هُوَذَا قَدْ غَلَبَ

هُوَذَا قَدْ غَلَبَ Contact information, map and directions, contact form, opening hours, services, ratings, photos, videos and announcements from هُوَذَا قَدْ غَلَبَ, cairo, Cairo.

الرب أتكلم إن الصفحة دي هيكون فيها كلام خاص ليك / ليكِ
تشجيع....تحذير... رسائل من الرب
إستنارة لأجل أزمنة وأوقات قادمة
فَقَالَ لِي وَاحِدٌ مِنَ الشُّيُوخِ: «لاَ تَبْكِ. هُوَذَا قَدْ غَلَبَ الأَسَدُ الَّذِي مِنْ سِبْطِ يَهُوذَا🦁💥

يا رب لتشرق نورك على اسكندرية، وكل ظلمة مستخبية تنكشف قدام حضورك نصلي بقيام نهضة حقيقية مش مبنية على مشاعر وقتية لكن على...
23/05/2026

يا رب لتشرق نورك على اسكندرية، وكل ظلمة مستخبية تنكشف قدام حضورك نصلي بقيام نهضة حقيقية مش مبنية على مشاعر وقتية لكن على توبة وحضور وعطش للرب نكسر باسم يسوع كل روح نجاسة بتحارب الشباب والعائلات والأفكار والعيون والقلب يارب طهّر الجو الروحي في المدينة، واكسر كل ارتباطات سرية وخطايا متكررة وسلاسل خفية. نصلي إن الكنائس تبقى مليانة نار وصلاة وقداسة، مش مجرد اجتماعات شكلية. يا رب ارفع جيل نقي شايل مخافة الرب أكتر من ش**ة العالم. نعلن إن اسكندرية هتكون مدينة نور، والبحر اللي فيها يشهد لعبور روحي جديد ونهضة حقيقية. نصلي عن حماية للشباب من الإدمان، العلاقات المدمرة، والانفتاح اللي بيسرق النقاوة. يا رب اسكب روح التوبة والانسحاق، وخلي ناس كتير ترجع لحضنك من جديد. نعلن كسر كل روح تدنيس وتشويش وانقسام، وليكن سلام الرب وحضوره في البيوت والشوارع والجامعات
مش هتفضلي مدينة تايهة وسط أمواج وتشتيت لكن هقوم فيكي مذابح صلاة ونقاوة. فيه شباب كانوا محاصرين بقيود خفية لكن الرب بيكسر السلاسل دي، وهيطلع أصوات شاهدة للحق وسط الظلمة هيكون في رجوع للحضور، وقيام لعبّاد حقيقيين، ونار قداسة تبلع كل نجاسة.


#اسكندرية

يا رب ولّع نارك في شباب سوهاج، وطلّع جيل مش بيجري ورا العالم لكن وراه حضورك وصوتك.نصلي إن الروح القدس يوقظ الدعوات المدف...
22/05/2026

يا رب ولّع نارك في شباب سوهاج، وطلّع جيل مش بيجري ورا العالم لكن وراه حضورك وصوتك.
نصلي إن الروح القدس يوقظ الدعوات المدفونة، وكل موهبة نايمة تقوم تشتغل لمجد الرب.
يا رب ارفع قادة حقيقيين عندهم قلب أبوي وطهارة ومسحة، مش مجرد كلام لكن قوة وحضور.
نكسر باسم يسوع أي روح خوف أو خمول أو إحباط معطّل الشباب عن الدعوة. نصلي إن كل مقاومة روحية ضد الحق تتفضح وتسقط، وكل سجن فكري يتكسر يا رب افتح العيون على الحق، وانزع أي تشويش أو تعاليم مغلوطة أو روح تدين ناشف نصلي عن عطش جديد للكلمة والصلاة والقداسة وسط الشباب والخدام. يا رب اعمل نهضة حقيقية في الجامعات والبيوت والكنائس والشوارع.
نصلي إن سوهاج تبقى أرض إرسال وخدمة ونار روحية، مش مجرد محافظة عادية.
أعلن إن فيه جيل هيقوم يحمل حضور الرب بقوة ويمشي في سلطان وشفاء وكرازة.
يا رب وحّد الكنيسة في سوهاج، وشيل المنافسة والكبرياء والانقسامات. نصلي عن حماية للشباب من الإدمان، الشهوات، اليأس، والارتباطات المدمرة.
ليكن فيض للروح القدس يلمس القرى والمراكز وكل الأماكن البعيدة والمنسية.

