Worship Art

Call Directions Contact the place of worship

Worship Art وابتدأ روح الرب يحركه
قض 13 : 25

ولكن تأتي ساعة، وهي الآن، حين الساجدون ( العابدون ) الحقيقيون يسجدون للآب بالروح والحق، لأن الآب طالب مثل هؤلاء الساجدين له
الله روح. والذين يسجدون له فبالروح والحق ينبغي أن يسجدوا
يو 4 : 23 - 24

العباده بالروح هي لغة تواصل شخصيه بين الانسان والله
وهو قد خلق كل شخص مميز وفريد لذا يلزمك ان تبحث عن هذه اللغه المميزه والفريده في التواصل

يهوه إيلوهيم هو اله مبدع بالطبع قد صنع لك طريقه مميزه في التواصل معه
كل ما ابحث عنه هنا هو المرجعيه الكتابيه لبعض الطرق
لكن تذكر انك مبدع ومحبوب جدا
والآب لا يريد عباده متشابهه كنسخ متكرره
هو يتسع لاختلافنا فلا تسعى لان تكون نسخه من شخص اخر في عبادتك
فقط تذكر انك الشخص الوحيد المميز الذي يتواصل مع الروح القدس ليعبد بطريقه مميزه لا يعرفها إلا انت والله

من يغلب .... وأعطيه حصاة بيضاء، وعلى الحصاة اسم جديد مكتوب لا يعرفه أحد غير الذي يأخذ

ان كان لك اسم مميز لا يعرفه احد غيرك فابحث عن لغتك المميزه التي لا يعرفها الا الاب

لما أخوة يوسف رموه في البير كان عمره 17 سنةولما وقف قدام فرعون واترفع للحكم كان عمره 30 سنة13 سنةرحلة طويلة عنوانها الاس...
07/10/2026

لما أخوة يوسف رموه في البير كان عمره 17 سنة
ولما وقف قدام فرعون واترفع للحكم كان عمره 30 سنة

13 سنة
رحلة طويلة عنوانها الاساسي ليه؟
ليه؟!!!
غدر، كراهية، خيانة، ظلم
بس كمان كانت رحلة من الانتظار
مش انه يلاقي اجابه واضحة لكل سؤال
مش انه يرتاح من سلسلة الظلم اللي مش بتخلص
لكن انتظار للرب نفسه
الرب اللي نعمته مفارقتش حياته برغم كل الوجع اللي فيها

وفجأة بعد ما كل أمل مات بعد ما اتنسى حتى من اللي فسرلهم الاحلام
فجأة جه الوقت
مكنش معاه كل الاجابات
مكنش معاه كل الشفاء والتعويض
بس كان فيه صوت بيقول أن لكل انتظار نهاية
لكل انتظار غاية
ربنا مش بيضيع وقت
لكنه عنده وقت بيخلي كل اللي بنمر بيه يكون ليه معنى

وبعد 13 سنة
يوسف فهم ان حتى الظلم والسجن كانوا محطات ليها سبب

علشان كده خليك مصدق حتى وانت مش فاهم

04/10/2026

من حوالي 12 سنة الروح القدس بدء يكلمني عن اليوم الثامن
طبعًا لجأت للقائد الروحي اللي كان ماشي معايا السكة في الوقت ده
سألته عن أي كتاب بأي لغة بيتكلم عن اليوم الثامن
رد ببساطة وقالي مش هتلاقي
ققاللي ببساطة
اعتمدي على الروح القدس وابحثي جوه الكلمة المقدسة
وفعلًا بدأت
يوم وراء يوم
شاهد وراء شاهد
والروح فضل يدخل بيه من عمق لعمق جوه الكلمة

ومن حوالي 6 سنين بدأت أكتب

وبعد كل السنين دي ولسه اليوم الثامن لغز لناس كتير
وناس تانية اكتفت بأنه مش أكتر من تعبير عن الحياة الابدية

بس هو ايه أصلًا اليوم الثامن؟

النهاردة أنا جاية أشارك كل الناس بإجابة سؤالي الأول
هل في كتاب يحكي عن اليوم الثامن؟

