22/12/2023
عاملي فيها البابا كيرلس ؟
واحد راح يتقدم لوظيفة أمين مخزن ف شركه كبيره
و ف أثناء ما المدير بيسأله
شوية أسئلة طلع سجارتين وعزم علية ,
فرفض الرجل بادب وقال له
= اسف انا مش بدخن
فإستمر المدير يلح عليه بشكل مستفز
وانتهره وقاله
= ان ما أخدتش السيجارة إعتبر ان مالكش شغل ف الشركة
فقال له
=وانا ايضا لا يلزمنى الشغل مدام ممكن ابيع مبدأي
ومشى ولما رجع البيت مراته عرفت الموضوع وكالعاده نكدت عليه 😁
وقعدت تقول عليه للناس احنا مش لاقيين ناكل وهو
رفض ياخد السجارة من المدير
عاملى فيها البابا كيرلس، ؟
وبعد فترة مدير الشركه اتصل بيه وقاله
= انت اتعينت مدير عام للمخازن
عشان كنت امين ف القليل هاتكون امين في الكثير
وانت كان ممكن تجاملنى وتاخد السجارة ودة كان امتحان ليك وانت نجحت فيه
وتيجى تستلم الوظيفة من بكرة الصبح
دايمآ ربنا بيكون شايف حاجة
احسن من اللى انت شايفها
بركة صلوات رجل المعجزات البابا كيرلس السادس تكون معانااااااااااااااا كلنااااااااااااا
آمين