سوهاج مش هتفضل أرض جافة لكن الرب بيقول: هطلع منها أصوات نار، وشباب شايلين حضوري.
العدو حاول يدفن الدعوات تحت خوف وتعب وضغط لكن زمن الإقامة جه.
فيه أصوات هتقوم بالصلاة، وفيه عيون هتنفتح على الحق، وفيه جيل هيكسر سقف العادي ويطلب العمق


#سوهاج

يا رب، لما الكنيسة تتوحد، الأرض بتتهز والأسوار بتقع. بنيجي النهاردة وبنطلب إن وحدانية كنايس المنيا تكون هي القوة الجاذبة...
21/05/2026

يا رب، لما الكنيسة تتوحد، الأرض بتتهز والأسوار بتقع. بنيجي النهاردة وبنطلب إن وحدانية كنايس المنيا تكون هي القوة الجاذبة للخطاة والبعيدين. شيل كل عثرة كانت بتصد الناس، وخلّي المحطة دي تبدأ عهد جديد من التلاحم الروحي. إحنا بنعلن المنيا كنيسة حية، قوية، وموحدة، تقود الصعيد كله في نهضة امتداد وتأسيس كنائس جديدة مفيهاش انقسام. باسم يسوع الحجر الزاوية،وَبنعلن سحق كل فكر تفرقة أو روح تحزب وتنافس غير مقدّس عايز يزرعه العدو وسط الكنايس أو بين الرعاة والخدام. بنربط باسم يسوع كل لسان فتن، وبنكسر حكايات المقارنات والأفضلية اللي بتعطل عمل روحك. المنيا النهاردة بتقف بروح واحدة، قلب واحد، وفكر واحد.. كنيسة واحدة ممتدة، بتفرح بنجاح بعضها، وبتسند ضعف بعضها.
​يا رب، لتكن صلاتك ليكون الجميع واحدًا كَمَا أَنَّنَا نَحْنُ وَاحِدٌ هي الواقع المعاش في المنيا. بنعلن إن الكنيسة هنا مش مباني منفصلة، لكنها جسد حي بيتحرك بنبض واحد وهدف واحد: هو إعلاء اسمك وإقامة ملكوتك. إطلق روح التناغم والإنصاف، وخلّي حبنا لبعض يكون هو المغناطيس الروحي اللي بيجذب كل النفوس البعيدة والتعبانة، فيشوفوا وحدتنا ويقولوا: حقاً إن الله في وسطهم يا رب، املأ بيوتك بروح الصلاة والطلبة. ارفع عن الكنيسة روح الكسل والروتين والمظاهر الكدابة. خلّي الكنائس القائمة والجديدة تكون 'كنيسة حية' بالحق، مش مجرد مباني حجرية، بل حجارة حية ونفوس مشتعلة بروحك.
​يا رب، أقم مذابح صلاة لا تهدأ ليل ولا نهار. خلّي شعبك يرجع يصرخ ليك بلجاجة، والصلوات تطلع من الكنائس زي البخور المقبول وتغير أجواء البلاد وتكسر قيود إبليس. فجّر مواهب الروح القدس وسط ولادك، وخلّي الآيات والعجائب تتبع الكلمة عشان الكل يشوف ويلمس إنك إله حي وسط كنيستك. لتكن كل كنيسة جديدة بنحلم بيها وبنحط أساسها النهاردة، مركز قيادة روحي يغيّر تاريخ المنطقة بالكامل باسم يسوع​ يا رب إله التعويضات والامتداد، إنت مش إله بيكتفي باللي موجود، إنت إله بينمو وبيزيد وملكوته ملوش نهاية. بنيجي النهاردة وبروح النبوة وبسلطان اسمك، بنضع رجلينا على الأرض وبنطلب إقامة كنائس جديدة في كل شبر وفي كل قرية ونجع محتاج لحضورك.
​يا رب، افتح الأبواب المقفولة، سيّل التراخيص، وحرّك قلوب المسؤولين. بنعلن امتلاك أراضٍ جديدة لحساب اسمك، تُبنى عليها مذابح حية ويرتفع فيها اسم يسوع. أرسل يا رب الفعلة والأبطال اللي عندهم قلب يرموا أساسات جديدة، وميخافوش من التعب. لتخرج من المنيا وكل المحطات اللي جاية نهضة تأسيس كنائس تملى الصعيد كله، بيوت صلاة، بيوت تسبيح، ومنارات حق تنور وسط الضلمة


