23/05/2026
طيبة قلبك مش شيء قليل، لكن بدون مجاهدة في الحفاظ على الصلاة!
بدون مجاهدة في غض البصر!
بدون مجاهدة في الحفاظ على ورد قرآن!
بدون مجاهدة في طلب الحلال!
بدون مجاهدة في الصبر على الأذى!
بدون مجاهدة دائمة مع نفسك!
هتفضل كل مرة تقع في نفس الذنب، ونفس الغفلة، ونفس البُعد…
لأن الجنة ما اتخلقتش للناس اللي ماشية مع هواها،
اتخلقت للناس اللي كل يوم بيجاهدوا نفسهم لله.
﴿ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ﴾
كل مرة تقوم بعد ما تقع = مجاهدة.
كل مرة تمنع نفسك عن الحرام = مجاهدة.
كل مرة تصلي وأنت مش قادر = مجاهدة.
كل مرة تسيب حاجة بتحبها عشان ربنا = مجاهدة.
وربنا شايف تعبك…
شايف المحاولة اللي محدش يعرفها،
وشايف الحرب اللي جواك كل يوم.
فإوعى تفتكر إن النجاة بالمشاعر بس،
النجاة للمجاهدين…
للناس اللي بتحارب علشان توصل لربنا، حتى وهي بتتعب وتضعف وتقع.
