بــنــات و بـــس ღ

بــنــات و بـــس ღ تحت إشراف جروب بالـصـلاة نـحـيـا🧎🏻🕌 💪🏻

#وذكر
28/02/2025


#وذكر

26/01/2025

وُجب التنبيه..

قال بن باز رحمه الله:
أن ليلة الإسراء والمعراج لم تُحفظ ولَم يُسجلّها النبي ﷺ بـِ موعدٍ،
ولم تُسجل في الأسانيد بِـ تاريخٍ

ولا يُثبت أنها وقعت في شهر رجب.

هذا اليوم ليس له فضيلة خاصة بصيام، ولا تخص ليلته بقيام،
ولا يجوز تخصيصها بعملٍ معين ولو كان خيرًا لسبقنا إليه
النبي ﷺ لا يوجد صيام، فصيام ليلة الإسراء والمعراج من البدع المحدثة.

07/01/2025

- إزاي أنتظم في الصلاة بطريقة سهله وبسيطه ؟ 💙

1⃣ أول حاجه وهي " النية "♥️
- أنوي حالاً إنك تنتظم علي الصلاة ، وده خده عهد بينك وبين ربنا إنك مش هتفوت أي صلاة

2⃣ تاني حاجه " الدعاء" واستغفر كتيير

- إدعي ربنا كتير إنه يثبتك علي الصلاة ويحببك فيها

اللهم إجعل الصلاة قرة أعيننا ، و أعنا على أدائها على الوجه الذي يرضيك عنا ، و أرزقنا نعمة الخشوع التام فيها ، و إجعلها سكينة و طمأنينة لقلوبنا♥️
- كده إنت أستعنت بالله ..

3⃣ تالت حاجه بقا وهي " المكان " اللي بتصلي فيه..
- إفرش المصليه في مكان في البيت محدش بيعدي عليه ويبقي ده مكان ثابت للمصليه متشلهاش أبداً علشان متكسلش ..💙 وأما تنتظم غير مكانها عشان كل مكان هتصلى فيه هيشهد لك يوم القيامة

4⃣ رابع حاجه وهي " الوضوء "
- حاول طول الوقت تبقي متوضي ده هيساعدك متكسلش ، لا وإحنا ف الشتاء أهو كمان يعني شوف أجرك هيكون قد إيه ..

5⃣ خامس حاجه وهي " السرعة"
- أول ما تسمع الأذان سيب أي حاجه ف إيدك وجري علي المصلية حي علي الصلاة ، حي علي الفلاح
وكمان الصحبة الصالحة ال تعينك على الطاعة💛