#المنيا

يا رب، إحنا واقفين بين إيديك النهاردة في أول يوم وبداية الرحلة.. وبنقولك مالناش غيرك. يا فخاري نفوسنا، تعالى النهاردة وا...
20/05/2026

يا رب، إحنا واقفين بين إيديك النهاردة في أول يوم وبداية الرحلة.. وبنقولك مالناش غيرك. يا فخاري نفوسنا، تعالى النهاردة واقعد في وسطنا. إحنا مش جايين نعمل عرض ولا نقول كلام وخلاص، إحنا جايين ومستنيين إيدك تلمس القلوب وتغير النفوس.
​يا رب، صبّ مسحتك وبركتك على المكان وعلى كل واحد وواحدة قاعدين ومستنيين كلمة منك. خلّي كلامنا النهاردة مايكونش مجرد كلام بشر، لكن يكون روح وحياة، ويطلع بقوة يكسر أي يأس ويزرع رجاء جديد. افتح العيون والقلوب، وخلي المحطة الأولى دي في أسيوط تكون شرارة نار روحية تحرك كل الأيام اللي جاية
يا رب، إحنا مش جايين النهاردة نتسلى، إحنا جايين وجوايا صرخة: يا رب جوّعنا ليك النفوس نشفت من قلة المياه الحية، والناس شبعت شبع كداب من آبار مشققة مابتشيلش مية.
​باسمك بنعلن النهاردة زلزال روحي في أسيوط يهد حالة البلادة والتعود. يا رب، اطلق نار جوة القلوب.. نار تخلي الواحد مش طايق يعيش يوم واحد من غير ما يشرب من كلمتك. خلّي كتابك يتفتح في البيوت والكل يتلم حواليه بجوع حقيقي، مش واجب بنعمله، لكن كأنه طوق نجاة لغريق. صحّي العطش اللي مات جوانا، واقلب كيان الشباب والبنات، وخلّيهم يكتشفوا إن الكلمة بتاعتك هي القوة الوحيدة اللي بتشكل وبتدي امتداد وحياة. انده علينا يا رب، وخلّي صوتك النهاردة يصحّي الميتين في الروح!
يا رب، إحنا بنبدأ من أسيوط.. الأرض اللي شالتك زمان وباركتها. الأرض دي مش مجرد مكان على الخريطة، دي أرض النبوات والمذابح الروحية وسط مصر. بنطلب النهاردة تصحي كل نبوة راقدة وكل بركة مدفونة في الصعيد.
​اطلق مسحة روحية تقيلة ومختلفة على القادة، والخدام، وعلى كل نفس هتحضر النهاردة. إدينا فم وحكمة وجراءة في إعلان الحق، وخلّي الحضور الإلهي يكون ملموس ومرعب لكل قوى الشر. بنعلن إن أسيوط النهاردة هي نقطة الانطلاق لشرارة امتداد ملوش حدود.. شرارة هتلف المحافظات، وتعدي البلاد، وتعلن إن الكلمة اللي بتخرج من فمك بتصنع تاريخ جديد وتغير جيل بحاله. املك بقوة يا رب، واصنع النهاردة بداية جديدة وعصر جديد لخدمتك
​يا رب، الكلمات صعبة بس إنت فاحص القلوب والكِلى. إحنا اتخنقنا من المظاهر، ومن العبادة اللي بالشفايف والقلب بعيد. التدين الشكلي بقى زي القبر المبيض من بره، ومن جوه عظام رميم. باسمك السلطان وبقوة روحك، بنعلن النهاردة كسر صنم التدين والرياء في المحطة الأولى دي.
​كفاية لف وتدور حوالين الطقس والعادة وإحنا مابنتغيرش! إحنا مش عايزين ناس بتعرف تتكلم صح وهي عايشة غلط. يا رب، اكشف الغشاوة، دك حصون الكبرياء الروحي والافتخار الكداب بالعادات القديمة. اقطع الشجرة اللي مابتجبش ثمر وهات الفأس على أصولها. إحنا عايزين نختبر النعمة والحرية الحقيقية.. عايزين تلمسنا إيدك كفخاري يعجننا وينضفنا من جوه لبره، عشان نطلع أوعية حقيقية مليانة بقوتك وحضورك، مش مجرد تماثيل في برواز."
يا رب، إحنا واقفين وبنصرخ من أجل البيوت اللي بتتسرق عيني عينك.. الأسر اللي بتتفكك والعيال اللي بتضيع في النص. عدو الخير مستقصد العيلة وعايز يهد الأساس، وبيرمي سموم الخرس، والعناد، والقساوة وسط البيوت.
​إحنا بنقف في الثغر النهاردة وبنرفع إيدينا وبنقولك: 'حدودك هنا يا عدو الخير.. مالكش مكان في بيوتنا'. بنطلب سياج ناري وحماية إلهية حوالين كل أسرة في الصعيد. يا رب، ارجع املك على البيوت دي، صلح الشروخ اللي في العلاقات، دَوِّب الكبرياء اللي مانع الراجل ومراته يتصالحوا، وشيل الجفاء اللي بين الآباء والأولاد. إدي بيوتنا مرونة نفسية عشان تقف صلبة قدام الغلا وضغوط الحياة وماتتكسرش. رجّع قعدة المذبح العائلي، وخلّي البيوت تبقى حصن أمان، مش ساحة حرب. اربطنا بحبل ثلاثي لا ينقطع سريعاً."


