Moschee " Ebu Hanife " Troisdorf

18/06/2026

Njoftim rreth zgjedhjeve për kryesinë e re të xhamisë Ebu Hanife

Të nderuar vëllezër të komunitetit shqiptar, të nderuar xhemat të Xhamisë Ebu Hanife,
Kam nderin, në cilësinë e Kryetarit të Xhamisë, t’ju njoftoj se më datë 28.06.2026, në lokalet e Xhamisë Ebu Hanife, do të organizohen zgjedhjet për Kryesinë e re të xhamisë për mandatin katërvjeçar.
Meqenëse kjo është një çështje me rëndësi të veçantë fetare, kombëtare dhe komunitare, shpresojmë në një pjesëmarrje sa më të madhe të anëtarëve të komunitetit tonë.
Programi do të fillojë pas namazit të drekës, në ora 14:00.
Njëkohësisht ju njoftojmë se çdo anëtar i interesuar për të kandiduar për anëtar të Kryesisë dhe që i plotëson kushtet e parapara me rregulloren e xhamisë, mund ta regjistrojë emrin e tij në listën e vendosur në korridorin e xhamisë deri më datën 21.06.2026.
Lusim Allahun e Madhëruar që këto zgjedhje të zhvillohen në frymë vëllazërore, të qeta, demokratike dhe me rezultate në dobi të xhamisë dhe komunitetit tonë.
Me respekt,
H. Mahir Mustafa�Kryetar i Xhamisë Ebu Hanife
dhe Kryesia e Xhamisë Ebu Hanife

06/06/2026

Tre komandantët?!

Nyd de videoer og den musik, du holder af, upload originalt indhold, og del det hele med venner, familie og verden på YouTube.

03/06/2026

Babai i profetëve

Nyd de videoer og den musik, du holder af, upload originalt indhold, og del det hele med venner, familie og verden på YouTube.

31/05/2026

Manifestimi Festiv i Kurban Bajramit

Xhamia “Ebu Hanife” – Troisdorf
30 Maj 2026

Me rastin e festës së Kurban Bajramit, Xhamia “Ebu Hanife” në Troisdorf organizoi një manifestim festiv familjar, i cili u mbajt në një atmosferë të ngrohtë vëllazërore, me pjesëmarrjen e një numri të madh të besimtarëve, burrave, grave dhe fëmijëve.

Programi filloi me lexim të ajeteve nga Kurani Famëlartë nga Hafiz Armend Beqiri, ndërsa më pas të pranishmit i përshëndetën kryetari i xhamisë Haxhi Mahir Mustafa, udhëheqësja e sektorit të grave znj. Behare Murati, hoxhënica znj. Jasminë Lura dhe imami i xhamisë Hoxhë Bedri Syla.

Programin e moderuan me përkushtim z. Armen Sulejmani dhe znj. Lejla Memeti, të cilët kontribuuan në mbarëvajtjen dhe organizimin e suksesshëm të këtij manifestimi festiv.

Pjesë e veçantë e programit ishin interpretimet e ilahive nga mysafirët e nderuar Hafiz Armend Beqiri dhe Merita Burniki Beqiri, të shoqëruar nga instrumentisti Ardian Kastrati, të cilët krijuan një atmosferë festive dhe emocionuese për të gjithë të pranishmit.

Gjithashtu, nxënësit e xhamisë paraqitën një recital të përgatitur enkas për këtë festë, duke dëshmuar angazhimin dhe edukimin e tyre fetar e kulturor.

Pas pjesës zyrtare, programi vazhdoi me ilahi, aktivitete shoqërore dhe argëtuese. Për fëmijët u organizuan lojëra të ndryshme dhe u shpërndanë dhurata, gjë që solli gëzim të veçantë tek më të vegjlit. Të pranishmit patën mundësi të shijojnë ushqime dhe specialitete të përgatitura nga vullnetarët e xhamisë.

Në këtë manifestim morën pjesë qindra besimtarë, familje dhe mysafirë nga Troisdorfi dhe qytetet përreth, duke e bërë këtë aktivitet një shembull të bukur të unitetit, solidaritetit dhe gëzimit të përbashkët të festës së Kurban Bajramit.

Lusim Allahun e Madhëruar që ta pranojë mundin e të gjithë organizatorëve, vullnetarëve, pjesëmarrësve dhe kontribuuesve, si dhe t’i shpërblejë me të mira në këtë botë dhe në Ahiret.

Allahu ua pranoftë kurbanet, lutjet dhe veprat e mira!

Xhamia “Ebu Hanife” – Troisdorf
30.05.2026

29/05/2026

27/05/2026

Falja e namazit të Kurban Bajramit më xhaminë ” Ebu Hanife “ në Troisdorf

24/05/2026

Vendi i tretë
Me kënaqësi ju njoftojmë se ekipa përfaqësuese e xhamisë sonë arriti të zë vendin e tretë në “Turnirin Tradicional të Futbollit” të organizuar nga Qendra Kulturore Islame Shqiptare Stolberg e.V.

Allahu i shpërbleftë organizatorët dhe gjithë pjesëmarrësit për atmosferën vëllazërore, sportive dhe solidaritetin e treguar. Urime ekipit tonë për angazhimin dhe paraqitjen dinjitoze!