اية وحكاية, Cairo (2026)

06/12/2025

حقك عليا

كان أبونا بيشوي كامل لما يجي في أخر القداس ويرش الميه ويصرف ملاك الذبيحة
كان أبونا بيشوي في أخر القداس لما يصرف ملاك الذبيحة ويرش الميه
لما يصرف ملاك الذبيحة ويرش الميه
********

في كنيسة عريقة و كاهن يرفع القداس ، وحضور قليل ومعروف من الشعب كان يحضر القداس رجل يقف طول القداس في سن الخمسين عام تقريبا .
ولما ابونا يجي يرش مياه ملاك الذبيحة يجري هذا الشخص ويقف وراء الاب الكاهن واثناء مرور ابونا في رش الميه وصرف الشعب وبعد ابانا الذي الأخيرة ... يقوم الشخص يضع في ايد ابونا ظرف جواه 1000 جنية وورقة مكتوب فيها حقك عليا .
ابونا علشان كان راجل عجوز مش مركز مع الشخص وقت الظرف ، لكن ابونا في يوم واثناء وعظة القداس ركز ان فيه واحد غريب عن شعبه قاعد اخر الكنيسة ... واثناء رش مياه ملاك الذبيحة إكتشف ان الشخص نفسه قرب ووقف قدام خورس الشمامسة ... اول واحد .
واثناء ما كان يلف بيرش مياه البركة وبعد ابانا الذي الاخيرة
اكتشف نفس الشخص بيحط أيده في جيبه بظرف ... راح ماسك ايده وقاله اوعي تمشي ... لا حِل ولا بركة لو مشيت ... و دخل ابونا يستبدل ملابس القداس ... وخرج وجد الشخص واقف وحيداً في الكنيسة بعد أن انصرف الجميع .
أبونا : انت مين ؟
الشخص : واحد حرامي وتاب .
أبونا : بسم الصليب ... طيب ايه الظرف دا ؟ ... ويعني ايه حقك عليا ؟
الشخص : من 25 سنة قدسك كنت بتمر وقفشتني اخر الكنيسة وانا بسرق من الصندوق 10 جنية ... ولما عيني جات ف عنيك ... قلبي سرع وضرباته زادت قوي ... وكنت هاموت من الخوف ومن رد فعلك ... و بصيت لاقيتك جاي بسرعة ناحيتي ووشك كان غضبان قوي ... وبصوت وهمس جنب ودني قلتلي رجع اللي سرقته وتعالا ورايا ... رجعت انا ال 10 جنية قدامك وكانت ايدي بتترعش رعشة الموت و مشيت وراك ... ناحية الهيكل ... وحسيت انك هتحبسني لغاية لما تبلغ عني ... ولما وصلنا قدام الهيكل ... قلتلي اقعد هنا لغاية اخر الصلاة ... و اوعي تمشي ... فضلت قاعد وانا وشي جمر نار و حاسس وداني سخنه وبتطلع نار ... ولما خلصت الصلاة ... والناس كلها مشيت ... قدسك جيت قعدت جنبي ... وتقريباً كان قميصي غرق من كتر الدموع .
قدسك يومها سألتني وقلت : انت بتعيط ندمان ولا خايف ؟
قلت بسرعة : خايف ... وابوس ايدك ورجلك متبلغش عني .
الغريبة اني لاقيتك بدأت تبكي ... و دموعك كانت غزيرة جدا و قلتلي ... حقك عليا يا إبني .
ردت فيّ الروح وكأني اتولدت من جديد ... ورجعت أخد انفاسي بإنتظام ... وبعدها قلتلي .
انت اخدت كام و رجعته الصندوق ... مقولتش إنت سرقت كام ... ودي أثرت فيّ جداً ... قلتلك 10 جنية ... صدقني .
قلتلي : دا مال ربنا ولازم يرجع لربنا ... انا مكنش قصدي يا حبيبي اخوفك صدقني ... حقك عليا سامحني ... والمصيبة السودا ... لاقيتك بتبوس راسي ... واخدتني في حضنك و أخرجت من جيبك 5 جنية واديتهاني وقولتلي ... دي اقل من المبلغ بتاع ربنا ... بس حلال وربنا هيدبر امورك .
بعدها بسنة اشتغلت عامل في الكويت وبعدها سواق لشخصية مهمة وبعدها مدير أعمال الراجل ده ... ولما اتوفي رجعت مصر بعد غربة 34 سنة تقريبا ... وعملت للكنيسة هنا مشغلين ودار عيادات ... من غير ما قدسك تعرف حتي شخصيتي ... وبحاول اسدد دين حنيتك واحتواءك لي ... و في كل مره ... بكتبلك حقك عليا ... حولتني من حرامي الي شخص يكره السرقة ... ومحب للتوبة .
حقك عليا أبونا .
عارفين ده ابونا مين!!
ابونا بيشوى كامل
صلواته تكون معانا امين.

