الرب راعى فلا يعوزنى شى

24/07/2026

27/06/2026

مافيش غيرك يستحق كل تسبيحاتي
مافيش غيرك اهديه كل ترنيماتي
مافيش غيرك اديه عمري وحياتي
مافيش غيرك اهتف ليه في كل اوقاتي

26/06/2026

اثنان خير من واحد .. لأنه إن وقع أحدهما يقيمه رفيقه.. ❤️

25/06/2026

رسالة من الشهيد باجوش
زعلانه منى لية ؟ وزعلانه من ربنا لية ؟ انتى نسيتى الآية إلى بتقول لا تجرب الرب إلهك .
المعجزة مش انك تحلمى بيا لما تتشفعى بيا أو اظهرلك
المعجزة مش أن ربنا يعملك الى عايزة ممكن الى عايزة دا ها يضرك فتزعلى من ربنا ومنى وتقولى اشمعنا انا ؟
المعجزة انك تعملى بالوصية وتشكرى ربنا على كل إلى حصلك .
والمشكلة إلى ظهرت فى حياتك وخيانه الصديق والحبيب معاكى كان شر كبير جاى عليكى شر ها يدمر حياتك ومستقبلك وكانت رجلك ها يسحبوها للوحل توسخى فيه وتفضل علامه فى حياتك وانتى عنيدة مشيتى خلف الشر وكان بيلعب بيكى ويثير فضولك عشان يوسخك وبعتلك إلى يدخل حياتك عشان ينجيكى بحكمته وفهمه للأمور ويبطل ترتيب ابليس وقلك خافى على نفسك وخاف عليكى وحارب من اجلك وربنا زرع محبتك فى قلبه وشافك طفله بتلعب بنار طفله مستهترة وقلك اقفلى بابك على الشر بلاش حد يخدعك ويخليكى تمشى سكة ملتوية عشان توصلى للى انتى عايزة الطريق الدغرى يبنتى هو إلى هتفوزى فيه هو إلى هتصونى نفسك فيه بس انتى استهترتى وجرحتيه وقولتى هو فين ربنا وخلتيه فقد الثقة فيكى اعترفى بغلطك بلاش كبر عشان عدوك ضحك عليكى وبعدك عن نصيبك وكنتى قدمه وبيضحك على وجعك وعامل نفسه حبيبك وسحب رجلك لحد ما وسخوا عينك وقلبك وبعدوكى عنه بعدوكى عن اللى صانك وحافظ عليكى
امسحى دموعك وروحى اعترفى واتناولى واتغيرى واعقلى ومش تظلمى نفسك وتظلمى الشخص الوحيد الى بعتهولك عشان يحافظ عليكى وبوظ ترتيب ابليس لحد ما صرخ فى وشك وقلك كان ناوى على اية وكانت حياتك هتتدمر بلاش يبنتى التلاعب بلاش يبنتى الكذب الكذب والعب هو إلى خسرك هو إلى خلى عدوك يلعب بيكى
وينهشك بلاش تجرحى نفسك وكفاية عند ولعب واستهتار ولعب بالنار لعبك هو إلى خلى الناس متثقش فيكى هو إلى وسخ عينك هو إلى وسخك ارجعى واندمى على تصرفاتك وبلاش تكررى غلطك تانى ومش تفتحى بابك لشر ولا تسيبى ودنك لحد واتعلمى الحكمه والطاعه والوداعه مش تخافى محدش يقدر ياخد خروف من ايد ربنا لا بمساعدة صديق ولا بمساعدة اقوى حد فى الارض واعرفى أنه ربنا سمحلك بكل دا عشان تكبرى وتعقلى واعرفى أنه عشان تكسبى حد احترميه وبلاش تجرحيه واياكى والكذب والعب عشان هو دا إلى خسرك هو دا إلى تاعبك طول حياتك وامسكى ايد إلى قلك خافى على نفسك واقفلى بابك على الشر واعرفى أنه دا صوت ربنا والفرصة ممكن تروح منك طوبه للى يسمع لصوت ربنا بيته بيتملى بركة وخير ورزق إلى بيسعى خلف شر الشر بيلعب بيه وبعدين هو إلى يبقى وحش وهو إلى بيخسر وندمه مش ها يفيده إنما الى بيقفل بابه فى وشه ربنا بينجيه وربنا يفرحوا ارجعى يبنتى وخافى على نفسك وصلحى غلطك وصالحيه بقالبك وامانتك وعدم تكرر غلطك تانى عشان مش يكونلك اشر ارجعى وانا هكون معاكى واحنن قلبه عليكى لو كنتى امينه وعشيتى فى خضوع وطاعة ووداعه وصونتى نفسك وبيتك إلى بيحترم نفسه يبنتى محدش بيعرف يلعب بيه إلى بيمشى عدل محدش بيعرف يلعب بيه الإنسان الواضح دوغرى والى بيفتح بابه لشر الشر بيلعب بيه والإنسان المتلاعب والى بيعتمد على نفسه وينسى ربنا بيخسر وبيخسر فرص مش هتتكرر تانى .
اوعى تقولى الشهيد باجوش مش سامعنى وطلبته كتير وسابنى انتى إلى سيبتى نفسك لى الشرير يلعب بيكى
وفتحتى بابك وسبتيه لحد ما وسخ عينك لسة الفرصة قدمك لسة نصيبك موجود لسة فرحتك فى ايدك ارجعى وانا هكون معاكى وبلاش لعب واستهتار وكذب عشان مش يكونلك اشر عيشى فى خضوع وطاعة ووداعه وصونى نفسك وبلاش غرور وكبرياء اتعلمى تعتزرى واتعلمى مش تعملى نفس الغلطه مرتين حافظى وخافى على نفسك دا زمن صعب واحنا فى اخر الايام اوعى تقولى الشهيد باجوش ناسينى تانى . امسحى دموعك واتغيرى وامشى عدل يحتار عدوك فيكى

