خدمة شباب أعدادي وثانوي بكنيسة السيدة العذراء مريم بأسوان

  • Home
  • Egypt
  • Assouan
  • خدمة شباب أعدادي وثانوي بكنيسة السيدة العذراء مريم بأسوان

خدمة شباب أعدادي وثانوي بكنيسة السيدة العذراء مريم بأسوان "الصفجة الرسمية" لخدمة شباب أعدادى وثانوي بكنيسة السيد?

وفاء لخدمتك وبمناسبة عيد ميلادك الارضي نتذكرك ايضا ايها الوديع في الخدام نسمة هادئة في بستان المسيحا سمير توفيقاذكرنا ...
17/09/2020

وفاء لخدمتك وبمناسبة عيد ميلادك الارضي نتذكرك ايضا ايها الوديع في الخدام نسمة هادئة في بستان المسيح
ا سمير توفيق
اذكرنا امام عرش الله

28/07/2016

صحيح اما ”ربنا يحبني“ 💙 و اقرب منه هتحصلي مصايب كتير و لخبطه في حياتي ؟

الفهم ده بَـعَد ناس كتير اوي عن ربنا
انت عارف اما تقرب منه و يحبك ايه هيحصل ؟؟

- هتتفتح لك ابواب اتقفلت في وش غيرك ، و يديك اللي يخصك علي قد مواهبك و امكانياتك و يستغلها لنجاحك. 💪

- هيديك الحكمة و تعرف تتصرف صح و الكلام المناسب فـ معاده و االطريقة الصح و تفهم الواقع اكتر من غيرك. 👓

- يحبب الناس فيك و يخذلك عدوك و يقربلك اللي حواليك يجعلهم اصدقاء. 👌

- فـ اي ازمة تحصل هتلاقي ”رسالة“ تطمنك و تطلب منك الصبر و تبشرك خير. 😃
”من قبل الرب كان هذا وهو عجيب في أعيننا“ مر ١١:١٢

- و علامة حب ربنا ليك مش عطاءات مال/غني/منصب/... كل دا بيروح .. انت معاك اللي بيدي و يوزع كل دا ،، فرضاه عنك مش ده مقياسه .. بس اهم حاجة جواك يكون هادي سعيد مرتاح مطمن بتحب الناس كلها و بيحبوك و تشوف صح و نظرك طويل..👓😄
” قالا له: يا سيد أن تنفتح أعيننا“ مت ١٠:٢٠

- هيديك شكر فـ قلبك ،، معاك كتير/قليل *سعيد .. و اللي براك مش مأثر فيك ،، سفينة قلبك هتستريح ،، مهما كانت الموجه حواليك مضطربة. 😁😁

قول *يا رب علمني حبك و املاني رضا بعملك معايا و افرح بوجودك جوايا .. اختارلي الصالح* ❤

02/06/2016

صباح الرجاء 😄🌈

لكل الشباب اللى بتمتحن وخاصة ثانوية عامة اللى شايفين ان الوقت راح وانا قصرت او مش هلحق الم الدنيا ... الفكر دا مش عندنا حتي لو بكرة امتحانك

فى حتة بنقولها فى صلاة الغروب "احسبنى مع اصحاب الساعة الحادية عشر" يعنى ايه الجملة دى ؟؟؟

القصة ان فى ناس راحوا يشتغلوا عند صاحب مال واتفق معاهم هتشتغلوا 12 ساعة وهتاخدوا دينار ... قالوا تمام واشتغلوا
بعد 11 ساعة جم ناس تانية ليه وسألوه انهم يشتغلوا ... قالهم خشوا اشتغلوا فاضل ساعة والشغل يخلص ..
وبعد ما الشغل خلص الناس اللى اشتغلت 12 ساعة اداها الدينار اللى اتفقوا عليه ... وجه الدور على اللى اشتغلوا ساعة واحدة وراح مديهم برده دينار واحد !!!
اللى اشتغلوا 12 ساعة زعلوا اوى ازاى تديهم زينا احنا استحملنا الحر والعطش ودول جم على الجاهز ياخدوا زينا ... رد عليهم وقالهم انا ظلمتكوا فى اللى اتفقنا عليه قالوا لا ... طب مالكمش دعوة باى حاجة تانية ده مالى واوزعه زى مانا عايز ✋

