Was ist die Webseite?

https://www.facebook.com/107017351834186/

ინგოლშტადტის წმიდა გრიგოლ ფერაძის სახელობის ქართული სამრევლო, Unterer Graben 71, Ingolstadt (2026)

ქ. ინგოლშტადტში, გერმანიის და ავსტრიის მიტროპოლიტ გერასიმეს ლოცვა-კურთხევით, დაარსდა ქართული მართლმადიდებელი სამრევლო. სამრევლო წმ. გრიგოლ ფერაძის სახელობისაა და აერთიანებს ინგოლშტატსა და მის ახლოს მცხოვრებ მართლმადიდებლებს. სამრევლოს წინამძღვარია მღვდელი გრიგოლ ჭეჟია.
ინგოლშტატის სამრევლოში წირვები ტარდება ყოველ კვირა დღეს 10:00 საათზე, ასევე დიდ დღესასწაულებზე და სრულდება ყველა სხვა ღვთისმსახუ

რება.

შეუერთდით და დაესწარით ქ. ინგოლშტატის მართლმადიდებელი სამრევლოს ღვთისმსახურებებს და ასევე გააგებინეთ ეს კარგი ამბავი ყველა ნაცნობ ქრისტიანს ინგოლშტატში.

სამრევლო დარეგისტრირებულია ქალაქის სარეგისტრაციო სასამართლოში და აქვს საკუთარი ბანკის ანგარიში: Georgisch-Orthodoxe Kirchengemeinde Hl.

18/06/2026

22. სხეულის სანთელი არის თვალი. თუ შენი თვალი წმიდაა, ნათელი იქნება მთელი შენი სხეულიც.

23. ხოლო თუ შენი თვალი უწმინდურია, ბნელი იქნება მთელი შენი სხეულიც. მაგრამ თუ შენში ნათელიც ბნელია, როგორიღა იქნება ბნელი?

24. არავის ძალუძს ორი ბატონის მონობა: რადგან ან ერთს შეიყვარებს და მეორეს შეიძულებს, ან კიდევ ერთს შეითვისებს და მეორეს შეიზიზღებს. ვერ შესძლებთ ღმერთსაც ემონოთ და მამონასაც.

25. ამიტომაც გეუბნებით თქვენ: ნუ ზრუნავთ თქვენი სიცოცხლისათვის, რა ვჭამოთ ანდა რა ვსვათო; ნურც თქვენი სხეულისათვის, რით შევიმოსოთო. განა სიცოცხლე უფრო მეტი არ არის, ვიდრე საზრდელი და სხეული - უფრო მეტი, ვიდრე სამოსელი?

26. შეხედეთ ცის ფრინველთ: არც თესავენ, არც მკიან, არც ბეღლებს ავსებენ, და მამა თქვენი ზეციერი არჩენს მათ. ნუთუ თქვენ არა სჯობიხართ ფრინველთ?

27. ან რომელ თქვენგანს ხელეწიფება, ბევრიც ეცადოს, თუნდ ერთი ციდით მოიმატოს სიმაღლე?

28. ან სამოსლისთვის რაღადა ზრუნავთ? შეხედეთ, როგორ იზრდებიან ველის შროშანნი: არც შრომობენ, არც ართავენ.

29. მაგრამ გეუბნებით თქვენ: თვით სოლომონი მთელი თავისი დიდებით არ იყო ისე შემოსილი, როგორც თვითეული მათგანი.

30. ხოლო თუ ველის ბალახს, რომელიც დღეს არის და ხვალ თონეს შეენთება, ასეთნაირად მოსავს ღმერთი, განა თქვენ უკეთ არ შეგმოსავთ, მცირედ მორწმუნენო?

31. ნუ ზრუნავთ და იტყვით: რა ვჭამოთ, რა ვსვათ, ანდა რით შევიმოსოთო?

32. ვინაიდან ყოველივე ამას ეძებენ წარმართნი, და ვინაიდან მამამ თქვენმა ზეციერმა იცის, რომ ყოველივე ეს გჭირდებათ.

33. მაშ, ეძებეთ უპირველესად უფლის სასუფეველი და სიმართლე მისი, და ყოველივე ეს მოგეცემათ თქვენ.

10/06/2026

18. და როცა გალილეის ზღვის პირას მიდიოდა იგი, დაინახა ორი ძმა: სიმონი, პეტრედ წოდებული, და მისი ძმა ანდრია, ბადეს რომ ისროდნენ ზღვაში, ვინაიდან მებადურები იყვნენ.

19. და უთხრა მათ: გამომყევით და კაცთა მებადურებად გაქცევთ.

20. მათაც მყისვე მიატოვეს ბადე და გაჰყვნენ მას.

21. იქიდან წამოსულმა დაინახა ორი სხვა ძმა: იაკობი ზებედესი და მისი ძმა იოანე, რომლებიც ზებედესთან, თავიანთ მამასთან ერთად ბადეს კემსავდნენ ნავში, და უხმო მათ.

22. მათაც მყისვე მიატოვეს თავიანთი ნავიც და მამაც, და გაჰყვნენ მას.

23. მიმოდიოდა იესო მთელს გალილეაში, ასწავლიდა მათ სინაგოგებში, ქადაგებდა სახარებას სასუფევლისას და კურნავდა ყოველგვარ სენსა და ყოველგვარ უძლურებას ხალხში.

