https://www.facebook.com/107790272002447/

حضن يسوع - Cuddle ysw3, سوهاج, Sohag (2026)

15/12/2023

لو طفل اتشاقي جوه الكنيسة متزعقش فيه 🗣️
لو نام جوه الكنيسة 😴 متصحيهوش ولو لازم تصحيه يبقي بهدوء ومتزغدوش
ولو اتكلم بصوت عالي وجهه واتكلم معاه بالراحة وبمحبة
الأطفال عفويين وبيتعاملوا ببراءة شديدة
إفهم إن الطفل جواه طاقة تجر قطر
الكنيسة دي بيتهم وهم ملايكتها 😇
لكل خادم إفهم كويس :
أغلب اللي بيبعدوا 💒 بيبقي السبب من جوه مش من بره
وإفتكر دايمآ الجملتين دول :
خادم بيفتقد مخدوم : عايز أشوفك في الكنيسة ؟
رد المخدوم وقال : وأنا عايز اشوف الكنيسة فيك

04/11/2023

بمناسبه عيد الحب ، دى كانت اعظم قصه حب ف تاريخ البشريه ♥️♥️♥️♥️♥️♥️👑"لأَنَّهُ هكَذَا أَحَبَّ اللهُ الْعَالَمَ حَتَّى بَذَلَ ابْنَهُ الْوَحِيدَ، لِكَيْ لاَ يَهْلِكَ كُلُّ مَنْ يُؤْمِنُ بِهِ، بَلْ تَكُونُ لَهُ الْحَيَاةُ الأَبَدِيَّةُ." (يو 3: 16).

02/11/2023

*اريوس لابس تونية اثناسيوس*
احذر من التعامل مع هذا المعهد .. حيث ان هذا المعهد تحت قيادة المنشق عن كنيستنا القبطية الارثوذكسية المهرطق ماكس مشيل ( مكسيموس الاول )

يقوم هذا المعهد الآن بعمل كورسات اون لاين من خلال الانترنت .. بمختلف مواقع وسائل التواصل الاجتماعي .. لذا نحذر من ان ينضم ابنائنا الي كورسات هذا المعهد المنشق الذي يقوم بتعاليم غير ارثوذكسيه وغير نقيه

رجاء من الجميع توخي الحذر مع مشاركة هذا التحذير
حتي يصل الي جميع ابناء كنيستنا القبطية الأرثوذكسية

28/10/2023

يا سيدي ، هوذا شعبك يحتاج إليك ، ألم يحن وقت تحننك عليهم ! 💔‍🩹

18/10/2023

الكنيسة القبطية الأرثوذكسية برئاسة البابا تواضروس الثاني تدين العـ ـنف الإسرائيلي غير المبرر ضد المدنيين
.....🇵🇸🇵🇸🇵🇸🇵🇸♥️♥️🇵🇸♥️♥️🇵🇸🇵🇸🇵🇸🇵🇸....

15/10/2023

المريض : كام الكشف يا آنسه
الممرضة : ٢٥٠ ج
الدكتور : بتشتكي من ايه
المريض : بشتكي من كذا وكذا
الدكتور : تمام هاتاخد العلاج ده وتعملي الإشاعه دى والتحاليل دى علشان نطمن وتعدي عليا بعد ٣ أيام
المريض : حاضر يا دكتور
مركز الإشاعه : الحساب ١٢٠٠ ج
معمل التحاليل : الحساب ٤٥٠ ج
الصيدليه : الحساب ٢٨٠ ج
المريض : بعد ٣ أيام لو سمحتي يا انسه عندي إعاده مع الدكتور
الممرضة : تمام الإعاده ١٠٥ج
المريض : تمام اتفضلي
الدكتور : إيه يا بطل عملت إللي قولتلك عليه
المريض : أيوه يا دكتور اتفضل الإشاعه والتحاليل
الدكتور : عال عال الحمد لله كله تمام التحاليل والأشعه تمام مافيهاش حاجه
المريض : الحمد لله
الدكتور : امشي على العلاج واشوفك بعد شهر
الممرضة : آلو مركز الأشعه الدكتور بيقلوكم بعتلكم ١٨٠ حاله الشهر ده ×٢٠% يبقى الحساب ٢٢ الف ج
مركز الإشاعه : حاضر الظرف هايجيله بكره الصبح
الممرضة : آلو معمل التحاليل الدكتور بعتلكم ١٧٠ حاله الشهر ده ×٢٥% يبقى الحساب ١٥ الف ج
معمل التحاليل : حاضر الظرف هايجيله بكره الصبح
الممرضة : آلو شركة الأدوية الدكتور كتب الدواء بتاعكم لكل الحالات بتاعته والدكتور طالب إسبوع ف شرم الشيخ هو والأولاد
شركة الأدويه : تمام بلغى الدكتور إن الحجز تمام وأجازه سعيده للدكتور والمدام والأولاد

