مسيحي الي الابد

مسيحي الي الابد أحب وافعل ما تريد ,إذا سكت فاسكت عن محبة وإذا تكلمت فتكلم بمحبةوإذا سامحت فسامح عن محبة , حافظ في أعماق قلبك على جذور المحبة صفحه دينيه مسيحيه

الصور الأولي ل حريق ضخم حصل دلوقتي في كنيسة الأنبا بيشوي المنيا الجديدة .. الأخبار اللي وصلتلي ان الكنيسة كان فيها كرنفا...
16/08/2022

الصور الأولي ل حريق ضخم حصل دلوقتي في كنيسة الأنبا بيشوي المنيا الجديدة .. الأخبار اللي وصلتلي ان الكنيسة كان فيها كرنفال فيه أكتر من ٢٥٠ طفل وبيقولوا إن الأطفال خرجوا بالسلامه قبلها بدقايق .. محتاجين نطمن أكتر علي أرواح الناس

ده احنا لسه مفوقناش من حريق كنيسة امبابه .. التوقيت غريب ولازم نفهم ايه اللي بيحصل

أسره كامله دخلت الكنيسة وخرجت ع السماالأم ، والجدة ، والخالة .. وال ٣ أطفال
14/08/2022

أسره كامله دخلت الكنيسة وخرجت ع السما

الأم ، والجدة ، والخالة .. وال ٣ أطفال

14/08/2022

نطلب من الله ونسأله بأن يعطينا الصبر وروح التعزية على حادث كنيسة ابوسيفين بامبابة
سائلينه بان يعزى كل من فقد عزيز له
تعزيات السماء لقلوبنا.
طوبى لمن اخترته وقبلته ليسكن فى ديارك الي الأبد 🙏

بيان المتحدث باسم الكنيسة الارثوذكسية الوفيات وصلت الى 41 حالة :(
14/08/2022

بيان المتحدث باسم الكنيسة الارثوذكسية
الوفيات وصلت الى 41 حالة :(

29/05/2022

( لو عشت للعالم ...فالعالم هايديك قبر ، ولكن لو عشت لربنا، فربنا يديك مجد )

22/05/2022

اكتر وقت هتشوف فيه ربنا .. هو وقت الضيقه والمشاكل والظروف الصعبه .. تحب اثبتلك ؟!

الكتاب المقدس مقالش عن يوسف جملة ( وكان الرب مع يوسف ) الا بعد ما اتباع من اخواته واتظلم .. لما اتغرب وكان لوحده تمامآ .. والنتيجة المنطقيه ل جملة ( وكان الرب مع يوسف ) .. ان يوسف ( كان رجلآ ناجحآ ) .
يونان النبي .. محسش ان ربنا بيستجيب وبيسمع صلاته غير لما الدنيا اسودت ف عينيه واترمي ف بطن الحوت .. ولا كان عنده واتس اب يكلم عليه صحابه .. ولا كان ف ايديه موبايل يتصل ب حد ينجده .. كان بس جواه قلب لامس حضور ربنا .
ايوب البار .. الراجل اللي ابواب الدنيا كلها اتقفلت ف وشه و خسر كل حاجه .. واتبهدل بعد سنين المجد والكرامه .. شوف يا أخي قال ايه ل ربنا .. ( بسمع الأذن قد سمعت عنك والأن قد رأتك عيني ! ) .. عينه شافت ربنا امتي ؟! .. لما الدنيا ضاقت عليه .. واللي عينه بتشوف ربنا بيتعوض اضعاف.
الفتيه التلاته .. ال 3 صحاب اللي اترموا ف اتون النار .. ربنا كان ممكن ينقذهم من بعيد ل بعيد .. يخرجهم من وسط النار ب أعجوبه .. لكنه اختار الحل الأعظم .. اختار انه يكون واقف معاهم .. وسطهم .. ف قلب النار .

ربنا بيحب المتألمين .. صديق شخصي لكل الموجوعين .. بمجرد ما بيشوفك تعبان وف ضيقه بيجري عليك .. بيبان وقت الأزمات وبيظهر لما الكل بيختفي ..
يسوع اللي انت بتعبده اله جدع .. جدع اوي .. ف وقت الشده بيلحقك وبيشيل معاك .. حتي لو مطلبتوش هو بيسندك .. ممكن يخليك تمر بظروف صعبه او ألامات .. لكن مستحيل يسيبك لوحدك .. كل اللي عاشروه عرفوه .. وكل اللي عاشوا معاه جربوا جدعنته وامانته ..

يسوع هو الصديق اللي بيفضل وقت الضيق .. واسأل مجرب

حد يعرف ان مار جرجس كان خاطب ؟!كان خاطب بنت امير .. بنت ليها اهل وعزوه و قريبه من قلب الله .. وكان بيجهز كل الترتيبات عل...
03/05/2022

حد يعرف ان مار جرجس كان خاطب ؟!