04/06/2026

„ქართველი თეოლოგები საზღვარგარეთ“ ულოცავს შოთა კინწურაშვილს მიუნხენის ლუდვიგ მაქსიმილიანეს უნივერსიტეტის (LMU München) თეოლოგიის ფაკულტეტზე ქრისტიანული სოციალური ეთიკის მიმართულებით სადოქტორო დისერტაციის წარმატებით დაცვას და უმაღლესი შეფასების Magna cm laude მიღებას.

დისერტაციის თემაა: „მართლმადიდებლური სოციალური ეთიკის ძიებაში საქართველოს მაგალითზე: შედარებითი თეოლოგიური და სოციოლოგიური ანალიზი“ (Auf der Suche nach einer orthodoxen Sozialethik am Beispiel Georgiens: Eine vergleichende theologische und soziologische Analyse).

ნაშრომი საზოგადოებრივი თეოლოგიის (Öffentliche Theologie) პერსპექტივიდან იკვლევს საქართველოს მართლმადიდებელი ეკლესიის სოციალურ-ეთიკურ რეაქციებს ქვეყნის წინაშე მდგარ უმნიშვნელოვანეს გამოწვევებზე, როგორებიცაა ომი, სოციალური უსამართლობა, სიღარიბე, მიგრაცია, ნარკოდამოკიდებულება და სხვა ადიქციური პრობლემები, დემოგრაფიული ცვლილებები, უმუშევრობა, ოჯახისა და ახალგაზრდობის წინაშე არსებული სირთულეები, აგრეთვე თანამედროვე საქართველოს სოციალური, ეკონომიკური და პოლიტიკური განვითარების პროცესები.
კვლევის განსაკუთრებული ყურადღება ეთმობა ეკლესიის სოციალურ სწავლებას, საზოგადოებრივ პოზიციებსა და პრაქტიკულ საქველმოქმედო-დიაკონიურ საქმიანობას. ნაშრომი აანალიზებს, თუ როგორ პასუხობს ეკლესია თანამედროვე საზოგადოების გამოწვევებს და რა როლი შეიძლება შეასრულოს სოციალური სამართლიანობის, სოლიდარობის, ადამიანის ღირსებისა და საერთო კეთილდღეობის განმტკიცებაში.

ამასთანავე, დისერტაცია იკვლევს საქართველოს კონტექსტში დამოუკიდებელი და სისტემური მართლმადიდებლური სოციალური ეთიკის ჩამოყალიბების შესაძლებლობებს, ასევე ეკლესიის სოციალური და დიაკონიური საქმიანობის განვითარების პერსპექტივებს საზოგადოებრივი ტრანსფორმაციის პირობებში.

მიუნხენის ლუდვიგ მაქსიმილიანეს უნივერსიტეტის რეკომენდაციით, დისერტაცია გამოქვეყნდება გერმანულ ენაზე, ხოლო შემდგომ ქართულ და ინგლისურ ენებზეც, რაც შესაძლებლობას მისცემს როგორც ქართულ, ისე საერთაშორისო აკადემიურ საზოგადოებას, გაეცნოს კვლევის შედეგებს.

ვულოცავთ შოთა კინწურაშვილს ამ მნიშვნელოვან აკადემიურ მიღწევას და ვუსურვებთ წარმატებას შემდგომ სამეცნიერო და საგანმანათლებლო საქმიანობაში.

https://geotheologians.com/ka_ge/congratulations-to-shota-kintsurashvili-on-the-successful-defense-of-his-doctoral-dissertation/

03/06/2026

32. ყველას, ვინც მაღიარებს კაცთა წინაშე, მეც ვაღიარებ ჩემი ზეციერი მამის წინაშე.

33. ხოლო ვინც უარმყოფს კაცთა წინაშე, მეც უარვყოფ ჩემი ზეციერი მამის წინაშე.

37. ვისაც მამა ან დედა ჩემზე ზეტად უყვარს, არ არის ჩემი ღირსი; და ვისაც ძე ან ასული ჩემზე მეტად უყვარს, არ არის ჩემი ღირსი;

38. ვინც არ აიღებს თავის ჯვარს და არ გამომყვება, არ არის ჩემი ღირსი.

27. მაშინ პეტრემ მიუგო და უთხრა მას: აი, ჩვენ მივატოვეთ ყველაფერი და გამოგყევით; რა გვექნება ჩვენ?

28. ხოლო იესომ მიუგო მათ: ჭეშმარიგად გეუბნებით, რომ ვინც მე გამომყევით, მეორედ შობისას, როცა ძე კაცისა დაჯდება თავისი დიდების ტახტზე, - ერთად დასხდებით თორმეტ ტახტზე ისრაელის თორმეტი ტომის განსჯად.

29. და ყველა, ვინც მიატოვებს თავის სახლს, ან თავის და-ძმას, თავის ცოლ-შვილს თუ დედ-მამას, ანდა თავის ადგილ-მამულს ჩემი სახელის გულისთვის, ასმაგად მიიღებს საზღაურს და საუკუნო სიცოცსლეს დაიმკვიდრებს.

30. მაგრამ მრავალი პირველი იქნება უკანასკნელი, და უკანასკნელი - პირველი.

Adresse

Unterer Graben 71
Ingolstadt
85049

Telefon

+491777724087

Webseite

facebook.com

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von ინგოლშტადტის წმიდა გრიგოლ ფერაძის სახელობის ქართული სამრევლო erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

ინგოლშტადტის წმიდა გრიგოლ ფერაძის სახელობის ქართული სამრევლო