أيوة دلواتي بقى فيه
ومش محتاج تنزل تدور عليه في مكتبة
تقدر تلاقيه دلواتي على كيندل
فيه هتلاقي ملخص لرحلة بحثي اللي استمرت سنين، ولسه مستمره مع الروح القدس يقودني لدخول عمق جديد

https://www.amazon.com/dp/B0HJW44CZC

طول رحلة خدمة يسوع على الأرض، كان دايمًا يرتقي قلب خاصته..نقل الوصايا من مجرد ناموس ظاهري لعمق القلب والحياة:بدل "لا تقت...
03/10/2026

طول رحلة خدمة يسوع على الأرض، كان دايمًا يرتقي قلب خاصته..
نقل الوصايا من مجرد ناموس ظاهري لعمق القلب والحياة:
بدل "لا تقتل"، قال من قال لأخيه يا أحمق يستوجب المجمع..
وبدل "لا تزنِ"، قال من نظر لامرأة ليشتهيها في قلبه.

وفي اليوم الأخير العظيم من عيد المظال (عيد العرش)، ارتقى يسوع بقلب شعبه وطلباته؛
في الوقت اللي كان الكاهن بيسكب فيه الماء طلباً لمطر يروي الأرض ويخرج ثمراً أرضياً، وقف يسوع ووجّه عيونهم للسماء:
«إِنْ عَطِشَ أَحَدٌ فَلْيُقْبِلْ إِلَيَّ وَيَشْرَبْ» (يوحنا 7: 37).
رفع عيون قلبهم من مجرد الاحتياج لماء يروي زرعاً أرضي، وقاد قلوبهم لطلب الماء الحي الأبدي النابع من العرش:
📖 "وَأَرَانِي نَهْرًا صَافِيًا مِنْ مَاءِ حَيَاةٍ لاَمِعًا كَبَلُّورٍ، خَارِجًا مِنْ عَرْشِ اللهِ وَالْخَرُوفِ" (رؤ 22: 1)
📖 "وَيَكُونُ أَنَّ كُلَّ نَفْسٍ حَيَّةٍ تَدِبُّ حَيْثُمَا يَأْتِي النَّهْرَانِ تَحْيَا. وَيَكُونُ السَّمَكُ كَثِيرًا جِدًّا لأَنَّ هَذِهِ الْمِيَاهَ تَأْتِي إِلَى هُنَاكَ فَتُشْفَى، وَيَحْيَا كُلُّ مَا يَأْتِي النَّهْرُ إِلَيْهِ." (حز 47: 9)

ومن هنا
تنتهي مظال الأرض، وتبدأ المظال الأبدية.🎪

امبارح حدد كلمني يسالني عن عيد المظال معناه وسبب اصراري واهتمامي بيهكان لازم احكي له ملخص ينفع يتقال في مكالمةقولت له ان...
02/10/2026

امبارح حدد كلمني يسالني عن عيد المظال معناه وسبب اصراري واهتمامي بيه
كان لازم احكي له ملخص ينفع يتقال في مكالمة

قولت له انت عارف ان الروح بيأكد على وصايا العهد الأول كانت اشباه وظلال
"لأَنَّ النَّامُوسَ، إِذْ لَهُ ظِلُّ الْخَيْرَاتِ الْعَتِيدَةِ لَا نَفْسُ صُورَةِ الأَشْيَاءِ، لَا يَقْدِرُ أَبَدًا بِنَفْسِ الذَّبَائِحِ كُلَّ سَنَةٍ، الَّتِي يُقَدِّمُونَهَا عَلَى الدَّوَامِ، أَنْ يُكَمِّلَ الَّذِينَ يَتَقَدَّمُونَ." (عب 10: 1)

وان بولس لما طلب روح الحكمة والاعلان كان عشان نزداد في معرفته
يعني الهدف من فهم الكلمة انك تعرف ربنا نفسه اكتر

والحكاية في الأعياد ماشيه بنفس النظام زيها زي الهيكل
في الساحة الخارجية في الذبيحة والتطهير وده اللي حصل في الفصح مع اقنوم الابن

اما في القدس فهناك موجود المنارة ومائدة خبز الوجوه وده مرتبط بالايات والمعجزات المعتمده على مسحات الروح القدس اللي مربوط بعيد الاسابيع او الخماسين