#أسيوط

19/05/2026

لما بروحله بعدم امانتي ، بتنعكس عليا أمانته في يسوع . 👥🔥
مفيش حاجه تمنعك عنه 🙇

نظام يوم الصلاة والصومهنبدا بوقت عبادة وتسبيح في بداية اليوم هيكون هدفنا إعلان سيادة الرب هنصلي الصلوة دي كل يوم الصبح *...
18/05/2026

نظام يوم الصلاة والصوم
هنبدا بوقت عبادة وتسبيح في بداية اليوم هيكون هدفنا إعلان سيادة الرب هنصلي الصلوة دي كل يوم الصبح
*يا رب افتح السماء فوق بلدي ومحافظتي* اللهج في مزمور ٢٤ طول وقت الحملة ال ١١ يوم ومتاح للروح القدس يقودك في الكلمة كلها حيث يشاء خليك متاح لدا طول وقت صلاتك

نظام الصوم
حسب قدرة كل شخص، لكن الأفضل يبقى فيه اتفاق عام:
١. صوم لحد ٣ العصر مية مسموحة
٢. تقليل السوشيال ميديا جدًا
ولو في ناس ظروفها الصحية أو دراستها صعبة وشغلها : ممكن تأكل وجبة واحده لحد الساعه ٣ العصر
انا طالب منك امور بسيطة جدا تعملها في اوضتك او في تحركاتك في اليوم دا
يكون قلبك وايدك ولسانك مرفوعين للرب لاجل محافظتك....مش عايزك تعمل اي حاجة جسدية احنا حافظينها وبس.... لو الرب قادك تتنبأ علي محافظتك امين اعمل كده
قادك تسجد وتصرخ امين
قادك بس تقدم عبادة وشكر للرب لاجل بلدك امين
قادك تصوم وتتحد معانا وتقراء مزمور بس ٢٤ امين!
قادك ترفع صلوات لاجل النقط اللي مكتوبة امين
مفيش برواز معين اللي يفرق معايا قلبك وهو مرفوع لاجل اللي اتكتب فى كل محافظة من امور هنصلي لاجلها
عايزك تبقي فاهم انك مش لوحدك في اليوم دا واقف!
فيه اخواتك واقفين لاجل بلدك حتى لو انت مش شايفهم دي بداية بسيطة فى الحملة دي بأمور بسيطة نعملها🫣
ملحوظة مهمة
لو الرب شغلك تصوم ايام ذيادة غير يوم المحافظة بتاعتك امين🙏
عَلَى أَسْوَارِكِ يَا أُورُشَلِيمُ أَقَمْتُ حُرَّاسًا لاَ يَسْكُتُونَ كُلَّ النَّهَارِ وَكُلَّ اللَّيْلِ عَلَى الدَّوَامِ. يَا ذَاكِرِي الرَّبِّ لاَ تَسْكُتُوا، (إشعياء ٦٢: ٦)

