M.P.C Egypt الكنيسة الخمسينية مرزوق بمصر

31/07/2026

18/07/2026

رسالة للكنيسة السودانية ❤️🇸🇩

يا كنائس السودان... ويا رعاة وخدام وشباب، الزمن اتغيّر، والتحديات البقت قدامنا أكبر من زمان. عشان كده محتاجين نستثمر في الإنسان قبل المباني، وفي التدريب قبل النشاط، وفي صناعة القادة قبل زيادة الأعداد.

كنيستنا اليوم محتاجة مدارس ومعاهد وبرامج تدريبية في مجالات كثيرة، منها:
📖 دراسة الكتاب المقدس واللاهوت.
🛡️ الدفاع عن الإيمان والرد على الأسئلة الفكرية.
👥 القيادة والإدارة الكنسية.
💍 المشورة الأسرية والنفسية.
💼 التنمية الاقتصادية وتمكين الشباب.
💻 الإعلام الرقمي وصناعة المحتوى المسيحي.
👧🏽 إعداد معلمي الأطفال وخدام الشباب.
🤝 خدمة المجتمع ورعاية الفئات الأكثر احتياجًا.

الخدمة اليوم ما بقت تعتمد على الغيرة الروحية براها، لكن كمان على العلم، والحكمة، والتخطيط، والتدريب المستمر.

لو دايرين نشوف نهضة حقيقية في الكنيسة السودانية، لازم نبدأ نبني الإنسان، ونجهز جيل جديد من القادة والخدام يكونوا ثابتين في كلمة الله، ومؤهلين يخدموا المجتمع بتميّز.

الكنيسة القوية ما هي الكنيسة الكثيرة في العدد، لكن الكنيسة البتستثمر في أولادها وبناتها، وبتصنع قادة يقدروا يحملوا الرسالة للأجيال الجاية.

خلونا نشتغل من الليلة عشان نبني كنيسة واعية، متعلمة، مؤثرة، وقادرة تواجه تحديات الزمن بنعمة الله.

"استثمروا في الإنسان... فهو أعظم استثمار للملكوت."

#السودان #التلمذة

24/06/2026

22/06/2026

#توَكَّلْ علَى الرَّبِّ بكُلِّ قَلبِكَ، وعلَى فهمِكَ لا تعتَمِدْ.
الأمثال ٣ : ٥

15/06/2026

01/06/2026

إشعياء ٤٣ : ٢١
٢١ هذا الشَّعبُ جَبَلتُهُ لنَفسي. يُحَدِّثُ بتسبيحي.

13/05/2026

في حاجات في الحياة لازم تتعلم تجاهد فيها حتى لو ما لقيت زول يشجعك…
لأنو في معارك لو إنت ما وقفت فيها، مافي زول حيقيف بدلك.

حاجات محتاج تجاهد فيها بروحك و انت براك:

- علاقتك مع ربنا
لأنو في أيام الناس كلهم ممكن يبعدوا منك لكن ثباتك الروحي مسؤوليتك إنت.

- أبديتك
كل يوم إنت بتختار طريقك… والقرارات الصغيرة بتبني مصيرك الأبدي.

- أفكارك
ما كل فكرة تدخل عقلك تستحق تسكن جواك.
في أفكار لازم تتحارب بالصلاة، وكلمة الله، والوعي.

- نقاوتك
في زمن الناس بقت تتطبع مع الخطية، الطهارة بقت جهاد يومي.

- زواجك الحالي أو المستقبلي
العلاقات الناجحة ما بتحصل بالحظ… بتحصل بالنضج، والصبر، والتعب.

- رؤيتك المستقبلية
أحيانًا الناس تضحك على حلمك لأنهم ما شايفين الحاجة البتشوفها إنت.

- وقتك
في ناس بتضيع عمرها وهي ما حاسة… والانضباط بقى نوع من الجهاد.

- صحتك النفسية والروحية
ما تهمل نفسك بس لأنك متعود تقول: “أنا بخير”.

- شخصيتك
جاهد ضد الكسل، والتردد، والعصبية، والمقارنة، ومحاولة إرضاء كل الناس.

- حدودك
ما كل الناس يستحقوا يدخلوا حياتك بنفس الدرجة.

- دعوتك ورسالتك
أي حاجة عظيمة غالبًا بتبدأ بصمت، وتعب، وعدم فهم من الآخرين.

- التعلم والتطوير
لو وقفت تتعلم، الحياة حتسبقك بسرعة.

- عاداتك اليومية
لأنو مستقبلك غالبًا هو نتيجة الحاجات البتعملها كل يوم، ما الحاجات البتتمنّاها.

- لسانك
الكلام ممكن يبني زول… وممكن يكسره بالكامل.

- قلبك
ما كل خيبة تستحق تغيّرك للأسوأ.

في معارك ما فيها جمهور…
لكن نتائجها ممكن تحدد مستقبلك بالكامل.

فاجاهد بصمت…
وربنا شايف التعب ال ما بشوفو الناس

“أكبر الانتصارات أحيانًا بتحصل في الأيام البتقاتل فيها برا روحك… بدون أي تصفيق من الناس.”

12/05/2026

صلاتنا بأن تكون معنا في هذه الأيام المباركة
للاستفسار الاتصال على الأرقام التالية
01148405674
01152338082
اعلام الكنيسة

03/01/2026

مرحب بكم في أول أسبوع من 2026