24/02/2025
مافيش حاجة بتدخل ودنك وبتطلع من الناحية التانية
كل كلمة بتسمعها .. كل أغنية .. كل نكتة .. كل مكالمة تليفون .. كل الحوارات اللي بتسمعها والأخبار والڤيديوهات والترندات .. كل ده بيسيب جواك رواسب
وبيتسرسب لنفسك وروحك .. ومع الوقت بيأثر على مزاجك وقراراتك وطريقة تفكيرك
فماتخليش إبليس والعالم والناس يرموا زبالتهم كلها عندك وماتسمحش لكل حاجة تدخل جواك
فيه آية في الكتاب المقدس بتقول:
"هَادِمِينَ ظُنُونًا وَكُلَّ عُلْوٍ يَرْتَفِعُ ضِدَّ مَعْرِفَةِ اللهِ، وَمُسْتَأْسِرِينَ كُلَّ فِكْرٍ إِلَى طَاعَةِ الْمَسِيحِ،" (2 كو 10: 5)
يعني أي فكرة بتدخل دماغك ماينفعش تسيبها تاخد راحتها!
لازم تفلترها .. تحاسبها .. وتشوف هل الفكرة دي بتمجد ربنا؟
هل بتقربني من الحق؟ ولا بتاخدني بعيد؟
واحمي نفسك وذهنك وروحك بكلمة ربنا .. بالحق المكتوب في الكتاب المقدس
كل ما هاتحافظ على قعدتك معاه كل ما هاتتملي بكلامه وفكره وبمبادئه فيبقى ليك فكر المسيح
مش فكر العالم!
