29/03/2026
"يسوع حس بنفس اللي حسيت بيه … بجد."
لما فقدت حد غالي عليك…
هو كمان وقف قدام قبر واحد بيحبه وبكى…
ما قالش كلام كبير… هو بكى زيك.
لما اتخنت من أقرب الناس ليك…
واحد من أقرب أصحابه باعه… علشان الفلوس.
لما حسّيت إنك لوحدك في أصعب وقت…
هو كمان كل اللي حواليه سابوه ومشيوا…
وسابوه يواجه كل حاجة لوحده.
لما جيت على نفسك وكنت تعبان ومفيش حد مقدّر…
هو لفّ يعمل خير… وفي الآخر ناس كتير رفضته.
لما كنت حزين ومش قادر حتى تشرح اللي جواك…
هو قال: "نفسي حزينة جدًا…"
كان موجوع بجد.
لما اتفهمت غلط واتشكّ في نيتك…
قالوا عليه إنه بيعمل الشر… وهو كان بيعمل خير.
لما كنت ناوي خير واترد عليك بأذى…
هو حب الناس… وهم صلبوه.
لما سكت واتكسرت جواك ومعرفتش تدافع عن نفسك…
هو وقف ساكت قدام اللي ظلموه… وما قالش كلمة.
يسوع عارف الإحساس ده…
مش عارفه من برّه…
عارفه لأنه عاشه.
عشان كده…
لما تقول له "أنا تعبان"
هو مش بيقولك "استحمل"…
هو بيقولك:
"أنا حاسس بيك."
"أنا عارف… أنا جرّبت ده."
فأنت لست وحدك أبدًا لأَنَّهُ فِي مَا هُوَ قَدْ تَأَلَّمَ مُجَرَّبًا يَقْدِرُ أَنْ يُعِينَ الْمُجَرَّبِينَ