طب يعنى ايه القصة دى ؟؟؟؟
فى ناس مننا بصه لزمايلها انهم بيدحوا من اول السنة وانا كنت منفض او زهقان او حصل اى ظروف وخلاص ... مهما عملت مستحيل اجيب نتيجة زيهم ...
لا ربنا مش بيتعامل معانا بعدد الساعات قد ما بيتعامل مع امانتنا حتى لو فى اخر وقت ... محدش ييأس ابدا.... طول ما فى وقت طول ما فى امل فى احسن نتيجة 😄
اطلب من ربنا احسبنى مع اصحاب الساعة الحادية عشر ... قله هبقى امين فى الباقى وانت كمل

وهتشوفوا العجب 😃💪

31/05/2016

صباح الخير 🌈🌸

الوصايا العَشر 👑
لـ"مُنتظري الرب" :

⁃ - إطمن.. ☺
اللي زرع الحِلم في قلبك.. هو المسئول عن تحقيقه، واللي إبتدا معاك سِكة هايكمل للآخر.
⁃ - ماتخافش.. 😄
اللي سلّمتله حياتك "أمين"، هايفضل معاك في كل تفاصيلها.. مش هايرخي بيك في النُص.
⁃ - ثِق..✊
اللي وعدك راجل في كلمته، مابينساش وعوده.. حتى لو عدّت سنين، مُستحيل يرجع في كلمة قالها.
⁃ - اتشدّد.. 💪
اللي بيخطط مستقبلك هو "الجالس على كُرة الأرض".. لما بيأمر بالنجاح بيتحقق، ولما بيبعت بركة بتوصل.. غصبٍ عن إبليس.
⁃ - سَلّم..☝
اللي مسئول عن حياتك "الله القدير"، وفي قُدرته دي مش هايمنع "فشلَك".. لكن هايحتويه في خطّته، ويُثمر منه "نجاح" زي ما وَعد.
⁃ - فوَّق..👌
اللي معاك "يُعطي الجميع بسخاء".. أُنفض من على قلبك تُراب اليأس والقلق وصِغر النفس. وإتقدم بثقة لـ"عرش النعمة".. إصرف رحمة وبركة على قد ما تقدر ووقت ما تحتاج.
⁃ - ماتقلقش..🙇
اللي معاك "ضابط الكُل".. برغم كل "العشوائية" اللي أنت شايفها، هو برضو بيتصرف وبيطلّع من كل اللخبطة دي معنى، ومن "العبث" ده بركة.. دي مُعجزتُه.
⁃ - إفرح..😄
اللي معاك "شديد القوة".. حتى لو في "الأتون"، حضوره بس يخليه "ندى بارد".. حضوره يديك "سلام" يحفظ قلبك ويُصلب طولك من جديد.
⁃ - إرتاح..😴
اللي مسئول عنك هو "الحـامل كُل الأشياء بكلمة قدرته".. مش هايعرف يمشّي حياتك يعني؟ هايغلب في حَل مشاكلك مثلاً؟
⁃ - صدّق..😃
اللي معاك "ليس في فمه غش". حتى لو وصلت للـ"هزيع الرابع".. حتى لو الدنيا كلها بتنهار.. صدّق أنه جاي. وصدق بس لأنه هو اللي قال أنه جاي، والرب عُمره ما بيخلِف وعودُه.

