ ساعات متواصلة .. إنت مابتكملش ١٠ دقايق في العادة .. بس أنا بقولك اقرأ ولو مرة واحدة عشان تلقى الله به.

اكسر الحاجز في القيام .. قيم الليل بالقرآن كامل في ليلة .. لمرة واحدة في حياتك!

‏كسر الحاجز بيخرّج من جواك طاقات عظيمة.

02/03/2024

فى ظل السوشيال ميديا المنتشرة والى بتخلي الفقير ملياردير وبتعمل من أسوء البشر أحسنهم والعكس....الواحد دايما بيقعد يفكر بقا الدكتور والمهندس والمحاسب والنجار وناس كتيره اجتهدت وتعبت وعافرت ويبقا ده المقابل المادي ليهم وده مرتبهم!!
وعالعكس بقا المغني والملحن والممثل الى شايفين ان الى وصلوله ده اجتهاد وتوفيق كبير من ربنا وقد ايه ربنا مَنّ عليهم بالفضل العظيم ده ( الى هوا الغنا والرقص وقلة الادب )....افتكر الايه الى ربنا عز وجل نزلها بتقول

" وَلَا يَحْسَبَنَّ الَّذِينَ كَفَرُوا أَنَّمَا نُمْلِي لَهُمْ خَيْرٌ لِّأَنفُسِهِمْ ۚ إِنَّمَا نُمْلِي لَهُمْ لِيَزْدَادُوا إِثْمًا ۚ وَلَهُمْ عَذَابٌ مُّهِينٌ "

وان اذا ربنا مرزقكش المال والغني العظيم الى انت شايفهم فيه ده....فَ ده عشان ربنا بيحميك وبيحفظك من فتنة المال العظيمة الى الناس بتضيع أخرتها عشانها....المال والجاه فتنة كبيرة جدا جدا بل تكاد تكون الأكبر
فَ تذكر دائما اذا ربنا مرزقكش المال الى بتحلم بيه وعايزه فَ ده عشان يعصمك من فتنة كبيرة جدا كا ممكن تضيع كل أخرتك عشانها....ولو ربنا مَنّ عليك ورزقك المال ده فَ اعرف برضو انك فَ امتحان كبير يإما تعمل ال ربنا أمرك بيه وتطلع الصدقات وتصرفه بالحلال ( وده صعب جدا للى ميعرفش ) يإما تغرق زى ما الباقي بيغرق وتبقي خسرت ف إمتحانك للأسف

02/03/2024

واهدنا الصراط المستقيم يا الله، لأن الطرق اختلطت وتشابهت، والأحلام تشوهت، والعزائم فترت، والقلوب زاغت، والأبصار ضعفت، والرؤى غائمة، والحق والباطل امتزجا.

اهدنا الصراط المستقيم لأننا أصبحنا ننوي الخير ولا نفعله، ونفعل الشر دون أن ننويه.

اهدنا الصراط المستقيم لكي نقترب، ومع الصراط ارزقنا الهمة لأن الهمة ضيعها الأسى،

اهدنا، أعنّا، وثبّتنا.

29/02/2024

لو عاوز نصيحه لرمضان دي أحسن نصيحه اقدمهالك ..

هي إنك تبدأ من دلوقتي تخلي أيامك كلها رمضان بمعنى إنك عود نفسك على الصيام و عدم سماع الأغاني ، ترك كل المُحرمات اللي بتعملها ،قبل ما تنام صلي القيام ، حتى مواعيد نومك غيرها كأنك في رمضان بالظبط
طب ليه دلوقتي ؟

عشان طبيعي إنك هيحصل خلل و مش هتبقى منتظم في الأول فتلحق تظبط الخلل ده في الفتره دي و لما تدخل رمضان تبقى جاهز و مستعد و مش تعبان لأن ده نظام يومك اصلًا و انت متعود على كده مش تضيع اول اسبوعين في رمضان في إنك لسه بتتعود على النظام الجديد .

- أحمد عامر

16/02/2024

يصارع المرء
نفسه
شيطانه
حزنه
غضبه
فشله
جزعه..
يصرعهم تارة ويصرعونه تارة، وبين طرفي الرُحى..يأمل ألا يَمَل من المحاولة
يحيا بالمحاولة
يسعد بالمحاولة
يقاوم بالمحاولة
يقابل القُبح بالجمال..يراه في نفسه ويتجسد فيما حوله..
ويأمل مرة أخرى...ألا يمل من المحاولة ♡

16/02/2024

وافتح عليَّ فتحًا يُذهلني اتساعه، وأنِر بصيرتي باﻷسباب والحكمة ما يملؤني قناعة، وارضَ عني رِضًا لا أشقى بعده أبدًا، وامننْ عليَّ بقُرّة عينٍ غير مُنقطعة، وبقلبٍ سليم وفكرٍ رحيم وكامل التسليم لكل أقدارك يا ربّ✨️🦋