03/11/2025

قتلها بكلمه

♦️في عام 2015، وصلت الشابة الهولندية فيرا مول، البالغة من العمر 17 عامًا، إلى شمال إسبانيا لقضاء عطلتها مع أصدقائها. كانت الرحلة مليئة بالحماس والضحك والمغامرات الصغيرة.

لكن أحد الأيام تحوّل إلى مأساة لم يكن أحد يتخيلها.

♦️اختارت فيرا أن تخوض تجربة قفزة البانجي لأول مرة في حياتها — تلك القفزة التي تعتمد على حبل مطاطي يُربط بالجسم، ليمنع السقوط الحر بعد لحظة الاندفاع. المكان كان جسرًا عاليًا في منطقة، والمجموعة تستعد واحدة تلو الأخرى. وعندما جاء دور فيرا، كانت مزيجًا من الخوف والتشويق، تبتسم رغم القلق الذي يملأ قلبها.

♦️وقفت على الحافة، تنتظر أمر المدرب الذي كان يقف خلفها. الرجل كان إسبانيًا يتحدث الإنجليزية بلكنة ضعيفة، وأعطاها تعليماته الأخيرة. ثم، في لحظة واحدة، نطق بجملة غيّرت كل شيء:
"No jump!" — وكان يقصد: لا تقفزي بعد.
لكن فيرا سمعتها على أنها "Now jump!" اقفزي الآن.

♦️فاستجابت بسرعة وقفزت من الحافة بثقة تامة، غير مدركة أن الحبل لم يكن قد ثُبّت بعد.

في ثوانٍ معدودة، انتهت المغامرة قبل أن تبدأ.
♦️سقطت من ارتفاع شاهق أمام أنظار الجميع، ولم يتمكن أحد من إنقاذها.
المشهد كان صاد*مًا وصامتًا، لا أحد يصدق أن كل ما حدث كان بسبب كلمة واحدة فقط.

♦️عند التحقيق، تبيّن أن المدرب لم يكن مؤهلًا بشكل كافٍ، وأن لغته الإنجليزية المحدودة تسببت في سوء فهم قاتل.
♦️وفي المحكمة، استمع القاضي للتسجيلات وتقرير الخبراء والمترجمين، وأكد أن الحادثة لم تكن نتيجة خطأ تقني، بل سوء تواصل لغوي كان يمكن تفاديه بسهولة.

♦️قال القاضي في حكمه النهائي:
"حياة هذه الفتاة كانت يمكن إنقاذها لو قيلت كلمة واحدة بشكل صحيح."

♦️تمت إدانة المدرب بتـهمة الإهـمال، وصارت قصة فيرا مول رمزًا يُتداول حول العالم لتذكير الجميع بأن الخطأ في التواصل، حتى لو كان بسيطًا، قد يكلّف حياة إنسان.

♦️رحلت فيرا وهي تبحث عن تجربة لا تُنسى،
لكنها تركت وراءها درسًا لا يُنسى — أن الكلمة الواحدة قد تصنع الفارق بين الحياة و الموت

