19/12/2012
आदरणीय दाजुभाई, दिदीबहिनी तथा साथीहरु,
अस्ति आइतबार छलफल को लागि सबैलाइ फेसबुक र इमेलबाट अबगत गराएको थिए कि कसैले यसलाई निरन्तर दिन चाहेमा मा सबै जिम्मा सुम्पिन चाहन्छु होइन भने यो महिनाको अन्तिम देखि बन्द गर्दैछु भनेर।
१५० भन्दा बढीले फेसबुक हेरेका थिए र १०० जना जतिलाइ इमेल पनि पठाएको थिए। थुप्रै नेपालीहरु आउने आस गरेको थिए र सबैले मिलेर एउटा निस्कर्स निकाल्ने विचार गरेको थिए, तर मैले ३ देखि ५ बजे सम्म कुर्दा पनि जम्मा ३/४ जना मात्र आए जसले मलाइ यति धेरै दुख लग्योकी मैले सपनामा पनि मन्दिरमा पूजा गर्दा गर्दै आगलागी भएर पुरै मदिर भस्म भएको देखें ।
अन्तिम समयमा सबैले मलाइ एक्लै पारे र कसैले आजसम्म पनि मीतिंगमा के भो र के गर्ने भनेर एक फोन, इमेल र फेस्बूक्मा कमेन्ट पनि आएको छैन। मैले आफैलाइ पनि धिकारे कि किन यस्तो नचाहिदो काम किन गरेछुँ भनेर । जे भएपनि आज मैले निर्णय गर्नु छ नत्र अझै धेरै मैले नुक्सन बेहोर्नु पर्छ. र भबिस्यमा पनि यहाँ केहि हुने आशा नदेखेकोले त्यसैले मैले यस्तो गर्ने विचार गरेको छु।
- सबभन्दा पहिला यो महिनाको अनितम सम्म कोठा कसैले मिलाई दिएर ठाउँ छोड्ने
- त्यहाँ भएको नचाहिने सामान फालेर पछिलाई कामलाग्ने सामान मात्र एक ठाउमा राख्ने
- मुख्य समस्या भयो देउताको, जुन हामि सबैले होम पुजा गरेर जगाएको थिए त्यसलाई छिडीमा राख्नु भएँन त्यसैले मैले यसलाई लगेर घरमा पुजा गरेर राख्ने विचार गरेको छुँ।
यसमा तपाईहरुको केहि सुझाब वा अर्को कुनै उपाए भए मलाई छिट्टै खबर गर्नु होला किनकि हामीसंग धेरै समय छैन।
साथै तपाईहरुले दिने भनेको र दिन बाकी भएको पैसा जतिसक्दो यो महिनाको अन्तिम सम्म दिनु होला ताकि मलाइ एक्लै नोक्सानको भारी बोक्नबाट बच्ने छूं । अब कुनै मीतिंग त हुने छैन तर तपाईंहरुले सुरु देखि अहिले सम्मको जम्मा भएको रकम र खर्च हेर्न चाहेमा मलाई सम्पर्क गर्न सक्नु हुनेछ वा मलाई भेट्ने समय नभएमा फेसबुक अथवा इमेल बाट पनि सबैलाई जानकारी दिन सकिञ्छ।
धन्यवाद
राजु