11/06/2026

بصوا للصورة دى .. دى مش القديسة دميانة لا ولا دول الاربعين عذراء..
دول رئيسة دير و٣٩ عذراء من اسيوط..

تعالوا نعرف قصتهم..

اكيد تعرفوا قصة القديسة دميانة والأربعين عذراء، بس قصة النهاردة دي نسخة تانية من البطولة والتضحية، بطلاتها 40 واحدة.. رئيسة دير و39 راهبة عذراء كانوا عايشين في جبل أسيوط.

تخيلوا المنظر.. دير هادي، عذارى زاهدات في الدنيا، ربنا مدي لكل واحدة فيهم موهبة "شفاء المرضى". يعني كانوا بركة للمكان كله، والناس كانت بتجيلهم من كل حتة.

فجأة.. الدنيا اتقلبت!
في وقت من الأوقات، هجم جيش من الأثيوبيين على مصر، وبدأوا يغزوا البلاد ويطاردوا الأقباط في كل حتة. الخبر وصل للقائد بتاعهم إن فيه دير في جبل أسيوط فيه 40 عذراء من أجمل وأتقى بنات البلد.

طبعاً، القائد ده كان هدفه "ياخد الغنايم"، يعني ياخد العذارى دول ويسفرهم بلده غصب عنهم. وصل الجنود عند باب الدير، وبدأوا يدقوا بعنف رهيب، أصواتهم كانت بتزلزل الحيطان، والنية كانت واضحة: اقتحام الدير وتدنيس عفة العذارى دول.

الخوف كان مالي المكان، بس الإيمان كان أقوى! واحدة من الراهبات بصت للرئيسة وقالت لها جملة هزت كيانها: "يا أمنا، ما تسيبيناش نقع في إيديهم.. لفّي كل واحدة فينا بحصير، وولعي فينا النار، ونطلع للرب قربان طاهر أحسن ما نتلوث!"

الرئيسة بصت لهم، شافت في عيونهم إصرار مش طبيعي. وافقوا كلهم!
بدأت الرئيسة تلف كل واحدة فيهم بحصير، وقلبها بيتقطع بس عينها على السما.. وهي بتولع النار في كل واحدة، كانت بتصرخ بصوت عالي: "يا سيدي يسوع المسيح، اقبلهم قربان ليك.. موتهم كده أطهر بكتير من إيدين الكفرة دول.. وما تحسبش عليا الخطيئة دي يا رب!"

بعد ما خلصت، وقفت الرئيسة بكل شموخ على أعلى برج في الدير، وبصت للجنود اللي بيحاولوا يكسروا الباب، ورمت نفسها من فوق.. جسدها تحطم، بس روحها طارت للسما وهي حرة، وبقت هي والـ 39 راهبة "شعلة" نار طاهرة ما قدرش أي عدو يلمس طهارتهم.

دي كانت نهاية قصة شهيدات أسيوط.. قصة بتخلينا نقف مذهولين قدام مفهوم "العفة" عند بنات زمان، اللي كان أغلى عندهم من حياتهم نفسها.

08/06/2026

"اصْنَعْ مَعِي آيَةً لِلْخَيْرِ، فَيَرَى ذَلِكَ مُبْغِضِيَّ فَيَخْزَوْا، لأَنَّكَ أَنْتَ يَا رَبُّ أَعَنْتَنِي وَعَزَّيْتَنِي." (مز 86: 17).