11/12/2024

الرزق من ايد ربنا احسن

من كام سنة غيرت عربيتي واشتريت عربية جديدة. العربية القديمة كانت لمبة البنزين بتنور بدري جدًا، يعني ممكن يبقى فاضل 10 لتر في التنك تمشي فوق الـ100 كم وتلاقيها منورة. العربية الجديدة بقى كانت اللمبة بتنور متأخر شوية، على 40 أو 50 كم مثلًا.
في أول شهرين بعد ما اشتريتها، كنت في طريقي لاجتماع مهم جدًا ومتأخر عليه، وفجأة لمبة البنزين نورت. قلت لنفسي "مش مشكلة، الاجتماع الأول وبعده أحط بنزين." خلص الاجتماع على الساعة 3 وقت زحمة خروج الموظفين، وأنا في الطريق، سرحان في تفاصيل الاجتماع ونتايجه. فجأة، وأنا في عز زحمة صلاح سالم، والعربية بتطلع مطلع كوبري 6 أكتوبر، البنزين خلص والعربية وقفت.
في أقل من دقيقة، الطريق وقف تمامًا، وكنت سادد حارة من الحارتين. الناس بصتلي بنظرات مش لطيفة، وعمالة تفكر "إزاي العربية الجديدة اللامعة دي وقفت كده!" المشكلة إن العربية أوتوماتيك، يعني لا ينفع تتزق ولا أركنها على جنب. واقف مش عارف أعمل إيه، وخايف أسيبها وأروح أجيب بنزين.
فجأة، عربية قديمة جدًا ركنت قدامي، وواحد نزل منها وسألني: "في إيه؟" قلت له: "البنزين خلص." من غير كلام كتير، فتح شنطة عربيته، طلع حبل تخين، وربطه في عربيته وتحت عربيتي. قال لي: "اركب وركز معايا."
جرني مسافة طويلة لحد ما وصلنا للبنزينة. مش بس كده، عرض كمان يدفع لي فلوس للبنزين، بس طمنته إن معايا فلوس. بعد ما شكرته، سألته: "ما خفتش عربيتك تتأذي؟ أو يحصل حاجة للموتور؟ أو تتأخر على مواعيدك؟" رد بابتسامة بسيطة وقال: "ولا يهمك، فداك، ربنا اللي بعتني."
عرفت منه إنه من الأقاليم وعنده شركة دعاية صغيرة، ونازل القاهرة عشان يتفق مع مطبعة على شغل. قلت له: "أنا أعرف مطبعة كويسة، ممكن أكلمهم وأوصي عليهم." ادّيته بياناتهم، وخلصنا لقاءنا بتبادل الأرقام.
مرت سنتين، ونسيت الموضوع خالص. يوم ما، لقيت مكالمة منه. بعد السلام، قال لي: "حبيت أطمن عليك وأقول لك إن صاحب المطبعة اللي عرفتني عليه بقى شريكي، ومن مكسب السنة الأولى فتحنا فرع في مدينتي واشترينا ماكينة طباعة جديدة. حبيت أشكرك على المعروف ده."
قفلت المكالمة وأنا مذهول. هو شايف إن اللي حصل ده معروف مني، بس الحقيقة هو اللي علمني درس كبير جدًا.
علمني إن الرزق مش ورقة وقلم. الرزق اللي بينده لك دايمًا أعظم من الرزق اللي بتجري وراه. اللي بتعمله بصدق وإخلاص نية بدون انتظار مكسب، هو اللي بيجيب لك الخير اللي مش عامل حسابه.
يا رب ارزقنا من الرزق اللي مش منتظرينه ولا عاملين حسابه، وبارك لنا فيه.