فَيُعْرَفُ الرَّبُّ فِي مِصْرَ، وَيَعْرِفُ الْمِصْرِيُّونَ الرَّبَّ فِي ذلِكَ الْيَوْمِ، وَيُقَدِّمُونَ ذَبِيحَةً وَتَقْدِمَةً، وَيَنْذُرُونَ لِلرَّبِّ نَذْرًا وَيُوفُونَ بِهِ. (إشعياء ١٩: ٢١)

*قرن المسحة و كسر الغطاء الروحي السلبي (٢)* عايز افرق بين بين شخص عارف معلومات عن الرب وشخص شايل قرن إعلان حضوره وسلطانه...
17/05/2026

*قرن المسحة و كسر الغطاء الروحي السلبي (٢)*
عايز افرق بين بين شخص عارف معلومات عن الرب وشخص شايل قرن إعلان حضوره وسلطانه!.
شاول كان عنده منصب قوي وكويس لكن داود كان عنده مسحة.، شاول كان لابس تاج الملك لكن داود كان شايل حضور المنصب نفسة!
وعلشان كده لما دخل داود ساحة الحرب، دخل ببطاقة روحية مختلفة تمامًا عن كل الحروب اللي دخل فيها شاول ، الكل كان شايف جليات حجم كبير والكتاب نفسة بيوصف مواصفاته القوية الغريب إن داود كان شايفه خارج العهد اصلا يعني خارج الحماية الالهية!
وده أخطر شيء يعمله الغطاء الروحي السلبي *إنه يضخم العدو ويصغر إعلان الله جواك*
أربعين يوم وجليات بيتكلم لأن فيه أجواء استسلمت لصوت الخوف، الخوف لما يتكرر بيتحوّل لغطاء قوي والغطاء لما يستقر بيصنع عقلية هزيمة من قبل م تخش الحرب
علشان كده أول حرب حقيقية داود دخلها ما كانتش ضد جليات! كانت ضد المُناخ الروحي المنتشر مناخ رعب، مناخ استسلام، مناخ مفيش فايدة !
لكن المسحة الحقيقية ترفض تتأقلم مع الأجواء المكسورة اللي زي دي
والغريب تشوف اللي ماسك الأكل مش جي يسال هو فعلا قوي الراجل دة ؟ داود دخل يسأل.مَنْ هُوَ هذَا الْفِلِسْطِينِيُّ الأَغْلَفُ؟ نوع السؤال بتاعة مختلف عن الطبيعي بتاعنا يعني.مين ده أصلًا قدام عهد الرب؟!
هنا يظهر قرن المسحة مش مجرد قوة نفسية بتشجع وتدي حماس لكن إدراك داخلي إن حضور الله أعلى من أي صوت حواليك وده اللي بيكسر الغطاء الروحي السلبي مش إن الظروف تختفي الأول لكن إن عينك تتفتح على سيادة الرب وسط الظروف والتحديات
في لحظات كتير الحرب مش بتكون ضدك أنت شخصيًا الحرب بتكون على رؤيتك، العدو عايزك تشوف نفسك صغير تشوف المستقبل مقفول تشوف إنك لوحدك.تشوف إن اللي جواك مش كفاية لكن الروح القدس لما يملأ إنسان بيخلق جواه إدراك مختلف.أنا مش واقف باسمي أنا واقف باسم رب الجنود
وعلشان كده داود قال: «أَنْتَ تَأْتِي إِلَيَّ بِسَيْفٍ وَبِرُمْحٍ وَبِتُرْسٍ، وَأَنَا آتِي إِلَيْكَ بِاسْمِ رَبِّ الْجُنُودِ» (صموئيل الأول ١٧: ٤٥).
كأن داود بيقول: أنت عندك سلاح.لكن أنا عندي غطاء سماوي بتحرك تحته!
النهارده محتاج تدرك إن الرب ما ادّاكش روح انهزام. ما مسحكش عشان تعيش مكسور تحت صوت جليات ما حطش قرن المسحة عليك عشان تخاف من أصوات التهديد فيه صوت أعلى من كل الضوضاء فيه حضور أعلى من كل الغطاء الثقيل فيه قرن قوة قادر يكسر دوائر الإحباط المتكررة اللي حاصلة في حياتك يمكن الحرب مطولة لكن داود ما استناش جليات يسكت عشان يتحرك هو تحرك وهو لسه بيتكلم!
وده إعلان مهم عايزك تعرفة إن الإيمان الحقيقي مش انتظار هدوء العاصفة الإيمان الحقيقي إنه تتحرك بكلمة الرب وسط صوت العاصفة
اسمعني كويس: فيه ناس اتعودت على السقف الواطي لكن الرب جاي يكسر الغطاء فيه ناس اتعايشت مع الخوف لكن الرب جاي يرفع القرن من جديد فيه ناس نسيت شكل النصرة لكن الرب جاي يفكرك إنك ابن وبنت عهد
قوم النهارده ارفع عينيك فوق الأجواء ارفض تتكلم بلغة الهزيمة ارفض تبص بعين شاول وخلي جواك يصرخ من جديد: مَنْ هُوَ هذَا الْفِلِسْطِينِيُّ الأَغْلَفُ !

