10/12/2021
كفانا حديثاً عن أمراض الأمة ..
كلنا بنتكلم عن الأمراض ، عن التقصير عن الحال اللي احنا فيه
الخطباء والمشايخ والداعيين مينفعش تنتهي بيهم السبل إنهم يوصفو الواقع , طب وإيه الحل
يعني لما نقعد سنين نتكلم عن إن الغرب بيتقدم واحنا لأ واحنا مقصرين واحنا ضيعنا واحنا واحنا
هرمنا والله وبقينا واقفين عند نقطة إننا بنوصف الواقع
عاوزين بقا نطلع من الواقع ده ونتغير ونغير شبابنا ونفسنا ، عاوزين نحافظ على صلاة الفجر وقيام الليل والأذكار والقرآن
طب يا شيخنا لما نعمل كده يعني هنغير اي برضو ! هنتقدم على الغرب مثلاً ! هنحرر القدس !
وبعدين افترض إننا عملنا كده وال 100 واحد اللي وصلهم الكلام ده عملوه هنعمل اي وسط 7 مليار شخص !
وهو إنت فاكر يعني إن لو معاك أقوى جيش في العالم وربنا مكتبلكش التوفيق هتعرف تحرر القدس ؟ وهو إنت فاكر إن النبي والصحابة سادو العالم كله بكترتهم ؟
لو انت فاكر كده ف انت غلطان كل الموضوع بس إنهم كانوا عندهم إيمان في ربنا بيخليهم يمشو على البحر .. كان عندهم إيمان يخلي مئات منهم يحاربو عشرات الآلاف من المشركين
كان عددهم في صلاة الفجر زي صلاة الجمعة
تعرف ! لو كل واحد فيهم قال هو أنا يعني لو صليت الفجر كل يوم هنفتح العالم ؟ كان زمان الإسلام موصلش لنا أصلاً
إبدأ بنفسك وخليك واثق إن ربك عنده معجزات لا يعقلها بشر
قرب منه وصلي الفجر وحافظ على الأذكار والقرآن ومتشغلش بالك بالنصر كده كده هييجي
كلم أهلك صحابك قرايبك
خليك طموح دا الإسلام بدأ بسيدنا النبي بس
وذكر 💙
