Bahaa Esperanto Ligo

10/01/2026

Filma retrorigardo al 2025, novaj libroj kaj BELa jutuba kanalo

Kun la jarfino 2025 Bahaa Esperanto-Ligo (BEL) povis fieri pri kelkaj atingoj: sukcesis ĝi publikigi filman retrorigardon al la jaro 2025 lige kun inaŭguro de propra jutuba kanalo. Kaj troviĝas presprete ĉe eldonejo nova preĝlibro kaj la germana traduko de La Plej Granda Rimedo.

De kelkaj jaroj la Bahaa Monda Novaĵservo (Bahá'í World News Service, BWNS) jarfine retrorigardas filme al kio elstara okazis dumjare en la tutmonda bahaa komunumo. La filmo publikigita la 27an de decembro 2025 (https://news.bahai.org/story/1845/2025-year-in-review) estas kvaronhora kaj specife fokusiĝas je vasta gamo da rakontoj el ĉiuj mondopartoj pri la klopodoj kontribui al la konstruado de pli paca, harmonia kaj komuneca mondo. Unuafoje BEL sukcesis – kaj tio ene de nur kelkaj tagoj, tiel ke eblis montri ĝin jam dum la Novjara Renkontiĝo en Wiesbaden ­– prepari esperante subtekstigitan version, kiu nun estas alirebla tra la retejo de BEL je https://bel.bahai.de/novajsplitoj-2025-el-la-bahaa-mondo/ Lige kun tio BEL inaŭguris propran kanalon en Jutubo, kies unua kontribuo estas ĝuste tiu filmo (vidu: https://www.youtube.com/ resp. https://www.youtube.com/watch?v=cd14Pm8rS9I).

Jam en 2015 aperis ĉe la renoma bahaa eldonejo George Ronald en Oksfordo, Anglio, en sia origina angla versio (The Greatest Instrument) libroforme kompilaĵo el la Bahaaj Skriboj kaj rilataj fontoj pri la demando de internacia helpa lingvo, redaktita kaj enkondukita de la lingvisto Gregory P. Meyjes. En 2019 povis BEL aperigi la esperantan tradukon de tiu: La Plej Granda Rimedo, kiu libre haveblas, sed ankaŭ delonge libere alireblas tra la BELa retejo (vidu: https://bel.bahai.de/literaturo/). Nun prespretas ankaŭ traduko al la germana.

Kaj krome troviĝas prespreta ĉe eldonejo multe pliampleksigita preĝlibro enhavanta ne malpli ol 117 bahaajn preĝojn kaj tiel pli ol la duoblon de la ĝisnuna versio eldonita en 1992. Tiuj preĝoj foje estas nur 2- aŭ 3-frazaj, sed foje etendiĝas tra pluraj paĝoj kiel ekzemple la t.n. longa saniga preĝo aŭ la inter bahaanoj tre populara Epistolo al Aĥmad. Tiu ampleksa kompilaĵo de preĝoj revelaciitaj de Bahá'u'lláh, Báb kaj 'Abdu'l-Bahá jam nun alireblas tra la BELa retejo (vidu: https://bel.bahai.de/literaturo/).

29/12/2025

Novaĵsplitoj 2025 el la bahaa mondo

En kvaronhora filmo la Bahaa Monda Novaĵservo (BWNS) retrorigardas al 2025 kaj fokusiĝas je vasta gamo da rakontoj el ĉiuj mondopartoj pri la klopodoj kontribui al la konstruado de pli paca, harmonia kaj komuneca mondo. Originala angla kun esperanta subteksto.

En kvaronhora filmo la Bahaa Monda Novaĵservo (BWNS) retrorigardas al 2025 kaj fokusiĝas je vasta gamo da rakontoj el ĉiuj mondopartoj pri la klopodoj kontri...

12/12/2025

Filmo "Vitejo de la Eternulo"

Kiel aspektas kaj funkcias la bahaa monda centro? Kiel ĝi estiĝis, evoluis kaj administras, sen klerikoj, la aferojn de tutmonda, rapide kreskanta komunumo? Kaj kiel tiu elektas sian internacian estraron? Kiuj estas la bazaj instruoj kaj centraj celoj de la Bahaa Kredo?

La filmo koncize prezentas kaj ilustras la fundamentojn kaj la unikan evoluon de la tutmonda bahaa mondkomunumo, kies celo estas antaŭenigi la pacan unuiĝon de la homaro kaj kiu skribas la plej aktualan ĉapitron en la religia historio.

This is "Vitejo de la Eternulo" by BEL on Vimeo, the home for high quality videos and the people who love them.

17/06/2025

Ni konservas ankaŭ malnovan nian retejon kun abunda, tre diversspeca materialo pri Bahaismo kaj Esperanto; fosemulojn ni kore invitas ĝin viziti kaj esplori.
https://bahaaeligo.bahai.de/U-tekstoj/home-U.html

30/05/2025

La Sep Valoj– publikiĝis centra mistika verko de Bahá’u’lláh en E-traduko

»La Sep Valoj« estas verko revelaciita en la malfruaj 1850-aj jaroj de Bahá’u’lláh, la profeto-fondinto de la Bahaa Kredo, kiam Li post dujara retiriĝo al la montoj de Kurdio revenis al Bagdado. La temo de la verko estas sentempa kaj senloka: la internaj veroj de religio. Ĝi estas mistika priskribo de la vojaĝo de la animo tra sep stadioj de interna transformiĝo respektive de la transiro de la homa memo ek de la mondo materia ĝis la transaj sferoj proksimaj al Dio.

