Asafra Faith Church . كنيسة الايمان بالعصافرة

10/11/2017

إِلَى مَتَى تَنَامُ أَيُّهَا الْكَسْلاَنُ؟ مَتَى تَنْهَضُ مِنْ نَوْمِكَ؟ (امثال٦ : ٩)
اهزم كل روح كسل جواك انك توقف خدمتك او انك توقف خلوتك او تخليك تشعر بالملل في يومك ف تفضل كسلان علي انك تعمل حاجه تثمر في ملكوت الله✌️
💪
أَمَّا الرُّوحُ فَنَشِيطٌ، وَأَمَّا الْجَسَدُ فَضَعِيفٌ». (مرقس ١٤ : ٣٨)
✌️

09/11/2017

تعالوا بكره الخميس نسبح الله و نصلي سوا في اجتماع الصلاه و التسبيح الساعه ٧ في الكنيسه❤️
#منتظرينكم😄

07/11/2017

سيب الله يكلمك بطريقته✌️

03/11/2017

رساله من الله ليك😉
✌️

01/11/2017

صباحك مليان بهجه❤️

استقبل الرسالة بفرح 😃

31/10/2017

لما رؤساء الكهنه و الكتبه حاولوا يخلوا يسوع انه يغلط عشان يمسكوا عليه غلطه عشان يقبضوا عليه كان بيكون علطول رد فعل يسوع مستقيم ! كانت ردوده كلها تخليهم ميقدروش يقولوا انه غلطان بل بالعكس كان بيحسوا بالخجل انهم مش عارفين يردوا. ده كان عشان هما جايين ملتويين بأسئله علشان يخلوه يغلط لكن الفرق انه هو ردوده علطول كانت مستقيمه و كان بيتكلم بالحق
زي ما يسوع كان مستقيم علي الارض هل انت مستقيم قدامه ولا برضو بتلتوي قدامه و تقول اعذار و ردود مش مقنعه و كذلك قدام الناس !!

✋️

28/10/2017

اغلبنا في اجتماعتنا بنروح و نتعزي و كأننا كنا في السماء😃و نقعد نتكلم مع ربنا و نقول بنثق فيك في كل حاجه و انك تقدر تعمل اي حاجه و ان كل اهدافي للمسيح و لتكن مشيئتك، و هوب اول ما نطلع بره بنلاقي شخص تاني خالص لو مثلاً اتحطت في مشكله يقول لربنا انت فين !! اومال فين الثقه اللي كانت موجوده ؟ او جاله مشروع و هو عايزه و ربنا مش عايز المشروع ده لانه مش حلو ليك و في الاخر تعمله ! اومال فين لتكن مشيئتك ؟؟
اختبر كلامك وقت الحماسه في محضر الله عشان هتتحاسب عليها، هي مش وقت اجتماع او خلوه بتعدي و خلاص، الله فاكر كل الوعود اللي انت ادتهاله و معملتش منها حاجه لانك اديتها وقت حماستك✋


✌

22/10/2017

لقد باركنا الرب اليوم فى كلمات مميزة على فم القس /بن ...الرب يبارك خدمته .

20/10/2017

هو القائد او الخادم بيغلط !!🤔

هو احنا ليه بنطلب من القاده بتوعنا انهم يكونوا قدوه لينا بنسبه ١٠٠٪؜ و لو غلطوا غلطه واحده ميبقوش قاده و صورتهم تتهز في نظرنا ؟. يعني حضرتك لما كبرت و بقيت قائد بقيت قدوه بنسبه ١٠٠٪؜ للتلاميذ بتوعك ولا غلطت برضو ! فكره اننا بقينا نتخيل ان القاده المفروض ميغلطوش و انهم ملايكه ع الارض خليتنا نقدس بعضهم بطريقه اوفر، و ده بيخليهم يكملوا في صناعه القداسه و بتكون خطيته بينه و بين نفسه محدش تاني يعرف عنها حاجه ف بيخلينا نطلع قاده معقدين غير سويين. او لو حد من القاده دول فكر بس مجرد فكره انه يقول انا غلطت و عملت كذا بنقف قدامه كأننا مسكين له العصايه و نقعد نأدب و نجرح فيه كأنه مش من حقه انه يغلط !!
✋️

18/10/2017

في معجزه الخمس خبزات و السمكتين يسوع كان بسيط اوي، بتخيل شكل التلاميذ و هما رايحين و متوترين انهم معندهمش اكل و هو بكل بساطه بيقولهم ١٦فَقَالَ لَهُمْ يَسُوعُ:«لاَ حَاجَةَ لَهُمْ أَنْ يَمْضُوا. أَعْطُوهُمْ أَنْتُمْ لِيَأْكُلُوا». (متي ١٤) كأنه عارف ان معاهم اكل و مخبينوا عليه، ولما جابوا اقل شئ يذكر من الاكل جه هو ببساطته برضو و قعد الناس علي اساس انهم خلاص هيأكلوا و هو لسه معهوش الاكل بس كان عنده ثقه و صلي ١٩فَأَمَرَ الْجُمُوعَ أَنْ يَتَّكِئُوا عَلَى الْعُشْبِ. ثُمَّ أَخَذَ الأَرْغِفَةَ الْخَمْسَةَ وَالسَّمَكَتَيْنِ، وَرَفَعَ نَظَرَهُ نَحْوَ السَّمَاءِ وَبَارَكَ وَكَسَّرَ وَأَعْطَى الأَرْغِفَةَ لِلتَّلاَمِيذِ، وَالتَّلاَمِيذُ لِلْجُمُوعِ. (متي ١٤) و الشعب اكل و اتبقي اكل كمان كأن ربنا بيقول هشبعك خير طول حياتك❤️
😍

29/09/2017

في لحظه كده جيت وقفت مع نفسي و عن تعامل الله معايا و تركيزه في ادق تفاصيلي زي الاكل مثلاً انه بيشبعني كل يوم و كمان بيشبعني بالاكل اللي بحبه مش اي نوع و خلاص، و فكرت في الناس اللي عايشه في مجاعات حسيت اني فعلاً في نعمه مش حاسه بيها لانها بتحصلي كل يوم ف انا فقدت الدهشه من فعل الله ليا في انه يجبلي الاكل اللي بحبه ف بقي الامر بالنسبالي عادي لكن لما ركزت علي الجانب الاخر اللي بيموت من قله الاكل اكتشفت اني كل يوم بعيش واحده من اكبر المعجزات اليوميه❤️
تَفْتَحُ يَدَكَ فَتُشْبعُ كُلَّ حَيٍّ رِضًى (مزمور ١٤٥ : ١٦)
💜