هكذا تُدار الأمور ويتم الاتجار بآلام وأوجاع الناس
تحياتي واسفي على الضمائر الغائبة.
ويستمر الكادحون في المعاناة ويستمر المستغلون في اللامبالاة..
« فَكُونُوا أَنْتُمْ رُحَمَاءَ، كَمَا أَنَّ أَبَاكُمْ رَحِيمٌ.
إنجيل لوقا 6 :36 »
...........♥️♥️♥️♥️♥️...........

12/10/2023

✝️ تفتكروا لما رجال الكتاب المقدس يجتمعوا ونطلب من كل واحد منهم نصيحة هيقولوا ايه ؟؟؟؟

تعالوا نشوف ونتعلم النهارده مع رجال الكتاب المقدس ...

نبدأ مع رجال العهد القديم .

🌹 قدم كل رجل نصيحة من خلال تجربته في الحياة ...

♦️+ فقال ادم
اوعى ترضي زوجتك على حساب ربنا والوصية لان نتيجتها انك بسرعة هتخسر المعية .

♦️+ وصاح قايين
حب اخوك واوعى تحسده دا ابليس عند الباب تارك لك خطية مستخبية هتخسرك الأبدية.

♦️+ وقف نوح وقال
لما ربنا يبعت لك رسالة نفذها حتى لو كنت شايفها ع الواقع غير منطقية . سفينة في نص الأرض مبنية .

♦️+ اما إبراهيم فقال
لو طلبت من ربنا سؤل قلبك لا تستعجل وثق انه في الوقت المناسب هيديك احلى عطية .

♦️+ وجاء دور يعقوب فقال
مهما طالت ايامك اوعى العالم يغرك .صدقني كلها ايام غربة ومهما كان شكلها فهي مليانة تعب وردية .

♦️+ ووقف العفيف وقال
حط ربنا دايما قدام عنيك وتحت اي ظرف اهرب من الخطية ولو البشر نسيوك ربنا مجهزك لمهمة مش عادية .

♦️+ اما موسي الحليم فقال
اوعى ف يوم تفقد الثقة وتشعر انك ف المستحيل وقعت دا ربنا قادر وسط اليم يعديك بطريقة معجزية .

♦️+ الجبار شمشون هدر بصوته وقال
اوعى تستهتر بالعطية أو تطمن لأعداء البشرية دا ورا كل باب عدو الخير حاطط لك دليلة واقفة مستنية .

♦️+ إيليا الناري بصوته الجهوري صرخ
حي هو الرب الذي لايخلف وعد . ان كنت أمينا معه اطلب المستحيل وطلبتك المستحيلة بمحبته مقضية .

♦️+ مرنم اسرائيل الحلو همس وقال
مهما كان في حياتك جليات أو سطح بيتك بدون أسوار . ايد ربنا في الحجر معينة وقوية وبالتوبة خطيتك ممحية.

♦️+ يونان النبي قال
اوعى تضحك على نفسك هتروح من ربنا فين هو في يافا وف ترشيش وفوق الأرض وتحتها وفي البحر والسما ومافوقها لا تخلو منه أماكن محجوبة او منسية.

♦️+ اما زكريا الكاهن فهتف وقال
لما تطلب وانت مصدق انه اله المستحيلات مش هيبخل عليك وهيفرح قلبك بأعظم مواليد البشرية .

♦️+ يوحنا المعمدان صرخ وقال
الخوافين مش هيروحوا السما قول الحق بقوة ولو في قول الحق مماتك فإن حياتك مهما طالت في الاخر منتهية .