الخروج وولادة الأمة يمكن نكون سمعنا كتير عن خروج الشعب ، والعبور من أرض العبودية . تعال كده نبص للمشهد مرة كمان .تبدأ ا...
16/05/2026

الخروج وولادة الأمة
يمكن نكون سمعنا كتير عن خروج الشعب ، والعبور من أرض العبودية . تعال كده نبص للمشهد مرة كمان .
تبدأ الحكاية بنزول إسرائيل وبيته لمصر ، عايزك تتخيل معايا هوية روح يعقوب ، والهة مصر ممكن تكون استقبلت الهوية دي ازاي ؟!
يعقوب شايل في روحه وعد / حكم أن نسله هيكون كنجوم السماء في الكثرة ، وزي الرمل اللي علي شاطئ البحر . وهو النسل اللي تم تفويضه من السماء ، علشان يحمل العهد الإلهي ، اللي بيربط الله بالإنسان علي الارض. لان في رجل قرر يخرج وراء صوت الرب ، ويقدمله العبادة ، وسط عالم وقتها كان مليان بعبادات غريبة .
هوية يعقوب ممتدة من ابراهيم . و كانت مليانة ببركة ابوه اسحاق ليه :
لِيُسْتَعْبَدْ لَكَ شُعُوبٌ، وَتَسْجُدْ لَكَ قَبَائِلُ. كُنْ سَيِّدًا لإِخْوَتِكَ، وَلْيَسْجُدْ لَكَ بَنُو أُمِّكَ. لِيَكُنْ لاَعِنُوكَ مَلْعُونِينَ، وَمُبَارِكُوكَ مُبَارَكِينَ». (التكوين ٢٧: ٢٩)
آلهة مصر حاولت تضيق علي اللي مستودع في روح يعقوب ، بس مكانوش فاهمين أن اللي البركة بتاعته خضوع شعوب ليه ، محدش هيقدر يقمع اللي في روحه ولا يُخِضِعه.
وحاولت آلهة مصر تقلب الآية ، وبدأوا يستعبدا إسرائيل.
بس اللي في روح إسرائيل قادر حتى أنه يُخضع آلهة مصر .
وده واحد من أساليب آلهة مصر ، نشوفه بيتكرر تاني مع يوسف ، وحاولوا يكرروا سنين الشبع اللي قادها يوسف ، لما خلوا بني إسرائيل يبنوا مدن مخازن . في محاولة لإخضاع اللي مستودع في اسرائيل لخدمة آلهة مصر . بس يوسف عملها بسلطان وسلطة روحية وبشرية ، وكان المذبح بتاعه مرتفع . لكنهم كرروا ده من خلال العبودية وبناء المدن بالقمع لبني إسرائيل .
ركز معايا في اللي جاي
فَلَمَّا رَأَى عِيسُو أَنَّ إِسْحَاقَ بَارَكَ يَعْقُوبَ وَأَرْسَلَهُ إِلَى فَدَّانِ أَرَامَ لِيَأْخُذَ لِنَفْسِهِ مِنْ هُنَاكَ زَوْجَةً، إِذْ بَارَكَهُ وَأَوْصَاهُ قَائِلاً: «لاَ تَأْخُذْ زَوْجَةً مِنْ بَنَاتِ كَنْعَانَ». (التكوين ٢٨: ٦
بعد ما بارك إسحاق يعقوب ، وصاه وصية مهمة جدااااا . وكأنه عايز يقوله الوصية دي هي اللي هتحفظ ميراثك من البركة لخضوع شعوب ليك . وصاه وقاله «لاَ تَأْخُذْ زَوْجَةً مِنْ بَنَاتِ كَنْعَانَ». أهمية الوصية دي من أهمية البركة بتاعت يعقوب . فخلي بالك وانت بتختار شريك الحصاد ، لأن واضح أن السماء بتهتم بده ، وفي قوانينها البركة والميراث اللي مستودعين في روحك مرتبطين بشريك حصادك .
وعشان كده وصية إسحاق ليعقوب كانت عميقة جدًا
الموضوع ماكنش مجرد جواز.
ده كان حماية للهوية والعهد.
«لاَ تَأْخُذْ زَوْجَةً مِنْ بَنَاتِ كَنْعَانَ»
ليه؟ لأن الشريك مش مجرد شخص يشاركك الحياة
ده شخص هيشاركك الاتجاه، والمذبح، والنسل، والميراث الروحي.
السماء فاهمة إن في ارتباطات ممكن توسّع العهد
وفي ارتباطات تستهلكه...
وعشان كده الكتاب ماكانش بيتعامل مع الارتباط كقرار عاطفي بس…
لكن كقرار مصيري له علاقة بالهوية والدعوة والنسل.
لأن الشخص اللي هتقف معاه قدام المذبح، يا إما هيبقى معين للعهد…
يا إما باب استنزاف ليه في ارتباطات بتخليك أقرب لصوت الله،
وتوسع جواك الإيمان، والطاعة، والنار الروحية وفي ارتباطات تانية، حتى لو شكلها مريح، تبدأ تطفي الحساسيات الروحية واحدة واحدة.
عشان كده إسحاق كان فاهم إن الخطر مش بس في مين يعقوب يحب
لكن في مين هيشارك يعقوب مستقبله الروحي
لأن الزوجة في بيت الآباء ماكنتش مجرد شريكة حياة
دي كانت شريكة مذبح.
شريكة وعد.
شريكة تشكيل أجيال.
وده يخلينا نفهم ليه السماء كانت دقيقة جدًا في اختيارات معينة.
لأن في نسل خارج من يعقوب، والنسل ده شايل العهد، والمواعيد، وخط الفداء. فالاختيار هنا ماكانش اجتماعي
كان نبوي وفيه ناس بتدخل علاقات وهي شايفة الشكل، الراحة، الاحتياج العاطفي
لكن مش بتسأل:
العلاقة دي هتعمل إيه في اتجاهي الروحي؟
هتقربني للمذبح ولا تبني جوايا مصر تاني؟

