03/03/2023
هااااام
*العقيدة والحياة*
لنيافة الانبا موسي
العقيدة مهمه جدا لأن مش كفاية تبقى حياتك مسيحيه لكن لازم تكون عقيدتك :_
١_*عقيدة مستقيمة*
"ارثو" يعني مستقيمة ، "ذوكسا" يعني مجد، فهى الطريقة المستقيمة في تمجيد الله
اذاً استقامة العقيده تؤدي إلى استقامة الحياة..
يعني إيه عقيدتك مستقيمه؟!
يعني⬅️ استقامة فكر ، ⬅️استقامة مشاعر
مش بس دماغي صح لكن كل كياني صح
٢_ *عقيدتنا سليمة*
زي ما استلمناها بنسلمها
"قد تسلمت ما سلمتكم"
"وَمَا تَعَلَّمْتُمُوهُ، وَتَسَلَّمْتُمُوهُ، وَسَمِعْتُمُوهُ، وَرَأَيْتُمُوهُ فِيَّ، فَهذَا افْعَلُوا، وَإِلهُ السَّلاَمِ يَكُونُ مَعَكُمْ." (في 4: 9)
✋عقيدتنا عقيدة سليمة جدا بمعنى ان المفردات بتاعتها والداتا سليمه جدا.. عشان كده حطيناها في قانون الايمان
✋عقيدتنا سليمة لأنها مظبوطة بالكتاب، وبالتقليد المسلم من الرسل، وبالقوانين الرسولية، وبالأباء (القديسين مارمرقس...و أثناسيوس...وديسقوروس.. لغايه البابا كيرلس .... اللي كانوا بينفذوا الإنجيل بمنتهى الامانه)
✋والإيمان المسلم "مره" مش ١٠٠ مره... مش كل مره يطلعنا ايمان جديد ولاهوت جديد!! واحد يألف كلام لا!
الوحى كما استلمناه
٣_ *عقيدة شاملة*
عقيده ما بتبالغش في حاجة على حساب حاجة، تشمل كل حاجه مع بعض، لا تميل للمبالغة في أمر على حساب الاخر
٤_*عقيدة كتابية*
عقيدتنا مستمده من الكتاب، فالكتاب نفسه عقيدة، فالكتاب المقدس قطعة من التقليد، لأن الكتاب المقدس بدأ شفويا حتى تم جمع الأسفار سنه ١٥٠
✋ عقيدة أبائية
تأخذ بفكر الأباء الأولين التي تعترف بهم كنيستنا
💯والعقيدة ليست بالفكر فقط أو بالعاطفه لكن لابد أن تكون في السلوك
فيجب ان نحيا المسيح ونحيا المسيحية التي استلمناها في الكنيسة الارثوذكسية
" لنيافة الحبر الجليل الأنبا موسى أسقف الأجيال "
منقول من صفحة
الاستاذ الفاضل
بطرس_القمص_ميخائيل
#بطرس القمص ميخائيل
