ინგოლშტადტის წმიდა გრიგოლ ფერაძის სახელობის ქართული სამრევლო

06/09/2026

კარგად დაემთხვა დღევანდელი კვირა დღე, ძმები კარბელაშვილების ხსენებასა და კვირა დღის საკითხავს.
ნათესაობა, ის, რომ ჩვენი წინაპრები ასეთი მადლმოსილნი იყვნენ, თავისთავად არაფერს ნიშნავს. სახელი, გვარი თუ სხვა გარეგანი მოცემულობა არ გვხდის მათ მეგობრებად. ნათესაობას განსაზღვრავს მხოლოდ შინაარსი და ცხოვრების წესი. ჩვენ ყველას ერთი და იგივე სისხლი გვიჩქეფს, არ არსებობს განსხვავებული ფერის სისხლი. ჩვენი ღირსება მხოლოდ და მხოლოდ ჩვენი ცხოვრების წესითა
და შინაარსით განისაზღვრება: ჩვენი შეგნება და შეხედულებები ქმნის ჩვენს ნამდვილ სახეს, მეტი არაფერი. ამენ.

მღვდელი გრიგოლ ჭეჟია

06/09/2026

მეოგობარო, რისთვის მოხვედი? - ბატონი ანუ ღმერთი მიმართავს ერთ-ერთ მეინახეს ქორწილში, რომელსაც სამოსი არ აცვია სადღესასწაულო. მათეს სახარებაში, ოთხი თავის შემდეგ იესო იგივე კითხვას უსვამს თავის ერთ-ერთ მოწაფეს, რომელიც გეთსემანიის ბაღში ფარისევლებთან ერთად მოადგება, იუდას მიმართავს,,,მეგობარო,,. შეიძლება ჩვენ ნათელი მივიღეთ, მაგრამ თუკი ქრისტე ვერ შევიმოსეთ, ვღალატობთ ღმერთს. ამენ.

მღვდელი გრიგოლ ჭეჟია

05/09/2026

სულთმოფენობიდან მე-14 შვიდეული. შაბათი. ფრაიბურგი 🙏⛪️✨️💝

05/09/2026

02/09/2026

1. კვლავ იგავებით მიუგო იესომ და უთხრა მათ:

2. ცათა სასუფეველი მსგავსია მეფისა, რომელმაც გამართა თავისი ძის ქორწილი.

3. და გაგზავნა თავისი მონები ქორწილში წვეულთა საწვევად, მაგრამ არ ინებეს მოსვლა.

4. კვლავ გაგზავნა სხვა მონები და თქვა: უთხარით წვეულთ: აჰა, გავშალე სუფრა, დავკალი ხარები და ნასუქი საქონელი; ყველაფერი მზადაა, მობრძანდით ქორწილში.

5. მაგრამ მათ გააწბილეს იგი და წავიდნენ: ვინ თავის ყანაში, ვინ კიდევ თავის სავაჭროში.

6. დანარჩენებმა კი შეიპყრეს მისი მონები, შეურაცხყვეს და დახოცეს.

7. ეს რომ გაიგო, განრისხდა მეფე, გაგზავნა თავისი ლაშქარი, ამოაწყვეტინა მკვლელები და გადაწვა მათი ქალაქი.

8. მაშინ უთხრა თავის მონებს: საქორწინო სუფრა გაშლილია, მაგრამ წვეულნი არ იყვნენ ღირსნი.

9. მაშ, გადით გზაჯვარედინებზე და ქორწილში მოიწვიეთ ყველა შემხვდური.

10. გავიდნენ მონები გზაჯვარედინებზე და შეკრიბეს ყველა, ვისაც კი შეხვდნენ, ბოროტი თუ კეთილი, და მეინახეებით აივსო ქორწილი.

11. შევიდა მეფე მეინახეთა სანახავად და იხილა იქ ერთი კაცი, რომელსაც არ ეცვა საქორწინო სამოსი.

12. და უთხრა მას: მეგობარო, როგორ შემოხვედი აქ, საქორწინოდ შეუმოსავი? ხოლო ის დუმდა.

13. მაშინ მეფემ უბრძანა თავის მსახურთ: შეუკარით ხელ-ფეხი და გარეთ გააგდეთ ბნელში. და იქნება იქ ტირილი და კბილთა ღრჭიალი.

14. ვინაიდან მრავალნი არიან წვეულნი და მცირედნი - რჩეულნი.