أما قدس الاقداس فهناك ده مكان الشكينة وتابوت عهد سيد الارض كلها وهنا تلاقي الكتاب بيربط بين شق الحجاب وان بقى لينا قبول امام الآب

بره بتاكل من الذبيحة وتشوف بنور الشمس
في القدس بتاكل من خبز الوجوه أو خبز الحضرة (امامك شبع سرور وفي يمينك نعم) وبتشوف بنور الروح القدس
في قدس الاقداس مش بتعيش بالخبز لكن بالكلمة زي موسى فوق الجبل. مفيش حاجه هناك تنور غير سحاب الحضور (عشان كده مكتوب في اشعياء ورؤيا ان مش هيحتاجوا الشمس لان الرب هيكون نورهم ولا هيكل لان الرب نفسه الهيكل)

ربنا خلقنا روح ونفس وجسد
عمل هيكل من ثلاث اقسام
حدد ثلاث أعياد
كل ده علشان يقودنا لان اتحادنا بيه لازم يكون اتحاد كامل مع الثالوث المقدس

عيد المظال ده اللي بنحتفل فيه بشكل نبوي بالسكنى في محضر بابا الآب

الحقيقة ان القوة الحقيقية في انك تكون ابن في حضن الاب
لان الابن اللي في الحضن هو اللي بيعرف يخبر
والروح بيفحص اعماق الاب علشان يقربك منه
والابن قبل الصليب في يوحنا 17 قال لبابا الآب الْعَمَلَ الَّذِي أَعْطَيْتَنِي لأَعْمَلَ قَدْ أَكْمَلْتُهُ.
أَنَا أَظْهَرْتُ اسْمَكَ لِلنَّاسِ

عشان كده الرب يسوع قال للتلاميذ لَا أَتْرُكُكُمْ يَتَامَى.

انا واخده الموضوع بشكل شخصي لاني حقيقي شوفت الاختلاف بعد ما اتعرفت على بابا الاب

اشواق قلبي الحقيقية انك تعرف بابا الاب ومتكتفيش غير بحضنه
متشبعش من المعجزات لكن من كلمته
متنبهرش بنور المواهب والمسحات لكن بنور ابي الانوار
لان غير كده عمرنا ما هنكون نور للعالم ولا ملح للارض

من فضلك بكره اليوم الثامن من المظال
خصص بكره تقرب فيه من قلب بابا لآب
صلوا ان قلب بابا الآب يرتاح بأبناء كثيرين بيجروا على حضنه

وَيَكُونُ أَنَّ كُلَّ الْبَاقِي مِنْ جَمِيعِ الأُمَمِ الَّذِينَ جَاءُوا عَلَى أُورُشَلِيمَ، يَصْعَدُونَ مِنْ سَنَةٍ إِلَ...
30/09/2026

وَيَكُونُ أَنَّ كُلَّ الْبَاقِي مِنْ جَمِيعِ الأُمَمِ الَّذِينَ جَاءُوا عَلَى أُورُشَلِيمَ، يَصْعَدُونَ مِنْ سَنَةٍ إِلَى سَنَةٍ لِيَسْجُدُوا لِلْمَلِكِ رَبِّ الْجُنُودِ وَلِيُعَيِّدُوا عِيدَ الْمَظَالِّ.
وَيَكُونُ أَنَّ كُلَّ مَنْ لَا يَصْعَدُ مِنْ قَبَائِلِ الأَرْضِ إِلَى أُورُشَلِيمَ لِيَسْجُدَ لِلْمَلِكِ رَبِّ الْجُنُودِ، لَا يَكُونُ عَلَيْهِمْ مَطَرٌ.
زك 14: 16- 17

لو بتدقق في المكتوب عن الأعياد هتلاحظ تفاصيل مهمه
منها أن مكنش حد ينفع يعيد #الفصح إلا لو مختون وإلا يقتل (ده بيفكرني ببولس وهو بيأكد إننا لازم نفحص نفسنا قبل التقدم للتناول من
لكن مختلف
كل الأمم لازم تعيد
لأن زي ما حكينا أنه أصلاً احتفال بشكل نبوي عن الحصاد الأخير وسُكنانا في في
هناك الحكاية مش مربوطة بشعب واحد
هناك هتتجمع كل الخليقة حوالين بابا الآب تفرح بيه ومعاه

