Men Of Courage

04/10/2026

نحن معشر الرجال نفضل شكل عملي من الروحانية أو ما يمكن تسميته روحانية عملية...
-ده طرح عايزين نشوف مدى مصداقيته-
تعالى نفكر مع بعض...
تأمل أماكن العبادة والمجتمع اللي حواليك هتلاقي بشكل ملحوظ قليل من الرجالة مرتاحين في اظهار جانبهم الروحي للآخرين على عكس الستات.
الرجالة بيفضلوا الصلوات والدعوات القصيرة وإن أطالوا فده مش لإظهار الجزء ده من شخصيتهم
الرجالة بيفضلوا الأفعال

الموضوع تاريخه كبير وليه الفضل في تكوين توتر معين عند الرجالة بيعيق تلامسهم مع حياتهم الروحية

في القبيلة زمان كان اللي بيقوم بدور القائد الروحي أو النبي هو شخص غير كفء للحرب
شخص ولد بقدرات جسدية قليلة أو أصيب في حدث ما
وربما من ساعتها ارتبطت الروحانية بالضعف
وعوض القادة الروحانيين الضعف ده بالتلاعب

القصة دي بتبين شكلين من القوة هما اللي بيعملوا توتر في حياة الراجل وكأن مفيش حاجة في النص أي مفيش راجل قدير في أفعاله مش بيتكسف إنه يظهر روحانيته قدام الناس "والأهم يديها حجم كبير من حياته"

لكن ده مش حقيقي لأن النموذج ده ظهر كثير
وبيتجلى في حياة الملك داوود اللي بيقول العهد القديم إنه مش بس أظهر الجانب ده من حياته لكنه في حادثة ما رقص أمام تابوت العهد الأمر اللي اعتبرته زوجته ميكال بنت شاول إهانة لصورته كملك لكنه قالها بالبلدي كده أنا قدام ربنا هلفوت.
السؤال هو جنب طبعًا الطرح اللي هناقشه مع بعض، هل لدينا نفس شجاعة داوود ولا من الأسهل إننا نعيش الروحانية العملية؟
(إعادة نشر)

02/10/2026

قول للزمان ...

30/09/2026

بقالى فترة متواجه بحاجة فى حتت الشغل. ازاي ساعات بيخلينا نخش في حتة ضلمة لما يبقى مش مظبوط. هل أنا مودى مربوط دايما بالشغل؟ وبيأثر على علاقاتى؟ يعنى والشغل مش احسن حاجة هل انا بعرف ابقى تمام فى البيت مع مراتى واولادى؟ ولا احنا كرجالة بوصلتنا ومودنا مربوط بالشغل! وهل دا بيخلينا نهرب من ضيق الشغل او قلته -او ذى ما بنقول كتجار الجو مريح 😔-؟عارف الحتة الضلمة دي مش حاجة غير هم وقلق وأفكار من نوع هجيب منين وعمل ديه إزاي.
وفي حتت ضلمة لازم اكون عندى وعى انى ممكن اتزحلق فيها او اهرب، حتت بتخدر عندى المسؤلية مؤقتا وكل واحد فينا كراجل عنده حتة مختلفة ضلمة.
هدفي من مشاركتي إني بقول لنفسى أنا ممكن أشارك حد بدل ما أهرب ودا يكون أأمن ليا.
وهي دي دايرة (الرجالة والشغل والضلمة)..
فكرة: سليمان نجيب..

28/09/2026

تقدر دلوقتي تسمع على SounCloud كل محاضرات مؤتمر خُلق ليكون من الرابط ده

مؤتمرنا الأول في القاهرة عن هوية الراجل وتصميمه الإلهي

26/09/2026

(النجاح الحقيقي،حال الرجال اليوم، هوية الراجل بين العالم والكتاب المقدس، الذات المزيفة، التبني الإللهي) دي موضوعات مؤترنا خلق ليكون، تقدر تشوفها كلها على يوتويب من الرابط ده.
متنساش تتابع قناتنا عشان يوصلك كل جديد.

مؤتمرنا الأول في القاهرة

24/09/2026

✌🏼👌🏽💪🏽

22/09/2026

"ربنا مش موجود، ربنا هو الواجد" (د. أوسم وصفي - مؤتمر خلق ليكون)

20/09/2026

في اجتماعنا يوم 17 سبتمبر 2026، وبعد العودة من إجازة الاجتماع، قررنا نعمل حاجة مختلفة شوية.

