Horror Mystery

Horror Mystery قصص دينية

13/01/2023

وما تدري نفس ماذا تكسب غدا
و ما تدري نفس بأي أرض تموت
#الرحمن

في أحد الأيام، كانت امرأة وصديقاتها يخيّمون في موقع بالقرب من Markawasi عندما سمعوا موسيقى قادمة من مقصورة #حجرية صغي...
14/04/2018

في أحد الأيام، كانت امرأة وصديقاتها يخيّمون في موقع بالقرب من Markawasi عندما سمعوا موسيقى قادمة من مقصورة #حجرية صغيرة .. هاؤلاء زعمن أنهن شاهدن بداخلها أشخاص يرتدون أزياء من القرن السابع عشر ، وكانت المرأة المذكورة تنجذب إليها بشدة، فتوجهت إليها وحاولت الدخول .. وقبل أن تتمكن من فعل ذلك، سحبها صديقها، وأصبح نصف جسدها مصابا بالشلل على الفور (النصف الذي دخل إلى المقصورة) . يعتقد البعض أن المرأة دخلت جزئياً إلى .. و عندما تم سحبها عانت من تحول أوقف نظامها العصبي، مما أدى إلى شللها الجزئي.

تقع غابة ماركاواسي الحجرية في جبال الأنديز في #ليما، #البيرو، على ارتفاع 4000 متر فوق مستوى سطح البحر .. وهي موطن لمجموعة فريدة من الصخور الجرانيتية الضخمة ذات أشكال غريبة تشبه وجوه الإنسان و الحيوانات و بعض الرموز الدينية. لا أحد يعرف بالتأكيد كيف تشكلت، لكن هناك العديد من النظريات حول أصولها، بما فيهم نظرية تؤكد على أن أشكالها غير العادية تشكلت بشكل طبيعي من خلال تآكل الصخور

ورغم ذلك، فإن الغموض الحقيقي حولها هو إمكانية وجود باب متعدد الأبعاد يقال إنه موجود في تلك الغابة. وفي هذا الصدد قام عدد قليل من الباحثين بنشر معلومات حول هذه الظاهرة غير المبررة، واحد منهم كان الراحل وهو مستكشف من البيرو .. و وفقا لروزو ؛ عاشت الإنسانية السابقة على الأرض في تاريخ حضارة " #بروتو" قبل حضارتنا و الذين كانوا متقدمين جدا .. قادرين على السفر في جميع أنحاء العالم و قد دلوا على وجودهم في أماكن كثيرة. هذا يتفق مع نظريات الهوبيين " هوبي هي إحدى قبائل سكان أمريكا الأصليين" الذين يشيرون إلى أننا لسنا أول حضارة إنسانية تصل إلى درجة عالية من العلم التطوري، ولكن ربما الرابعة أو الخامسة !

فهل يكمن سبب شلل المرأة حقا في انتقالها السريع عبر الأبعاد ؟ وهل.. هل صحيح ما يقال عن الغابة الغريبة التي تحوم حولها الشائعات بأنها بوابة كونية أم أنها مجرد خرافات نسجتها قبائل أمريكا القديمة ؟

--------

ضروري تشوفوا البوست للآخر، دي قصه حقيقيه حصلت مع واحد اعرفه معرفه شخصيه دى قصه واحد ياجماعه محدش يحملها او يلعبها😣😣 🐋مش...
07/04/2018