كان خاطب بنت امير .. بنت ليها اهل وعزوه و قريبه من قلب الله .. وكان بيجهز كل الترتيبات علشان يتجوزها .. لكن فجأه حياته اتغيرت تمامآ .. بمجرد ما شاف منشور الملك و قرر انه يعلن ايمانه قدام كل الامبراطوريه .. ويتنازل عن كل اللي معاه علشان خاطر يسوع .. وفضل 7 سنين ف قصة حب اسطوريه بينه وبين ربنا .. انتهت ب استشهاد امير الشهدا البطل الروماني العظيم

مارجرجس مقالش ازاي اسيب خطيبتي و البنت اللي هعيش معاها علشان خاطر ربنا .. مفضلش حبه الارضي علي حبه السماوي .. مقالش مش هقدر
هتعمل ايه لو ربنا طلب منك تبعد عن حد بتحبه او تنهي الارتباط اللي انت فيه علشان خاطر تقرب منه اكتر ؟! .. هتعرف ؟ .. هتوافق ؟ .. هتقدر ؟
اسأل نفسك وجاوب بكل بصراحه .. بس خليك فاكر .. ربنا عمره ما هينسي انك ف يوم م الايام قطعت علاقتك بحد علشانه .. عمره ما هينسي انك بعدت عن حد بتحبه علشان خاطره .. عمره ما هينسي انك سلمت امرك وارادتك ل مشيئته و اتنازلت عن حاجه غاليه عندك علشان ترضيه .. عمره ما هينسي انك قدمتك الغالي علي قلبك زي ابو الاباء ابراهيم ما قدم اسحق ابنه ب كل رضا وتسليم .. ربنا مبينساش ..
_ ادخل ف قصة حب واحلم وعافر وحب من كل قلبك .. اختار الشخص اللي يليق عليك وتليق عليه .. دور ع القلب اللي ترتاح معاه و تطمن .. بس خلي بالك .. اوعي حبك ليه يبقي اكبر من حبك ل ربنا .. ولو الظروف اجبرتك تقارن وتختار بين الاتنين .. اختار ربنا وانت مغمض

03/05/2022

كلمات مضيئه

«وَكَانَ بَعْدَ مَوْتِ إِبْرَاهِيمَ أَنَّ اللهَ بَارَكَ إِسْحَاقَ ابْنَهُ. وَسَكَنَ إِسْحَاقُ عِنْدَ بِئْرِ لَحَيْ رُئِي» (تكوين ٢٥: ١١).

نحب دائماً أن نقول إن الزواج قسمة ونصيب، وأن الله هو الذي يختار رغم أننا نظل غير متأكدين من اختيارنا. أما عن زواج إسحاق ورفقة فقد ظهر فيه عمل الله بكل وضوح، وكان يجب أن يكون هذا الزواج مثالياً .. تُرى هل كان الأمر كذلك؟...

بعد البركة التي أعطيت لرفقة عند مغادرتها بيت أبيها (تكوين ٦٠:٢٤) كنا نتوقع أن نسمع عن ميلاد أطفال كثيرين في البيت في حبرون .. لكن لا .. كانت رفقة عاقراً فلم تلد، ومضى على هذا الحال عشرون سنة ثم جاء الأمل .. وأكثر من ذلك، فهي حبلى في توأمين .. ولكن هذه كانت مشكلة أخرى .. فقد كان الحمل صعباً وقد أظهر الله بوضوح أن هناك مشكلات أخرى في انتظارهما.

وهكذا فإن الزيجات – حتى التي يتممها الله – تتعرض للمشاكل ويحسن بنا أن نتذكر ذلك دائماً – وهذه المشاكل يجب العمل على حلها، وعند هذه النقطة اختلف الزوجان فكان لكل منهما طفله المفضل .. ولم يكن هناك بد من المزاحمة والمنافسة .. طفلان يتنافسان على الحصول على الحظوة لدى والديهما وبالتالي تدب الكراهية بينهما .. وهكذا كان ..

لكن يبدو أن عيسو باستباحته قد حسم الصراع لصالح يعقوب، فهو الذي رفض (باع) البكورية، وبالتالي تقبل بإرادته أن يصير الأصغر والأقل بركة من أخيه الأذكى منه. إن (أفسس ٤:٦) توضح لنا
الطريق الأفضل.
:4 وَأَنْتُمْ، أَيُّهَا الآبَاءُ، لاَ تُثِيرُوا غَضَبَ أَوْلاَدِكُمْ. وَإِنَّمَا رَبُّوهُمْ بِتَأْدِيبِ الرَّبِّ وَتَحْرِيضِهِ.

03/05/2022

بِسَمْعِ الأُذُنِ .قَدْ سَمِعْتُ عَنْكَ، وَالآنَ رَأَتْكَ عَيْنِي. (أي 42 : 5)📖♥
اكبر تعويض من ايد ربنا لأيوب مكنش انه يرجعله الخير أضعاف👌.ولا أن حياته بقيت زي الأول واحسن

أكبر تعويض لأيوب كان وجود الله معاه وسط الألم والتعب
التعويض كان الكلمة دي
"الآن رأتـك عيني"
سترى يد الله معك في كل ضيق وسيعوضك عن كل تعب تمر بيها اضعافها فرح♥

عوض ربنا بيكون معجزة ..
تدبير ربنا كله للخير وللفرح ديماً♥

Address

Http://www. Facebook. Com/pages/Sohag/104043659633293?ref=ts&fref=ts
Sohag
10404

Website

Alerts

Be the first to know and let us send you an email when مسيحي الي الابد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category