La Bahaa Mondcentro en 2019 publikigis aŭtoritatan tradukon el la origina persa al la angla enkadre de la kolekto »The Call of the Divine Beloved. Selected Mystical Works of Bahá’u’lláh« (La voko de la Dia Amato. Elektitaj mistikaj verkoj de Bahá’u’lláh). Tiu nova traduko nun anstataŭas la ĝistiamajn provizorajn kaj el ĝi faris traduka teamo de Bahaa Esperanto-Ligo la esperantigon.

En la antaŭparolo al la nova eldono tekstas:

Dum la du jaroj en Irako, kiam Bahá’u’lláh retiriĝis al la montoj de Kurdio, … inter la »netakseblaj trezoroj rivelitaj« en tiuj tagoj troviĝas la »plej granda mistika komponaĵo«, la Sep Valoj, kiu »priskribas la sep stadiojn, kiujn devas trairi la animo de la serĉanto antaŭ ol ĝi povas atingi la celon de sia ekzisto«. Kiel la dekdujarcenta poemo de ‘Aṭṭár, Manṭiqu´ṭ-Ṭayr (La Konferenco de la Birdoj), priskribas la Sep Valoj vojaĝadon tra sep stadioj en serĉado de Dio. Tamen, la serĉado en la Sep Valoj estas ankaŭ farita sub la cirkonstancoj difinitaj per la tre baldaŭa aŭroro de la nova Revelacio – kaj efektive la ĉeesto de la Amato mem.

Tiu ĉi nova traduko aldoniĝas al intertempe jam tuta gamo da ĉerpaĵoj el la abundega bahaa literaturo alirebla en esperanta traduko. Tiel BEL jam en 1994 aperigis sub la titolo »Perloj de l’ Saĝo« kompilaĵon de centraj citaĵoj el la verkaro de Bahá’u’lláh. Lian centran teologian verkon »La Libro de Certeco« siatempe jam Lidia Zamenhof tradukis, sed ĝi restis nepublikigita manuskripto, kiun tamen BEL alirebligas tra sia retejo. La ĝis nun plej ampleksa verko tradukita estas la preskaŭ 500-paĝa »Dio preterpasas«, la aŭtoritata historio de la unuaj cent jaroj (1844–1944) de la Bahaa Kredo eldonita en 2023 okaze de la 50-jariĝo de BEL; ĝi haveblas kaj libroforme kaj PDFe tra la BEL-retejo: https://bel.bahai.de/literaturo/

Libroservoj volonte petu provekzempleron de La Sep Valoj

06/05/2025

La ideogramo prezentanta naŭpintan stelon estis aldonita al versio 15 de la Unikoda Normo post kiam ĝi estis proponita en 2020.
Por tajpi la simbolon, necesas havi subtenon en tiparo. En nia retejo vi trovas la tiparon, kiun ni mem kutime uzas, adaptita por enhavi la stelon.

https://bel.bahai.de/tiparoj/

Trovu pliajn informojn ĉe Bahaipedia https://bahaipedia.org/Nine-pointed_star

30/01/2025

Omaĝe al Lidia Zamenhof (29-a de januaro 1904 – 5-a de septembro 1942) – La Kuraĝa Heredantino de la Esperanto-Idealo, okaze de ŝia naskiĝtago.
🕯️ Hodiaŭ, la 29an de januaro, ni rememoras Lidia Zamenhof, filinon de d-ro Ludoviko Lazaro Zamenhof, kiu ne nur portis la flamon de Esperanto, sed ankaŭ sindediĉe defendis pacismon kaj homaranismon. Kiel fervora instruistino, ŝi vojaĝis tra la mondo por instrui Esperanton, integrante la Bahaan Kredon — religion, kiu emfazas la unuecon de la homaro — en siajn kursojn.
💡 Dum la nazia okupado de Varsovio, ŝi rifuzis fuĝi eksterlanden kaj elektis resti solidara kun siaj lernantoj. En aŭgusto 1942, ŝi estis deportita al la ekstermigejo Treblinka kaj murdita — sed ne sen lasi eternan mesaĝon: Per vortoj ni konstruos pontojn, ne murojn.
🌹 Ŝia vivoverko restas daŭra inspiro, atestante la forton de ideoj kaj la potencon de pacema rezistado.
⚠️ En tempoj kiam ekstremismo denove leviĝas, Lidia memorigas nin, ke valoroj kiel paco, interkompreniĝo kaj justeco ne estas idealoj forgesotaj, sed vivmaniero, kiun ni devas defendi. Ni memoru, ke neniu ideo mortas, se ĝi enkarniĝas en homoj kaj ke la plej granda potenco estas amo, ne perforto. ❤️

23/11/2024

Kiel monda religio kiel la Bahaa Kredo, kiu ne havas klerikojn, administras la aferojn de sia komunumo? Loke, nacie kaj internacie bahaanoj demokratie elektas siajn estrarojn. Kvankam ŝajne similaj al elektoj okazantaj en la civilaj socioj en multaj partoj de la mondo, estas la bahaaj elektoj unikaj.

La filmo "Alvoko al servado" prezentas la unikan bahaan balotadon enkadre de la klopodoj de bahaaj komunumoj tutmonde kontribui al paco, justeco kaj socia bonfarto.