”‏وَأَنْ أَقِيمُوا الصَّلَاةَ وَاتَّقُوهُ وَهُوَ الَّذِي إِلَيْهِ تُحْشَرُونَ“

تريد السعادة؟! ♥️😊
02/06/2024

تريد السعادة؟! ♥️😊

فضل الصلاة في أول وقتها
05/10/2022

فضل الصلاة في أول وقتها

27/07/2022

- رايحة فين ..؟
= راايحة اقعد مع ربنا شوية ..
- نعم !! ده ازااى يعنى ؟!
= هقولك ..انتى مثلا لما بتكونى مخنوقة او متضايقة من حاجة بتعملى ايه ..؟
- بروح اقعد مع صحبتى واحكيلها..
= انا بقى ولله المثل الاعلى طبعا بروح اقعد مع ربنا.
- طب وانتى دلوقتى متضايقة من حاجة..؟
= لا انا عمرى م كنت متضايقة انا بس بتوجع ، بتقهر ، بتحرق ، لكن مش بتضايق ..بس انا مبتكسرش طول م ربنا معايا بكون ف سلاام دااخلى ومش محتااجة لحد غيره وسااعاات وانا بين ايديه بحس انى ماالكة الدنياا بأيديا وانى مستغنية عن اى حاجة واى حد وانى مش عايزة اى حاجة غير انه يكون رااضى عنى.. 💙
- طب وبتقعدى معااه ازاى برضو مفهمتش ..؟!
= هبسطهاالك 😊 ..انا يستى بتوضى وبفرش المصلية وبجيب مسبحة او سبحة ومصحف وبحطهم جمب المصلية وبصلى ركعتين لا هما فرض ولا سنة وبعدها بسبح واقرأ ف المصحف شوية لحد م احس انى هديت.. بسيب المصحف وابتدى اشكى لربنا واحكيله ع اللى جواياا واللى حاسة بيه وادعيه انه يفك كربى وخنقتى ويريح قلبى وبالى.. وبس كدا ..تعرفى بقى بحس بإيه بعدها ..؟
- بإيه يختى ..؟
= احنا طبعا اخواات ف الاسلام بس بلاش يختى دى عشان بتفكريتى بأم محمود بتاعت الجرجير اللى ع النااصية 😊 مااشى ي طيبة ..
- ماشى يخ..قصدى ي غالية كملى بتحسى بايه..؟
= بإنى ف الجنة وانى عمرى م زعلت او اتضايقت او اتخنقت بحس انى عمرى م حصلى حااجة سيئة ف حياتى كلها بل العكس..💜

- كدا فهمت يعنى وقت م اكون مخنوقة او متضايقة اعمل كداا ؟؟
= يااارييت..
- طب ليه مش بتحكى لحد من اصحابك ؟!
= هقولك ..
اولاا :. ي حبى رب العبااد هيبقى عالم بيا اكتر م نفسي لانه هو اللى خلقنى ف هحس انى مش محتااجة لمعاانى دقيقة توصله انا قد ايه تعبانة وموجوعة ..
ثانيا بقا :. اللى هحكيله هيعملى ايه يعنى ؟ هيشيل اللى جوايا ويحطه فيه ! اكيد لا.. انا بس هدوشه بخنقتى ومشاكلى وف الاخر هيقولى *معلش* يبقى مش هستفااد حاجة ..
ثالثا :. لما بتحكى لربنا القاادر المقتدر هيفرح بيكى لانك لجأتيله وطبعا هو قاادر ع انه يحللك كل مشاكلك او يجبلك حقك م اى حد ظلمك او اذاكى..
رابعاا :. وده الاهم ان ربنا م عبده يدعوه لا بيمل يعنى هترغى برااحتك مع ربنا ومش هتخافى لو عندك سر انه يطلع برا وهتتضعفى وتعيطى برااحتك فهمتى ليه بفضل انى احكى مع رب العبااد مش العبااد نفسهم .؟؟
- اه فهمت.. وان شاء الله هبدأ الجأ لربنا ف مشاكلى واحكيله بجد شكرا ليكى ربنا يجاازيكى خير ..
= ويجازيكى ي غالية ..الشكر لله وحده ..مع السلامة ي حبيبتى ..

07/06/2022

- هو مُمكن أتغير وألتزم و أمشي فـِ طريق رَبنا وأبقىٰ حد تاني خالص ؟
مُمكن ✋
- مُمكن ربنا يحبني ؟!
مُمكن 💚
- طيب أنا وحش و بعمل ذنُوب كتير أوي 😪
مُمكن ❤
- طيب أنا مش بصلي!
مُمكن 💙
- مُمكن تبقىٰ شخص تاني خالص وتقدر تكون أفضل مِما تتخيل
- لمَّا تبقىٰ بتشُوف الذَنب و تبكي يبقىٰ ده من صَلاح قَلبك 🌿
- لمَّا تبقىٰ بتكره أي مَعصية زي ما بتكره النار يبقىٰ ده من صَلاح قَلبك 🌼 بس أنت خلي نفسك عايزه ده خلِيك صَادق مع ربنا ..
- مَهما كَانِت أخطائك مُمكن تتغير و تبقىٰ مِمن يحبهُم اللّٰه و الچنَّه تَشتاق إليك بعد ما كَانِت النار بتقَرب مِنك! 😓💔