ضروري تشوفوا البوست للآخر، دي قصه حقيقيه حصلت مع واحد اعرفه معرفه شخصيه
دى قصه واحد ياجماعه محدش يحملها او يلعبها😣😣
🐋
مش مجرد لعبه 🔪
ولكنها تحدى نهايته الموت
انا معتز 17 سنه - بحب جو المغامرات والاثاره وكنت متعود اجرب العاب بيقولوا عنها انها مرعبه ومخيفه لكن بيطلع اى كلام والالعاب كلها طبيعيه جدا وما فيهاش ذرة خووف ..
لحد ما ظهرت لعبة * الحوت الازرق * 2013
كنت متعود كل يوم خميس بناخد اجازه م المذاكره انا وصحابى نخرج شويه و نروح على بيت صاحبنا ( زياد ) نقعد نلعب بلاى ستيشن ونضحك ونهزر وكده وكنا اربعه بالظبط
( انا وزياد و يوسف و سامح )
زهقنا من البلايستيشن فقولنا نريح شويه وكل واحد مسك الفون وقعد مع نفسه - الى فاتح فيس والى بيتابع قصص رعب والى بيسمع اغانى🎵 وانا بقا كنت فاتح يوتيوب 📺
لحد ما لقيت فيديو لشخص كنت بتابعه بيتكلم عن لعبه جديده اسمها ( الحوت الازرق ) فتحت الفيديو لقيته بيقول ان فى ناس انتحروا وما زالوا و ان اللعبه دى خطيره و لازم تنتحر بعد ما تخلص ال 40 او ال 50 مهمه ولو ما انتحرتش هما هيقتلوك وما تسألش ازاى عشان بجد كتير ماتوا من غير سبب .. بدأت ادخل فى تفاصيل كتيره عن اللعبه دى .. لكن شوفت حقائق مرعبه تخلى اى حد ما يفكرش يلعبها اصلا
لكن انا برضه ما كنتش مصدق
وغالبا ما بنصدقش اى حاجه الا لما تحصلنا ونجرب بنفسنا
قولت لصحابى كلهم و خليتهم يقرأو معلومات عن اللعبه
طبعا كلهم ضحكوا وانا معاهم و اجمعنا انها اى كلام ..
سامح قال :ما احنا جربنا مليون لعبه و بتطلع خدعه فى الاخر سيبك يا عم قولتله طب ما نجرب دى مش هنخسر حاجه
زياد ويوسف قالوا واحنا جاهزين من دلوقتى ✋ قولت طيب هجيب اللينك بتاع اللعبه وتحملوها ونبدأ مع بعض ..
سامح قال ( لا انا مش موافق ) العبوا انتوا انا مش فاضى
قولتله انتا خايف ولا اى ؟ قالى بصراحه ايوه خاايف انا سمعت عن اللعبه من شهر كدا وبسمع انها خطيره جدا
قولتله خلاص براحتك هنلعب احنا ،، نزلنا اللعبه وبدأنا
اولا بدأنا بشوية اسئله غريبه .. بيسأل عن حياتى الشخصيه بكل تفاصيلها كأنه هيطلعلى بطاقه 😂 ايه ده .. واحنا نضحك ونقول دى شكلها كوميدى 😂 لحد ما طلبوا مننا نصور المكان الى احنا موجودين فيه .. و بعد ما جاوبنا على كل الاسئله "
فى واحد كلمنا ( بس دا مخترع اللعبه شخصيا )
وسألنى ( هل انت مستعد لخوض الاختبارات ) قولت اكيد
وبدأنا فى الجد
لقيته بيقولى ( احضر سكين وارسم بها حوت على يدك )
قولتله ( انتا اهبل ) 😒
رد ( انت الان حوت ازرق ولو قررت الانسحاب ستموت )
بدأت اخاف ... لقيت يوسف و زياد وافقوا .. وسامح طبعا عمال يقولنا لا لا ❌
زياد قام جاب 3 سكاكين و بدأ بنفسه وصور نفسه وبعت الصوره ..
و يوسف عمل زيه بالظبط وانا عملت زيهم وبعت الصوره .. سامح قام شد التليفونات مننا كلنا و هو مدايق وقالنا ان الكلام ده بجد وهتموتوا فى الاخر ما تكملووش
قلتله احنا دخلنا خلاص بيقولك مفيش انسحااب ..
سامح رمى التليفونات ومشى وقالنا انا حذرتكوا وخلاص و يوسف قام مشى معاه و انا قولت لزياد انى هروح بقا ونكمل بكره عشان عايز انام - وانتهت السهره على كده ❗
روحت البيت فتحت اللعبه
لقيته بعتلى صوره مكتوب عليها لقد نجحت فى الاختبار
ولقيته كاتبلى كلام كتير كله تهديد
اولا ممنوع الانسحاب
ثانيا صورلى البيت الى انتا عايش فيه من الداخل ومن الخارج
ثالثا ابعد عن اى حد تعرفه .. واولهم صحابك
حان موعد النوم
وقفل -
دخلت نمت وحاسس انى روحت للموت برجلى بس قولت دى لعبه برضه مش هتوصل للموت .. بطمن نفسى
صحيت الصبح - طبعا شيلت الخط م التليفون
عشان لو اى حد من صحابى عايز يوصلى ما يعرفش وقفلت الاكونت بتاع الفيسبوك و قفلت اوضتى و فتحت اللعبه
لقيته باعتلى شوية اسئله :
بتخاف من ايه .. مش بخاف من حاجه
و جاهز للموت بنسبة كام % عامة مش بخاف م الموت
بتفكر تنسحب ؟ الصراحه ايوه
انتا فاكر ان دى لعبه بجد ؟ لحد دلوقتى مش متأكد
قالى عامة انتا كداب
لانك بتخاف من المرتفعات و الاماكن العاليه وبتترعب من الضلمه و وبتفكر فى الموت كتير جدا و انتا متأكد ان دى مش لعبه - صح
قولتله انتا عرفت ازاى _ قالى ما تتفاجئش
ادامك اربعين يوم بالظبط و كل حاجه هتنتهى
قلتله مش فاهم
قالى مش لازم -
عندك 5 اختبارات فى 15 يوم تكون نفذتهم
الاختبار الاول :
اقطع احد اصابع قدميك اليسرى
اقطع احد اصابع يديك اليمنى
اشرب من دمك عن طريق حقنه ف تأخذ الدم وتضعه فى زجاجه وتقوم بالشرب
مشاهدة فيلم رعب يوميا من الساعه الثانيه صباحا حتى الساعه الرابعه صباحا .. سنقوم بإرسال الفيلم لك فى الموعد المحدد
واخيرا ( انشر صور سطح البيت على حسابك على الفيسبوك )
امامك 15 يوم
ما تنساش تصوير كل حاجه هتعملها وبعد ال 15 يوم تبعت الصور
سلام ✋
انا كل ده وانا بقرأ بصدمه .. انى اتهورت لما فكرت اجرب لعبه مميته زى دى
المطلوب منى انى ابدأ بقطع صوابعى
بس مش قادر .. فضلت لمدة 10 ايام مش قادر اعمل الاختبار ده
بس فى العشر ايام دول كان بيبعت افلام الرعب فى المعاد الى قال عليه
الغريبه ان اللاب بيبقى مقفول وفجأه اسمع صوت الرساله
والمرعب ان النور بيطفى لوحده فى المعاد ده بالذات
وبقوم اتفرج على فيلم الرعب الى بعتهولى
وغالبا كان بيبقا فيلم من تمثيلهم هما الى مصورينه لان التصوير كان ردئ جدا بس فى مشاهد مرعبه
لكن كل تفكيرى فى الاختبارات التانيه
لقيته باعتلر رساله بعد العشر ايام دول
وقالى ( لماذا لم تقم بقطع اصابعك *)
( لماذا لم تشرب من دمك ) اتريد الانسحاب
انسحب !
وانتظر !
قلتله يعنى لو انسحبت ايه الى هيحصل
قال
هنقتل اهلك كلهم وهنسيبك وهتكمل الاختبارت غصب عنك
قولتله طيب ليه بتعملوا كده
قالى عليك تنفذ مش تسأل !*
بعدها حسيت بالخطر بجد
قمت بدأت بالدم .. جبت حقنه ومليت ازازه كامله من دمى
😴
وبدأت اشرب وصورت كل خطوه عملتها وكنت حاسس ان نفسى بيروح
عدى 3 ايام كمان يعنى فاضل يومين
فاضل قطع الاصابع و نشر الصور ع الفيسبوك
بدأت بالصور .. طلعت صورت السطوح وانا مش عارف اي الهدف يعنى من كده
وعدى اليوم
يبقى فاضل يوم واحد وانا مش قادر اقطع صوابعى ..
مش متخيل انى هستحمل اصلا
الساعه بقت 10 .. بعتلى رساله
وقال الفرصه الاخيره ( امامك ساعتين فقط )
وممنوع شرب اى مسكن او مخدر اثناء القطع
الساعه بقت 11
نفذت .. و كنت بموت
انتا عارف يعنى ايه تقطع من لحمك وانتا صاحى
بس كده
نفذت وبعتله الصور .. وبعتلى مسئول .. جديد
ابويا لاول مره يدخل اوضتى فجأه اول حاجه بص عليها صابعى المقطوع و الجروح الى فى ايدى مكان رسمة الحوت
وشكلى عامة كان خربان ومدمر
ابويا : انتا ايه الى انتا عامله فى نفسك ده 😦
انا : غصب عنى
هو : فيه ايه يا معتز احكيلى
انا : حكيتله باختصار
هو : قالى دا كله شغل هبل بيضحكوا عليك واستغلوك
وقف اللعبه دى وتعالى اما نشوف حل للنزيف ده
انتا بتتصفى يا ابنى مش شايف الدم ..
اغمى عليا
صحيت على صوت امى بتقولى قوم كلم سامح صاحبك
اول ما شافنى قالى :
البقاء لله
قولتله فى ايه يا سامح
قالى
زياد مات ( انتحر من فوق سطح العماره الى كان ناشر صورتها ع الفيس ) 😪
و يوسف عاند معاهم وانسحب لكن اهله كلهم اتقتلوا مشنوقين وما حدش يعرف مين القاتل
و هو كمل الاختبارات ولكنه ( انتحر بعد يومين )
😢
وانتا الى عليك الدور 😰 حذرتك وقولتلك كل الى سمعت عنه بيحصل بجد 😕 لكن انتا عاندت
وهو مسئول عن الاختبارات الجايه
هتوحشنى يا صاحبى
ولقيته بيحضنى 😕 كأنه لاخر مره هيشوفنى
وانا مش مقتنع انى هموت بسبب لعبه "
قولتله هو انا هموت بجد
قالى : يوسف وزياد كانوا بيقولوا مش هنموت ومش هيحصل
لكن لما زياد شاف عيلة يوسف مقتوله
استسلم عشان ينقذ اهله .. وانتحر وبعدها يوسف عرف واستسلم وانتحر
سألنى اسئله غريبه شويه ( جاوبته كالعاده )
قالى مستعد
ملحوظه ( هو بيكلمنى فيديو ولابس قناع عشان ما يظهرش شخصيته الحقيقيه )
قولتله وانا مرعوب ( مستعد )
قالى عايز صور ليك فى المقابر الساعه 2 صباحا وتكون لوحدك وتلف المقابر كلها .. لمدة ساعتين وتروح
هستلم منك الصور بكره
بدأات اول يوم وروحت المقابر طبعا مش عايز اوصفلك احساس انك تدخل مقبره الساعه 2 بليل
دخلت وعمال بتهيألى جن وحاجات غريبه وحاسس انه بجد
بس دا اكيد تهيأات
عملت زى ما قالى واتصورت فى كل مكان صوره
وكنت بسمع اصوات غريبه .. مرعبه
كنت بشوف حد واقف بيشاورلى من بعيد ولابس نفس القناع الى هو بيلبسه لما بيكلمنى
كملت لانى مجبر على كدا و روحت وانا جسمى متلج طلعت م المقابر لقيت نفس الشخص واقف فى اخر الشارع و بيشاورلى وفى ايده سكينه
جريت علطول
وما بصيتش ورايا لحد ما وصلت للبيت
اول ما فتحت لقيت حد فى وشى اتخضيت
بس ابويا كان عايز يعرف انا بعمل ايه برا لدلوقتى
قلتله كنت مخنوق فنزلت اتمشى شويه
قالى لا
انتا كنت بتعمل ايه فى المقابر
قلتله مقابر ايه
قالى انا شفت فيديو مبعوتلى فى رساله
مش عارف مين الى بعته وعرفت كل حاجه واخر مكالمه بينك وبين صاحب اللعبه دى سمعتها
😕
قولتله سيبنى انفذ طلباتهم والا هتموتوا انتوا
فضل يزعق معايا ويقولى انتا بتصدق الهبل ده و..و ..
لحد ما فقدت الوعى من التعب والخوف
وصحيت لقيتنى ع السرير واللاب مفتوح ع اللعبه
وباعتلى رساله بيقولى
نفذت
قولتله ايوه وبعتله الصور
قالى الاختبار الاخير .. واسفين ان الاختبار دا جه بدرى عن معاده
بس بعتلى رساله تانيه قالى اقرأها الاول ؟
قرأتها
مكتوب فيها
اكتب كل الى حصلك ب التفصيل من اول ما بدأت اللعبه
واكتب فى النهايه
انا سعيد بالموت .. لقد نجحت فى تحدى الحوت الازرق
فى اللحظه دى ما اعرفش استسلمت لفكرة الانتحار وعرفت انه دا اخر اختبار ليا
وكتبت كل حاجه حصلت فى كتاب صغير سميته الحوت تحدى الموت
ودخلت كلمته تانى لقيته بيقولى
الساعه 12 بعد منتصف الليل ارمى نفسك من على سطح البيت
انت الان الحووت الازرق .. لقد نجحت ⚠
الساعه جت 12
طلعت فوق السطح وحطيت الكتاب ع مكتب ابويا عشان يعرف الناس حقيقة الحوت الازرق
ودلوقتى انا رايح انتحر بإستسلام .. كأن فيه سحر بيجبرنى ع الانتحار
وانتوا بتقرأو الكتاب هكون انا ميت
سلااام
ودى القصه الى قرأتها فى الكتاب الى معتز ابنى كتبه ب إيده
دى الكابوس _ الى بيستهدف المراهقين الى بيتعاملوا مع اى حاجه جديده عليهم على انها مغامره ومش مدركين حجم المصيبه الى فى انتظارهم
- مفيش حد دخل التحدى الا وانتحر
كابوس الحوت الازرق
انتهت القصة

