تَذّكِرة-Tazkerah

19/04/2026

هتبدأ رحلة الأشهر الحرم ( ثلاثة أشهُر متتالية ) : "ذو القعدة وذو الحِجة ومُحرم"
- ارتكاب المعاصي والذنوب فيهنّ أشد وِزرًا وأعظم حُرمة من الأشهُر الأخري، كما أن العمل الصالح فيهنّ أعظم أجرّا
{ فَلاَ تَظْلِمُواْ فِيهِنَّ أَنفُسَكُمْ }

وفي أول ليلة من ذو القِعدة اللهُم أجبُر خواطرنا وارزق قلوبنا العوض الجميل عن كل ما فقدناه وقر أعُيننا بما ننتظره منك وقدِّر لنا الخير حيث كان ثم رَضّنا به وبكل شيءٍ كتبته لنا وحوِّل أحوالنا إلى أحسنها ولا تفجعنا في أحبابنا يارب. 🤲🏻

وَذَكِّر 🕊️♥️

10/04/2026

بمناسبة إنها ليلة جمعة الشيخ النهاردة كان حظنا قراءة سورة الكهف وتفسير بعض أياتها..
بس لفت نظري لكام حاجة في الأية دي..
قُلْ هَلْ نُنَبِّئُكُم بِالْأَخْسَرِينَ أَعْمَالًا (103) الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا

🍓هنتكلم بالبلدي كده وجهزوا كوباية شاي عشان متزهقوش مني..

💡 هل ممكن تكون من الناس اللي اتقال عليهم "الأخسرين أعمالاً" وأنت مش عارف؟
الآيات دي بتهز القلب، لأنها بتتكلم عن نوع صعب جدًا من الخسارة.. خسارة الإنسان اللي فاكر نفسه ماشي صح وهو بيضيع!

🍓 بالراحة كده الأول، يعني إيه؟
ربنا سبحانه وتعالى بيسأل سؤال للتنبيه:
ـــ عايزين تعرفوا مين أكتر ناس خسرانين في الدنيا والآخرة؟
هم اللي مجهودهم وتعبهم في الدنيا راح على الفاضي (ضل سعيهم)، والمصيبة الأكبر إنهم عندهم ثقة عامية إنهم صح، ومبسوطين بأفعالهم، ومستنيين عليها ثواب وسقفة، وهما في الحقيقة ماشيين في طريق غلط خالص.

🍓 نزلت في مين؟ (سبب النزول)
ــــ مشركي قريش: اللي كانوا بيخدموا الكعبة ويطعموا الحجاج وهما أصلاً بيعبدوا أصنام، فكانوا فاكرين إن "الوجاهة الاجتماعية" دي هتنجيهم وهم "كفار" بالأصل.

ـــ مقصود بيها مين دلوقتي؟ (المعنى العام)
رغم إنها نزلت في الكفار، لكن "العبرة بعموم اللفظ لا بخصوص السبب" يعني الآية دي "إنذار" لكل واحد فينا:

المبتدع: اللي بيخترع عبادات وأفعال ملهاش أساس في الدين وفاكر إنه "بيجود" وهو بيخالف السنة.

المغرور بعمله: اللي بيعمل خير بس "رياء" عشان الناس تقول عليه طيب، وجلاب خير، ومن البيت للجامع، فهو فاكر إنه كده ضامن الجنة، لكن من جواه فاضي، "كنت حكيت قصة الناس اللي هييحو يوم القيامة اعمالهم الصالحة هتصبح هباءً منثورًا"

🍓 طيب ليه الناس دي "أخسرين"؟
لأن المخطئ اللي عارف إنه غلطان، فيه أمل إنه يتوب، لكن اللي "فاكر نفسه صح"، ده عمره ما هيفكر يراجع نفسه أو يتوب، فبيفضل مستمر في الضلال لحد ما يتصدم بالحقيقة يوم القيامة.