بسم الله الرحمٰن الرحیم 🌸:
" قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ " 👉💚
اللّٰه عز و جل يغفر الذنُوب جميعًا بـِ دُعاء واحد مِنك , و صدق نيَّة مِنك

- يارب اغفر ليا كُل ذنُوبي
= و قال عز و جل - أجبت - هتتبدِل حياتك كلها
و هتتمحِي ذنُوبك كلها " إِنَّهُ هُوَ الْغَفُورُ الرَّحِيمُ " 🙂💙
" وَأَنِيبُوا إِلَىٰ رَبِّكُمْ وَأَسْلِمُوا لَهُ "

- هي دي السِكة أنك تروحلُه , تُطلب رضاه و العَون مِنه , تَغير مَن نفسك , تِثبت صدقك لِيه و فـِ حُبُّه 💜
محدش ييأس أو يقول ماليش تُوبه!
التوبه ميلاد جديد للرّوح🌸♥️

محدش يضيَّع الفُرصه دي ، قُرب ربنا مفيش أجمل أو أحسن مِنه ، قُرب ربنا مُمكن يكون الحاجه الوَحيده الحِلوة فـِ حياتك
قرب لـِ ربنا ، و خلي روحك تتولِد من جديد 💙🌸

06/06/2022

ربنا لما حرم الاختلاط✋

حرمه عشان يحافظ علي قلوبنا من الفتن والشهوات💔

عشان هو خلقنا ويعلم اكتر حاجه ممكن تأذينا وتأذي
مشاعرنا وتبقي سبب في كسر قلوبنا💔

طيب في بنات وشباب كتير تقولك بس دا زميلي 😏
وبعتبره زى اخويا والعكس

هقولكم👇👇👇
ربنا قال في كتابه العزيز "وَلا مُتَّخِذَاتِ أَخْدَانٍ "
وأيضا "وَلَا مُتَّخِذِي أَخْدَانٍ"

ما ينفعش ربنا يقول حرام وانتو تقولوا الصحوبيه والاخويه 😒

لو هو فعلا معتبرك اخته 😏مش هيكلمك لان ببساطه مش هيقبل ان اخته تبقي مصحبه!!!

مفيش اخ ✋بيقبل علي اخته انها تهزر وتضحك معاه في الشارع او الجامعه او......

ديما الاخ بيخاف علي اخته من نفسه ومن نظرات الناس والمجتمع...

انتِ غاليه اوى 💜

ربنا كرمك انتِ نص المجتمع وبتنجبي النصف الاخر
انتِ جوهره مينفعش كل من هب ودب يكلمها ويتعامل معاها 💙

وانت يا أخي غالي✨

ربنا حفظك وحمي قلبك من الفتن ليه انت تروح
للفتنه برجليك!!😓

ليه ديما عايز تتجوز عفيفه وتبقي اول اهتماماتك في فتاه احلامك اللي هتتجوزها انها متعرفش قبلك وانت مقضيها وعايش حياتك 💔

ربنا عادل جدا مستحيل تبقي كدا ويرزقك واحده انت تكون اول واحد في حياتها.......

يابنات وياشباب اتقوا الله في نفسكم وفي دنيكم وفي قلبكم💜

ارجعو لربنا وقربوا منه وتمسكوا بعقائدكم وشرائع دينكم تلذذو بالأنس بالله واحفظوا قلوبكم من الفتن والشهوات

واقفلو الباب في وش الشيطان اللي بيزينلكم المعصيه ويدورلكم علي الف مبرر للمعصيه 😥ويحليها في عينيكم

دوروا علي الصحبه الصالحه💜 اللي تعينكم💪💪

في القرب من ربنا اشغلو وقتكم باللي ينفعكم وينفع دينكم.

