القديس العظيم يوسف النجار

14/08/2026

و لنا مذبح تهتز له أعتاب السماء 🤍
حط همومك و مشاكلك، ضيقتك، وتعبك قدام الهك و هو هيتكفل بيها🤍
"مُلْقِينَ كُلَّ هَمِّكُمْ عَلَيْهِ، لأَنَّهُ هُوَ يَعْتَنِي بِكُمْ."🙏🏻🤍

11/08/2026

07/08/2026

✥ رموز القديسة العذراء مريم فى العهد القديم ✥

06/08/2026

الكوبايه_المكسوره
الكوباية دى انا بحبها اوى .. و بحب ابصلها .. و رغم انها اتكسرت من سنين إلا أني محتفظة بيهاوبحب اشوفها كل يوم
الكوباية دى ازاز .. زمان وقعت وقعة وحشة جدا.. لدرجة ان كل اللى انا عملته انى خبيت وشى عشان متوقعة انها هتتدش و خفت اتعور فى وشى ولا عنيا
الا انها نزلت نطت 3 نطات على الارض و اتشرخت شرخ كبير لو كان كمل للطرف من الناحية التانية كان زمانها فى خبر كان.. ارادة ربنا بقى .. بس ماركة كويسة .. خلينا نقول معدنها اصيل و استحملت الخبطة و الوقعة
كده اكيد فهمتوا انا شوفتها ازاى
أيوه... انت ممكن تتخبط خبطة تقريبا تكسرك و تفضل برده واقف على رجلك .. دا مش معناه انك متكسرتش و لا معناه ان عمر ازازك هيلحم تانى و ترجع كوباية سليمة
فى حاجات بتحصل فى الحياة بتبقى صعبة جدا .. مش مشاكل عادية ولا زعل عادى .. فى حاجات بتعلم على الواحد لبقية عمره

الكوباية دى لسه كوباية ازاز ... بس ياترى لسه تقدر تقوم بكل وظايف الكوباية الازاز؟ يعنى شكلا من برا كويسة انما مضمونا من جوا

دا معناه ان صعب ترجع تعمل نفس اللى انت كنت بتعمله قبل الكسرة بالظبط.. ممكن متعملوش بكفاءة .. و ممكن متعملهوش تانى..
الكوباية دى محتاجة اللى يفهم احتياجاتها و قدراتها و بالتالى يحط فيها حاجة كثافتها اكبر من كثافة المية عشان ميبقاش سهل يتسرب منها... بدل ما المجتمع يحطها فى الزبالة و يقول خلاص مبقتش تنفع
الكوباية دى بقت محتاجة معاملة خاصة جدا... انا و انا بمسكها و بملاها و بنشفها كنت خايفة تتكسر لانها فعلا على اخرها...
و كذلك بعض الناس فى حياتنا.. او يمكن معظمهم ان مكنش كلهم
بحس ان كلنا محتاجين نحسس على بعض لان محدش مستحمل.. محدش عارف كل واحد بيمر بايه عشان يحمل عليه
اللى هيستعملها محتاج يشرب منها من بعيد عن الكسر.. عشان ميرجعش يلوم عليها و يقول ليه جرحتنى و انا اللى عملت خير و قررت اعاملها كانها كوباية.. عمايل الخير مش تقضية واجب.. بالعكس.. دى بتحتاج مجهود عشان يتعمل الصح

الكوباية دى لو شوفتها من الجنب التانى ممكن متخدش بالك انها مكسوره
زى اى حد ممكن يدارى و يخبى و يضحك و يملى الدنيا هزار و عمرك ما تصدق ان وراه هم او عنده مشاكل و يمكن تحسده كمان
الكوباية دى لو بقيت فى البيت فترة .. عينك هتاخد عليها... هتتعود انها مكسورة..
زيها زينا.. لما بيعدى على جرحنا فترة .. الناس بتنساه.. او بتتعود على كوننا بنتالم..
لو فكرنا ان كلنا كوبايات ازاز.. و ان اللى بيتكسر مبيتصحلش..
بجد هنحاسب على بعض اوى .. وهنخاف نجرح بعض وهنطبطب على بعض مبيحسش بالوجع الا اللى داقه فاشفق على غيرك منه .. ولو اللى حواليك مش فاضيين يفكروا فى معاملة خاصة لكسرة جواك .. يبقي مفيش غير ربنا هو اللى يقدر يجبر كسرنا ويشفى جروحنا
ربنا بيجبر خاطرنا فى كل وقت.. شكرا ليك ياربى
#كونواشفوقين

05/08/2026

كان معايا طبق ازاز كبير فيه حوالي 20 تفاحه
وكنت رايحة اقدمه محبه لناس
المهم حد زقني منهم دون قصد والطبق وقع اتكسر والفاكهه اتنطورت هنا وهناك
ركنت الطبق علي جنب لانه مبقاش ليه لزمة
وحاولت الم التفاح .. لكن للأسف ايدي ماشلتش غير اللي قدرت عليه
كان حوالي تلات تفاحات في كل ايد
وفي الاخر قدمت 6 بس .. رغم اني كنت شايلهم 20

صحيح زقوني دون قصد .. بس انا كمان قدمت محبة قليلة دون قصد

ملخص الحدوته اللي ملهاش اي لازمه دي
ان قلبك ممكن يشيل محبة كبيرة لناس
لكن بمجرد مايتكسر .. فغصب عنك مابتقدرش تقدم نفس مقدارالمحبة اللي كنت بتقدمها في الاول او اللي كنت ناوي تقدمها
ساعتها بيتهموك انك غير محب .. وبينسوا انهم هم اللي ضيعوا المحبة دي بتصرفاتهم

خلوا بالكم من تصرفاتكم .. لأن كلمة معلش مابتتصرفش
فـ معلش .. تعالوا علي نفسكم شوية وبلاش تكسرونا
علشان نقدر نقدملكم المحبه كامله .. ليكم ولغيركم
Copied

02/08/2026

النهاردة تذكار نياحة القديس البار يوسف النجار♥️
خطيب ست البنات مريم العذراء وخادم سر التجسد الإلهى
القديس ده من اجمل و ارق الشخصيات.. عاش ومات فى صمت.. الرجل الشهم ال سند العذراء.. النجار ال بياكل من عرق جبينه.. الهارب من وجه الشر.
ال بيسلم لارادة ربنا.. و بيساعد في الخفاء و بيحب الستر.
كان خادم هادي ينجز و بيشتغل في هدوء مبيهموش يتقال عنه ايه.. بسيط و هادئ.
ال بيتشفع به بيلاقي ال عاوزه في هدوء حسب مشيئته
شفاعة العظيم يوسف النجار تكون معانا

02/08/2026

القديس يوسف النجار لم يُعرف بكثرة الكلام، بل بعظمة الطاعة. عاش في الظل، لكن أمانته جعلته أمينًا على رعاية الطفل يسوع والعذراء مريم، فصار مثالًا لكل نفس تخدم الله بصمت وإخلاص.
+ عيد نياحة شفيعنا القديس العظيم يوسف النجار المؤتمن لخدمة السر الإلهي.