🍒هقولكم أمثلة من واقعنا وإزاي نطبق الآية على نفسنا؟
🍓 فخ "الجدل والنقاش" باسم الدين:
شخص يقضي يومه كله في خناقات على السوشيال ميديا، بيشتم ده ويكفر ده ويسخر من ده، وفاكر إنه كده "بيدافع عن الدين" وهو في الحقيقة بينفّر الناس منه وبيملأ قلبه غل.
الحقيقة: "ولو كنت فظاً غليظ القلب لانفضوا من حولك".

🍓 فخ "التربية بالخوف" مش بالحب:
أب أو أم بيضغطوا على ولادهم جداً ويقسوا عليهم لدرجة التحطيم النفسي، بحجة "إحنا بنربيهم ونطلعهم رجالة".
الحقيقة: هم بيطلعوا شخصيات مهزوزة أو كارهة للبيت، وفاكرين إنهم بيعملوا خير.

🍓 فخ "التدين الظاهري" مع أذية الناس:
حد ملتزم جداً بالصلاة والذكر، بس لسانه "سليط" مع جيرانه، أو بيقطع رحمه، أو بيظلم موظفين عنده، وشايف إنه "خلاص ضمن الجنة" عشان عباداته.
الحقيقة: الدين معاملة، والعبادة اللي متهذبش الأخلاق محتاجة مراجعة.

الخلاصة:
أصعب خسارة مش إنك تفشل، أصعب خسارة إنك تتعب وتشقى في طريق غلط وأنت فاكر إنك بتنجز.
الآية دي بتعلمنا حاجتين:
اعمل العمل لربنا مش لكلام الناس.
اتأكد إن عملك ده على مراد ربنا وسنة نبيه، مش على مزاجك وهواك.
اللهم لا تجعلنا ممن ضل سعيهم في الحياة الدنيا وهم يحسبون أنهم يحسنون صنعًا

هديتي ليكم، وادعولي ولكم المثل
يا رب أرنا الحق حقاً وارزقنا اتباعه، وأرنا الباطل باطلاً وارزقنا اجتنابه

01/04/2026

بص يا صاحبي/يا ست الكل..

خلينا نتكلم "كلمتين يهدوا النفوس" في وسط الزحمة والوش اللي إحنا عايشين فيه ده. الدنيا حوالينا مقلوبة، والأخبار بتخوف، والأسعار بتغلى، والأحداث بتجري بشكل يخلي الواحد مش عارف بكرة مخبي إيه.

طبيعي جداً تخاف، وطبيعي قلبك ينقبض.. إحنا بشر في الآخر.

بس تعال أقولك على "السر" اللي هيخليك تنام وأنت مطمن، مهما كان اللي بيحصل بره باب بيتك:

1. "الوكيل" مش مجرد اسم:
إحنا بنقول "حسبنا الله ونعم الوكيل" كتير، بس هل فكرنا في معناها؟ التوكيل ده معناه إنك رميت حمولك على "أقوى قوة في الكون". لما بتوكل محامي شاطر بتنام مطمن، فما بالك وأنت موكل "رب العالمين" في مستقبلك ورزقك وعيالك؟ ربنا اللي ممشي المجرات دي كلها، مش هيعجز إنه يدبر لك بكرة.

2. "ماتسبقش الأحداث":
أكتر حاجة بتدمرنا هي "السيناريوهات" اللي بنألفها في دماغنا عن بكرة. 90% من الحاجات اللي بنخاف منها مابتحصلش أصلاً! عيش "يومك بيومه". ربنا بيديك رزق النهاردة، وصحة النهاردة، وستر النهاردة.. بكرة له "رب" هيتكفل بيه زي ما تكفل بالنهاردة.

3. "الرزق مش عند حد":
الأحداث ممكن تخوفك على لقمة عيشك، بس افتكر إن "الخزائن" مش في إيد حد من البشر. ربنا هو "الرزاق"، والرزق ده زي النفس، مفيش حد يقدر يقطعه عنك إلا بإذن اللي خلقه. طمن قلبك، طول ما ليك عمر، ليك رزق هتاخده تالت ومتلت.

