18/05/2026
لو حسيت إنك ضيّعت ذي القعدة كلها ..
وإن قلبك داخل على العشر بارد ومكسور ومرهق ؟
فاسمعني كويس:
لسه معاك سلاح خطير جدًا.
الدعاء.
مش بس تدعي بالرزق والجواز والشغل .. لا.
ادعي ربنا يفتح قلبك أصلًا للطاعة.
اطلب منه يوفقك للقيام، يوفقك للذكر، يوفقك للقرآن.
يوفقك إنك "تثبت" وما تقعش بعد يومين.
لأن في ناس كتير نفسها تتعبد .. لكن مخذولة.
وناس تانية ربنا فتح لها الباب .. فبقت الطاعة سهلة على قلبها.
اطلب من ربنا :
يحببك في الطاعة.
يكرهك في المعصية.
يعينك على نفسك.
يعينك على شهوتك.
يعينك على الفتور اللي بهدلك.
إنت فاكر إن اللي بيقوم الليل بسهولة ده بقوته؟
لا والله.
دي رحمة وتوفيق وإعانة من ربنا.
عشان كده ..
قبل ما تطلب القبول، اطلب أن يُفتح لك باب العمل أصلًا.
إوعى تدخل العشر معتمد على قوتك !!
إنت من غير توفيق ربنا .. ولا هتقدر تقوم ركعتين.
عشان كده من أخطر الأدعية في العشر:
"اللهم أعنّي على ذكرك وشكرك وحسن عبادتك."
قل:
"يارب لا تجعلني من أهل الغفلة."
"يارب استعملني ولا تستبدلني."
"يارب ارزقني لذة الطاعة."
"يارب نجّني من نفسي."
الدعاء مش مرحلة أخيرة .. الدعاء هو بداية الفتح كله.
فألحّ .. ابكِ .. اطلب .. كرر الدعاء .. وإنت موقن إن ربنا قادر يقلب قلبك في لحظة.