(هيفوتك كتير جدًا لو مقرأتهاش للأخر) إيه اللي بيحصل بعد الموت! مانعرفش الحقيقة.. محدش عنده اجابة مؤكده، كلها نظريات وواح...
24/03/2018

(هيفوتك كتير جدًا لو مقرأتهاش للأخر)

إيه اللي بيحصل بعد الموت! مانعرفش الحقيقة.. محدش عنده اجابة مؤكده، كلها نظريات وواحده منهم هي تناسخ الأرواح.. إنك تموت وروحك أو وعيك بيجي مرة تانية للحياة او الوجود في جسد حد تاني ولكن بدون ذكريات.
بعض الناس بيتولدوا بذكريات لحياتهم السابقة دي.. بعضهم مدعين وبعضهم عنده أدلة، بس ماظنش هتصدقهم زي ما هتصدق بطلة قصة النهاردة..

((القصة حقيقية بالكامل وممكن تاخد اسمها وتسرش تتأكد بنفسك))

الحكاية كلها بدأت في لندن في وبالظبط في يناير سنة 1904 لما عائلة أيرلندية حصلت على مولوده جميلة وقرروا يسموها Dorothy Louise Eady.. دورثي كانت طفلة أنجليزية عادية لغاية لما وصلت سن 3 سنوات وللأسف وهي بتتمشى مع أهلها في المنزل، وقعت من على السلالم على رأسها وقلبها توقف وأعلنوها ميتة خلاص.
ما تعرفش إيه اللي حصل بالظبط، بس بيقولك معجزة حصلت ودورثي بعد توقف قلبها، رجع يعمل تاني ورجعت للحياة، وفي غصون ساعة كان أهلها داخلين عليها الغرفة اللي فيها جثتها، فوجدوها في حالة جلوس في السرير ولا اكن اي حاجه حصلتلها نهائي..

عدت سنة على الحادثة وأهلها قرروا ياخدوها تتفسح في احد المتاحف المصرية في انجلترا في سنة 1908.. طفلة في العمر دا داخل متحف، أكيد انت عارف احساس الملل وعايزة تروح، لكن دورثي كانت غير طبيعية بالنسبة لبنت عندها 4 سنين في مكان صامت زي متحف.. دورثي كانت مفتونة بالتماثيل والمعروضات المصرية وعنيها كلها لمعان وكأنك شايف الجنة، وبدأت تروح قدام كل تمثال تقف شويه تتأمل في جماله وتكمل طريقها لتمثال تاني وهكذا لغاية ما راحت وقفت قدام تمثال مصري كبير كده وبدأت تقبل في قدمه بشكل غريب..
طبعًا لك أن تتخيل رد فعل أهلها لما شافوها بتعمل كده، بس قالوا دي طفلة عادي، وخدوها وكملوا رحلتهم جوا المتحف لغاية ما وقفت قدام مومياء في تابوت جوه صندوق زجاجي كبير للعرض، فسابت ايد امها وطلعت تجري على الصندوق تحضنه.. ام دورثي بتشدها، لكن البنت بتزعق وبترد عليها تقولها "أتركيني.. أتركيني، هؤلاء هم أهلي"

بعد زيارتهم دي للمتحف، بدأت دورثي يراودها مجموعة من الأحلام الغريبة لطفلة في السن دا.. دورثي بدأت تحلم إنها واقفه وسط أعمده من الصخر وبتوصف لأهلها إنها بتحلم إنها بتتمشى بين حدائق مليانة نباتات وخضراوات وفاكه جميلة جدا وملونة وسط أعمدة غريبة مش قادرة توصفها.. وأوقات كانت بتصحى من النوم حزينة وخايفة وهي بتصرخ لأهلها، "رجعوني البيت.. انا عايز ارجع وطني تاني" وبالرغم من كل محاولاتهم عشان يهدوها، مكنتش بتقتنع بردو إنها في البيت.
عدت الأيام والشهور عادي وبالصدفة شافت في احد الجرايد او المجلات من أبوها مجموعة صور مصرية ومعابد وغيره فنادت على ابوها وقالتله انا عارفه الكلام المكتوب دا.. انا عارفه اللغة دي بس نسياها وبالصدفة وهما بيقلبوا في الصور، وجدت صورة "معبد سيتي الأول" في أبيدوس، وهنا زي الغريق لما يلاقي ايد بتتشدله.. صرخت دورثي من الفرحة وقالت لأهلها هو دا منزلي، أنا كنت عايشة هنا.

لك أن تتخيل إن لما أبوها كام مجموعة صور تانية للمعبد، وجد شكله بنفس الوصف اللي كانت دورثي بتحلم إنها بتتمشى فيه.. دورثي لا عمرها شافت المعبد ولا راحت مصر ولا سمعت عنه، إزاي عرفت التفاصيل دي اصلا! واستحاله تكون استنتجتها دلوقت لإن الحلم قبل ماتشوف الصور بشهور.. أهلها هنا بقى بدأوا يتوقعوا إنه في حاجة غير طبيعية فعلًا، وهنا عقلهم أهداهم إنه في صلة ما روحانية بين دورثي بنتهم وبين أحد أرواح الفراعنة المصريين اللي كانت عايشة في المعبد. دول حتى من كتر خوفهم من شدة تفاصيل حكي بنتهم وتصرفاتها، بدأوا يرتادوا جماعات مؤمنة بالتواصل الروحاني والاستنساخ وخلافه، لكن دورثي كانت بدأت تنضج وداخله عالعشرينات ومثقفة ورفضت تؤمن بموضوع الاتصال الروحاني دا، وبدل من كده بدأت تتجه لدراسة علم المصريات، بشكل رسمي ومع نفسها بردو بشكل شخصي وقضت فيه لغية منتصف عشريناتها.

في سنة 1933، دورثي تزوجت من واحد مصري اسمه عبدالمجيد (صورتها معاه في الكومنتات) واتقلت معاه للعيش في القاهرة بعد الحاح منها عليه، ولما وصلوا هنا خلفوا طفلهم الأول اللي اصرت على انها تسميه "سيتي" على اسم الفرعون المصري في الاسرة ال19، وبقى لقبها في المكان اللي هما عايشين فيه "أم سيتي"

بعد فترة من انتقالهم للقاهرة، بدأ علاقة دورثي وعبدالمجيد تبوظ، مش بتقصير منها أو منه، لكن بسبب اللي كان عبد المجيد بيشوفه.. عبد المجيد زوجها كان بيصحى أحيانًا من النوم بالليل يلاقي دورثي زوجته بتصحى من النوم وعنيها مقفولة وبعدين تقعد في اي مكان وتبدأ تكتب بالقلم كلمات هيروغليفية. دورثي كانت بتكتب أكتر من 70 صفحة وهي في الحالة دي. مش بتمشي وهي نايمة، لا دي في حالة مختلفة وبتكتب حاجات اصعب من انها اصلا تدركها، ولما في احد المرات جوزها قالها ايه دا، قالتله دا الدليل الروحاني بتاعنا زمان "حور رع" بيجي أثناء الليل عشان يساعدني في استرجاع ذكرياتي القديمة.
انفصل عبد المجيد ودورثي للأسف لما حصلت الفاجعة الكبرى.. أبو عبد المجيد كان بايت عندهم في القاهرة، وفي اثناء تجوله في المنزل بالليل، ود بالصدفه شخص مرتدي ملابس قدماء المصريين او الفراعنة الذهبية وقاعد على طرف السرير بتاع دورثي بيبصلها.. اابوه من الخضة والخوف طلع يجري في الشارع وهو بيصرخ، وبعدها عبد المجيد انفصل عنها وسافر العراق وهي فضلت عايشة في القاهرة تكمل دراستها.