4. "افصل الفيشة":
بلاش تبقى 24 ساعة فاتح الأخبار والفيسبوك والتحليلات اللي بتسد النفس. كتر الكلام في "الهم" بيكبره في عينك. خصص وقت بسيط تعرف فيه المهم، وبقية وقتك استثمره في ذكر الله، في قعدة حلوة مع أهلك، في شغل يفيدك. "الراحة" بتيجي لما تشغل عقلك باللي تقدر تعمله، وتفوض اللي ما تقدرش تعمله لربنا.

5. "الدعاء.. السلاح السري":
لو حاسس بضيق، قوم صلي وقوله "يا رب أنا خايف طمن قلبي". الدعاء بيغير القدر، وبيجيب سكينة بجد مابتتوصفش. خليك واثق إن ربنا مش هيضيعك، وإن "اللطف الخفي" بتاع ربنا شغال حتى في عز الأزمات.

العالم ده كله "مملكة الله"، ومفيش حاجة بتخرج عن إرادته. والأزمة اللي إحنا فيها دي "هتعدي" زي ما غيرها عدى. خليك "مطمن بالله"، وخلي شعارك:

"يا رب، أنا متطمن لأنك أنت اللي بتدبر لي أموري".

ارمي حمولك عليه، وقول يا رب.. بكرة أحلى بإذن الله

17/03/2026

إذا شعرت بضيق في صدرك، وتأخر في أرزاقك، وكأن الأبواب موصدة في وجهك.. قف هنا، واستودع الله همك بهذا الدعاء اليقيني.
"يا حي يا قيوم برحمتك أستغيث، أصلح لي شأني كله ولا تكلني إلى نفسي طرفة عين. بسم الله على نفسي، بسم الله على أهلي، بسم الله على مالي وما رزقني ربي."
​اللهم يا فتاح يا عليم، افتح لنا مغاليق الأبواب، ويسر لنا الأسباب، واجعل لنا من كل ضيق مخرجاً ومن كل هم ف*جاً. اللهم إن كان رزقي في السماء فأنزله، وإن كان في الأرض فأخرجه، وإن كان بعيداً فقربه، وإن كان عسيراً فيسره.
​اللهم يا كاشف الضر، اصرف عنا كيد الكائدين وشر الحاسدين. اللهم اجعل بيننا وبين كل سوء سداً منيعاً، وحصناً حصيناً. يا رب، أبدل خوفنا أمناً، وضيقنا سعة، وعسرنا يسراً.
​اللهم إنا نعوذ بك من زوال نعمتك، وتحول عافيتك، وفجاءة نقمتك، وجميع سخطك. يا رب ارزقنا البركة في كل خطوة، والتوفيق في كل عمل، والرضا في كل قضاء.
​يا رب.. أنت القوي ونحن الضعفاء، أنت الغني ونحن الفقراء، ارزقنا رزقاً لا ينقطع، وعافية لا تزول، وستراً يغطينا في الدنيا والآخرة.
​اللهم اجعل هذا الدعاء مستجاباً لكل من كتب "يا رب" وشاركه بنية الف*ج.