عشان كده الروح بيأكد أن اللي مش هيعيد المظال مش بيكون على حياته مطر
لأن الحكاية عمرها ما كانت توقيت أجازة وأكل وهيصه

الحكاية أنك بتصنع عِيدٌ لِلرَّبِّ

ثَلاَثَ مَرَّاتٍ تُعَيِّدُ لِي فِي السَّنَةِ.تَحْفَظُ عِيدَ الْفَطِيرِ. تَأْكُلُ فَطِيرًا سَبْعَةَ أَيَّامٍ كَمَا أَمَرْ...
29/09/2026

ثَلاَثَ مَرَّاتٍ تُعَيِّدُ لِي فِي السَّنَةِ.
تَحْفَظُ عِيدَ الْفَطِيرِ. تَأْكُلُ فَطِيرًا سَبْعَةَ أَيَّامٍ كَمَا أَمَرْتُكَ فِي وَقْتِ شَهْرِ أَبِيبَ، لأَنَّهُ فِيهِ خَرَجْتَ مِنْ مِصْرَ. وَلَا يَظْهَرُوا أَمَامِي فَارِغِينَ.
وَعِيدَ الْحَصَادِ أَبْكَارِ غَلاَّتِكَ الَّتِي تَزْرَعُ فِي الْحَقْلِ.
وَعِيدَ الْجَمْعِ فِي نِهَايَةِ السَّنَةِ عِنْدَمَا تَجْمَعُ غَلاَّتِكَ مِنَ الْحَقْلِ.
ثَلاَثَ مَرَّاتٍ فِي السَّنَةِ يَظْهَرُ جَمِيعُ ذُكُورِكَ أَمَامَ السَّيِّدِ الرَّبِّ.
خر 23: 14- 17

من البداية ربنا اختار يأسس موسمين أساسين للحصاد في السنة

الأول في موسم الربيع: فيه حصاد محاصيل شتوية زي القمح والبقوليات
محاصيل قارة تعيش وتكمل وسط قسوة البرودة

والثاني في موسم الخريف: وفيه حصاد المحاصيل الصيفية زي الزيتون والعنب والتين
ودي محاصيل قدرت تستحمل الجفاف والحر وتعيش

العادي في كل منطقة زراعية هتلاقي الناس بتحتفل وتغني وتعمل أفراحها في التوقيتات دي
فرحهم بالخير اللي الرب رزقهم بيه

بس ربنا كمان اختار التوقيتات دي بالذات عشان نصنع عيد للرب
نفرح معاه وبيه

زمان الشعب كان بيفرح زي باقي الناس الفرحانه بخير الحصاد
لكن في المسيح الأمر أختلف

في الفصح: شوفنا باكورة الراقدين والأبن اللي قدر يخرج حياة من وسط قسوة ظلمة وبرودة الموت

في الخمسين: بدأ الروح القدس يحصد نفوس خرجت من الموت للحياة

في المظال (الحصاد الأخير): هتيجي الملايكة وتحصد كل البشر
والزوان هيترمي في النار.
أما اللي اشتغلوا في ثقل النهار وحره دول هيرتاحوا في حضور الآب وحضنه
حتى اللي جه على أخر لحظة واشتغل ساعة واحده في أواخر العمر.
مش غريب بقى تلاقي المحاصيل الصيفية بيخرج منها رموز كتير جوه الكتاب
- الزيتون: زيت المسحة
- العنب: خمر الفرح
- الرمان: وفرة الكلمة والشريعة
- التين/ التمر: السندة وتجديد الطاقةوالقوة

تنوع المحاصيل في ازمنة الحصاد هو اللي ربنا عمله عشان نفهم منه تنوع النفس البشرية وأدوارها ودعوة حياتها

الأعياد مش تواريخ
والحصاد مش مجرد رزق وخير
والمظال مش مجرد احتفال الجمع
ده تذكره بان كلنا فرحنا الحقيقي والنهائي في مظلة حضن الآب

زمان كل حاجة كانت لازم تكون محدده بشكل ماديكان في مكان للعيدبس الحقيقي المكان دايمًا كان مرتبط باختيار الرب مش اي مكان و...
28/09/2026

