الأنبا موسي الأسود

01/07/2025

مش ملاحظين إن كل الناس بتحب الأنبا موسى الأسود؟
كلنا بنحب القديسين، لكن الأنبا موسى ليه مكانة مختلفة في قلوب الكل…
عارفين ليه؟

علشان هو شبهنا…
كان بيغلط… وغلطاته كانت كبيرة!
بس قدر يتغير، قدر يقوم من وسط الظلمة ويبقى في النور…
وده بيدينا أمل إننا إحنا كمان نقدر نتغير.

الأنبا موسى بيقول لكل واحد حاسس إنه بعيد:
“أنا كنت أبعد منك… لكن لما رجعت، لقيت حضن ربنا مفتوح.”

وتاني حاجة…
مفيش حد طلب شفاعته، إلا وكان واقف معاه.
واقف زي الجبل،
يسند، ويشفع، ويحب من غير شروط.

الأنبا موسى مش بس قديس…
ده ضهر وسند لينا،
صديق في السما، ووشّ الخير اللي مش بيتأخر أبدًا 🙏🖤

01/07/2025

ربنا اختار عيد استشهاده يبقى في نص السنة بالظبط،
كأن حاطه عشان يقول ان لو نص السنة الاول كان وحش
فالنص التاني ممكن يبقي عظيم

الانبا موسي تذكار "الأمل".. تذكار "التغيير".. تذكار "القوة".♥️💪

الانبا موسى الاسود صاحب القلب الأبيض 🤍
"" بي جوري افا موسي""

01/07/2025

الجميل في قصة الأنبا موسي مش بس إنه تاب
الجميل إنه آمن إن ربنا مش بيرفض حد…
وإن حتى أعمق ظلمة، ممكن تنوّر بنعمة المسيح.

01/07/2025

واذا بملاك موجود .. يمسح خطاياه السود
بيض لوحه المشهود .. بي جوري افا موسي🤍

30/06/2025

بكره هنعيد بقديس مش بس غيّر طريقه…
ده علمنا إن الماضي ملوش سلطان على اللي بيتوب بصدق

كل سنة وأنتم طيبين بعيد شفيع التائبين، الأنبا موسى الأسود

30/06/2025

لأنبا موسى الأسود كان قبل التوبة شايف نفسه الأقوى، والأذكى، والأخطر.
لكن بعد ما دخل حضن ربنا…
بقى شايف نفسه أقل واحد في الكل.

في مرة قالوله:
“يا أبانا، في راهب غلط، نعمل فيه إيه؟”
فراح شايل كيس رماد مثقوب على ضهره، وماشي قدامهم.
استغربوا، وقالوله: “إيه ده؟”

رد وقال:
“زي ما الرمل بينزل من الكيس من غير ما أشوفه…
هكذا خطاياي ورايا وأنا مش شايفها.
فإزاي أحكم على أخويا؟”

ده هو موسى…
اللي كان يخوّف الناس، بقى بكلامه يكسف قلوب القديسين.

التواضع مش إنك تهين نفسك…
التواضع الحقيقي إنك تشوف كل نفس أغلى عندك، حتى اللي بيغلط.

يا رب إدينا قلب زي قلب موسى…
قلب شايف ضعفه، ومغطي الناس بالمحبة مش بالإدانة.

29/06/2025

في ناس بتقول:
“أنا خلاص ماليش رجعه…
ربنا مش هيرضى بيا.”

لكن الأنبا موسى الأسود بيهمس في ودنك وبيقولك:
“كنت زعيم عصابة، قتّال، عشت بعيد عن ربنا سنين…
لكن لما بكيت قدّامه، فتح لي حضنه.”

ربنا مش بيدوّر على ناس كاملة،
ربنا بيدوّر على قلوب راجعة.

إوعى تفتكر إنك بعيد أوي…
ده خطوه واحده و هتبأه معاه.

هو مستنيك…
زي ما استنى موسى، وغيّر كل حياته بنظرة حب وحدة.

ابدأ من النهارده… حتى لو بكلمة صغيرة:
“يا رب رجّعني ليك.”

15/07/2024

عيد حبيبنا الأنبا كاراس السائح

💐👼 الأنبا كاراس في عيده 👼💐

أما انت يا حبيبى كاراس
فكل إنسان يعرف سيرتك ويذكر إسمك على الأرض فيكون معه سلامى وأحسبه مع مجمع الشهداء والقديسين
و كل إنسان يقدم خمرا أو قربانا أو بخورا أو زيتا أو شمعا تذكار لإسمك أنا أعوضه أضعافا فى ملكوت السموات
و من يشبع جائعا أو يسقى عطشانا أو يكسى عريانا أو يأوى غريبا بإسمك أنا أعوضه أضعاف فى ملكوتى
و من يكتب سيرتك المقدسة أكتب إسمه فى سفر الحياة
ومن يعمل رحمة لتذكارك أعطيه ما لم تراه عين وما لم تسمع به اذن وما لم يخطر على قلب بشر
الأنبا كاراس السائح ...

شفاعتة تكون معنا آمين 👏

14/07/2024

دير القديس الأنبا موسي الأسود طريق العالمين

Find lokale virksomheder, se kort og få rutevejledninger i Google Maps.

14/07/2024

13/07/2024

دير القوي الأنبا موسي الأسود العالمين