17/03/2026

17/03/2026

ردد هذا الدعاء لتنال الأجر بإذن الله
ربي إني قد غلبني الأمر فأعنّي
اللهم إني أتبرأ من حولي وقوتي وتدبيري، وألتجئ إلى حولك وقوتك وتدبيرك.
لا إله إلا أنت، لا يعجزك شيء، وأنت على كل شيء قدير.
ربي أعنّي ولا تعن علي، وانصرني ولا تنصر علي، وامكر لي ولا تمكر علي، واهدني ويسر الهدى لي يا كريم.اللهم فاطر السماوات والأرض عالم الغيب والشهادة انت تحكم بين عبادك فيما كانوا فيه يختلفون (الدعاء)
َياجبار أجبرني
ياجبار أجبرني
ياجبار أجبرني
اللهُمَ أرني عجائب قدرتك في تحقيق ماأتمنى ..
يارب يارب ياجبار أجبرني وف*ج عني همي وكربي..
ياكريم يافارج الهم ياكاشف الغم .. يارحمن يارحيم...
أستغفر ﷲ العظيم وأتوب إليه عدد خلقه ورضى نفسه وزنة عرشه ومداد كلماته.
أستغفر ﷲ العظيم وأتوب إليه عدد خلقه ورضى نفسه وزنة عرشه ومداد كلماته.
أستغفر ﷲ العظيم وأتوب إليه عدد خلقه ورضى نفسه وزنة عرشه ومداد كلماته.
لا إله إلا أنت سبحانك إني كنت من الظالمين
لا إله إلا أنت سبحانك إني كنت من الظالمين
لا إله إلا أنت سبحانك إني كنت من الظالمين
حسبي ﷲ لاإله إلاهو عليه توكلت وهو رب العرش العظيم
حسبي ﷲ لاإله إلا هو عليه توكلت وهو رب العرش العظيم
حسبي ﷲ لا إله إلاهو عليه توكلت وهو رب العرش العظيم
لاحول ولاقوة إلا بالله العلي العظيم
لاحول ولاقوة إلا بالله العلي العظيم
لاحول ولاقوة إلا بالله العلي العظيم
اللهُمَ إني عبدك إبن عبدك إبن أمتك ناصيتي بيدك ماض في حكمك عدل في قضاؤك أسألك بكل إسم هو لك سميت به نفسك أوأنزلته في كتابك أوعلمته أحداً من خلقك أوأستأثرت به في علم الغيب عندك أن تجعل القرآن العظيم ربيع قلبي ونورصدري وجلاء حزني وذهاب همي
اللهُمَ أسعدني بقدر ماتألمت وأرحني بقدر ماتعبت ولاتخيب آمالي فأنت حسبي ونعم الوكيل
اللهُمَ أشرح لي صدري وأبعد عني كل ضيق
ربي لا تدع حُزناً إلابدلته ولاغماً إلا ف*جته ولاهماً إلا جعلت لي منه مخرجاً
اللهُمَ أنت المجيب وأنا المضطر إليك
اللهُمَ أنت الغني وأنا الفقير إليك
اللهُمَ رفعت يدي إليك بحاجة فلا تردهما إنك سميع الدعاء
فوضت أمري إليك
ياخالق الراحة وكلتك أمري وأستودعتك نفسي فبشرني بما يفتح مداخل السعادة في قلبي
يارب أرزقني اليقين وحسن الظن بك وف*ج كربى وهمى واشرح صدرى ، فيامن تقول للشئ كن فيكون أبعد عني الضيق والحزن كما باعدت المشرق عن المغرب ، يامن هو أقرب إلينا من حبل الوريد قرب لى الف*ج والتيسير فى الأمور وغير قدرى لأحسنة يامن لايستعظم عليك شئ أجعلنى بك أقوى
يامن تعلم مافى قلبى لأنه من صنع يديك أرح قلبى بماأنت به اعلم ،وأرزقه الثبات
ربى بعدد من يقرأ دعائى هذا فربما يكون فيهم من تستجب له الدعاء ف*ج همى وأرح بالى وأشرح لى صدرى وأجعلنى بك أقوى يامن بقدرتك التى أخرجت بها يونس من بطن الحوت
يامن تقول للشئ كن فيكون أخرجنى من حلقة الضيق إلى الف*ج وأوسع الطريق ،
لا إله إلاأنت سبحانك إنى كنت من الظالمين
“يارب خذ وجعي،خذ كلاماً داخل صدري،خذ قهري خذ قلقي وخذ كل حزن تعمق في قلبي وأبدله بف*ج ”
اللهُمَ أسعدني بقدر ماتألمت وأرحني بقدر ماتعبت ولاتخيب آمالي فأنت حسبي ونعم الوكيل
اللهُمَ أشرح لي صدري وأبعد عني كل ضيق ربي لاتدع حُزناً إلا بدلته ولاغماً إلا ف*جته ولاهماً إلا جعلت لي منه مخرجاً
اللهُمَ أنت المجيب وأنا المضطر إليك
اللهُمَ أنت الغني وأنا الفقير إليك
اللهُمَ رفعت يدي إليك بحاجة فلاتردهما إنك سميع الدعاء
فوضت أمري لمن لاينسى من ذكره ولايخيب من رجاه ولايرد من سأله
ياخالق الراحة وكلتك أمري وأستودعتك همي فبشرني بما يفتح مداخل السعادة في قلبي
• يافارج الغم أجعل لي من أمري ف*جاً ومخرجاً ياسامع كل شكوى وكاشف كل كرب أدعوك ياإلهي دعاء من أشتدت به فاقته وضعفت قوته وقلت حيلته دعاء الملهوف المكروب الذي لايجد كشف مانزل به إلا أنت
اللهُمَ أرزقني بخير يفوق كل توقعاتي ..
ربي إني مغلوب فأنتصر
ربي إني مغلوب فأنتصر
ربي إني مغلوب فأنتصر
اللهُمَ بشرني بالخير كمابشرت يعقوب بيوسف وبشرني بالفرح كمابشرت زكريا بيحيى
*اللهُمَ أرزقنا قلوب تتجلى بـخشيتك ،*
*ونعماً تدوم بفضلك ،* *وأرواحاً تهوىَ طاعتك ،*ولساناً لا يمل من ذكرك*;*أسْألُكَ ياالله; فِي كُلّ يَوْم جَديد زِدْتَهُ فِي حَياتنَا ؛ أنْ تَزيدنَا مَعَهُ إيمَاناً؛وَرِزْقاً ؛وَ سَـعادَة ؛وَتَوْفِيقا
ياحي ياقيوم أسألك بحاجة في داخل القلب وانت أعلم بها فحققها لي ياربي

