Show me your glory - أرني مجدك

11/05/2026

كم مرة ظننت أنك ستتركني
حين رأيت ما في داخلي
لكنك اقتربت أكثر
كأن ضعفي .. يجذبك نحوي!!

#تدللني

5 likes, 5 comments. "تُدَلِّلُنِي | Jesus is the king"

08/04/2026

♥️♥️♥️♥️

✝️ أربعاء أيوب… وجع الحقيقة
إحنا شبههم… أكتر ما إحنا متخيلين.
زي يهوذا الإسخريوطي… بنبيع ربنا بحاجات رخيصة،
وزي بطرس الرسول… بنوعد وبعدين ننكر أول ما نخاف،
وزي توما الرسول… مش بنصدق غير لما نشوف،
وزي يوحنا الرسول… عارفين إنه بيحبنا… بس بنكسّر قلبه بضعفنا،
وزي باقي التلاميذ… بنهرب ونسيبه لوحده وقت الضيق.
💔 الحقيقة تقيلة…
إننا مش بس بنغلط… إحنا بنكرّر نفس الخيانة.
كل يوم… بنغلط بإرادتنا،
كل يوم… بنختار غيره،
كل يوم… كأننا بندق مسمار جديد في إيد يسوع المسيح…
وبنوجعه أكتر من غير ما نحس.
🔥 إحنا مش بس بنبعد…
إحنا بنجرحوا كل يوم اكتر سامحني يا رب🥺🙏🩵

07/04/2026

في أسبوع الآلام لا نتأمل فقط في آلام المسيح…
بل نتأمل في محبته.

محبة جعلته يقبل الصليب بإرادته،
محبة جعلته يحتمل الألم والرفض والظلم… من أجلنا.

لكن السؤال الحقيقي في هذا الأسبوع ليس:
كم تألم يسوع؟
بل: ماذا أفعل أنا أمام هذا الحب؟

هل أكتفي بالمشاهدة؟
أم أسمح لهذا الحب أن يغيّر قلبي؟

يسوع لم يصعد إلى الصليب ليجعلنا نشعر بالحزن فقط،
بل ليوقظ فينا قلبًا جديدًا.

نعيش أسبوع الآلام صح عندما:
نقترب أكثر من الله…
نغفر لمن جرحنا…
نهدأ قليلًا وسط زحمة الحياة لنسمع صوته…
ونقول له من القلب:
"يا رب، محبتك لم تكن رخيصة… فلا تجعل حياتي بلا رد على هذا الحب."

الصليب هو أعظم إعلان أن الله يحبنا.
لكن أجمل رد على هذا الحب…
هو أن نحبه نحن أيضًا كما احبنا...



#الصليب
#يسوع

07/04/2026

في أسبوع الآلام نقف صامتين أمام سرّ المحبة…
محبة لم تُقاس بالكلمات بل بالصليب.

يسوع لم يذهب إلى الصليب لأنه أُجبر،
بل لأنه أحب… حتى المنتهى.

أحب الإنسان الذي جرحه،
وغفر لمن صلبه،
وحمل آلام العالم كله في قلبه.

في كل مسمار دُق في يديه
كانت هناك رسالة حب لنا.
وفي كل قطرة دم سقطت
كانت هناك حياة تُعطى من جديد.

الصليب لم يكن نهاية القصة…
بل كان أعظم إعلان أن المحبة أقوى من الألم،
وأقوى من الموت.

يا يسوع، علّمنا في هذا الأسبوع
أن نحب كما أحببت،
أن نغفر كما غفرت،
وأن نحمل صليبنا بثقة
لأننا نعرف أن القيامة آتية.



#الصليب
#يسوع

09/03/2026

في ٩ مارس نتذكر بفرح انتقال رجل الصلاة والقداسة
قداسة البابا كيرلس السادس.

كان مثالًا حيًا للاتضاع والإيمان، عاش بسيطًا لكن قلبه كان ممتلئًا بحضور الله. كانت حياته رسالة لكل إنسان أن الصلاة ليست كلمات فقط، بل حياة كاملة مع الله.

كم من معجزات صنعها الله بشفاعته، وكم من قلوب تعزت بصلواته.

في عيده اليوم نصلي أن نتعلم منه الثقة الكاملة في الله، وأن تكون صلاتنا نابعة من القلب كما كان يصلي هو.

يا قديس الله البابا كيرلس السادس
اطلب من الرب عنا، وعلّمنا أن نعيش حياة الصلاة والإيمان. 🙏

09/03/2026

في مثل هذا اليوم المبارك ✝️
٩ مارس نحتفل بتذكار انتقال القديس العظيم البابا كيرلس السادس، الرجل الذي عاش حياة الصلاة والإيمان العميق.

كان قلبه متعلقًا بالله في كل لحظة، وكان دائمًا يردد أن الصلاة قادرة أن تغيّر كل شيء. عاش بسيطًا ومتواضعًا، لكنه كان ممتلئًا قوة روحية ومحبة لكل الناس.

ترك لنا قداسة البابا كيرلس رسالة جميلة:
أن نثق في الله في كل الظروف، وأن تكون الصلاة هي ملجأنا الأول.

صلِّ من أجلنا يا رجل الصلاة، يا من اختبرت قوة الله في حياتك، وعلّمنا كيف نعيش بالإيمان والاتكال على الرب دائمًا. 🙏

"الرب يدبر كل شيء في وقته الصالح."