لما بدأت الصحافة تعرف قصتها وتقرب منها، بدأت دورثي او ام سيتي زي ماكانوا بيقولوها، تحكيلهم القصة بقى.. دورثي يا سيدي كانت في حياة سابقة اسمها Bentreshyt (بنترشيت) واتولدت في مصر القديمة واتربت على انها تبقى كاهنة في معبد كوم السلطان، ولكنها كانت جميلة جدا لدرجة انه في سن ال14، الملك سيتي وقع في غرامها وحملت في الخفاء.. للأسف كانت راهبة وعليهم نذر العذرية ولو انتشر امر اللي عمله الملك، هيسئ لسمعته ومكانته، فقررت انها تنتحر عشان تمنع عنه الامر المشين دا، وبمجرد ما عرف سيتي بدا، حزن جدا لفراقها واخد على نفسه عهد للكهنة انه هيجتمع بيها تاني في الحياة الاخرى.
وبالفعل كانت مسجلة في مذكراتها إنه بيزورها ليلًا ويقعد معاها وأحيانًا بيمارسوا الغرام ووعدها انهم هيجتمعوا اكتر قريبًا.
----

لحد هنا وانت ممكن تقول دي واحده مجنونة واللي حصلها تهيؤات ووصفها دا صدف واللي جوزها وابوه شافه دا تخريف منهم وكتابتها الهيروغليفية خربشة ولا من الذاكرة، بس اللي جاي دا هيخليك تغير رأيك.
----

بدأ ناس كتير مختصين وغير مختصيتن في القاهرة يصدقوا فعلا كلام دورثي او ام سيتي ومقتنعين بدا، وبالإضافة لإنها كانت ماهرة جدا جدا جدا في علم المصريات وبتتكلم فيه وكأنها حقيقي كانت معصراهم، في 1956 خلوها اول انثى على الاطلاق تشتغل في مكتب الأثار الخاص بأبيدوس كباحثة.
بمجرد ما عملت هناك، بدأت بقى تستفيد فعليًا من حياتها السابقة زي ما بتقول.. دورثي ورتلهم في مذكراتها وكتابتها من احلامها أماكن قديمة كانت متعودة تروح فيها أيام الفرعون وبالفعل وصدق أو لا تصدق إنه كل كلمة قالت عليها ووصفتها، بعد التنقيب عنها "تحت الأرض" طلعت موجودة فعلًا.. انت متخيل يعني ايه! دي كانت عارفه مكان آثار ومعابد واماكن اثرية محدش يعرف عنها اي حجة في اماكن عمرها ما راحتها!
أم سيتي ساعدت هيئة الاثار في الوقت دا اللي كانوا انجليز ومصريين في عمل اكتشافات عظيمة جدا من ضمنها الجنائن والحدائق بتاع المعابد واللي بعد التنقيب والبحث لقوها "اللي كانت بتحلم بيها وهي عندها 4 سنين لسه وطلعت بنفس وصفها بالظبط بالظبط"

ياريتها جات على كده، دي كمان قدرت ترشدهم بالتفصيل الممل لمكان نفق خاص موجود تحت الحدائق كان معمول مخصوص للملك وكانوا بيجتمعوا في احيانًا ووجدوه فعلا بعد التنقيب... دي كمان وصفتلهم إنه كان في مكتبة خاصة تحت معبد سيتي مليانة بكتب من كل الحضارت والعلوم المكتوبة وقتها كانت متاحة للكهنة والفرعون.. وكمان حكتلهم تفاصيل عن ابو الهول ساعدت في كشف حاجات كتير احنا نعرفها دلوقت بسببها.
كُل دا كان من ذاكرتها وطلع بنفس ما قالت بالظبط..

الحكومة ساعتها وهيئة الاثار سمحتلها تعيش في قرية صغيرة جمب معبد سيتي وكان سياح العالم كلهم بيجوا يتصوروا معاها ويسمعوا حكايتها من ايامها في مصر وهما مقتنعين تمامًا انها صحيحة، دي كمان فضلت تكمل دراستها في علم المصريات مع الطلبة والباحثين وبتساعدهم لغاية ما توفت في سنة 1981.

بالرغم من كل الحاجات اللي قالتها والغرائب اللي مايصدقهاش عقل بشري دي، مفيش اي حد حاول يحقق معاها او يعرضها على طبيب او يتفحصوا عقلها بأي شكل.. كل اللي نعرفه انه كل اللي قالته كان حقيقه لأدق التفاصيل وانها كانت بتعامل الأثار والمعبد وكأنه بيتها فعليًا وبتحترمهم وعايشة وسط القطط :"|

أتمنى فعلا انه الواحد كان يكون عايش جمبها قبل ماتموت.. لعله صحيح بالكامل، ولعله لا.. انت شايف إيه؟! تفتكر دا موجود!.. هو الاكيد انه قصتها حقيقيه، بس ازاي! ازاي!

الجزء الثانيرواية جديدة و حصرية تتعلق بالكتاب المثير للجدل..."شمس المعارف و لطائف العوارف"و بالكتاب المجهول و المختفي......
16/03/2018

الجزء الثاني

رواية جديدة و حصرية تتعلق بالكتاب المثير للجدل...

"شمس المعارف و لطائف العوارف"

و بالكتاب المجهول و المختفي...

"باب الكسبان لنيا ود الشيطان"

بعنوان :



بقلم...



رابط الجزء الأول

https://www.facebook.com/groups/659711394103552/permalink/1926744577400221/
....

أنا : قرأت في أحد الكتب بأن طائرا جنيا هو من ألهم البوني حتى تمكن من كتابة الطلاسم و التعاويذ و ساعده كذلك في تركيب أسماء المردة من الحروف الغير مكونة، و هو من قام برسم الجدول المشهور بمنقاره في كتاب البوني
"شمس المعارف و لطائف العوارف"
عبد السلام : "مندهش" تخزن كل هذه المعلومات في ذلك الدماغ الصغير وأنت لم تبدأ حياتك بعد ؟

ابتسمت له..

عبد السلام : اقترب يا ولدي.. ذلك "الطائر الجني" فعلا هو من قام بكل ما
ذكرته و هو الذي ساعده عندما كان يتنقل بين البلدان في رمشة عين,
لكن تسخيره لم يكن بهذه البساطة..
أنا : كيف إذا ؟ ألم تكن بحوزته مفاتح الحروف ؟
عبد السلام : طبعا، و هذه المفاتح بالنسبة إلينا هي عبارة عن ألغاز لا تحل.. و الدليل هو أن كتاب "شمس المعارف و لطائف العوارف" الأصلي أضراره أكثر من منافعه, لأن كل من حاول أن يستخدم تعاويذه أو أن يستغل طلاسمه أو ينادي على مردة الجن كـ.. "سمسا..." أو "قمقا..." اللذان كانا يسخران في إعمال السحر الأسود..
أغلب هؤلاء إما أصيبوا بالجنون أو فقدوا البصر، أو طبعا توفوا, أو تم نفيهم إلى عوالم مجهولة
أنا : ماذا إن استغليت خمس صفحات معينة من الكتاب كي أجمع طلاسم استحضار الجن؟ هل سيصيبني مكروه ؟
عبد السلام : من أين حصلت عليهم ؟ أحضرهم لي لأتفقدهم.. إذا أخطأت في نطق حروفها قد تفقد عقلك أو تصاب بالمس الخفي
أنا : الصفحات ليست لي.. لكن سأحاول إقناع صديقي الذي قام بإخفائها.. أعتقد أنه سيوافق خصوصا إذا علم بأنك أنت من يريد الإطلاع عليها.. لكن بشرط يا سيدي عبد السلام و أستسمح عن ذلك.. تساعدنا في تركيب الحروف
عبد السلام : لنطلع عليها أولا يا ولدي

قبلت رأسه ثم غادرت مسرعا نحو البيت

دخلت إلى البيت و توجهت إلى الطابق الأرضي ثم إلى الصالة لأقوم بترتيبها و تجهيز الأدوات التي سنحتاجها لإتمام المهمة

الله أكبر الله أكبر

سمعت أذان المغرب "جلدي ارتعش" طبعا لأنني أصلي و حامل لكتاب الله في صدري.. لهذا أحسست بتأنيب الضمير..

لكني قررت اكتشاف هاذ العالم المظلم و الذي يسكنه جنس آخر ليس بشري
انتهيت ثم جلست قليلا حتى يمر وقت الصلاة لأصعد إلى الطابق الأول كي أخبر والدتي بأن عامر سيأتي ليراجع معي الدروس و المبيت عندنا

وجدت أمي جالسة أمام المائدة تصب الشاي و بجانبها تجلس أختي "سامية" و هي أصغر مني بسنتين.. ذهبت للحمام لغسل يدي ثم جلست لأتناول بعض الطعام و في أثناءه أخبرت أمي..