اللهم ارزق ناشر الدعاء فرحه من حيث لا يحتسب والرزق الحلال عاجلاً غير اجل واختر له ولا تخيره في امره

اللهم بحق لا اله الا الله و ثقلها في الميزان و بكل أسمائك الحسنى وعظمتها و صفاتك العلى يا من يقول للشيء كن فيكون أن تحقق رجاءنا ... وتغير احوالنا الى أفضل حال..
وتحفظ أولادنا من الفتن و أن توسع أرزاقنا و تبارك لنا في نعمك التي لا تعد و لا تحصى ..
أحبابي خطرتم ببالي في هذه الساعة ولا أعلم ماهي حاجاتكم
أتمنى من الله أن يعطيكم فوق ما ترجون من خيري الدنيا والآخرة و أن يبعد عنكم ما تكرهون.
وصل اللهُمَ على سيدنا محمد وعلى اله وصحبه وسلم أجمعين

16/03/2026

قال النبي صلى الله عليه وسلم..
دعوة أخي ذي النون، ما دعى بها مكروبٌ إلا واستجاب الله له أو ف*ج الله عنه.. اللي هو لا إله إلا أنت سبحانك إني كنتُ من الظالمين
وفي الصحيح يقول النبي صلى الله عليه وسلم..
لما علم أصحابه دعاء الكرب " لا إله إلا الله العظيم الحليم، لا إله إلا الله رب العرش العظيم، لا إله إلا الله رب السموات والأرض ورب العرش الكريم"
التهليلات التلاتة دول مفيهومش طلب، ولا استغاثة مجرد ثناء على الله عز وجل..
ودول من أعظم أسباب دفع الكروب والبلاءات.
عشان كده بيقولوا العلماء والمشايخ.. لما تعوذ حاجة من ربنا ابدأ بالثناء على الله، نادي على الله بأحب صفاته واسماءه.