16/02/2024

‏المهندس أيمن عبدالرحيم-فك الله أسره- ف مرة بيقول:

"متقعدش تقول لما أخلص تعليم أبقى أفيد الناس ، متستناش أما تختم القرآن عشان تفيد الناس بالقرآن كله ، متستناش أما تخلص كورس عشان تفيد الناس باللي اتعلمته ، متستناش تنهي كتاب عشان تفيد الناس بكل الكتاب، ‏السطر اللي اتعلمته النهاردة علمه لغيرك
والآية اللي فهمتها انقلها لغيرك والذكر
اللي بتقوله متحبسوش لنفسك." الإنسان جاهل أوي لما بيكتفي من الحسنات وهو مش عارف رصيده يسمحله يقول مش عايز الحسنة دي خلاص ويتخلى عن أي باب خير حسناته أكتر، ‏لو اتعامل الإنسان بمبدأ " لعلها المنجية"
هيعمل حسنات كتير بس عشان لعلها المنجية لحد ما ربنا ينجيه فعلاً وبزيادة كمان. الشُحّ في فعل الطاعات مُهلك والله
والانطواء والانعزال عن النفس بيضيع على الإنسان فرص خير كتير أوي.

15/02/2024

أشد ما يُختَبَر فيه المرء..
هو الرضا، في مواضع الحرمان وفي الأقدار التى خالفت كل توقعاته، في كل موقفٍ أُجبر عليه، وكل ما يعيشه ويخالف هواه..
فيهتز داخله، ويحاول مجاهدة قلبه.. وترويضه.. حتى يلين ويهدأ ويقنَع.. مهما أغرقهُ الغضب، فيصبح على يقين
أن ما قُضِيَ هو الخير..
حتى لو لم يتبين له ذلك الآن.

15/02/2024

"المحافظة على الصلاة في وقتها تضبط حالتك النفسيه، وتُخلصك من الهموم والأحزان التي تشعر بها وتجعلك أكثر اتزانًا في حياتك."
- قال تعالى : إِنَّ الْإِنسَانَ خُلِقَ هَلُوعًا (١٩) إِذَا مَسَّهُ الشَّرُّ جَزُوعًا (٢٠) وَإِذَا مَسَّهُ الْخَيْرُ مَنُوعًا(٢١)إِلَّا الْمُصَلِّينَ (٢٣)
- إلا المُصلِّين = استِثنَاء صَرِيح.

15/02/2024

كنت رايح اصلي الفجر (القاهرة) وانا داخل المسجد لقيت حد على كرسي متحرك ( رجليه الاتنين مبتورين لفوق الركبة ) بينادي عليا انا قولت في سري هو في حد يشحت الفجر لقيته بيقولي طلعني درجه السلم دي والمهم دخلت ورايح اتوضي الاقي صوت حد بيزحف وراي في نص الجامع وداخل قدامي الحمام وبيلبس الشبشب في ايدوا ومنظر يحسسني اني لا شئ ده انا مش بعاني ربع المعاناه دي وبرغم كل دا بتأخر عن الصلاة قولت ده انت بعيد خالص هتقولوا اي وانت سليم اهو وبتتأخر عن الصلاه اسأل الله ان يدخلنا الجنة برحمته عز وجل
( ظنيت فيه ظن سوء أسأل الله ان يغفر لي )

- cpd

13/02/2024

إزاي تخش النار
وأنت عندك رب لو عزمت علي إنك تعمل حسنة وماعملتهاش هيكتبهالك
ولو عملتها تتكتبلك عشرة
وممكن تتضاعف لعشرين وتلاتين وأربعين وخمسين
{وَاللَّهُ يُضَاعِفُ لِمَن يَشَاءُ}
تخش النار إزاي ؟!
وهو يبسط يده بالليل ليتوب مسئ النهار، ويبسط يده بالنهار ليتوب مسئ الليل
تخش النار إزاي ؟!
وربنا سبحانه وتعالى يبدل السيئات حسنات لمن تاب
ويقبل توبة العبد مالم يغرغر "أي ساعة الاحتضار
إزاي تخش النار ؟! ما أنت لازم تخش الجنة
إنما لما تقرر بجد تسيب كل دا
لأ انت ممكن تخش النار

د/ محمد الغليظ

Address

Tanta

Website

Alerts

Be the first to know and let us send you an email when Al Rahma_الرَّحمَه posts news and promotions. Your email address will not be used for any other purpose, and you can unsubscribe at any time.

Shortcuts

Share

Category