أنا : أمي، سيأتي صديقي عامر هذا المساء لنراجع الدروس معا في الطابق الأرضي و سيبيت عندنا الليلة
أمي : مرحبا به في أي وقت، لكن لماذا ستقومون بذلك في الطابق الأرضي ؟ لم لا تبيتا هنا في الصالة ؟
أنا : لا.. قد نردد بعض المحفوظات جهرا و نتسبب في إزعاجكما.. الطابق الأرضي شاغر و يوجد به قنديل للإضاءة
أمي : حسنا يا بني...أختك أيضا تريد مراجعة دروسها و تحتاج منك المساعدة لأنها ستختبر غدا
أنا : "بدأت أفقد أعصابي" المواد لتي سنراجعها لا علاقة لها بالدرس الذي ستختبر فيه يا أمي
سامية : لا بأس، سأجلس بالقرب منكم و أراجع وحدي و عندما أحتاج مساعدتك سأخبرك بذلك.. إذا لم تدعمني أنت فمن سيفعل ذلك ؟ الجن ؟

عندما سمعت تلك الكلمة قام شعر رأسي و أحسست و كأنها تتشاءم على نفسها.. ذهبت أمي إلى المطبخ فقلت لسامية..

أنا : ستندمين إذا لحقت بي الليلة إلى الطابق الأرضي
سامية : إذا رفضت حضوري ستمنعك أمي أنت أيضا

قمت من مكاني و ذهبت إلى خارج البيت أنتظر مجيء عامر و بعد لحظات أتى حاملا كيسا بيده.

عامر : "أعطاني الكيس الذي كان يحتوي على بعض الأوراق" تفضل، أنا سأذهب إلى المسجد لأجلب الشمعة ثم أعود.. نحن أيضا لا نستعمل سوى القنديل
أنا : سأترك لك الباب مفتوحا

دخلت إلى البهو في الطابق الأرضي و قمت بإشعال القنديل ثم ذهبت إلى الصالة التي كانت مظلمة.. أخدت قنينة ماء كانت فوق المائدة و عدت إلى البهو ثم افترشت سجادة متوسطة و جلست عليها و وضعت القنينة و الكيس الذي سلمني إياه عامر أمامي..
في هذه اللحظة دخل عامر..

عامر : ماذا تفعل ؟ كنت تنوي البدء بدوني ؟ "نظر للشمعة التي كان يحملها" و بدون شمعة ؟
أنا : "أضحك" لا، كنت أريد تجهيز "الماء المانع" أولا ، أما طقس الاستحضار فسيتم في الصالة..

ذهب عامر إلى الصالة ليتفقدها و قمت أنا بسحب وسادة كانت بجانبي و فتحتها ثم سحبت جزءا من الجلد الذي كان يحتوي على رسم لجدول يتضمن "طلاسم المنع" و المسماة "قلب شرناط".. بدأت أرددها على قنينة الماء الموجودة أمامي حتى بدأ في التكاثف ثم توقفت..
أخدت القنينة ثم توجهت إلى الصالة..

عامر : أين هو الغطاء البلاستيكي الذي سنفترشه ؟
أنا : إنه أسفل النافذة
عامر : و أين هي الصفحات الذي سلمتها لك ؟
أنا : عن أي صفحات تتحدث ؟
عامر : الكيس الذي سلمتك إياه بداخله الصفحات التي أخبرتك بأني قمت بسرقتها من صندوق جدي
أنا : آااه.. تقصد الصفحات المنزوعة من كتاب "شمس المعارف و لطائف العوارف" هل أحضرتها حقا ؟
عامر : "خرج إلى الصالة" و هل تشك في كلامي ؟ لقد قررنا فعل هذا الأمر

اندهشت من كلامه و لم أصدق أنني أخيرا سأضع يدي على جزء من كتاب يعتبر من أخبث الكتب التي وجدت على الكرة الأرضية و الذي لم أسمع عنه قبل اليوم..

عامر : "أخرج الصفحات" قم ببسط الغطاء البلاستيكي و أحضر كرسي صغير

بسطت الغطاء في أحد أركان الصالة ثم أحضرت كرسي صغير الحجم و ركنته على بعد 2.5 متر من الغطاء و وضعت عليه الشمعة ثم بدأت في صب "الماء المانع" على شكل دائرة داخل الغطاء و تركت فتحة في طرف الدائرة كي ندخل منها عندما نعود.

في هذه اللحظة تنادي سامية..

سامية : أيمن، أيمن
أنا : ماذا تريدين ؟
سامية : اصعدا لتناول العشاء

أعدت الجدول إلى داخل غشاء الوسادة ثم أعدتها إلى مكانها.

أنا : عامر، هيا بنا لتناول العشاء
عامر : أين سأخفي هذه الصفحات ؟
أنا : ضعها أسفل ذلك الغطاء.. لن نتأخر
عامر : هل جننت ؟ إذا كانت الصفحات ظاهرة سنجد المكان عند عودتنا و قد صار
مقهى للجن و العفاريت و المردة حراس الكنوز
أنا : "أرعبني بكلامه" سلمها لي..........

منشن لأصحابك القراء..

ترقبوا الجزء الموالي بعد أن تتفاعلوا و تدلوا بآراءكم و انتقاداتكم

ملفات سرية :"((شمس المعارف الكبري))"أولا- ملفات سرية هي ليست قصص رعب حقيقية أو تأليفهي عباره عن ملفات حوادث غامضة أو حوا...
16/03/2018

ملفات سرية :
"((شمس المعارف الكبري))"

أولا- ملفات سرية هي ليست قصص رعب حقيقية أو تأليف
هي عباره عن ملفات حوادث غامضة أو حوادث ما وراء الطبيعة أو أشياء شهيرة وغامضة ولاكنها موثقة بتواريخ ومراجع حقيقية وليست تأليف
وملفنا اليوم بعنوان «(شمس المعارف الكبري)»
وسنتحدث عن كل وارء هذا الكتاب الأشهر والأكثر غموض علي الإطلاق
وسنروي بعض القصص اللتي حدثت مع بعض الأشخاص بسبب قرائتهم لهذا الكتاب
وسنتحدث عن كل شئ بداخل الكتاب وماذا يفعل به السحرة والمشعوذين وبماذا يستخدم وما الذي بداخلة

~~«(بسم الله الرحمن الرحيم)»~~

«(تعالوا نرجع للستينات والسبعينات
الكتاب ده منع نشره وتداوله في كل الدول العربية ليه?!

قيل إنه بيستخدم المعتقدات الإسلامية في السحر
وبيربط بين نصوص في القرآن وأسماء من أسماء الله الحسني
بالسحر
ده غير كمان إن في تمجيد لكائنات غير رب العزه
وده بيعتبر باب من أبواب الشرك بالله
ومن أسباب منعه انه كمان بيضر الناس وبيإذيهم وإنه كمان بيتسبب ليهم في شرور كتيرة جداااا
وكل الدول العربية كانت خايفة جدا من رواج إستخدام ماكتب بداخل الكتاب من وصفات
البعض يظنها أنها ليست وصفات
ولاكن من قرأ وتعمق إذا به يكتشف أنها بالفعل وصفات سحرية موجودة في هذا الكتاب
هذا رأي البعض
رغم إن الكتاب ممنوع من النشر أو التداول لاكنه لي شعبية كتيييرة جداا
في الدول العربية وقراءته ودراسته منتشرة جدا بين ناس كتير

" شمس المعارف الكبري " أو " شمس المعارف " أو " اللطائف العوارف "
هو كتاب مكتوب بخط الإيد
كتبه "((أحمد بن علي البوني))"
توفي سنة 622هـ
وهو من مواليد مدينة بونا الجزائرية اللي دلوقتي إسمها " عنابه "

ومن أشهر أساتذته
" أبي يزيد البسطاني"
وبيقال إنه كان منعزل عن الناس دايما
ومتقشف جدا وعمره ماتزوج ومكانش بيحب يستقبل حد في بيته

" أحمد بن علي البوني " ألف كتاب كمان
اسمه
" منبع أصول الحكمة "
عن السحر بردو
وكتاب اسمه
" أسماء الله والآيات القرآنية "
وكان في بيربط أسماء الله الحسني والآيات القرآنية بالسحر

" شمس المعارف الكبري " تخصص في أعمال السحر وتحضير الجن
كتاب ضخم جدا علي عدة أجزاء
الجزء الأول منه هو اللي متداول
وهو عباره عن 577 صفحه
طبع سنة 1859م
في المكتبة الشعبية اللبنانية بعد ما إتحرف فيه وحذف منه الكثيييير جدااا
يعني حتي النسخة المتداوله ناقصة ومش كاملة وكتير منها مش حقيقي
وأجزاء ونسخ أخري عباره عن تحريف بين وواضح من أجل السرقة ليس إلا

