16/12/2025
عدم السمع ممكن ميكونش عناد ممكن يكون بيختبر الحدود أو مش فاهم المطلوب أو محتاج اهتمام مش أكتر
ولما بنزعق هو بيسمع الصوت مش الرسالة
من سن 3 سنوات لحد 11–12 سنة
1️⃣ الطلب يكون واضح وقصير
❌ «قلتلك مليون مرة متعملش كده»
✅ «دلوقتي وقت الترتيب. عندك 5 دقايق»
الطفل مخه بيستوعب الجُمل القصيرة أكتر
2️⃣ النزول لمستوى عينه
قبل أي توجيه اقعدي أو انحني وبصي في عينه وقولي اسمه الأول
ده بيخلي دماغه يركّز
3️⃣ اختيارات محدودة بدل الأوامر
بدل ما تقولي
❌ «اعمل اللي بقولك عليه حالًا»
قولي
✅ «تحب تلم لعبك دلوقتي ولا بعد العشا؟»
الاختيار بيديه إحساس بالتحكم فبيسمع
4️⃣ القاعدة الذهبية
مش ضرب ومش تهديد
لو مارتبش اللعب يبقي اللعب يتحط بعيد يوم
لو ما عملش الواجب يبقث مفيش تليفزيون
النتيجة مرتبطة بالسلوك وبتتنفذ بهدوء
5️⃣ ثباتك أهم من صوتك
أكبر غلطة هي التهديد ومننفذش
الطفل بيتعلم ان «كلامك ده مش حقيقي»
نفذي اللي قولتيه
6️⃣ امدحي السلوك مش الشخص
❌ «إنت شاطر»
✅ «عجبني إنك سمعت الكلام من أول مرة»
ده يخليه يكرر السلوك الحلو
7️⃣ تجاهل السلوك البسيط الغلط
مش كل غلطة محتاجة رد فعل
أحيانًا التجاهل الذكي يخلي السلوك يختفي
8️⃣ وقت خاص يومي (حتى 10 دقايق)
يكون وقت لعب أو كلام من غير موبايل
مهم جدًا لو لقيتي نفسك بتزعقي كتير ده مش فشل ده إجهاد
الأم الهادية مش لأنها أقوى…
لكن لأنها مرتاحة أكتر
منقول #