🙈😄
💪

30/05/2016

صباح الخير 😄
(( فنانين على السقالات ))🎨🌈
🌸🌸
مرة كان فيه 2 فنانين بيرسموا فى القبة بتاعة كاتدرائية القديس بولس تقريبا فى لندن
وكانوا طبعا واقفين على سقالات عالية اوى علشان توصلهم للقبة 💒
فكان واحد منهم مُعجب أوى برسمة ومبهور بيه فكان كل ما يرسم جزء يرجع ورى علشان يشوف الرسمة من على بُعد فيبان جمالها اكتر.😃
وكان كل شوية يرجع لورى يرجع لورى علشان يبص على الرسمة لحد ما بقى خلاص على أخر السقالة مافاضلش منها إلا تقريباً شبرين بس 😲
وزميلة اللى قريب منه على سقالة تانية متصلة بيه شاف الوضع ده فأرتعب 😱 لأن زميلة على حافة الهاوية ففكر كده وقال أنا لو ناديت عليه ممكن يتخض ويقع ولو سبته برضو هايفضل يرجع ويقع 😷
فعلى طول ربنا ارشده . فراح للرسمة بتناعة زميلة ومسك فرشة الألوان وشغبط على جزء من اللى رسمة ✊🎨
وعندما رأى زميلة اللى عملو ده طلع لقدام وجرى عليه وقالو ايييييه اللى انت عملته داااااااااا 😡
فقالو انا عملت كده علشان انقذ حياتك . قالو ازاى يعنى . فقالو انت من كتر انشغالك بالرسمة بتاعتك فضلت ترجع لورى ترجع لورى لحد ما بقيت على حافة السقالة ولو انا سبتك كنت هاتقع من العلو المخيف ده 🙈 ولو صرخت وحذرتك 🙊 كنت برضو هاتتخض وتقع 🙉 علشان كده انا لما لغبطلك الرسمة بتاعتك انت طلعت لقدام وبقيت فى امان 💜
فأنحنى هذا الشخص لزميلة ليقبل رجلية علشان انقذ حياتة 😘😍
-----------------------------------------------------------------------
الانسان أحيانا بينشغل فى الحياة بمال او بشهوة او بشخص 👫💸
وتوصل درجة الانشغال دى بأنه ينسى خلاص نفسة ونتيجة ده انه يرجع لورى يرجع لورى لحد ما يبقى على حافة الهاوية 😱🙈 ولكن
ربنا من محبتة ليه ياخد منه الانشغال ده 😉 والانسان يززززززززعل ويقول ليييييه يارب عملت كده ليه خسرتنى ليه أخدت منى فلان ليه ضيعتلى متعتى 😪 فربنا يقوله يا حبيبى انت بسبب الحاجة دى كنت هاتهلك فأنا عملت كده علشان تنتبه شوية لخلاص نفسك 👼🙏💜

تَبْتَهِجُ شَفَتَايَ إِذْ أُرَنِّمُ لَكَ، وَنَفْسِي الَّتِي فَدَيْتَهَا. (مز23:71) 💜💪

* قصة وااااااااقعية

29/05/2016

صباح الجدعنة 💪😄
*رجعلة_ولاده 😉

(لو محغظتك ضاعت و فيها 1000 جنيه😱!!)
راح صاحبك قعد يدور عليها بإجتهاد و تعب معاك طول النهار و الليل...و مرة واحدة راح لاقيها...
"كلمنى عن فرحتك بالمحفظة، و كلمنى أكتر عن فرحتك بصاحبك😍"
+يسوع ولاده تاهوا و ضاعوا منه...ليس عن قصده بل بقصدهم😔
يلا روح دور مع صاحبك يسوع، عشان لما تلاقيله ولاده و ترجعهم ليه يفرح بيك فرح كبير و يعزمك معاه فى سماه...😃
(و آه يا سلام بقي لو بتتعب فى التدوير معاه) 😄

"أَوْ أَيَّةُ امْرَأَةٍ لَهَا عَشْرَةُ دَرَاهِمَ، إِنْ أَضَاعَتْ دِرْهَمًا وَاحِدًا، أَلاَ تُوقِدُ سِرَاجًا وَتَكْنُسُ الْبَيْتَ وَتُفَتِّشُ بِاجْتِهَادٍ حَتَّى تَجِدَهُ؟، وَإِذَا وَجَدَتْهُ تَدْعُو الصَّدِيقَاتِ وَالْجَارَاتِ قَائِلَةً: افْرَحْنَ مَعِي لأَنِّي وَجَدْتُ الدِّرْهَمَ الَّذِي أَضَعْتُهُ.هكَذَا، أَقُولُ لَكُمْ: يَكُونُ فَرَحٌ قُدَّامَ مَلاَئِكَةِ اللهِ بِخَاطِئٍ وَاحِدٍ يَتُوبُ"
المسيح قام...
🏻
"يلا روُّح رجعله ولاده👬👶🏻"