الجنه غاليه جدا تستاهل انك تجاهد نفسك وشهواتك عشانها 💜💜

26/05/2022

إذا صلُحَت صلاتك صَلُحَت حياتك

- الحياة عاملة زي الساعة لازملها تروس علشان تدور .. و الترس الاساسي لسعادتك و راحتك و رضاك في الحياة دي هي صلاتك ☺

- مبتصليش خالص
- بتصلّي فرض وتفوّتي فرض
- مبتصلّيش الفجر
- بتأخري الصلاة عن موعدها
- بتصلّي من غير تركيز
- بتصلّي علشان تُسقط الفرض
- بتصلّي من غير حضور و خشوع

وجع .. خنقه .. فشل .. تخبّط .. خيبه .. أي إضطرابات ... ممكن جدا يكون سببها حاجه من ال ٧ حاجات اللي فوق دول.

روُي عن بعض العارفين *( إذا صحّت صلاتُك .. صحّت حياتٌك )*

الصلاة مش حاجة اختيارية

يعني مش بنتكلم هنا عن سُنة مثلا ليها فضل فممكن لو اتحمست تعملها و لو متحمستش ماتعملهاش

الصلاة فرض .. مهما كانت الظروف.. ومهما كان مزاجِك و حالتك .. لازم تصلي ✋ ده سؤال إجباري في الامتحان .. ماينفعش يتساب.

الله عز و جل قال *"إن الصلاة كانت على المؤمنين كتابا موقوتا"*

يعني الصلاة ليها مواعيد .. مش متسابة للمزاج

المواعيد دي ضروري نراعيها 👌 ماينفعش نصلي الصلوات مع بعضها آخر اليوم .

الصلاة ليها مواعيد لازم نلتزم بيها .. وإلا هنأثم وهنتحاسب على التأخير ده

قال الله تعالي *"ويلٌ للمصلين الذين هم عن صلاتهم ساهون "*

ربنا بيحذرنا اننا نكون زى الناس دى 👈 ويل لهم مع أنهم بيصلوا بس مشكلتهم انهم مش بيدوا الصلاة اهتمام .. يعنى هبقى اصلى لما افضى او اروح او اخلص المكالمة او اخلص مذاكرة او الفيلم او المسلسل .. و نفضل نأخر فيها بدون أي عُذر لحد ما يدخل موعد الصلاة اللي بعدها فنقوم نصليها بسرعة

سيدنا عبد الله بن مسعود رضى الله عنه سأل الرسول صلى الله عليه وسلم 👈🏻 "أي العمل أحب الى الله؟
قال "الصلاة على وقتها" .
ف إنك حاطة ميك أب في الجامعة ده حرام و إن كمان ده يأخرك عن فرض زي الصلاة ده كبيرة من الكبائر
يابنات الحجاب الشرعي فرض والصلاة هي أول و أعظم العبادات إوعوا تتهاونوا فيها