يا قديس الله البابا كيرلس السادس
اطلب من الرب عنا ✨

28/12/2025

قبل ما السنة الجديدة تبدأ…
جرّب/ي تعمل قعدة هادية مع نفسك ومع ربنا ✨
مش قعدة تخطيط… قعدة صدق.

🌻 1- ابدأ بالامتنان
اشكر ربنا على كل اللي فات، الحلو قبل الصعب.

🌻 2- محاسبة النفس من غير جلد ذات
بص ل ورا بهدوء من غير جلد ذات… من غير قسوة وشوف اتغيرت إزاي، واتعلمت إيه وغلطت في أيه وقررت ايه غلط او متصرفتش ب حكمة في ايه (وافتكر من غيرررر جلد ذات)

🌻 3- تفريغ المشاعر
طلع اللي جواك
زعل، خوف، كره، إحباط
اكتبهم أو قولهم زي ما هما وسيّب كل ده في إيد ربنا... مش لازم تشيل لوحدك
مش لازم تفهم كل حاجة دلوقتي المهم طلع اللي جواك (سواء لشخص بتثق فيه او علي ورقة

🌻 4- حط نية روحية مش أهداف
اطلب شفاء وسلام على الحتت اللي لسه بتوجع وعلى الأسئلة اللي ملهاش إجابة.
و حط نية للسنة الجديدة ... مش أهداف كبيرة… نية صادقة زي مثلا:
عايز أعيش أقرب لربنا
عايز أهدى
عايز أثق أكتر
عايز أحب نفسي زي ما ربنا بيحبني

🌻 5- اختار أية تمسك فيها طول السنة.

🌻 6- اختار كلمة تمثل السنة
يعني بختار يارب السنة دي تبقي (سنة تسليم - سنة ثقة - سنة بركة- سنة تعويض - سنة سلام - سنة نور)

واختم بالصلاة دي وقولها من قلبك ♥️👇
يا رب، أنا جاي أقعد عند رجليك،
مش عشان أتكلم كتير…
لكن عشان أسمعك، وأستريح في حضورك.
أحط قدامك كل اللي فات،
اللي فهمته واللي لسه محيّرني،
الفرح اللي عدّى، والوجع اللي ساب أثره.
افتح عينيّ يا رب عشان أشوفك
حتى في الطرق اللي كانت تقيلة.
والسنة الجديدة في إيدك،
وأنا باختار أكون مطمئن/ة مش لأن الظروف سهلة،
لكن لأنك إنت معايا.
إنت سندي، إنت ملجأي،
ووجودك وحده كفايتي.
علّمني أبدأ من جديد من غير خوف،
أمشي خطوة خطوة وأنا ماسك/ة في إيدك،
وواثق/ة إنك صالِح… حتى لما الطريق مايبانش.
لك المجد، والتسليم، والاتكال،
النهارده وبكرة وطول العمر. ✝️✝️

✨ واخيرا قولنا في الكومنتات اخترت كلمة ايه تمثل السنة بتاعتك؟ انا اخترت (سنة البركة) قولنا انت كمان اخترت ايه .. 😍

15/12/2025

إن كل يوم جديد بيحمل لك رسالة من السما… رسالة بتقولك: "أنا معاك".
الله لا ينسى تعبك، ولا دمعتك، ولا أي خطوة مشيتها بالإيمان حتى لو كنت ماشي بتنهيده.

يمكن الأيام اللي فاتت كانت تقيلة، ويمكن حسّيت إن ربنا ساكت…
بس الحقيقة إن الله ما تغيّرش، ولا صوته اختفى، ولا محبته قلت.
إلهك هو هو… أمسًا واليوم وإلى الأبد.

هو مش إله الذكريات…
هو إله اللحظة الحاضرة، وإله اللي جاي.
إله الأبواب اللي بتتفتح فجأة، والطرق اللي بتظهر من غير ما تتوقع. الإله اللي عمل قبل كده وقادر يعمل أعظم دلوقتي.

هل يقدر يتوقف عن البركة؟
أبدًا… مستحيل.
لأن دي طبيعته...
يعزي، ويشفي، ويقوّي، ويفتح، ويمشي قدّامك في كل خطوة.

ربنا بيبعتلك الرسالة دي النهارده:
"أنا اللي معاك كل الأيام… مش بعض الأيام.
أنا اللي مشي قدامك، ومكمّل بيك، وهفتح لك أبواب ما كنتش تتخيلها".

ثق....
في حضوره، وأن الأيام الجاية أحلى..

15/12/2025

ليس بجهدي يارب ولكن بمعونتك، ليس بقوتي ولكن بنعمتك، أنا من ذاتي لا استطيع ان أعرف لكن أنت تستطيع أن تكشف ذاتك لي.
"البابا شنودة الثالث"

26/11/2025

يارب، الناس تقلت احمالها والحياة بقت تقيلة وقاسية اوي. كل واحد بيعاني ويكافح في طريقه. الناس فقدت شغف الحياة والبهجة من كتر المسؤوليات، وعلي وشوشهم الف علامة استفهام علي المستقبل واللي مخبيه.

يارب، بنطلب منك تطمن القلوب وترجعلنا شغف الحياة وترجع الضحكة للبيوت وللوشوش يارب .. احنا داخلين علي سنة جديدة كلنا أمل انك تفتح أبواب جديدة مقفولة وتستجيب لصلوات انتظرناك فيها كتير بقلوب صابرة.. يارب أجعلها سنة خير وراحة وطمأنينه. 🙏