27/05/2016

صباح العناية الإلهية 👑☝
جملية جداً..🌸
كان في راهب ماشي فالصحرا وراجع لديره
وكان كل ما يمشي يشوف في الرمل اثار رجلين
ماشيه وراه .. وكان متأكد ان ده الرب يسوع
ماشي معاه وبيحميه .. 💪😄
وبعد كده عدى ع منطقه خطر فيها ناس اشرار
وبيبص وراه ع الرمل .. 😃
ملقاش اثار رجلين الرب يسوع 😯 فقال في نفسه :
"يعني ياربي ماشي معايا كل الطريق ده وجاي
عند الحته الصعبه والاشرار دول حوليا وتسبني ؟!! 😪
سمع صوت 👑 من جواه 💜 بيقوله :
" لا يا حبيبي انا ماسبتكش انا لما لقيت الاشرار حاوطوك من كل جهه شيلتك 💪 علي ايديا ..
دي مش اثار رجليك دي اثار رجليا انا " 🙈🌈

26/05/2016

صباح المشيئة الإلهية🙏🏻💜

" كل من يسلّم ذاته إلى المشيئة الإلهية يحيا 😃 في السلام، راضياً بمصيره، حتى لو كان مريضاً أو فقيراً أو معوزاً أو مقهوراً. يكون في هدوء وسكينة وسلام ☺ لأن نعمة الروح القدس تظلله وعذوبة الروح القدس تعزّيه 💪 ولا يغتمّ إلا لواحدة: أن يغضب سيده المحبوب جداً ".

🌸 +++القديس سلوان الآثوسي+++ 🌸

25/05/2016

'
فثق ان شتاء الحزن سوف يمنحك ربيع السعاده 😃 مثلما يولد الفجر بعد أشد لحظات الليل ظلمه 😄
'
- "لا تحزنوا لأن فرح الرب هو قوتكم ". 💪 (نح8: 10)
- "فَرِحِينَ فِي الرَّجَاءِ، صَابِرِينَ فِي الضَِّيْقِ، مُواظِبِينَ عَلَى الصَّلاَةِ" 👐 (رو ١٢ : ١٢)
- محتاج لتلات حاجات مهمة كل يوم :
افرح😊 مهما حصل.
اصبر🙄 كلة للخير.
التزم🙏🏻خدها جد.

24/05/2016

جميلة اووووي 😄💜

نقطة مياه 💧
+ سقطت نقطة ماء بيضاء على الارض فاختلطت بالتراب وتحولت الى طين...فبكت. 😭
ثم مرت عليها نسمة هواء فسالتها :
لماذا تبكين ؟؟
فاجابت النقطة : لماذا لا ابكى وقد كنت مياه بيضاء صافية واصبحت طينا" ؟؟
قالت لها النسمة: ممكن ان تعودى مياة نقية مرة اخرى...تعرضى لاشعة الشمس..🌞
+ وافقت نقطة المياه و تعرضت لاشعة الشمس وبعد ذلك قالت لنسمة الهواء:
انا بدأت ادفىء!...اصبرى
انا بدأت اسخن!...اصبرى
انا بدأت اغلى!...اصبرى لان من يصبر الى المنتهى فهذا يخلص!!
انا بدات اتبخر!
تبقى وصلتى.. :)
وتحولت نقطة المياه الى سحابة بيضاء فى السماء..⛅🌈

+ لن تضىء كالجلد..كالكواكب الى ابد الدهور فى السماء الا اذا لوحتك شمس التجارب ومحصتك نار الالام..

+ "فليحرص كل منكم على قبول الاتعاب بفرح عالما ان من ورائها غنى وراحة" ☺
🌸 [القديس مقاريوس الكبير] 🌸

Address

كنيسة السيدة العذراء مريم بأسوان
Assouan

Website

Alerts

Be the first to know and let us send you an email when خدمة شباب أعدادي وثانوي بكنيسة السيدة العذراء مريم بأسوان posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to خدمة شباب أعدادي وثانوي بكنيسة السيدة العذراء مريم بأسوان:

Shortcuts

Share

Category