24/01/2026
محمود ابو اليزيد يكتب” الانجيل بتاعكم محرف ” كلمة كل يوم يسمعها المسيحى
محمود ابو اليزيد الكلمه دي كل يوم بيسمعها كل مسيحي في مصر
الكلمه دي انا واثق انها كانت سببت مشاكل كتير من اللي بتحصل قدامنا لحد يومنا ده
بجد انا مش عارف لو واحد جه قالي القرءان بتاعكوا محرف هيبقا موقفي ايه انا مجربتهاش قبل كدا ان حد يقولي كدا بس اكيد هيكون رده الفعل مختلفه
طب ممكن اسأل سؤال هو احنا ليه طالما حاجه مش قابلينها علي نفسنا نقولها للناس
طب ممكن افهم يااستاذ ياللي بتقول كدا
حضرتك قريت الانجيل فعلا ولا سمعت انهم قالوا كدا فايبقا فعلا محرف (اغلبيه الاجابات اللي تلقيتها انا شخصيا( لا)؟؟)
طب طالما حضرتك مشوفتش الكتاب نفسه ولا قريته ليه بتحكم بكدا ؟؟ليه حضرتك مابتستخدمش عقلك اللي ربنا ادهولك عشان تفكر بيه ؟؟صدقوني انا لست عالما في اللاهوت ولا شيخا ازهريا لكنها وجهه نظر انسان منذا ان نشاء وهو يسمع تلك الكلمات
وفعلا حبيت اني اجرب اني اكون مكان الشخص ده اللي بيتقاله كل يوم كتابكم محرف ده وشوفت بعيني الكلمه اللي
اتقالت دي لو كانت اتقالتلي عن القرءان كان هيبقا موقفي متغير خالص
طب ممكن يااستاذ ياللي بتحكم بكدا وخليت نفسك قاضي علي الناس بتحكم بتحريف كتابهم ومره تحكم بتكفيرهم ممكن تقرا ؟؟
طب انا هكلمك عن تجربتي انا مع الكتاب ده
الكتاب ده الي قولنا عليه فيه شرك ومش عارف ايه
(طلع موجود فيه سبحان الله (لاَ يَكُنْ لَكَ آلِهَةٌ أُخْرَى أَمَامِي)
طب بلاش دي الكتاب اللي قولنا ان انهم بيعبدوا التماثيل ومش عارف ايه قال(اَ تَصْنَعْ لَكَ تِمْثَالًا مَنْحُوتًا، وَلاَ صُورَةً مَا مِمَّا فِي السَّمَاءِ مِنْ فَوْقُ، وَمَا فِي الأَرْضِ مِنْ تَحْتُ، وَمَا فِي الْمَاءِ مِنْ تَحْتِ الأَرْضِ. لاَ تَسْجُدْ لَهُنَّ وَلاَ تَعْبُدْهُنَّ.)
بلاش دي عارف الكتاب ده قال ايه عن الرحمه بالاب والام
(أكْرِمْ أَبَاكَ وَأُمَّكَ لِكَيْ تَطُولَ أَيَّامُكَ عَلَى الأَرْضِ الَّتِي يُعْطِيكَ الرَّبُّ إِلهُكَ)
بلاش دي كمان الكتاب ده قال
(لاتقتل ،لاتزن،لاتسرق،لاتشهد شهاده زور)
هيرد واحد يقولي ياعم ده في العهد القديم
طب حاضر حضرتك شوفت تعاليم المسيح لتلاميذه كانت ايه
استني انا هقولك المسيح في مره من المرات صعد علي الجبل وبداء يعلم تلاميذه ويقولهم
(طوبي للرحماء لانهم يرحمون)،(احبوا اعدائكم باركوا لاعنيكم صلوا لاجل المسيئين اليكم )
تصدق بالله انا هقف عند الجمله الاخيره دي ومش هفسرهالك لاني زي ماقولت مش عالم لاهوت ولا حاجه
لكن الجمله دي سمعناها كتير وعشناها وشوفناها من الجماعه المسيحين دول فاكر ساعه الكنائس بتاعتهم لمات اتحرقت
راحوا صلوا من اجل ان ربنا يرحم الارهابيين
عارف الشباب الازهريين اللي اتريقوا علي الصلاه المسيحيه
معظم المسيحين طالبوا بالافراج عنهم عشان ميضعش مستقبلهم
عارف الست اللي فقدت عيالها وجوزها في حادث الانبا صموائيل خدت حقها ازي انها صلت من اجل اللي قتلهم عشان ربنا يرحمه لانه فهم علاقته بربنا غلط
ايه ده الناس دي عجيبه اوي بقا معقول دينهم وكتابهم اللي كل يوم بنقول عليه محرف بيعملهم كدا ؟؟
اه والله هو ده كتابهم
سيبك من كدا عارف المسيح في عقيدتهم رغم الالم اللي كان فيه قال علي اللي عذبوه ايه (اغفر لهم لانهم لايعلمون مايفعلون )
اه والله زي مابقولك كدا
ارجوكم ياجماعه علم ابنك واخوك وكل اللي حواليك اننا لسنا قضاه علي الناس نحكم بتكفيرهم ونحكم بتحريف كتابهم
في ربنا فوق يحكم بكدا
ياجماعه ده القرءان نفسه اللي قال كدا
انا لست عالم لاهوت ولست عالما ازهريا
لكنني انسان محبتش ابقا في موقف اني واحد كل شويه يتهمني في ديني
انا انسان معرفتش الفرق بيني وبين مينا او كيرلس
اتربيت علي ان رمضان ميكملش غير بعزومه عندهم
وان صوم العدرا مسلمين كتير يصوموه وان يوم سبت النور الستات الكبار المسلمين يكحلوا اطفالهم فرحا باليوم (تقليد قديم )
علمونا ازاي اننا نحب بعض ونغفر لبعض
متعلموناش نبقا قضاه قاسيين علي الناس.
منقول
أبناء قداسة البابا شنودة الثالث معلم الاجيال
