خدمة الشباب بكنيسة مارجرجس والأنبا باخوميوس - العصافرة - الإسكندرية

28/10/2018

شبابنا أحلى وأغلى شباب
السنة قربت تخلص، وآخر شهر فى برنامجنا المميز

.. #هيرينى

لأن لما بنتعرف على أنفسنا وعلى إلهنا وعلى العالم من حوالينا
بنفهم كويس ان رسالتنا المشتركة فى الحياة هى إننا نحافظ على العالم كله مكان جميل وصالح للحياة
وزى مابنشوف حوالينا كتير الفساد والحروب فى كل المجالات بتخلى العالم أشبه بغابة

فى وسط كل دة أكيد لينا رسالة إننا ننشر السلام، ونعيش بسلام مع الكل

عشان كدة لقينا دة أجمل موضوع نختم بيه سلسلة موضوعاتنا عشان نتدرب مع بعض ازاى نبدأ بنفسنا وننشر السلام فى كل مكان بنتواجد فيه، ومع كل حد بنتعامل معاه

فى كل جمعة هنناقش محور من محاور سلامنا، مش كدة وبس كمان فى كل مرة هنخصص صلاة مخصوص لأجل سلامنا فى حياتنا، وبيوتنا، وكنيستنا، وبلادنا، ولأجل سلام العالم كله

وهنستمتع مع بعض فى كل مرة بفقرات جديدة وشيقة ومفيدة

اوعى يفوتك يوم .. لأن كل يوم بيبنى جزء كبير فى موضوع الشهر، وبيكمل اللى قبله واللى بعده .. فبلاش تفوتك حلقة فى السلسلة عشان تعرف تربطها كلها ببعض

مسيحك مستنيك فى بيته فاتحلك حضنه بكل حب ومنتظر حضورك ووجودك بكل فرح انت وكل اخواتك واصحابك، ومحضرلكم بركات كتير تخرجوا بيها فى كل مرة .. فماتجيلوش بإيديك فاضية وهاتهم كلهم معاك افرحوا معاه وفرحوه بوجودكم

تابعونا عشان تتعرفوا على كل جديد فى الخدمة باستمرار 👇

👨👩👼
👨‍👩‍👧‍👦👨‍👩‍👧‍👦👨‍👩‍👧‍👦
⁦👨‍👩‍👧‍👦⁩⁦👨‍👩‍👧‍👦⁩⁦👨‍👩‍👧‍👦⁩
⛪⛪⛪
⁦👍👍
💪💪💪
👼👼👼
☮️🕊️🕊️👼
💪💪💪
😍😍
👼👼
😇😇😇
😍😍😍
😇😇😇
😍😍
😍

29/09/2018

اليوم اللى بنستناه من السنة للسنة، وحفل تخرج شباب

يوم الخميس 11/ 10/ 2018 الساعة 5:30 على مسرح كنيسة مارمينا بفلمنج

روح الدفا، والحب، والفن، والابداع .. كلنا بنسنتنى الاحساس دة دايماً

لكن السنة دى فعلاً حفلنا مختلف كتييييييير عن كل سنة

مش مجرد حفل تخرج دفعة جديدة من المرحلة الجامعية
لكن فيه طعم مختلف واحساس مختلف

حفل بيعزف على وتر الذكريات، وبيعرض قدامنا مواقف محفورة فى القلب والوجدان
عمرها حوالى 40 سنة وأكتر

جيل بيسلم جيل، بيسلمه حب، وإيمان، وتعليم، ورعاية، وخدمة
جيل بيلم جيل حياة وروح ومبادئ

ذكريات البدايات والتأسيس، بنفكر اللى عارفها، ونعرف اللى ميعرفهاش



حفل خدمة شباب 2018

هنحتفل مع بعض ومع الكنيسة كلها بـ (1918-2018) الصفحة الرسمية لاحتفالية مئوية مدارس الأحد بالإسكندرية - مشروع أبناء النور
وهنحتفل بمرور 15 سنة على تأسيس خدمة الشباب بالكنيسة (2003-2018)
خدمة الشباب بكنيسة مارجرجس والأنبا باخوميوس - العصافرة - الإسكندرية StPaul YouthMeeting
وهنفرح مع اخواتنا خريجين جامعة عام 2018 (دفعة الباندرا Pandra)

حفل مميز جداً، وقريب للقلب
ومشاركة مميزة جداً لفرقنا المبدعة

Insan Team
اللى هيمتعنا بعروض مميزة
#مونودراما
#مسرحية

Christo_Mime
اللى هيمتعنا بالعرض المميز
#ديماس

معادنا الجمعة 11/ 10/ 2018 الساعة 5:30 م
على مسرح كنيسة مارمينا بفلمنج

سعر التذكرة 15 جنيه، التذاكر متوفرة فى سكرتارية اجتماع الشباب، وفى كانتين الكنيسة

الحق احجز مكانك، وماتفوتش اللحظة الحلوة اللى مش بس هتجمعنا سوا
لكن كمان اللى هنرجع فيه بذكرياتنا لتاريخنا وبدايات خدمتنا

