مشابهين صورة يسوع

19/09/2025

عظات سطحيه
تعليم سطحي
ايمان مبني علي شويه قصص
وصايا هي وصايا الناس
عبارات ومصطلحات محفوظه بدون فهم

والنتيجه : جيل مسيحي هش لا يفقه اي شيء في اي شيء - هلك شعبي من عدم المعرفه

العلاج : فتشوا الكتب - تضلون اذ لا تعرفون الكتب ولا قوه الله - كلمه الله حيه وفعاله - الكلام الذي اكلمك به هو روح وحياه - ليس بالخبز وحده يحيا الإنسان بل بكل كلمه تخرج من فم الله

23/04/2024

عمرك قتلت حد قبل كده ؟؟
تعرف انك ممكن تكون قتلت حد وانت مش عارف !! 😮
اه زي مابقولك كده
شوف اول تعليق وانت تعرف 👇

26/03/2024

ابليس عايز يبعدك بكل الطرق عن كلمه الله
لان كلمه الله نور وحق وحياه وطريق الله و غذاء وخبز حي وروح وحياه
امتلئ بالكلمه فتمتلئ بنور ومستحيل الظلمه تمتلكك
لكن الظلمه بتمتلكك لان مافيش نور
علشان كده يسوع بيدعوك تكون نور فاتنضف من الظلمه وتاخد حياه افضل بالكلمه (يسوع هو كلمه الله) يسوع هو النور الحقيقي

17/08/2023

كلمة الله الي بين ايديك هي يسوع
قرب منه وعيش حياته
طبق وصاياه لكي تخلص
ماتسمعش فقط لكن اسمع وافهم وعيش الي اتعلمته
تمتلئ بروح الله القدوس وتكون نور حقيقي وسط عالم مليان ظلام

05/07/2023

ابليس شاطر اوي انه يتعبك نفسيا
لما بيحبسك جوه افكارك
بافكار كتير اوى بتضغطك من غير ماتكون مضغوط من الاساس
لمجرد افكار حزن
و نكد وخنقه وخوف
وعدم الشعور بالاكتفاء
والامان وعدم المحبه
وتتفاجئ انك مضغوط اوى مع انك مش مضغوط
تتفاجئ انك خايف ومرعوب مع ان مافيش حاجه تخوفك
تتفاجئ انك حزين ومكتأب مع ان مافيش حاجه تحزنك
تتفاجئ بشعور انك مكروه ومرفوض مع ان ده مش حقيقي
تتفاجئ انك كاره حياتك والناس
وكل ده لمجرد شويه افكار ابليس حبسك فيهم
وخد بالك
ابليس لو قدر يضرب نفسك وتعبك نفسيا
هو سيطر عليك
وماعندش القدره تقاوم او تقول لا
بتستسلم
وبتبقي من سيئ لأسوء
احذر !!!

11/06/2023

18/05/2023

الفيديو ده ليك
.
فَتُوبُوا وَارْجِعُوا لِتُمْحَى خَطَايَاكُمْ
لِكَيْ تَأْتِيَ أَوْقَاتُ الْفَرَجِ مِنْ وَجْهِ الرَّبِّ
(أع 3: 19)

25/04/2023

كان عندها مشكله في رجليها
جات حضرت الاجتماع ووقت الصلاه يسوع لمسها وشفاها
مجدا لالهنا
ما زال يشفي الجسد والنفس والروح
قرب منه واستقبل شفاءك وخلاصك وحريتك في اسم يسوع
هو جاء الي العالم لكي يكون لك حياة افضل

21/04/2023

سؤال : هو التعصب من المحبه ولا من الكراهيه
ج : من الكراهيه
س : طيب هل الرب يسوع علمنا نكره ؟؟
ج : الرب يسوع علمنا نحب
نحب اخواتنا ونحب اعداءنا ونحب كل الناس
يسوع هو المحبه لان الله محبه
علشان كده لو في قلبك يسوع هاتعرف تحب وتتقبل الاخر حتي لو كان مختلف عنك في الفكر والعقيده
ولو مش في قلبك يسوع . بالتالي مافيش في قلبك محبه حقيقة .
عمرك ماهاتعرف تحب وهاتكون متعصب جدا للفكر بتاعك ومش عارف تقبل الاخر
التعصب كراهيه مش حب
اقبل اخواتك في المسيح
يعني تقبلهم في المحبه
"إِنْ قَالَ أَحَدٌ: «إِنِّي أُحِبُّ اللهَ» وَأَبْغَضَ أَخَاهُ، فَهُوَ كَاذِبٌ. لأَنَّ مَنْ لاَ يُحِبُّ أَخَاهُ الَّذِي أَبْصَرَهُ، كَيْفَ يَقْدِرُ أَنْ يُحِبَّ اللهَ الَّذِي لَمْ يُبْصِرْهُ؟"
(1 يو 4: 20).

12/04/2023

كل مشاكلك وكل خراب في حياتك بسبب الخطيه
اترك الخطيه واقترب الي يسوع
سوف تتغير حياتك بالكامل ..
خطوات عمليه
١. صلي وقدم توبه عن خطاياك وابدء من اللحظه دي انك تكون بتصلي كتير طوال اليوم وتقرب من شخص ربنا يسوع
٢. تقرأ كلمة الله يوميا لان كلمه الله هي الغذاء الروحي الي يقويك علي الخطيه والعالم
بس اهم شئ تطبق كل شئ تقراه
هي دي وصية ربنا ولو عملت بوصاياه يبقي انت عايش في النور م الظلمه
لان الخطيه هي كسر الوصيه
فا لو انت عيشت وصيه الله فا بالتأكيد مش هايكون في خطيه
٣. ركز علي العهد الجديد فقط لان ده يناسب مستواك الروحي وبالاخص ركز علي ( متي مرقس لوقا يوحنا اعمال الرسل)
ركز علي دول فقط مؤقتا
وافضل عيد فيهم كتير جدا ( كلهم أكل )
وهاتشوف فرق غير عادي في حياتك الروحيه والجسديه والنفسيه وعلي كل جوانب حياتك
الرب هايباركك جدا