الكتاب بيضم مجموعة من المربعات والأوثاق السحرية ومجموعة من الأرقام والحروف الأبجدية وعلوم الأعداد والحروف
دا غير كمان العديد من الأقسام والأدعية للتواصل مع الملائكة والأرواح وتحضير الجن وتسخيرة
قطاع كبير جدا من الدارسين قالو
هو كتاب ليس بحقيقي وكتاب ملئ بالخرافات
إحنا بنتداوله ككلام ودراسة عنه لأنه موجود

" شمس المعارف الكبري " بيتكون من 40 فصل
تعالو ناخد أول 10 منهم

(الفصل الأول):
في الحروف المعجمة وما يترتب عنها من الأسرار والإضمارات

(الفصل الثاني):
في الكسر والبسط وترتيب الأعمال في الأوقات والساعات

(الفصل الثالث):
في أحكام منازل القمر الثمانية والعشرون الفلكية

(الفصل الرابع):
في أحكام البروج الإثني عشر ومالها من أشارات وإرطباتات

(الفصل الخامس):
في أسرار البسملة ومالها من الخواص والبركات

(الفصل السادس):
في الخلوة وأرباج الإعتكاف الموصلة للعلويات

(الفصل السابع):
في الأسماء التي كان النبي عيسي يحيي بها الأموات

(الفصل الثامن):
في التواقيث الأربعة ومالها من الفصول والدائرات

(الفصل التاسع):
في خواص أوائل القرآن والآيات والبينات

(الفصل العاشر):
في أسرار الفاتحة و دعواتها وخواصها المشهورة الأعظم وماله من التصريفات الخفيات
------------------------------

في مقدمة كتاب " شمس المعارف الكبري"
المؤلف " أحمد بن علي البوني " بيحذر من التهاون بالكتاب أو العمل به منغير من هم أهل لهذا العمل
وقال :
" فحرام علي من وقع كتابي هذا بين يديه
أن يبديه لغير أهله أو يبوح به في غير محله
فإنه من فعل ذالك
حرم الله عليه منافعه ومنعت عنه فوائده وبركاته
ولا تمسه إلا وأنت طاهر ولا تقر به إلا إذا كنت ذاكرا
لتفوز من خلاله بما تريد "

الفصل الأول بيتكلم عن أسرار الحروف والأرقام وعلاقتها بالكواكب والعناصر الأربعه اللي بتدخل في الأبراج الفلكية
زي ما بنسمع
مائي ترابي ناري هوائي
وبيقول إن ربط السحر بالكواكب بيزيد في تأثير السحر جدااا
وبيقويه لإن بعض الجن والشياطين بيعبدو الكواكب وبيتقربوا ليها حسب طقوس العبادات القديمة عندهم للتقرب من الله
وبيعملو لكل كوكب ملك بيسموه بالملك العلوي
وكمان السبب في ربط السحر بالكواكب لتقويه إن هم بيربطوا السحر بأيام ظهور الكواكب في السنة
وبالتالي بيكون ليها تأثير في الروح
زي علاقة القمر بالمد والجزر
وزي ما بيقولك أنت برجك متأثر بكوكب كذا أو كوكب كذا

كتب الكاتب في الفصل الأول من كتاب " شمس المعارف الكبري"
إن الأعداد أو الأرقام والحروف ليها أسرار كبيرة ومنافع قوية
ولاكن للي يقدر يفهم العلاقة ويربط بينهم
بيقول كمان إن علم الأرقام بيفسر وجود علاقة روحية بين الأعداد والكائنات الحية والجمادات
وبتعتبر عامل أساسي في علوم الفلك والتنجيم والكيمياء وعلوم السحر والأبراج

بيقول مثلا عن حرف الألف ( أ )
أو بيقول إن كل حرف ورقم له خادم من الجن
مثلا حرف الألف ( أ )
بيقول إن له وثق هوائي عظيم
وإن كوكب حرف الألف ( أ ) هو المريخ
وخادمة ملك من ملوك الجن السفلي
إسمه " الملك الأحمر "
يعني لما بنقول الجن الأحمر والحاجات دي
الحاجات دي ليها أصول
وبيقول في كتاب " شمس المعارف "
إن حرف الألف ( أ ) هو حرف قوي جداا وفعال جدااا
وقال أعلم أن هذا الحرف الشريف له قوة في تصريف سائر الحروف لأنه كالأب
وإذا أردت العمل به فتقول

"أقسمت عليك يا سمسيائيل وخدمك وأعوانك من العلوية والسفلية وخدام حرف الألف جميعا إلا ما سمعتم وأطعتم"
وبعدها بيطلب منهم الطلبات

يعني الطلسم ده أو التعويذة دي أو هذه المقولة كلها بالكامل
إحنا بناخد منها أجزاء ومابنقولش الباقي

حرف الألف ( أ ) وما يخصه
خدنا منه جزء من كتاب " شمس المعارف "
وشوهناه تماما عشان يبقي غير قابل إن حد يقرأه ويتأذي بضرر

نرجع تاني للكتاب و " أحمد بن علي البوني " مؤلف كتاب " شمس المعارف الكبري "
حط في الفصل ده العديد من تجميعات الحروف والأرقام ورسومات بتوضح إرتباط الحروف والأرقام بالكواكب وكان حاسب الشمس والقمر من ضمن الكواكب
وقال لازم تختار الوقت المناسب اللي هتستخدم فيه الطلاسم للخير أو للشر
ورسم جدول فيه الأبراج النارية والمائية والترابية والهوائية
وضع طريقة للسحر لكل برج
وقال إن لكل كوكب يوم من أيام الأسبوع

يوم الأحد : الشمس

يوم الإثنين : القمر

يوم الثلاثاء : كوكب المريخ

يوم الأربعاء : كوكب عطارد

يوم الخميس : كوكب المشتري

يوم الجمعة : كوكب الزهرة

يوم السبت : كوكب زحل

وحسب كلامة في هذا الكتاب شئت أن تسدق أو أن ترفض
الملائكة لها أيام

ملك يوم الإثنين هو : جبريل عليه السلام

ملك يوم الخميس هو : إسرافيل عليه السلام

ملك يوم السبت هو : ملك الموت

ملك يوم الأربع : ميكائيل

حتي فصول السنة كمان قال إن ليها ملوك من الجن
وقسم فصول السنة كالآتي

شرق ، غرب ، شمال ، جنوب

صاحب الشرق من الجن هو
دنائيل لفصل الصيف
وأعوانه جهائيل وحمرائيل وسمعائيل

وصاحب الغرب هو
درديائيل لفصل الشتاء
وأعوانة حبراقيل ومصمائيل وسيعائيل

وصاحب الشمال هو
إشيائيل لفصل الربيع
وأعوانه فهعائيل وطائيل

وصاحب الجنوب هو
حزقيائيل لفصل الخريف
وأعوانه سبيائيل وحمراويكائيل

وإحنا أكيد منعرفش نطقها الحقيقي ولاكن دي أسماء الجن

جزء مهم تاني من كتاب " شمس المعارف الكبري "
بيتكلم فيه عن ملوك الجن العلوي والسفلي وخدامهم

وقال إن ملوك الجن العلويين عددهم (7)
هم ساعات أسمائهم بتتشابه مع أسماء كبار الملائكة المعروفة
ولاكن هذا لا يعني تمام أنهم من الملائكة

وبيقول إن ملوك الجن العلوي والسفلي
أسمائهم عبارة عن ألقاب وليست بأسماء حقيقية

حاكم فلك الشمس وهو صاحد يوم الأحد
رقيائيل

وفي كمان جبرائيل حاكم فلك القمر وصاحب يوم الإثنين

وفي زي ماقولنا سمسائيل حاكم فلك المريخ وصاحب يوم الثلاثاء

وميكيائيل حاكم فلك عطارد وصاحب يوم الأربعاء

وسرفيائيل حاكم فلك المشتري وصاحب يوم الخميس

وعنيائيل وصاحب فلك الزهرة وصاحب يوم الجمعة
وغيرهم

وبيقول كمان في كتاب " شمس النعارف " إن لكل ملك منهم وزراء وخادمين في الأرض وفي العالم السفلي

ومنهم
المذهب خادم الملك رقيائيل
و مره خادم الملك جبرائيل
و الأحمر خادم الملك سمسيائيل
و برقان خادم الملك ميكيائيل
وغيرهم
ميمون ، أبانوخ ، زوبعه ، سرفيائيل ، شمهورش

ولكل واحد من اللي ذكرناهم آلاف من الجن والخدم اللي بيعملوا لخدمتهم في الأرض
كل ده ما ذكر وما كتب في كتاب " شمس المعارف "
ولك أن تسدق أم لا
ولاكن هذا تم كتابته بالفعل في الكتاب
ولاكن مفعول هذا الكتاب من عدمه
الله هو الأعلم بذالك
وهناك أسماء أخري