🌟"وَأَمَّا أَنْتَ فَاثْبُتْ عَلَى مَا تَعَلَّمْتَ وَأَيْقَنْتَ، عَارِفًا مِمَّنْ تَعَلَّمْتَ. وَأَنَّكَ مُنْذُ الطُّفُولِيَّةِ تَعْرِفُ الْكُتُبَ الْمُقَدَّسَةَ، الْقَادِرَةَ أَنْ تُحَكِّمَكَ لِلْخَلاَصِ، بِالإِيمَانِ الَّذِي فِي الْمَسِيحِ يَسُوعَ." (2 تي 3: 14-15).

12/10/2023

كلمتين في ودنك:
خليك انسان حسيس و خد بالك من مشاعر الآخرين....

بلاش تجرح في حد او تفكر حد بغلط الماضي و تفضل تقوله انت ناسي كذا و كذا .....

خليك انسان حسيس في كلامك وبلاش الجملة الا بتقول :-
(أصل انا صريح والا في قلبي علي لساني )
مع الاسف الجملة لا علاقة لها بالمسيح.......

خليك انسان حسيس في كل افعالك و اقولك و كلماتك و نظراتك......

خليك حسيس و كفاية تجريح.....

يقول الكتاب المقدس:
"فَكُلُّ مَا تُرِيدُونَ أَنْ يَفْعَلَ النَّاسُ بِكُمُ افْعَلُوا هكَذَا أَنْتُمْ أَيْضًا بِهِمْ، ." (مت 7: 12).

....................♥️♥️♥️♥️♥️.....................

08/10/2023

انت مش لواحدك ابدا ، انت معاك اعظم اب ف الكون ❤

06/10/2023

انت ال زرعت فيا الحلم ، و انت ال هتحققه ❤

01/10/2023

استمر ف البناء حتى ولو ضحكوا ❤

28/09/2023

أيقونة سلم الصعود الإلهي:
هو رمز من أواخر القرن الثاني عشر في دير سانت كاترين، جبل سيناء. الأيقونة اللاهوتية للقديس يوحنا كليماكوس، المعروف أيضًا باسم يوحنا السلمي،
الأيقونة تصور رهبانًا يصعدون السلم نحو الرب يسوع في السماء، في أعلى يمين الصورة مع ق. يوحنا كليماكوس في أعلى السلم، وقد رحب بهم يسوع. يحتوي السلم على 30 درجة تمثل 30 مرحلة من حياة الزهد.

صعود الرهبان يساعده صلاة الملائكة والقديسين والمجتمع، بينما تهاجم الشياطين وتحاول أن تجعل الرهبان يسقطون من السلم عن طريق جرهم إلى أسفل أو ضربهم بالسهام. يعكس تصوير السلم أهمية الملائكة والشياطين في الروحانية الأرثوذكسية . تُظهر الأيقونة أيضًا ماردا يظهر فجأة، يمثل الشيطان نفسه الذي يلتهم راهبًا سقط من السلم.

يُظهِر السلم أيضا بعض الرهبان الذين وصلوا إلى القمة تقريبًا وهم يغريهم الشياطين ويسقطون. إن تصوير سقوط الرهبان هو انعكاس لما عبّر عنه ق. يوحنا كليماكوس بأنه «ما لم يتوقف عن إدهاشه» أي لماذا لا يزال بعض الرهبان يستسلمون للأهواء الدنيوية بينما كان الله والملائكة والقديسون يشجعونهم على الفضيلة.

إن كان الأمر بالنسبة للرهبان هكذا، فماذا عنا نحن المؤمنين!
لماذا لا نستجيب لنداء الله، وتشجيع القديسين والملائكة؟
لماذا نشتت أنفسنا في أمور لا تبنينا ولا تؤدي إلى خلاصنا؟

إن هذا السلم هو صليب ربنا يسوع الذي هو الطريق الحقيقي للوصول إلى السماء، أي إلى أحضان الأمان، بين يدي الرب يسوع.

حضن يسوع - Cuddle ysw3

15/12/2023

04/11/2023

02/11/2023

28/10/2023

18/10/2023

15/10/2023

12/10/2023

12/10/2023

08/10/2023

06/10/2023

01/10/2023

28/09/2023

Address

Website

Alerts

Shortcuts

Share

Category