09/04/2020
Mention your FB FRIENDS just Click!
Ito ay entry sa Sining ng Pagpupugay "HIMO" with a theme, " Frontliners: Sandata at Kalasag ng Bawat Pilipino, Sa Inyo kami ay Saludo" sa Malayang Tula na category. The content must be dedicated to all Front Liners ( Nurses, Doctors,Soldiers,Policeman,etc.)
"Serbisyo at Sakripisyo"
By: Arnel Vicente
SKSU- Kalamansig
Ako, ikaw tayong lahat ay Pilipino
naninirahan sa bansang Pilipinas na ipinagmamalaki kahit kanino
Anong lakas man ng kalamidad at krisis kapitbisig sa pagtutulungan
ni hiindi minsan naisip ang pamilya at sariling kapakanan.
Balita sa dyaryo, radyo't telebisyon Nangangamba ang sambayanan
Taong dalawampu't labing siyam nagulat ang karamihan
Sa kadahilanang may sakit sa katawan ng tao naninirahan
Corona Virus ang pangalan .
Hawaan dito, hawaan doon
Kaguluhan dito, kaguluhan doon
Hindi maintindihan kung saan paparoon
Pero sa gitna ng krisis may mga FRONTLINERS na pumaparoon.
Likas na sa ugaling Pilipino ang pagkamatulungin
Kahit anong tayog ng bituin ay pinipilit paring abutin.
Sarili'y dinadarang sa nagbabagang apoy upang malaman
Kung bakit nagdurusa ang sambayanan.
Saan mang sulok ng daigdig
balitang Corona Virus iyong maririnig
Sa sarili takot ang namamayani
Kung kaya kinakailangan ng pagmumunimuni.
Sabi nga ng inay mabuti pang giyera
Madaling matukoy kung saan ang kalaban nakatira
Punglo laban sa punglo makakailag ka
pero sa virus matatakot di maiwasang mangamba.
Masakit isipin, masakit damhin
na sa gitna ng unos, daluyong at krisis na dumarating
May mga Frontliners na dugo't pawis iniaalay
Para sa bansang may nabubuhay.
Walang sawang babala sa karamihan
Manatili sa sa bahay kalusugan ay ingatan
ni hindi man lang na isip ng iilan sa'tin
Ang mga Frontliners may pamilya rin.
Sa bawat hakbang ng kanilang mga paa
buhay na mayron sila may pinaglalaanan na
Sa bawat hawak , haplos at pagsusuri na ginagawa nila
Dinadalangin sa mga kapwa Pilipino negatibo't may himala.
Frontliners! Salamat sa sakripisyong nilaan
Walang kapantay inyong katapangan
Kahit ano kalaking salapi, pinamalas na katangian
Hindi mababayaran ninuman.
Frontliners! Dalangin namin sa Maykapal
Bigyan kayo ng panangga na tulad ng pader matibay at makapal
Maraming Pilipino mula Luzon, Visayas at Mindanao
Tinitingala kayong Frontliners tulad ng Agila sa himpapawid tinatanaw.
Iisang mithiin na sa paglubog ni haring araw dala nito'y suliranin Pagdating ng bukangliwayway pasan nito ang bagong pag-asa't iisang adhikain, Adhikaing uudyok na ang bawat Pilipino'y magkaisa't magtulungan
Tulad ng ginagawa ng mga frontliners para sa ikakabuti ng mamamayan.
Frontliners! Saludo kami sa inyo
Frontlinets! Salamat sa sakripisyo niyo
Salamat sa serbisyo!
Frontliners.
