07/09/2026
وإنت بتدعي… بلاش تستعجل الإجابة.
واحد كان كل يوم يدعي:
"يارب ارزقني شغلانة كويسة."
قدم في أماكن كتير، وكل مرة الموضوع يقف.
وبعد كام شهر جاله شغل فعلًا، لكنه ما اتقبلش فيه بسبب حاجة بسيطة جدًا حصلت في آخر لحظة.
زعل وقال:
"هو أنا بدعي من شهور… ليه مفيش حاجة بتحصل؟!"
وبعد فترة عرف إن الشركة دي حصل فيها مشاكل كبيرة، والناس اللي اشتغلوا فيها مشيوا واحد ورا التاني.
ساعتها فهم حاجة مهمة:
مش كل تأخير معناه رفض…
أحيانًا التأخير نفسه جزء من الإجابة.
النبي ﷺ قال:
«يُستجاب لأحدكم ما لم يعجل، يقول: دعوتُ فلم يُستجب لي».
يعني متفتكرش إنك لما تدعي النهارده لازم تشوف النتيجة بكرة.
إنت بتطلب من ربنا…
ممكن ربنا يديك اللي طلبته.
وممكن يصرف عنك بيه شر.
وممكن يدخر لك الأجر والثواب.
المهم…
بلاش تقول:
"أنا دعوت كتير ومفيش فايدة."
قول:
"أنا دعوت… وربنا سمع، وربنا أعلم بميعاد العطاء."
انت عليك الدعاء…
أما توقيت الإجابة، فده مش شغلك.
خليك مستمر في الدعاء، حتى لو اتأخرت الإجابة.
يمكن أكتر دعوة انت فاكر إنها اتأخرت…
هي نفسها الدعوة اللي ربنا بيرتب لها أجمل توقيت. ❤️
- د/ محمد سلامة..
#منقول