03/07/2024

*((مشيئه الله))*
مرة واحد فضل ٣ سنين يصلى لربنا ويطلب منه أنا عايز يارب أفهم مشيئتك يارب من فضلك فاهمنى مشيئتك وظل يطلب الطلبة دى كل يوم طول ٣ سنين
وفى يوم جاله ملاك الرب فالراجل أول ماشاف الملاك اترعب لكن الملاك قاله ماتخفش أنا الرب ارسالنى ليك عشان افهمك يعنى ايه مشيئة الله صالحة بس قبل ما أفهمك احنا هنروح سوا أنا وانت ٤ مشاوير الأول .. طبعا الراجل وافق ومشى مع الملاك ..
فضلوا ماشين مسافة بعيدة وبعدين حسوا بالتعب والجوع .. وهما ماشين شافوا واحد بياكل من الزبالة .. ف الملاك قرب من الراجل الغلبان اللى بياكل من الزبالة دى وقاله ممكن تدينا حاجة ناكلها .. ف الراجل الغلبان قاله طبعا اتفضل .. ف الملاك قرب من الزبالة وبدء ينقى أكل عشان ياكل هو والراجل التانى اللى مشى معاه وفجأة لقى معلقة دهب وسط الزبالة فطلب من الراجل الغلبان اللى سمحلهم ياكلوا معاه من الزبالة أنه ياخد المعلقة .. ف الراجل الغلبان قاله خدها .. طبعا الراجل الغلبان مش عارف قيمتها .. اخد الملاك المعلقة الدهب ومشى هو والراجل اللى كان مشى معاه من الأول وعايز يفهم مشيئة الله . فبص الراجل للملاك وقاله انت ليه اخدت المعلقة الدهب كان ممكن تديها للغلبان ده اللى بياكل من الزبالة على الأقل كان ممكن بتمنها ياكل أكل نضيف كذا مرة .. ف الملاك ابتسم وسكت .. وبعدين فضلوا ماشين شافوا من بعيد بيت فخم جدا راح الملاك خبط على الباب وطلب من صاحب البيت أنه يدخلوا يستريحوا وياكلوا لأنهم تعبانين ومحتاجين مساعده .. صاحب البيت رفض وطردهم وقالهم انتم متخيلين أنى ادخل ناس زيكم بيتى واقعدهم على السفرة واكلهم معايا .. راح الملاك قاله لو سمحتلنا ندخل أنا هديلك المعلقة الدهب دى .. صاحب البيت راح اخد المعلقة الدهب ووافق يدخلهم ياكلوا .. وفعلا دخلوا لكن الراجل اللى كان ماشى مع الملاك رفض ياكل وكان مضايق أوى .. ف الملاك ابتسم وطلب منه يسمع الكلام وياكل .. فالراجل أطاع كلام الملاك واكل .. وبعدين بعد كدة اخدوا بعضهم ومشيوا ..
وهما فى الطريق الراجل قال للملاك ازاااى تعمل كدة بقا تاخد المعلقة الدهب من الغلبان اللى بياكل من الزبالة وتديها لصاحب البيت الفخم اللى طردنا انت ازاى تعمل كدة ازاى .. وكان مضايق أوى .. لكن الملاك ابتسم وقاله دى مشيئة ربنا ..
وبعدين كملوا طريقهم فشافوا من بعيد بيت متواضع وجنبه مضيافة متواضعة وكانت لأسرة مكونة من أب وأم وأطفال وكانت الزوجة دايما تلح على الزوج أنه يهدم المضيافة ويستغل الأرض ف مشروع يأمنوا بيه مستقبل عيالهم لكن الاب كان بيرفض ويقول دى عملها ابويا لضيافة اى حد غريب تعبان ملهوش مكان وانا عايزها تفضل كدة .. المهم الملاك والراجل اللى معاه خبطوا على الباب وطلب منه أن يستريح وياكل .. الزوج رحب بيهم جدا واستقبلهم كويس جدا وناموا فيها لغاية الصبح وبعدين كملوا طريقهم وهما ماشين الملاك بص وراه وضرب نار على المكان كله وحرقه .. فالراجل أول ما شاف الملاك عمل كدة وقف وقاله انت ليه عملت كدة لناس استقبلتنا بحب وكرم ده جزاءهم .. انت استحالة تكون ملاك
وبدأ يصلى ويرشم الصليب عشان يصرفه ويقوله انت شيطان فى هيئة ملاك وفضل ينتهره ويصلى .. لكن الملاك طبعا ما انصرفش من قدام الراجل وقاله انت فضلك مشوار واحد من الأربع مشواير كمل معايا ومش هتندم وبعدين هتفهم .. الراجل طبعا جواه بركان غضب ومش قادر يفهم الملاك عمل كدة ليه .. لكن الراجل كمل مع الملاك اخر مشوار ..
وهما ماشين شافوا بيت عايش فيه أب وابنه شاب زى الورد متعلم ومثقف وخادم لربنا .. ف الملاك قرب وخبط على الباب وطلب منه أن يستريح وياكل .. الأب والابن رحبوا بيهم جدا واستقبلهم كويس جدا .. وبعدين الابن الوحيد عرض عليهم يوصلهم وفعلا اخدهم ووصلهم وهو راجع الملاك ضرب العربية راح وقعت وغرق الشاب ومات .. هنا بقا الراجل وقف يصرخ في وش الملاك ويقوله ماتقوليش أنها مشيئة ربنا .. انا مش عايز اعرف مشيئته ولا عايز اعرف ربنا من أساسه .. هو اللى بيعمل خير يكون جزاءه شر ..
ويصرخ فى وش الملاك أنا مش عايز اعرف ربنا تانى ولا مشيئته ..
الملاك ابتسم وقاله تعال افهمك بهدوء اسمعنى .. الملاك بدء يتكلم ويقوله المعلقة الدهب دى تبقا بتاعة إبن الملك وكانت مامته دايما تأكله بيها .. عشان كده هى غالية عليه أوى ولما اختفت أصدر أمر أن اللى يلاقى معاه المعلقة الدهب دى يتعدم بدون اى مبررات ولا أعذار وعشان كده أنا اخدتها من الراجل الغلبان اللى بياكل من الزبالة وعطتها لصاحب البيت الفخم اللى حياته كلها شرور وزنى وقتل لان هو اللى يستاهل العقاب ..
والمضيافة اللى حرقتها كان تحتها كنز كبير مدفون وساعتها بس الزوج هيلاقيه ويعرف مكانه ويبنى بيت اكبر ويأمن مستقبل عياله ويبنى كمان مضيافة أكبر يقدر يستقبل فيها ناس اكتر .. والابن اللى غرقته ومات ده والده كان دايما يصلى ويطلب من ربنا أنه ياخد إبنه فى الوقت اللى يكون فيه مستعد عشان يدخل السماء .. والرب بيشوف وعارف المستقبل وشاف أن ده الوقت المناسب لأنه كان هيقابل ناس مش كويسه كانت هتبعده عن طريق ربنا .. والده دلوقتي واقف في العزاء بيشكر ربنا أن إبنه راح فى أحسن وقت ليه وأنه أكيد فى السماء دلوقتي ..
ف الملاك قرب من الراجل وقاله فهمت وعرفت ان ربنا دايما مشيئته صالحة .. أوقات كتير بنبقا مش قادرين نفهم قصد ربنا لكن الأكيد أن الرب صالح ومشيئته صالحة فى حياتنا واننا غالين أوى على قلبه ❤