" هناك ملك يحضر علي هيئة نمر أو قط وهناك ملك يدعي الملك ظام وملك قصورة وملك صلهوب والأسد الغضوب وهو بيستخدم في الربط والتفريق والخناق بين الزوجين وعزازير وهو يحضر علي هيئة فيل ويطلب منمي يقوم بتحضيرة السجود قبل تلبية طلباتة ودنهش وهو قوي جدا ويحضر علي هيئة رجل يلبس عمامة حمراء ويمسك بيدة اليسري شئ أشبة بعلامة النزية بتاعة هتلر وهناك ذات المحاسن وهي تحضر فقط في المقابر وعائنة وهي تحضر بعد تقوس معينة بينام بعدها التي قام بتحضيرها فتأتي لأيقاظة وتلبية طلباتة وفي نائلة ذات الشعور المائلة وسميت بهاذا الاسم لأن شعرها طويل ويغطيها من الرأس حتي القدمين وهناك مارد من أقوي الشياطين ومن غير المحبب ذكر هاذا المارد لان قليل جدا منمي يقوم بأحضارة لان بطشه لا يستهان به وهناك مارد الخلاء وله أكثر من ظراع وكل زراع بطول ولون مختلف
وذكر في الكتاب
تعويزة تستخدم لإستحضار العفاريت الأربعة وتعويزة تجعل الشخص يري دينار ذهب يوميا وهناك تعزيمات مختلفة من الحروف لقضاء الحاجات وطرق للإنتقام منمي يأذونك وطرق الأذي وطرق الضرر بإستخدام الحروف وخاصتأ حرف الألف لأن له قوه كبيرة وتأثير كبير وهناك طرق سحر لإستحضار الأرواح وما يسمي بجلب الحبيب وجلب المحبة وشفاء الأمراض وطرق تجعل اللسان ينعقد تماما وطرق لإبطال النوم وطرق لإحضار الغائب وتعزيم الحماية وحتي كمان هناك طرق لإحضار ما يسمسي بأشياء الإخفاء أو إخفائك شخصيا "
------------------------------

خلينا نؤكد زي ما بنؤكد في بداية الكلام
إن هذا الكتاب وما يتناولة هو أشبه ما يكون بطرق الشرك والكفر بالله عز وجل
وهذا الكتاب لا يلم به إلا من خاض في عالم السحر والتحضير
يحذر العلماء من البحث عن هذا الكتاب أو قرائته أو محاولة فك الطلاسم

إحنا بنحاول نتكلم عن اللي ذكر في الكتاب منغير مانخوض تفصيلا فيه

هذا الكتاب ملئ بالمتاهات
ولا يفهمها إلا من أتقن هذا المجال
هذا الكتاب يقرأه العديد والعديد من الأشخاص ربما يوميا أو شهريا أو سنويا
ولاكنهم لا يعلموا تفاصيله

ولاكن هناك قصص ذكرت عن من خاضوا وتعاملو مع هذا الكتاب

واحد بيحكي إنه كان بيشتغل في مكتبه وواحد صاحبه جابله كتاب " شمس المعارف الكبري "
علشان يصورهوله

بيقول أول ما بدأت اصور الكتاب كان في كوباية قدامي اتكسرت
وبعدها علي طول النور إنقطع من المكتبة رغم إن النور كان موجود في كل المحلات والبيوت اللي حواليه

فضولي دفعني إني أستلف الكتاب من صاحبه
وبعد محاولات كتيرة كان رافض تماما وبيقولي
بلاش بلاش ملوش لزوم
لاكنه وافق
بيقال عن هذا الرجل اللي سلف الكتاب
نقل إليالمستشفي بسبب تورم غريب في جسمة محدش عارف سببه
أما صاحبنا اللي أخد الكتاب بيقول
من يوم ما أختدت الكتاب والناس بدأت تبعد عني
بدأت ألاحظ ده
صحابي كنت عايز اكلمهم وعلي طول يديني التليفون الخط مشغول أو غير متاح

بيرجع وبيقول إنه رجع الكتاب ومقرأتهوش خالص
كل ده حصل وهو معايا بس
لما سأل صحابه بعد كده قالوله في نفس اليوم اللي هو بيحكيلهم عنه مكانوش موجودين في البيوت اصلا فإذاي إتصلت بينا وإذاي إتصلت علي تليفوناتنا وبيديك مشغول
ومشوفناش منك أي تليفونات

طيب نروح لجريدة الفجر لما نشرة قصة عن أحد ضحايا كتاب " شمس المعارف الكبري "
الأستاذ
(س ح)
أو
عم (س)
هو في الخمسينات من عمره وكان عنده محل بقاله في أحد المناطق في الهرم
الأهالي قالو إنه راح كفر الدوار ورجع وهو معاه كتاب قديم
قالهم دي النسخة الأصلية النادرة من كتاب إسمه " شمس المعارف الكبري "
وفعلا الكتاب كان معاه
وقالهم الكتاب ده هيزود الرزق وهيجلب أموال وفلوس متتعدش

ومن وقتها عم (س) إختفي
وكان بيظهر علي فترات متباعده
وفتحه للمحل كان علي فترات متباعده
بعدها بإسبوعين ظهر وباع المحل وفضل قاعد في بيته ميخرجش لفترة طويلة
وتحول عم (س) لمجذوب من المجاذيب في الشوارع
بيمشي في المنطقة وهو بيتكلم بكلام غريب وبينام في أي مكان في الشارع وعلي الرصيف
واهالي المنطقة كلهم عارفين قصته وبيتحاكوا بيها وباللي حصله
بعد مافتح كتاب " شمس المعارف "
وتعمق فيه

طيب نروح " للمملكة العربية السعودية " تحديدا "جده "

في "جده "
حدث تاني أو حصل حاجة لواحد من اللي قدرو يوصلوا لنسخة حقيقية من الكتاب
شخص كان مثقف جداا وكان بيحب القراءة في كل المجالات لحد ما سمع عن الكتاب وقرر يحصل علي هذه النسخة الأصلية
وحصل عليها بالفعل

بيقال إنه بدأ في تحضير الجن بإستخدام الكتاب فعلا ولاكنه واضح إنه مكانش عارف إزاي يصرفهم بعد ما حضرهم
أو إنه مستخدمش الطريقة الصحيحة
لأن اللي حضرو إنتقموا منه ومن أهل بيته
أصيب هذا الرجل بالجنون وفصل من عمله وهو حاليا يسير في الشوارع بلا مأوي
أما عن ولاده بيقولو إن هم بيتنقلو بين الأقارب أو أي حد يكفلهم

هو شاب آخر عمره يقترب من الـ30 عام
بيقول أنا وانا عندي 10 سنين
وقع في أيدي كتاب إسمه شمس المعارف
كنت طفل ومش عارف ده معناه ايه?!
كنت طفل بردو لاكني اسأل وأعرف وعرفت إنه كتاب للسحر
وقررت من باب الفضو إني أقرأه
مفهمتش منه أي حاجة
لاقيته ملئ بالرسومات والحروف متنافرة
ولاكني كنت مصر جدااا إني اعرفاللي في الكتاب?!
فدخلت الغرفة وقفلت علي نفسي الباب
وفضلت أركز جدااااا في كل صفحة من صفحات الكتاب
بيقول فجأه
بدأت الرموز الغير مفهومة تتضح
وتكون مفهومة كإني بقرأ لغة عربيه واضحة تماما
بيقول جبت ورق أبيض وبدأت ارسم الرسومات اللي في الكتاب وإتفاجأت بوالدتي داخله عليا وانا بقرأ في الكتاب وبرسم الرسومات
خدت الكتاب وأخفته في مكان إن المفروض إني مقدرش اوصل ليه?!
من وقتها بدور علي الكتاب ومش لاقيه ومن بعد الوقعة دي بيقول الكلام ده كان وهو طفل طبعا زي ماقولنا
أحلامي العادية إختفت من هذا الوقت لحد يومنا هذا كل أحلامي عبارة عن كوابيس
وأهم ما يميزها أكثر كابوس بتعرض ليه هو الجاثوم
وبحس إن في حد بيقرب مني وبيحاول يفتح عيني علشان ابصله واشوف هو مين?
ببقي حاسس إن في حد بيقترب مني يوميا
بصحي من النوم حاسس إن في حاجة مكتفاني تماما حتي عيني مش قادر أفتحها ولا قادر أتكلم
وبحس دوما وأنا علي السرير إن في حد قاعد قدامي ومنتظر إني أفتح عيني في أي لحظة😱😱😱