يا شباب عاوزين يبقى شعارنا مع الصلاة "وعجلت إليك رب لترضى" 🏃

د/محمد الغليظ

26/05/2022

👇👇👇

وجزاكم الله خيرا

#كَرَّهتونا_فالدّين 🚫 ⁉️

كلام ليس بهين يستحق وقفة
👇👇
يقرأ منشورًا أو تعليقاً فيه نصيحة لا تعجِبُه، أو تحذير مداعبة ظلال فيغضب ويصرُخ: كرَّهتونا فالدين
👇👇
يسمع ما لا يُرضي هواه وشهوتَه واهتماماتِه التافهة، فيتميَّزُ غيظاً ويقول: كرَّهتونا الدين.
👇👇
يريد أن يعيش حياته بلا رقيبٍ ولا حسيبٍ ولا حدودٍ ولا ضوابط، فإذا أُمِرَ بالمعروفِ ونُهيَ عن المنكر تمعَّر وجهُه و رفع عقيرَتَه : كرَّهتونا في الدين.
👇👇
يرى زلَّةً لإنسانٍ متديِّنٍ أو يسمَع بها، فيردد قائلاً: كرَّهتونا الدين
👇👇
لو كنتَ تعرفُ معنى الإسلام ومعنى الدين لعلمتَ أنَّ قولك: كرَّهتونا الدين .. مقولةُ كفر !.
👇👇
كلمةٌ طيبةٌ أو سيئةٌ جعلتكَ تكره الدين
👇👇
أمَّا انتشارُ الكفرِ فإنَّه لم يجعلك تكره الكفرَة ؟!!
👇👇
وترويجُ الرذائل والفواحش لم يجعلك تكرَه الفواحشَ !!؟
👇👇
أنت مستعدٌّ فقط لكُره الدين فلتكره الدينَ
👇👇👇
ُّ_الدينَ_لو_كرهتَه ؟!
👇👇👇
ولستَ تضرُّ إلا نفسك هدانا الله و إيّاك
👇👇👇
﴿وَاعلَموا أَنَّ فيكُم رَسولَ اللَّهِ لَو يُطيعُكُم في كَثيرٍ مِنَ الأَمرِ لَعَنِتُّم وَلكِنَّ اللَّهَ حَبَّبَ إِلَيكُمُ الإيمانَ وَزَيَّنَهُ في قُلوبِكُم وَكَرَّهَ إِلَيكُمُ الكُفرَ وَالفُسوقَ وَالعِصيانَ أُولئِكَ هُمُ الرّاشِدونَ﴾.
[الحجرات: ٧]

إلا من رحم الله

اللهـم أسألك الهداية لنا و لجميـع المسلـمين

تابعونا على التليجرام 👇🏻
https://t.me/todbed

17/05/2022

الصلاة اول حاجه تخلينا نقرب من ربنا #الصلاة

🌱مفيش حد ميعرفش ورغم كده تلاقي ناس تسمع الأذان وحي علي الصلاة ومتصليش 😰
ليه مش عايزين تصلوا؟🤔

🌱 #انتم عارفين يعني ايه صلاة؟🤔

⏪ #الصلاة هي الصلة بين العبد وربه

🌱 عمرك سألتي نفسك قبل كده 👈 ضاع من عمرك قد اية وانتي قاطعة الصلة بينك وبين ربك؟🤔
نفسي اكلم كل بنت نفسي صوتي يوصل لكل ام واب نفسي اسال كل مسلم ومسلمة واصرخ بأعلى صوت😲
👈 *ليه مش عايزين تصلوا ؟* 🤔
👈 *انتي ليه مش عايزة تصلي يارفيقتي ؟*🤔
👈 *ليه مش بتحافظي علي الصلاة ياحبيبتي ؟*
👈 *ايه اللي يستاهل في الدنيا دي كلها أننا نغضب ربنا ونضيع دينا ؟*

🌱 هتقولي بنوته والله العظيم انا نفسي اصلي واقرب من ربنا
بس فيه عقبات حاجات كتير بتدور في نفسي

🗣 طب تعالي براحه نتناقش مع بعض في العقبات دي *وبإذن الله نبدأ صفحه جديدة مع ربنا*

⬅ تلاقي بنت بتقول انا واحدة اتربيت في بيت محدش فيه بيصلي ودخلت الجامعه ومعرفش أزاي اصلي اصلا؟🤔 وبلبس اللي علي مزاجي وبخرج مع ولاد وبعمل معاصي وذنوب كتير مينفعش واحدة زي تصلي انا مش بتاعة صلاة😰

⬅ وبنت تانية تقول ازاي اصلي ؟ وانا ببقي لسة قافلة مع ولد علي الفيس🤳 او التليفون📲🤔
ازاي اصلي وانا طول اليوم بسمع اغاني🎼 ومسلسلات🎬 ازاي بعد كل ده اصلي؟🤔 مينفعش

🌱 هقولكم مين اللي قالكم كده واقنعكم انكم مينفعش تصلوا 👈 ده *كلام الشيطان* شيلوا الكلام ده من دماغكم
وشوفوا ربنا بيقول ايه ⏬

⬅ *﴿وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين﴾*
[هود: ١١٤]