02/07/2024

مصفاه الكلام

جاء لسقراط شخص يقول له بحماس شديد :
هل تعرف ما سمعته أخيراً عن أحد تلاميذك؟!

أجابه سقراط : قبل أن تتكلم أريد أن أجري عليك اختباراً بسيطاً وهو اختبار "مصفاة المثلث".
سأله الرجل مندهشاً : وما هو هذا الإختبار العجيب؟
أجابه سقراط : هو اختبار يجب أن نجريه قبل أن نتكلم، سنبدأ في تصفية ماسوف تقوله.
أول مصفاة اسمها الحقيقة هل أنت متأكد أن ما ستقوله لي هو الحقيقة؟
قال الرجل لاٰ لست متأكداً، أنا سمعته من.....
قال سقراط حسناً، إذاً أنت لست واثقاً إن كان الأمر صحيحاً من عدمه. فلننتقل إلىٰ المصفاة الثانية وهى مصفاة الخير هل ما ستقوله لي هو للخير؟
فأجاب : لاٰ بل علىٰ العكس.
أكمل سقراط حسناً تريد أن تقول لي خبراً سيئاً حتىٰ وإن لم تكن متأكداً من صحته؟ ومع ذلك فسوف نجرب المصفاة الأخيرة وهى مصفاة الفائدة هل ما ستقوله لي سيعود علي بالفائدة؟
أجاب الرجل في خجل لاٰ ليس له فائدة.
ختم سقراط الحديث بقوله إذاً مادام ماتريد أن تقوله لست متأكداً من حقيقته، ولاٰ هو للخير، وليس له فائدة، فلماذا تريدني أن أسمع..!

30/03/2024

انت افضل معلمه قابلتها في حياتي

وقفت معلمة الصف الخامس في ذات يوم و ألقت على التلاميذ جملة :إنني أحبكم جميعا
وهي تستثني في نفسها تلميذ يدعى تيدي فملابسه دائماً شديدة الاتساخ مستواه الدراسي متدن جدا ومنطوي على نفسه ، وهذا الحكم الجائر منها كان بناء على ما لاحظته خلال العام فهو لا يلعب مع الأطفال و ملابسه متسخة ودائما يحتاج إلى الحمام و انه كئيب لدرجة أنها كانت تجد متعة في تص...حيح أوراقه بقلم أحمر لتضع عليها علامات x بخط عريض وتكتب عبارة راسب في الأعلى.

