انا مسيحي

28/04/2024

15/02/2023

تعالو مع بعض نعرف اصل كلمة ڤالنتين و عيد الحب جه منين 🙃
St. Valentine او القديس ڨالنتين

كان كاهنًا قديسًا في روما، وكان مع القديس ماريوس Marius وعائلته، يساعد ويشجع المعترفين والشهداء على تحمل العذابات والمعاناة، التي كانوا يقاسونها في اضطهاد الإمبراطور كلوديوس الثاني Claudius II (وكان معروفًا باسم كلوديوس جوثيكوس Claudius Gothicus).

وبسبب الإمساك به وهو يقوم بتزويج الرجال والنساء المسيحيين المرتبطين ببعضهم البعض، بالإضافة إلى مساعدة المسيحيين الذين يُضطهدون في روما؛ حيث كانت مساعدة المسيحيون تعتبر جريمة في ذلك الوقت- اُعتقل وأُرسِل بأمر من الإمبراطور إلى حاكم روما، الذي حاول معه بوعود كثيرة أن يحوله عن الإيمان ولكنه فشل. فأمر بضربه ضربًا مبرحًا (بالهراوات والحجارة) ثم قطع رأسه في الرابع عشر من فبراير حوالي سنة 270 م. ويقال أن الأسقف يوليوس الأول Julius I بنى كنيسة قرب Ponte Mole تذكارًا للقديس فالنتين، وحاليًا الجزء الأكبر من رفاته موجود في كنيسة St. Praxedes أو Santa Prassede.

و عشان كده الغرب كانوا و مازالو بيحتفلوا بعيد الحب تذكار للشهيد ڤالنتين الي دفع حيانة تمن للحب و العطاء❤️

31/12/2022

*( من فضلك يا رب اقبل إعتذاري قبل نهاية السنة )*
+ أعتذر : عن كل كلمة ردية قد قولتها في حق إنسان أو في وجه إنسان .
+ اعتذر : عن كلمة تشجيع بخلت بها علي كل من كان يستحقها .
+ اعتذر : عن كل جرح سببته لانسان وعن كل جرح رأيته ينزف امامي ولم اسرع لتضميده .
+ اعتذر : عن سنين ضاعت او بالحري اضاعتها انا ومرت دون منفعة .
+ اعتذر : عن كل مشاعر حب تجاه الخطية .
+ اعتذر عن كل تقصير مني فى حقك. يارب يارب سامحنى.
اعتذر عن كل خطية.
بعتذر لأني مستاهلش أكون إبنك.
+ أعتذر عن عدم حفظ وصاياك والعمل بها .
+ أعتذر عن قساوة قلبى رغم كل ما فعلته من أجلى.
+ اعتذر عن وعودى ليك بترك الخطية وعدم الوفاء بها.
+ اعتذر عن كل حاجه وإنت عارف يارب
+ اعتذر ليك يارب عن كل فعل صدر منى بقصد أو بدون قصد إغفر لى يارب يسوع المسيح وإجعلنى أبدأ معك سنة جديدة فى حماك وجوارك دون خطية أو اى فعل يغضبك آمين يارب .
سامحنى يارب.
راجعلك وكلى ندم .
عمرى مالقيت أحن من قلب ربي الذى بذل الكثير من اجلي أنا الخاطي ....
أقولك سامحني من كل قلبي .✨

17/10/2022

هنكتب كل فتره نبذه عن قديس ❤ هنبدا انهارده بنبذه عن ابونا مينا عبود ❤ الشهيد القس أبونا مينا عبود❤️
مفرح القلوب وسريع الندهه وعمره ما كسف حد ابدا❤️
اتولد صليب عبود شاروبيم يوم(1974/9/16) في اسوان،وعنده 2 اخواته هما (جون ومينا) ،والده اتوفي في حادثه وهو كان عنده 15 سنه،واهتمت والدته بأنها تربيه تربيه مسيحيه اصيله وعلمته يحب الكنيسه اوي ويحب ربنا،بعد كده دخل المدرسه واتعلم في اسوان لحد المرحله الثانويه وبعد كده دخل كليه التجارة في جامعه عين شمس في القاهرة وسكن في بيوت المغتربين،اشتغل الاول في شركه سيراميك وبعدها بقا محاسب في مدرسه،وكان بيحب الالحان جدا وكان مشهور بصوته الحلو الملائكي وانضم لكنيسه العدرا الاميريه وأسس خورس الشمامسه باسم"الشهيد اسطفانوس"ومن كتر حبه للخدمه أسس مدرسه تابعه للكنيسه بنفس الاسم لتعليم الالحان والطقوس الكنيسه كان في سنه 2006 ولحد دلوقتي المدرسه دي مستمرة بسبب أولاده في الخدمه،بعدها اتجوز خادمه من الكنيسه وهي تاسوني مريم وخلف بنتين (فيرينا،يوستينا) بعد كده أترشح للكهنوت في 2012/3/3 واترسم باسم مينا لانه كان بيحب مارمينا جدا جدا واتولي الخدمه في كنيسه مارمينا بالمساعيد في العريش وكان سكرتير الانبا قزمان وكان خادم متواضع جدا وجميل ومكانش بيجرح حد هو اللي كان بيطيب الجراح وعمره ما رفض أنه يخدم حد ابدا وكمان كان بيخدم في اسقفيه الشباب وكان بيحط منهج الالحان وكان بيساعد في إعداد مهرجان الكرازة المرقسية
الاستشهاد: بعد القداس هجم عليه الإرهابيين وقالوله يقول الشهاده لكنه رفض فاطلقوا عليه 9 رصاصات ونال اكليل الشهاده في يوم (2013/7/6)
كهنوته استمر سنه و4 شهور ويومين
بركته تكون معانا دايما امين 🙏 ❤️❤️