حملة الصوم والشفاعة😍🙏....الرب اتكلم عن اخر ١١ يوم في شهر 5 هيكونوا صلاة وصوم لاجل كل بلد اتبعت اسمهاهبعت ليكم تقسيم الاي...
15/05/2026

حملة الصوم والشفاعة😍🙏....
الرب اتكلم عن اخر ١١ يوم في شهر 5 هيكونوا صلاة وصوم لاجل كل بلد اتبعت اسمها
هبعت ليكم تقسيم الايام + الامور اللي هنصلي لاجلها
انت مش هتقف لوحدك في ارضك لكن وقفتك مهمة
اشجعك تقف في اليوم المحدد في الجدول لاجل المكان اللي انت فيه🙏😍
اؤمن اننا هنختبر اختراقات قوية خلال ال ١١ يوم دول!
مصدق وعندي إيمان لأن الرب تكلم وسيفعل🙏
والحملة دي مش فجاه لكن انا قدمت تعليم عن الشفاعة في سلسلة كاملة وفويسات في القناة ف نطبق اللي اتقال واتعلمناه الوقت اللي فاات😍🫣
مين مُستعد نبدا !؟
شير للبوست علشان الكل يتحد🙏💥

14/05/2026

وجود كل حد فيكم في البيدج وقناة الواتس بركة كبير
لكن عايز اعرف انت متابع القناة او البيدج من فين؟؟
اكتبلي اسم محافظتك او بلدك😍🙏
مهم لاجل وقفات خاصة الوقت اللي جي💥🙏📌

Address

Cairo
Cairo

Website

Alerts

Be the first to know and let us send you an email when هُوَذَا قَدْ غَلَبَ posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to هُوَذَا قَدْ غَلَبَ:

Shortcuts

Share