👨👩👼
👨‍👩‍👧‍👦👨‍👩‍👧‍👦👨‍👩‍👧‍👦
⁦👨‍👩‍👧‍👦⁩⁦👨‍👩‍👧‍👦⁩⁦👨‍👩‍👧‍👦⁩
⛪⛪⛪
⁦👍👍
❤️❤️❤️
👩‍🎓👨‍🎓
👨‍🏫👩‍🏫0️⃣️0️⃣️1️⃣️
👨‍💻👩‍💻5️⃣️1️⃣️
🏟️🎬
🕺🧛‍♂️
💪💪💪
😇😇😇
😍😍😍
😇😇😇
😍😍
😍😍😍

10/09/2018

😍😍😍

أَمَّا نَحْنُ فَبِعَدْل، لأَنَّنَا نَنَالُ اسْتِحْقَاقَ مَا فَعَلْنَا، وَأَمَّا هذَا فَلَمْ يَفْعَلْ شَيْئًا لَيْسَ فِي مَحَلِّهِ».
ثُمَّ قَالَ لِيَسُوعَ: «اذْكُرْنِي يَا رَبُّ مَتَى جِئْتَ فِي مَلَكُوتِكَ». فَقَالَ لَهُ يَسُوعُ: «الْحَقَّ أَقُولُ لَكَ: إِنَّكَ الْيَوْمَ تَكُونُ مَعِي فِي الْفِرْدَوْسِ».(لو 23 : 41-43 )

05/08/2018

نهضة صوم أمنا الغذراء مريم والدة الإله .. أغسطس ٢٠١٨

"هذَا كُلُّهُ كَلَّمَ بِهِ يَسُوعُ الْجُمُوعَ بِأَمْثَال، وَبِدُونِ مَثَل لَمْ يَكُنْ يُكَلِّمُهُمْ" (مت١٣: ٣٤)

نبحر معاً فى رحلة شيقة مع

نصلى القداسات يومياً الساعة ٧ص والعشيات يومياً الساعا ٦:٣٠م
يوم الجمعة نصلى قداسين الساعة ٦:٣٠ص
يوم الأحد نصلى القداس الأول ٦ص والقداس الثانى ٨ص

دعوة عامة لكل شعب الكنيسة لنلتف معاً حول مائدة روحية دسمة نغتذى فيها من نبع كلمة الله
وننال معاً بركة مديح والدة الإله العذراء الدائمة البتولية القديسة الطاهرة مريم













كل عام وأنتم فى ملء النعمة والبركة

22/10/2017

17/10/2017

شبابنا الغاليين
لسة مع بعض بنكمل برنامج إعادة تعارف

عشان حاجات كتير غايبة عننا،
عشان امور كتير فى حياتنا حلوة بنبوظها بعادة غلط، او ممارسة غلط، او تطبيق عن غير وعى

قررنا نتكلم بصراحة عن اخطاءنا عشان نبين جمال كنوزنا المخفية او مشوهة

فكرنا المسيحى مش فكر غيبيات، ولا دجل، ولا دروشة
لينا فكر متزن
نؤمن إن إلهنا إله المستحيلات، بس مش بنجرى ورا المستحيل
نؤمن ان لينا دور فى حياتنا،
بندور على صاحب جدع يسند ويقوى ويشجع، وأصحابنا كتيير جداً، عشرة ٢٠٠٠ سنة وأكتر كمان

أوقات كتير بنفهم الصداقة دى غلط، مفهوم جميل بنشوهه بممارسة غلط، مابتبنيش حياتنا، وفى نفس الوقت بتكون معثرة لغيرنا

عشان كدة محتاجين نفرق بين مستوى الصداقة، والتعبد

مش عبادة
موضوعنا يوم الجمعة ٢٠-١٠-٢٠١٧ الساعة ٧م
مع قدس أبونا الحبيب
القس أبانوب ميلاد
كاهن كنيسة الشهيد العظيم أبانوب النهيسى بالمندرة القبلية

ولأن ٢٠-١٠ مش تاريخ عادى فى كنيستنا، ليه غلاوة كبيرة وفرحة كبيرة فى تاريخ كنيستنا وحياتنا
فى التاريخ دة من ٣ سنين كنا بنبدأ أول يوم فى بناء الكنيسة، وأكيد مناسبة زى دى ماتعديش من غير ما نحتفل، هنحتفل بالعيد الثالث لتأسيس الكنيسة

وهيكون معانا المرنم : جورج أنور

يوم مفرح ومشبع، هنحتفل ونستفيد ونتعلم ونشبع مع بعض بكنوز كنيستنا الجميلة .. مايفوتكش

المسيح مستنيك فى بيته، فرحه بحضورك انت واخواتك واصحابك معاك وافرحوا مع بعض بحضوره فى وسطكم