اتفرجنا على فيلم قصير بيتكلم عن محاولتنا للانتماء للدوائر المختلفة في حياتنا.

ساعات بنحاول نكون جزء من دايرة مختلفة عننا، وممكن من غير ما ناخد بالنا إن الدايرة دي مش واخدة بالها من وجودنا، أو مش شايفانا بالشكل اللي إحنا محتاجينه.

وفي أوقات تانية، ممكن نكون إحنا نفسنا الدايرة المقفولة على نفسها، ومبنشوفش الشخص اللي بيحاول يدخل، أو اللي بيحاول يتعرف علينا، ومبناخدش خطوة إننا نتعرف عليه إحنا كمان.

واتعلمنا إن محاولة الدخول في دايرة جديدة مش حاجة غلط. بالعكس، ساعات بنحتاج نحاول، ونجتهد، ونتعرف على ناس جديدة، ونسمح لهم إنهم يعرفونا، ونسعى إننا نتشاف… بس بالطريقة الصح.

لكن في نفس الوقت، لازم نعرف إمتى نقف.

لو حاولنا بكل الطرق الصح، وبذلنا مجهود حقيقي، والدايرة لسه مش بتفتح لنا مكان، يمكن الاستمرار في المطاردة مش هو الحل. أوقات، قبول إن الدايرة دي مش مكاننا، والبحث عن دوائر تانية تقدر تشوفنا وتقبلنا، بيكون هو الاختيار الصحي.

وفي النهاية، السؤال اللي خرجنا بيه من الاجتماع كان:

أنا في الدواير اللي حواليا… هل أنا بس بحاول أدخل؟
ولا كمان باخد بالي من مين بيحاول يدخل دايرتي؟

وهل بعرف إمتى أحاول تاني، وإمتى أعرف إن وقت المحاولة خلص؟

19/09/2026

افتقدنا كل حد ماجاش الMovie talk من برنامج "على صورته".

اتفرجنا على فيلم Far from madding crowd

شوفنا حاجات من حياتنا وتحدياتنا وشخصياتنا جوة القصة، واتشاركنا عن موضوعات مختلفة تخص هويتنا وجروحنا ومين فيهم بيحركنا أكتر.

ياترى احنا فعل ولا رد فعل؟
فاعل ولا مفعول به؟

حاولنا نفكر في حياتنا إحنا وتفاصيلها وفكرنا ازاي قراراتنا بتتغير من عمر لعمر وخبرة لخبرة.

بنشجعكم تتابعوا مواعيدنا الجاية على الصفحة وتحضروا معانا.

18/09/2026

عارف في أفكار كثيرة بيبقى سهل الواحد يتبناها أو ياخد موقف صريح منها وهو بعيد عنها، لكن لما بيقرب منها بتبان صعوبتها. أهو فكرة ماتعيطش دي والرجالة ماتعيطش وماتقولش لابنك ماتعيطش من النوع ده. سهل نشوف موضوع كبت المشاعر على إنه خطر في وقتنا الحالي لكن صعب نشوف القيمة في الهدوء أو القدرة على التحكم في النفس. يعني أكيد في فرق ما بين ماتعيطش وبطل عياط وحاول تهدأ وإيه اللي مضايقك بس برضو في قيمة حلوة في عدم الانهيار والقدرة على الثبات، امتى ينفع تتأكد ويتنم تنميتها هو ده اللي محتاجين نتعلمه. في حاجات فعلًا محتاجين نتعلمها ونعرف وقتها مش بس نبقى كورة بينج بونج عمالة تتنطط مابين شعارات جديدة وأفكار قديمة. حقيقي المجتمع طالب الراجل بالصلابة وديه حاجة مهمة لكنه ممكن تكون مطالبته أدت للتبلد والكبت والغضب وأه الغضب لأن الغضب والأنفجار ولو إنه شكله ذكوري وقوي هو الوجه التاني من الانهيار. ماتعيطش زيها زي ماتعليش صوتك.
تفتكر ، في حاجات فعلا بقى من كثر الكلام عليها فقدت معناها وكمان ربما أفقدت أمور مهمة معناها وأهميتها؟
احنا كخدمة بنحب نسأل الأسئلة دي والأحسن والأفضل إننا نفضل نسأل ونتناقش ونشوف حلول مناسبة لكل واحد بدل ما ندي اجابات صارمة. في قيم تبان عكس بعض لكننا بنسعى نلاقي ليها طريق مشترك.
شكرًا لكل حد قرأ لحد الآخر وشاركنا لو بتحس أو عندك نفس الأفكار...