ذات يوم طلب منها مراجعة السجلات الدراسية السابقة لكل تلميذ وبينما كانت تراجع ملف تيدي فوجئت بشيء ما !
لقد كتب عنه معلم الصف الأول : تيدي طفل ذكي موهوب يؤدي عمله بعناية و بطريقة منظمة.
و معلم الصف الثاني : تيدي تلميذ نجيب و محبوب لدى زملائه و لكنه منزعج بسبب إصابة والدته بمرض السرطان.
أما معلم الصف الثالث كتب:لقد كان لوفاة أمه وقع صعب عليه لقد بذل أقصى ما يملك من جهود لكن والده لم يكن مهتما به و إن الحياة في منزله سرعان ما ستؤثر عليه إن لم تتخذ بعض الإجراءات
بينما كتب معلم الصف الرابع : تيدي تلميذ منطو على نفسه لا يبدي الرغبة في الدراسة وليس لديه أصدقاء و ينام أثناء الدرس
هنا أدركت المعلمه تومسون المشكلة و شعرت بالخجل من نفسها !
و قد تأزم موقفها عندما أحضر التلاميذ هدايا عيد الميلاد لها ملفوفة بأشرطة جميلة
ما عدا الطالب تيدي كانت هديته ملفوفة بكيس مأخوذ من أكياس البقاله.
تألمت السيدة تومسون و هي تفتح هدية تيدي وضحك التلاميذ على هديته وهي عقد مؤلف من ماسات ناقصة الأحجار و قارورة عطر ليس فيها إلا الربع
ولكن كف التلاميذ عن الضحك عندما عبرت المعلمة عن إعجابها بجمال العقد والعطر وشكرته بحرارة، وارتدت العقد ووضعت شيئا من ذلك العطر على ملابسها ،
ويومها لم يذهب تيدي بعد الدراسة إلى منزله مباشرة
بل انتظر ليقابلها وقال : إن رائحتك اليوم مثل رائحة والدتي !
عندها انفجرت المعلمه بالبكاء لأن تيدي أحضر لها زجاجة العطر التي كانت والدته تستعملها ووجد في معلمته رائحة أمه الراحلة :'
منذ ذلك اليوم أولت اهتماما خاصا به وبدأ عقله يستعيد نشاطه و بنهاية السنة أصبح تيدي أكثر التلاميذ تميزا في الفصل ثم وجدت السيده مذكرة عند بابها للتلميذ تيدي كتب بها أنها أفضل معلمة قابلها في حياته فردت عليه أنت من علمني كيف أكون معلمة جيدة
بعد عدة سنوات فوجئت هذه المعلمة بتلقيها دعوة من كلية الطب لحظور حفل تخرج الدفعة في ذلك العام موقعة باسم ابنك تيدي .
فحضرت وهي ترتدي ذات العقد و تفوح منها رائحة ذات العطر ....
هل تعلم من هو تيدي الآن ؟؟؟؟؟
تيدي ستودارد هو أشهر طبيب بالعالم ومالك مركز( ستودارد)لعلاج السرطان..

12/02/2024

كدا كدا مش هيحتاجها

واحد صحبى بيحكيلى …
إمبارح كنت راجع من الشغل حوالى الساعه ٢:٢٠ الفجر ، لاقيت محفظه واقعه فى الارض فاضيه خالص ومقطعه وحالتها صعبه ، لكن الغريب انى لاقيت فيها كارت باسم صاحب المحفظة ورقم تليفونه ، فا قولت فى بالى اكلمه ليه ماهى كدا كدا فاضيه ، واصلاً مقطعه يعنى كدا كدا مش هايحتاجها .. اليوم ده انا اصلاً كنت متعكنن عشان عليا قسط القرض ٢٥٠٠ جنيه ومش معايا منهم غير ١٥٠٠ باقى المرتب بعد مصاريف البيت ومش عارف الباقى هاجيبه منين ، فا حوار المحفظه ده جه وانا فيا اللى مكفينى اصلاً .. بصراحه الراجل صعب عليا لانه اكيد هو دلوقتى محتاج زى منا محتاج كدا .. فا قولت اكلمه واعرف مكانه ولو ربنا كرم بأى مساعده هافك زنقته.. لأن امى دايماً تقول عشان ربنا يفك ضيقتك لازم تساعد حد .. المهم اتصلت على الرقم رد عليا وقالى انت فين دلوقتى وانا اجيلك حالاً، انا استغربت هو ماله كدا هايموت عالمحفظه دى مقطعه وفاضيه حتى قولتله بص انا هاستناك على القهوه ووصفتله العنوان ، من حسن الحظ هو ساكن فى منطقه جنبى .. جه وبعد ما عطيته المحفظه لاقيته عطانى ظرف مقفول وقالى شكراً دى مكافئتك.. برقتله 😮 كدا وقولتله نعم!!! مكافئة ايه دى محفظه فاضيه ومقطعه اصلاً ، قولتله من فضلك انا مش هاسيبك غير لما افهم ؟؟ لاقيته بيقولى طب اقعد ،وفتح المحفظه وطلع من جيب سحرى جواها شيك قالى مكافئتك على الشيك ده .. المحفظه دى كنت حاططها فى شنطه الكتف بتاعتى وانا راجع امبارح من الشغل حرامى على موتوسيكل شدها منى وجرى ، واكيد لما لقى المحفظه بالمنظر ده رماها ، الشيك ده تمن بضاعه بيعتها لواحد والشيك طلع من غير رصيد يعنى لو كان ضاع كنت خسرت كل حاجه ..
سؤالى هنا بقى اشمعنى كلمتنى ..
بصيتله وانا حرفياً تايه من اللى بسمعه ، قولتله ولله انا المفروض كنت بكلمك عشان اساعدك بقرشين لو ربنا كرم فيما بعد طلعت انت اللى جاى تساعدنى بالظرف ده عشان اقدر ادفع قسط القرض ..
خبط على كتفى وضحك وقالى ، انت قدمت الخير جالك اضعاف اضعاف