05/10/2017

شبابنا أحلى شباب فى الدنيا
زى ماوعدناكم اننا راجعين بقوة
ولأن انتم قوتنا الحقيقية
بنكمل بيكم ومعاكم برنامجنا اللى رجعنا بيه
قوة لحياتنا، وقوة لمعرفتنا، وقوة لخدمتنا

إعادة تعارف

أوقات كتير يتقال قدامنا كلام يتحط على شماعة اللى قبلنا واللى بعدنا، وكلام كتير يتقال غلط ويتلزق لأى حد
طب هو فعلاً قال كدة ؟ عمل كدة ؟ مش عارفين
فين الصح وفين الغلط ؟ مش عارفين
طب هو لازم تبقى كدة ؟ مش ممكن الأمور تتغير عشان تناسب حياتنا وعصرنا ؟ مش عارفين
طيب يه المقياس اللى نقيس عليه عشان نميز ونفهم ونطور صح من غير تفريط ؟ برضة مش عارفين

طب وبعدين، ماحنا لازم نعرف

عشان كدة يوم الجمعة الجاية هندخل مع بعض المنطقة دى، منطقة أوقات بتكون شائكة
لكنها تستاهل المجهود، تستاهل ندخل ندور فيها ع الأصول اللى اتبنت عليها حاجات كتير فى كنيستنا

ع الأصل دور
دة موضوعنا الجمعة الجاية 6-10-2017 الساعة 7م
مع أخونا الحبيب
أ. اسحق ناشد Isaac Nashed
أمين خدمة اعداد الخدام بالكنيسة

هنفتح مع بعض أمور كتير ونتناقش فيها بصورة جديدة ونفتح مداركنا عشان نعرف أكتر ونفهم أفضل

يومنا هيكون مميز جداً وفيه مفاجأة كبيرة وجميلة جداً لكل الناس اللى هتحضر، دة مش مجرد كلام تشويق دى حقيقة .. فبلاش اليوم يفوتكم

وماتنسوش كالعادة ماحدش ييجى لربنا بيته بايديه فاضية، فرحه وهات معاك اخواتك واصحابك يفرحوا ويتباركوا معاك بحضوره فى وسطنا، ويفرحوا قلبه بوجودهم فى بيته








ّر

25/09/2017

"كَسِهَامٍ بِيَدِ جَبَّارٍ، هكَذَا أَبْنَاءُ الشَّبِيبَةِ. طُوبَى لِلَّذِي مَلأَ جَعْبَتَهُ مِنْهُمْ." (مز١٢٧: ٤-٥)

سنة ورا سنة بتزداد قوة الكنيسة وتزداد قوة الخدمة بانضمام جيل جديد من ولادها لخدمة الشباب، فتكون كنيسة وخدمة مطوبة لأن جعبتها دايماً ملآنة بأبناء الشبيبة

عشان كدة فرحانين ومبتهجين جداً جداً واحنا بنستقبل دفعة جديدة من الشبان والشابات
بينتقلوا من مرحلة خدمة ثانوى لاجتماع الشباب

هنفرح بيهم ومعاهم ونحتفل مع بعض باستقبالهم
يوم الجمعة ٢٩/ ٩/ ٢٠١٧ الساعة ٧م بالكنيسة
فى حفل استقبال الدفعة الجديدة

Out of the Box

يوم جميل، مفاجآت حلوة، فقرات شيقة وبسيطة،

ويشرفنا حضور المرنم : مينا عريان

مسيحنا دايماً فاتح لينا بيته وبيفرح بينا جداً لما نجتمع مع بعض فى كنيسته
يلا نفرح ونتبارك بحضوره ونفرحه بحضورنا
وماتنساش ماتجيلوش بايديك فاضية، تعالى ومعاك اصحابك واخواتك ياخدوا البركة معاك

13/09/2017

شبابنا الغالى

معاكم وبيكم يكمل رجوعنا ويكون له مردود عظيم فى حياتنا كلنا

أوقات كتير بنحط حياتنا فى قالب أو اتجاه معين، وساعات نعيش حياتنا بالطول والعرض وخلاص
محتاجين نبص للأمور بنظرة مختلفة
نعيش حياتنا بشئ من "التعقل"
محتاجين نعيش من غير" أفورة"
ندور على رمانة الميزان اللى تعدل الكفة وتحقق المعادلة

بس ازاى ؟

يوم الجمعة الجاية هنلف مع بعض شوية محطات نعرف بيها فين المشكلة، وفين حلها، وننفذه ازاى

Balance
موضوع اجتماعنا يوم الجمعة 15-9-2017
معادنا الساعة 7م

موضوع مهم، مايفوتكش
وماتنساش اننا فى فترة بنعمل فيها إعادة تعارف مع أمور كتير فى حياتنا
وهنلاقى مواضيع كتير مرتبطة ببعضها، حاول ماتفوتش ولا يوم من أيام (إعادة تعارف)

وماتنساش ماتجيش لربنا بايديك فاضية، تعالى ومعاك اخواتك واصحابك تفرح بوجودهم معاك وتفرح قلب مسيحك بوجودكم مع بعض فى بيته
مسيحك مستنيك بالاسم