🌱 عارفين سبب نزول الاية دي ايه ؟🤔

⏪ تعالوا شوف الحديث ده :👇
⬅ عن عبد الله بن مسعود *"قال ان رجلا أصاب من امرأة قبلة فأتى النبي فأخبره فأنزل الله تعالي ﴿وأقم الصلاة طرفي النهار وزلفا من الليل إن الحسنات يذهبن السيئات) فقال الرجل يارسول الله ألي هذا ? قال صلي الله عليه وسلم لجميع أمتي كلهم "* ( متفق عليه)

⏪ يعني ايه الكلام ده❓ *يعني الحل لما تعمل ذنب أنك تصلي مش تسيب الصلاة❌*
*﴿ إن الحسنات يذهبن السيئات )*

🌱 والنبي قال لينا 👈 اننا لما نعمل ذنب *نتوضا ونصلي ونستغفر ربنا*

⏪ قال الرسول صل الله عليه وسلم:. *( ما من رجلٍ يذنبُ ذنبًا، ثم يقومُ فيتطهرُ، ثم يصلي، ثم يستغفرُ اللهَ – تعالى - ؛ إلا غفر اللهُ له، ثم قرأ : { وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ ومن يغفر الذنوب إلا الله ولم يصروا علي ما فعلوا وهما يعلمون )* حسنه الألباني

🗣 شوفتي بقي عرفتي 👈أن الحل لكل ذنوبنا ومعاصينا *الصلاة*

💥 *اوعي الشيطان يضحك عليكي ويقولك انتي بتعملي ذنوب كتيرة مينفعش تصلي وان صلاتك مش مقبولة بعد كل ده*

🌱 المفروض 👈 *انك تحبي صلاتك وتحافظي عليها لانها سبب نجاتك وتكفير لذنوبك ومعاصيك اللي هي سبب هلاكك*

💥 *يالا حافظي علي صلاتك و انوي بصدق انك تتغيري وتقربي من ربنا*

تابعونا على التليجرام 👇🏻
https://t.me/todbed

11/05/2022

📣📣يا كل واحد بيقول أنا مش قادر أصلي
إنت عارف انت مش قادر تصلي ليه ؟؟
متقولش قلبك مليان شر لا انت قلبك مليان خير
متقولش مشغول لا الدنيا مبتقفش
لكن انت مبتصليش لانك مش متعود على الصلاة

📣📣لكل ام بتقول ولادى مبيصلوش
المشكله فيكي انتي
انتي مش قادرة تصبري على انك تدعيهم كل يوم للصلاة

💦💦ازاى اتعود ؟؟💦💦
هتتعب شوية لكن هتلاقي النتيجة
لو صبرت شويه هتتنقل نقله خطيرة
اصبر عشر دقايق فقط و ليك الجنة

1⃣ لما المؤذن يأذن اتنفض و قوم روح المسجد لو قلت استنى شويه يبقى مش هتصلي
الوضوء بيفتحلك ابواب الجنة التمانيه بسببه
الرسول بيعرفك يوم القيامة بسببه
قوم ماتستحقش تبقى بني ادم و ربنا بيناديك و إنت قاعد

2⃣ لما تلاقي الصلاة تقيله على قلبك اشحن نفسك افتح مقطع عن الصلاة او اقرا اية من القران

3⃣ لو الشيطان ضحك عليك و فاتتك الجماعه اوعى تحبط اخطف نفسك من الشيطان و قوم روح

4⃣لو عدى عليك موقف معين و خلاك تفوت اليوم بطوله من غير ما تصلى تاني يوم الشيطان هيضحك عليك و يقولك كده باظت
لا قوله مباظتش و متفكرش و كمل صلاة

5⃣شجع نفسك بصلاة الجماعه يمكن تلاقي هناك صحبه كويسه و اسمع كل يوم درس عن الصلاة و شوف صاحب ليك و شجعوا بعض و خليه يمشى وراك

لو اتعودت على الصلاة خلاص مبقاش باقي غير معركة الخشوع


Address

Cairo

Website

Alerts

Be the first to know and let us send you an email when بــنــات و بـــس ღ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category