الشاب ده المقربين منه بيقولو إن هو عنده حاجة من إنفصام الشخصية
وإن شخصياته متعدده ساعات بيبقي سوي جدا وساعات بيبقي مجنون وبيمشي وهو نايم
وبيقول هو عن نفسه إنه فاق مرة لقي نفسة بيتجول في شارع بعيد لدرجة إنه خرج من بيته ووصل تجولة في شوارع بعيدة
وبيقول بقي عندي حاجة شبيهه بالقوة الروحية
بدور علي حاجة بحس إن في حد بيدور معايا عليها?!
وبيكلمني وبيقولي ممكن تدور عليها في الفلاني

كل ده حصله ولسه مستمر معاه بسبب محاولته للإطلاع علي هذا الكتاب ومحاولة فهمه أو فك رموزه
والكلام ده كان عنده 10 سنين وقتها

نشرت المواقع قصة تانية كمان حصلت مع أحد ضحايا كتاب شمس " المعارف الكبري " إسمه " چورچ مجدي "
بيقول واحد قريبة كان عامل حادث بالسيارة
فـ والده ووالدته راحو يزوروه ويطمنوا عليه وأخوه كان في الشغل
بيقول أنا قاعد لوحدي في البيت
وموضوع الجن والعفاريت مسيطر جداا علي تفكيره وكان بيدور علي كتاب شمس المعارف في أي مكان يروحه
خطرت في دماغه إنه يعمل بحث عن الكتاب علي الإنترنت
ولاقاه بالفعل
وفضل يقرأ فيه فترة طويلة
وكان بيردد بعض الحروف والتعاويذ الموجودة فيه
بيقول أول حاجة النور إنقطع
خفت ودخلت البلكونة لحد ما يجي
لاكن إتفاجأت بحد بيكلمني علي الموبايل وبيقول الو الو الو
بيقول انا واقف في البلكونة عادي ولا بيا ولا عليا ولاقيت حد بيقولي بص وراك?!😱

بيقول بصيت واريا لاقيت الصالة بدأت تشتعل فيها النار
إترعبت من المنزر وقررت أقفل البلكونة عليا من بره ومش عارف أعمل ايه?!
وسمع الحاجات اللي كان بيقولها وهو بيقرأها من الملفات أو من الصور اللي حملها من الإنترنت
بتتقال قدامه
بأصوات أشخاص غير موجودة?!
بيقول فقدت الوعي والجيران كسروا الباب وبعد كده قالو انهم كسروا الباب وفوقوه وقالو كنا سامعين من الشارع صراخة وشايفين الحريق من تحت
لاكن لما كسروا الباب ودخلوا مكانش فيه أي أثر لحريق?!

صاحبنا بيقول إنه بعد الحادث ده فضل لمدة شهرين فاقد النطق
الغريب في الموضوع إن النسخة الأصلية من هذا الكتاب
من أجزائه الأربعة
مفقولة النسخة الأصلية اللي اتكتبت قبل أن تصور وأن تطبع مفقوده ولا أحد يعرف مكانها حتي الآن

البعض بيقول أنها دفنت مع صاحب الكتاب لما توفي
والبعض بيقول إن تم إحراقها علشان كمية الشر والأذي اللي خرج منها ومحدش عارف الحقيقة فين أو مكان هذه النسخة الأصلية الغير منسوخة
اللي بخط إيد " احمد بن علي البوني "

الكتاب ده منسوب لـ " احمد بن علي البوني " لاكن هو عرف منين كل الأسرار دي لو هي حقيقية فعلا?!!!!
أو طرق السحر اللي هو قالها دي?
هل هي مكانتش معروفة وهو جمعها
ولا كانت سر وهو أعلنه
الكتاب ده كان كل الموجود فيه جديد تماما
ومحدش يعرف اللي فيه
من وقت ما إتكتب ولحد يومنا هذا
إذاي الكتاب ده إتنشر في كل البلاد علي مر السنين اللي فاتت وهو مليان علي حد ذكر من يقولون بالبلاوي دي?!!!
ده مش بس في البلاد العربية
ده ترجم ونشر بلغات مختلفة وطبع طبعات مختلفة في كل بلاد العالم
حتي وإن كان ما ينشر هي نسخ ناقصة وغير كاملة
هناك البعض بيصر إن هذا الكتاب لاينتهي
هو كتاب مصدرة من العالم الآخر
هو كتاب الجن هم من كتبوه وإستخدمو الكاتب في انهم أملوا عليه ما يكتب في هذا الكتاب

التحذير يعاد مرارا وتكرارا
هذا الكتاب وغيرة من الكتب اللتي تدعي ربما انها تقوم بتحضير أو نقل الشخص من عالم لعالم
هي كتب يغلب عليها الشر ليس إلا
وإذا كان هذا الكتاب قد كتب بشكل أو بهدف ربما يغلب عليه الشر أو ربما فيه بعض من الخير
أسئ إستخدامة وإستغلاله
إحنا بنعيد التحذير تاني ومتهيقلي بعد كل اللي قولناه
محدش فينا يفكر إنه يدور علي الكتاب ده
ومش إحنا بس اللي بنحذر
المختصين والمتعمقين في المجال الروحاني
بينصحوا إن فضولك مياخدكش للكتاب
حتي لو هتقرأه بعينك
حتي لو مش هتنطق الكلام
الصيغ المذكورة في كتاب " شمس المعارف الكبري "
ربما تتسبب في إستحضار الجن دون أن تدري
ممكن تشكل خطر كبير علي الإنسان خصوصا إنها فيها شرك بالله عز وجل
وإذا تركنا كل ما سبق وقولنا ووقفنا عند هذا النقطة
نقطة أن الكتاب ربما به تعاويز شرك بالمولا عز وجل
فهنا نتوقف

البعض يقول أنه إستخدم وتم كتابته لإرضاء كائنات ما ورائية
كائنات هي لاتعرف شئ سوي الشر

تعرفوا إن في عدة فتاوي طلعت بتحريم قراءة " شمس المعارف الكبري "
فتاوه لتحريم أي كتب تتوغل أو تتحدث في مجال السحر
الشيخ " إبن باز " قال عن هذه الكتب
لا يجوز لطالب العلم ولا لغيره أن يقرأها أو يتعلم مافيها وغير طالب العلم كذالك
ليس له أن يقرأها أو يتعلم مافيها لأنها تفضي في النهاية إلي الكفر بالله عز وجل
الواجب علينا إذا وجدنا كتب تحضير او سحر
إتلافها أينما كانت
وهكذا كل الكتب اللتي تعلم السحر والتنجيم يجب إتلافها

برغم كل التجارب اللي حكيناها محدش يقدر يجزم بقوة وتأثير التعاويذ والطلاسم
رغم كل التجارب اللي حكيناها والتجارب اللي موجوده لضحايا كتاب " شمس المعارف "
إحنا قولنا منها علي سبيل المثال وليس الحصر لإن في قصص نشرت بتعاويذ وطلاسم ذكرها أصحابها
لاكن إحنا خدناها كده بشكل سطحي

محدش يقدر يجزم بصحة هذا الكلام
ولاكن مانجزم به في النهاية أن البحث في عالم ماورء الطبيعة ليس بالسهل
وأن هذه الكتب والمراجع ليس بالطيب

من خلال ملفنا حاولنا نقدم ملخص عن الجزء الموجود من الكتاب ونعرفكم اللي فيه وحاولنا بقدر الإمكان نبعد عن أي ماذكر في كل الملفات وكل التحقيقات اللتي ذكرت كتاب " شمس المعارف "
من تعاويذ أو طلاسم من الكتاب
هي حرصا علي السلامة
حتي وإن كانت كاذبة وإن كان الإيحاء يصل بنا إلي مرحلة التقمص لما يحدث من خلا أو بسبب هذه الطلاسم
إستعنا في هذا الملف العديد من الملفات اللتي تم كتابتها عن هذا الكتاب
من باحثين في مجال الغيبيات بالإضافة لإطلاعنا علي أجزاء من هذا الكتاب وجمع آراء العلماء

* لك أن تسدق ولك أن تكذب ولاكن مالنا في النهاية هو ألا تعبث فيما ليس لنا
فمثل هذه الكتب ومثل هذه المداونات وهذه المراجع الغريبة
لسنا نحن أهلا للبحث فيها

وأحذر في النهاية ألا تسمح للفضول يجعلك تقرأ في هذه الكتب وهذه المراجع

وبعتذر علي كتابتي باللغة العامية مع اللغة العربية
لاكن عشان تطلع بالشكل اللي يعجبكم

وإنتظروا مني المزيد من الملفات والقصص الحقيقية والمؤلفة
أستودعكم الله❤️

Address

Assuit
Asyut

Telephone

+201003848134

Website

Alerts

Be the first to know and let us send you an email when Horror Mystery posts news and promotions. Your email address will not be used for any other purpose, and you can unsubscribe at any time.

Shortcuts

Share

Category