03/01/2024

ماتخلى انت ثقتك فى ربنا كبيره

هذه القصة حصلت سنة ١٩٩٢
إمبارح الساعه ١٢ بالليل وانا راجع من الشغل
بعد ما وصلت البيت أفتكرت ان مافيش اكل فى البيت
فا دخلت الشقه سيبت الشنطه ونزلت تانى عشان اجيب أكل ..
وصلت عند البقال لاقيت واحد كبير فى السن ومعاه عيل صغير ، والواد الصغير لاقيه بيزعق معاه ..
فا سمعت الراجل بيقوله ..
احنا مش معانا غير
عشره جنيه
هانجيب علبة جبنه
وبجنيه عيش
وجنيه تشترى لنفسك كيس كراتيه
وتلاته جنيه نفطر بيهم بكره ..
والواد مصمم انه ياخد العشره جنيه كلها يشترى بيها لعبه عجباه ..
المهم الواد كان مضايق قوى ، والراجل الكبيره غلبان جداً ومش عاوز يزعله ويكسر بخاطره ..
فا الراجل قاله..
- بكره تجيلنا فلوس وهاجيبلك اللى انت عاوزه ..
- انت كل مره بتقول كدا ومافيش حاجه بتيجى ..
- ماتقلقش خلى ثقتك فى ربنا كبيره انه يقدر يفرحنا ويبعتلنا فلوس ..
الولد ساعتها بص للراجل بصه غريبه قوى وحط ايديه فى جنبه وقاله ..
- طيب ماتخلى انت ثقتك فى ربنا كبيره وهات العشره جنيه اجيب اللعبه وهو يرزقنا بعد كدا ..
لاقيت الراجل اتثبت بعد ما سمع الكلمتين دول
لكن انا كان عندى فضول شديد جدا اعرف رده هايكون ايه على الولد..
قام خده من ايديه بإبتسامه حلوه كده وقاله عندك حق تعالى ، وراح جابله اللعبه اللى عاوزه ..
الولد فتح اللعبه فا وقعت منها ١٠٠ مائة جنيه ..
بعد اندهاش الراجل من الفلوس اللى وقعت ..
عرفنا ان اللعبه فيها مكسب لما تفتح المكعب اللى فيها ...
فا البقال ضحك وقال للراجل ..
الواد اللى معاك مرزق
كل العيال بتكسب حلاوه ولبان وهو كسب فلوس ..
ضحك الراجل وقاله..
لا وانت الصادق ، ربك ماحبش يكسفنى قدامه 😁
عزيزى المحبوب والحبيب الغالي
إللى يرمى همومه واتعابه واوجاعه على ربنا مستحيل يكسفه ..

تَوَكَّلْ عَلَى ٱلرَّبِّ بِكُلِّ قَلْبِكَ، وَعَلَى فَهْمِكَ لَا تَعْتَمِدْ. فِي كُلِّ طُرُقِكَ ٱعْرِفْهُ، وَهُوَ يُقَوِّمُ سُبُلَكَ.

