30/05/2026
هاذي الجياحة الي كل يوم تجيبولنا بدعة جديدة ، مرة حق الملح ، مرة المهيبة مرة مانعرف
راهي كاين شبيبة من 7 تاع الصباح لليل وهو يلم في دراهم باه يسبيت باه يتزوج ، وتجو نتوما تصعبوا فيها ، خلوكم من عقلية تافهة هاذي الي درتوها، لازم تجيبلي مهيبة لازم كذا لازم مانعرف ، علاه راكم تصعبوا في الحلال .
وزيد كي يجيبلك خطيبك مهيبة كوليها ولا خبي جدها ، ماتبدايش تزوخي على بنات فاميلتك وصحباتك ، راهي كاين الي مخطوبة وخطيبها مهوش لاحق ، وكاين الي تحس بالنقص ، وكاين حتى الي تحسدك
وانت كي فاتح عليك ربي وديت لخطيبتك ماتبداش تزوخ على صحابك وتبين في روحك بلي فحشوش ومتهلي
حسوا بالانسان الزوالي والي ماعندوش ، سهللوا للناس ربي يسهلكم