15/03/2026

👈هيقولولك دي ليلة القدر !
ليلةٌ هادئة ، وهيوروك صور الشمس بدون شعاعٍ

👈كمل طريقك يا صديقي ... فالله قد أخفى هذه الليلة من أجلك .. من أجل أن يبقى قلبك متلهّفا ، و أن تبقَى قريبا فهو يحبّ قربكَ ..❤️
ومتتعبش نفسك بتخمينات النّاس ياصديقي ، خليك في عبادتك و صدقك لله عزّ و جل .. فإنه و الله إن رأى منك صدقًا جعل كلّ لياليك ليال قدر🤲 ♥️
- و اعلم أنّ المحبّ الحقيقي لا تكفيه ليلةٌ واحدة .. و لا لقاءٌ واحد .. فلا تفتر همّة أحدكم اعتقادًا منه أنه فوّت ليلة القدر .
"👈وافتكر إن ليلةُ عتقك من النّار هي ليلة قدرك ❤️"

🌙تلك الليلة التّي تبكيكَ فيها ندمًا على ما مضى ، و تعاهد فيها الله ببدايةٍ جديدة ، ستكون حتمًا ليلة العطايا و النّفحات ...🤲🌹 🌙

🌿رحمة الله تشمل قلبك فلا تحزن .. رحمة الله باقية .🤲♥️🌙

15/03/2026

٢٥ رمضان
علمني أهل التدبر في القرآن الكريم النهاردة.. سبب نزول سورة التوبة، ومين هما التلاتة الذين أخلفوا!
بسم الله الرحمن الرحيم
وَعَلَى الثَّلَاثَةِ الَّذِينَ خُلِّفُوا حَتَّىٰ إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنفُسُهُمْ وَظَنُّوا أَن لَّا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا ۚ إِنَّ اللَّهَ هُوَ التَّوَّابُ الرَّحِيمُ.
بذمتك مش عندكم فضول زيي تعرف مين دول وعملوا إيه لدرجة تنزل لهم سورة؟!
الأية بتتكلم عن تلاتة من الصحابة، تخلفوا عن غزوة تبوك في عهد النبي محمد صلى الله عليه وسلم..
وكانت الغزوة في جو صيف والحر شديد جدًا، والمسافة إلى تبوك عشان يحاربوا الروم بعيدة جدًا..
ــــ طيب مين التلاتة دول؟
كعب بن مالك
مرارة بن الربيع
هلال بن أمية
وكانوا من خيرة الصحابة وحضروا غزوات قبل كده.
لما الرسول عليه الصلاة والسلام خرج للغزوة كانوا متكاسلين وبيأجلوا خروجهم لعل الجو يتحسن، يوم بعد يوم الغزوة كانت خلصت..
بعد عودة النبي صلى الله عليه وسلم من الغزوة، جم الثلاثة وبكل شجاعة قالوا: لا عذر لنا يا رسول الله.
فكان العقاب بتاعهم:
المقاطعة:
أمر النبي صلى الله عليه وسلم المسلمين ما يتكلموش معاهم.
استمرت المقاطعة 50 ليلة، حتى وصف القرآن حالهم بقوله: "حَتَّىٰ إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنفُسُهُمْ".
حتى زوجاتهم اعتزلوهم.
ــــ وبعدين إيه اللي حصل؟
بعد صدقهم وصبرهم على هذا البلاء، ربنا نزل توبتهم في السورة: "وَعَلَى الثَّلَاثَةِ الَّذِينَ خُلِّفُوا..."
فرحوا المسلمين، وبشروا كعب بن مالك رضي الله عنه.
كعب بن مالك كان قاعد فوق سطح بيته وضيقته واصلة لآخرها، وفجأة سمع واحد بينادي بأعلى صوته من فوق جبل "سلع": "يا كعب بن مالك.. أبشر!".
كعب بن مالك محتاجش يسمع كلمة تانية، رمى نفسه وسجد لله فورًا، وعرف إن الهم انزاح.
لما اللي جايب له البشارة وصل عنده، من كتر ما كان طاير من الفرح وماعندوش حاجة تانية يديها للراجل اللي جابله الخبر، قلع هدومه اللي لابسها واداها له.. حلاوة البشارة، واضطر يستلف هدوم من حد جاره عشان يلبسها ويروح يقابل النبي.
وهو ماشي في الطريق للمسجد، الناس كانت بتجري عليه أفواج، اللي يحضنه واللي يبارك له..
وأول ما دخل المسجد، قام له الصحابي طلحة بن عبيد الله "اتكلمنا عنه باستفاضة قبل كده" بيجري عليه، وسلم عليه بحرارة وهنأه، والموقف ده فضل كعب بن مالك شايله لطلحة طول عمره وما نسهوش أبدًا.
لما كعب سلم على النبي عليه الصلاة والسلام، لقى وجهه بينور زي القمر من الفرحة، وقاله جملة تشرح القلب: "أبشر بخير يوم مرّ عليك من ساعة ما أمك ولدتك".
كعب من كتر الفرحة والامتنان لربنا، قال للنبي عليه الصلاة والسلام: "يا رسول الله، إن من توبتي أن أنخلع من مالي كدقة (صدقة) إلى الله وإلى رسوله.. بمعنى..يا رسول الله، أنا عايز أطلع كل مالي صدقة..
بس النبي صلى الله عليه وسلم قاله: أمسك عليك بعض مالك فهو خير لك، يعني.. خلي معاك شوية عشان تقدر تعيش، ده أحسن لك.
قال كعب للنبي صلى الله عليه وسلم جملة خلدها التاريخ:
"يا رسول الله، إنما نجاني الله بالصدق، وإن من توبتي ألا أحدث إلا صدقاً ما بقيت".
هديتي ليكم، دعاء فيه اسم الله الاعظم حسب كلام العلماء..
اللهم إني أسألك بأني أشهد أنك أنت الله، لا إله إلا أنت، الأحد الصمد، الذي لم يلد ولم يولد، ولم يكن له كفواً أحد.. أن تغفر لي ذنوبي وتتوب عليَّ، وتفتح لي أبواب رحمتك في هذه الأيام المباركة.