(أم ٣: ٥-٦)

29/11/2023

إلى هذا الدرجة يسيطر ويتحكم الماضي؟

ذهب علماء الجيولوجيا في رحلة استكشاف داخل الأدغال فتقابلوا مع أحد القبائل الساكنة في هذه المنطقة وتعجبوا جداً من مشهد رأوه! إذ وجدوهم رابطين فيل ضخم من قدمه في شجرة بحبل رفيع! ورغم أن حركة بسيطة منه ستقطع الحبل لكنه لا يتحرك!
سألوهم: كيف ربطوا هذا الفيل الضخم من قدمه بهذا الحبل الرفيع؟! فقالوا: إن هذا الفيل معهم منذ ولادته وكانوا حينها لا يحتاجون لحبل أكثر سمكاً وصلابة عن هذا الحبل ليربطوه من قدمه لأن حجمه كان صغيراً ولا يقوى علي قطعه، فترسخ داخل عقل الفيل قناعة بأنه أضعف من هذا الحبل الرفيع، وكبر عمره وكبر حجمه وكبرت معه أيضاً هذه القناعة داخله، فظل مقتنع أنه أضعف من هذا الحبل حتي بعدما كبر !
عزيزي.. إن أعظم انتصار لإبليس هو أن يسلب رجائك، ويجعلك تعيش في دائرة الماضي العقيم، فيتحكم فيك ويفقدك سلامك، فلا تنسى أن في أعماقك كائن جديد يريد أن يخرج إلى عالم النور والحرية، فلا تقيده بحبال الماضي، بل حرره لينطلق مع المسيح.
لا تفقد الأمل حتى وإن سقطت تستطيع أن تقوم قائلاً: " لا تشمتي بي يا عدوتي إذا سقطت أقوم إذا جلست في الظلمة فالرب نور لي " (ميخا 8:7).
تذكر الآية: " أَنْسَى مَا هُوَ وَرَاءُ وَأَمْتَدُّ إِلَى مَا هُوَ قُدَّامُ " (في 3: 13).

07/11/2023

صاحبي اللي فهمها غلط ، مش انا

ترزي على قد حاله ، مابيجلوش زباين وعنده التزامات كتير والدخل شبه منعدم ونفسيته تعبت جدا
وفي مره كان في الكنيسه وسمع ايه بتقول
يعطي بسخاء ولا يُعَيِّر
فالايه لمسته اوي
بعد القداس راح فتح المحل وجاب ورقه كبيره وكتب عليها يعطي بسخاء ولا يعير
وعلقها يتعزى بيها

دخل صديق ليه لقاها متعلقه ، فقاله ايه اللي انت معلقه ده
قاله دي ايه جميله سمعتها الصبح في القداس
فلمستني وعزيتني ، ومستني عطاياه السخية

فصاحبه ابتسم ابتسامة سخرية وقاله شكلك رحت متأخر ومسمعتهاش من اولها
الايه بتقول ان كان احدكم تعوزه حكمه فاليطلب من الله الذي يعطي الجميع ولا يعير
ربنا يقصد حكمه ياعديم الحكمه ، مش فلوس ،
وقام ضاحك وسابه ومشي

صاحبنا قعد حزين انه فهم الايه غلط
يوم واتنين وتلاته ومفيش رزق بيجيله ولا حد بيدخله
فتأكد انه صاحبه كان عنده حق
وفي يوم كان في رحله في احد الاديره وحب يكتب ورقه ويولع شمعه
فقعد يدور على ورقه ملقاش
قام طلع من المحفظة كارت من كروت المحل وكتب على ضهره ،

معقول يارب انا فهمتك غلط !
هو انت فعلا مكنش تقصد في الايه انك هاتديني رزق بسخاء ، ومش هاتعايرني ، معقول كنت تقصدك حكمه بس !

وساب الورقه ومشي

بعدها بيومين جاله اتصال من شخص بيقوله
انا كنت رايح اصلي لربنا يبعتلي حد امين من اجل موضوع معين ولقيت الكارت بتاعك جنب برواز الشموع
قولتله معقول يارب استجابتك سريعه كده !
انا مدير مدرسه ومحتاج افصل يونيفورم للطلبه ومحتاج ترزي شاطر ، تقدر تساعدني !

فبكي وقال ، صاحبي اللي فهمها غلط ، مش انا
مكنتش لاقي حد افصله تيشرت
تقوم يارب تبعتلي مَدْرَسه !

وكل ما تطلبونه في الصلاه مؤمنين تنالونه - مت ٢٢:٢١ 💕

اية وحكاية

06/12/2025

03/11/2025

11/12/2024

03/07/2024

02/07/2024

30/03/2024

12/02/2024

03/01/2024

29/11/2023

07/11/2023

Address

Website

Alerts

Contact The Place Of Worship

Shortcuts

Share

Category