زمان كل حاجة كانت لازم تكون محدده بشكل مادي
كان في مكان للعيد

بس الحقيقي المكان دايمًا كان مرتبط باختيار الرب مش اي مكان وخلاص

زي لما التلاميذ سألوا الرب عاوز يأكل معاهم الفصح فين؟

المظلة الحقيقية اللي الرب عاوز يجتمع معاك فيها هي قلبك
وقت ما تقرر تسمع لصوت الرب وتفتح حجاب قلبك هو هيجي مش بس علشان يعمل خيمة يقعد فيها شوية
لا... علشان يسكن

إِنْ أَحَبَّنِي أَحَدٌ يَحْفَظْ كَلاَمِي، وَيُحِبُّهُ أَبِي، وَإِلَيْهِ نَأْتِي، وَعِنْدَهُ نَصْنَعُ مَنْزِلًا
يوحنا 14: 23

27/09/2026

أو حاجه بنعرفها عن أي عيد هي اسمه
ومن الاسم نفهم إحنا أصلًا بنعيد ليه

فِي مَظَالَّ تَسْكُنُونَ سَبْعَةَ أَيَّامٍ. كُلُّ الْوَطَنِيِّينَ فِي إِسْرَائِيلَ يَسْكُنُونَ فِي الْمَظَالِّ. لِكَيْ تَعْلَمَ أَجْيَالُكُمْ أَنِّي فِي مَظَالَّ أَسْكَنْتُ بَنِي إِسْرَائِيلَ لَمَّا أَخْرَجْتُهُمْ مِنْ أَرْضِ مِصْرَ.
لاويين 23: 42- 43

اليوم الأول من عيد المظالتَعْمَلُ لِنَفْسِكَ عِيدَ الْمَظَالِّ سَبْعَةَ أَيَّامٍ عِنْدَمَا تَجْمَعُ مِنْ بَيْدَرِكَ وَمِ...
26/09/2026

اليوم الأول من عيد المظال

تَعْمَلُ لِنَفْسِكَ عِيدَ الْمَظَالِّ سَبْعَةَ أَيَّامٍ عِنْدَمَا تَجْمَعُ مِنْ بَيْدَرِكَ وَمِنْ مِعْصَرَتِكَ.
وَتَفْرَحُ فِي عِيدِكَ أَنْتَ وَابْنُكَ وَابْنَتُكَ وَعَبْدُكَ وَأَمَتُكَ وَاللاَّوِيُّ وَالْغَرِيبُ وَالْيَتِيمُ وَالأَرْمَلَةُ الَّذِينَ فِي أَبْوَابِكَ. سَبْعَةَ أَيَّامٍ تُعَيِّدُ لِلرَّبِّ إِلَهِكَ فِي الْمَكَانِ الَّذِي يَخْتَارُهُ الرَّبُّ، لأَنَّ الرَّبَّ إِلَهَكَ يُبَارِكُكَ فِي كُلِّ مَحْصُولِكَ وَفِي كُلِّ عَمَلِ يَدَيْكَ، فَلَا تَكُونُ إِلاَّ فَرِحًا.
تثـ 16: 13 - 15

المظال = فرح، والفرح لا يُعاش وحدك.

25/09/2026

في البدء خلق الله السماوات والأرض،
ورأى الله كل ما صنعه، فإذا هو حسن جدًا.

بس الجمال ده ما استمرش.

سقط الإنسان،
سقط وخرج من راحته مع الرب.

وهنا الرب بدأ يتكلم عن يوم جديد.

عبـ 4 بيتكلم بوضوح عنه
«لأنه لو كان يشوع قد أراحهم، لما تكلم بعد ذلك عن يوم آخر.»

يوم مختلف...
ليه سمات وصفات وترتيب مختلف.
يوم يضمن الراحة الحقيقية.

وكاتب العبرانيين بيوصينا:
«فلنجتهد أن ندخل تلك الراحة.»

بس إيه علاقة ده بالمظال؟

وإيه أصلًا عيد المظال؟

ده اللي هنعرفه في الأيام الجاية.

Address

Helwan
Cairo
00202

Telephone

+201277577697

Website

Alerts

Be the first to know and let us send you an email when Worship Art posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Worship Art:

Shortcuts

Share