17/05/2025

إن كنت لا تفرّق بين فضل ليلة القدر ويوم عرفة، فاعلم أن في ليلة القدر تتنزّل الملائكة والروح، والروح هو جبريل عليه السلام، إلى الأرض بأمر ربهم، وهي ليلة عظيمة مباركة.

أما يوم عرفة، فإن الله جلّ جلاله ينزل فيه نزولًا يليق بجلاله وكماله، ويقول لملائكته: “يا ملائكتي، انظروا إلى عبادي، جاءوني شُعثًا غبرًا، يرجون رحمتي ومغفرتي، أشهدكم أني قد غفرت لهم.”

ولم يمرّ على الشيطان يومٌ أشدّ عليه من يوم عرفة، فيقول: “أضللتهم طَوال العام، فتغفر لهم في يومٍ واحد كأنهم لم يعصوك قط!”

- فلا تنسوا أنفسكم، ولا آباءكم، ولا أبناءكم، ولا أحبابكم من الدعاء في هذا اليوم العظيم.

اللهم بلغنا يوم عرفة، وارزقنا فيه دعوة لا تُرد🤲🏻🤎

19/02/2025

إن شاء الله رمضان السبت 1 مارس ♥️
وقت الإفطار 5:54
وقت الفجر 4:54
أحيوا سُنّة التبشير بدخول رمضان:
عن أبي هريرة رضي الله عنه قال كان رسول اللهﷺ يُبَشِّر أصحابه بقدوم رمضان فيقول:
"قد جاءكم شهر رمضان شهرٌ مبارك، كتب الله عليكم صيامه، فيه تُفتح أبواب الجنة وتغلق فيه أبواب الجحيم، ‏وتغل فيه الشياطين، فيه ليلةٌ خيرٌ من ألف شهر، من حُرِمَ خيرها فقد حُرِم". 🌙♥️