ማኅደረ ጥበብ

ማኅደረ ጥበብ Kontaktinformationen, Karte und Wegbeschreibungen, Kontaktformulare, Öffnungszeiten, Dienstleistungen, Bewertungen, Fotos, Videos und Ankündigungen von ማኅደረ ጥበብ, Frankfurt.

እምነትካ ዘሕይል እምነትን ስጉምቲ ናይቲ ሽፍታ🤔ዓርቢ ስቅለት ሓደ ካብ ድሕነትና ዝተፈጸመሉ፡ ተገዲስኩም ከተንብብዋ ይላቦ።ሕቶ ነቲ ቅኑዕ ውሳኔ ዝወሰነ ሽፍታ፧ቅዱስ ያሬድ =- ኦ ናይ የማን ...
10/04/2026

እምነትካ ዘሕይል እምነትን ስጉምቲ ናይቲ ሽፍታ🤔
ዓርቢ ስቅለት ሓደ ካብ ድሕነትና ዝተፈጸመሉ፡ ተገዲስኩም ከተንብብዋ ይላቦ።

ሕቶ ነቲ ቅኑዕ ውሳኔ ዝወሰነ ሽፍታ፧

ቅዱስ ያሬድ =- ኦ ናይ የማን ሽፍታ! ነዚ ክትፈልጥስ መን መሃረካ፧ መንከ ነገረካ፧ መኑ መሃረከ ወመኑ ነገረከ፧

ቅዱስ ቄርሎስ =- ነፍስኻ ዘብርሃልካ ከመይ ዝበለ ሓይሊ እዩ፧ ምሳኻ ተዋሪዱ እተሰቅለ ከተምልኾ መን መሃረካ፧

ቅዱስ ዮሓንስ ኣፍወርቅ =- ኣንታ ሽፍታ እስከ ንገረኒ! መንግስቲ እግዚኣብሔር ብኸመይ ትዝ በለካ፧ ኣብ ቅድሚ ዓይንኻ ትርእዮም ዘለኻ ሽንካራት መስቀሉን፡ ክሲ ምውራድን ዶ ኣይኮኑን፧
239

ባዕሎም ሓቲቶም ባዕሎም ክምልሱ ከለዉ ሊቃውንቲ!

ቅዱስ ያሬድ =- ንነብያት ኣይሓተትኩን ንሓዋርያት'ውን ኣይሰዓብኩን፡ ጸሓይ ኣጸልሚታ ምልክት ገበረትለይ፡ ነዚ ኣብ ዝረኣኽዎ ግዜ ከኣ ኣመንኩ፡ ሓይሊ መስቀሉ ከኣ መድሓኒት ኮነኒ።

ቅዱስ ዮሓንስ ኣፍወርቅ =- እወ ነዚ ኹሉ ርእየዮ እየ ሽንካራት መስቀሉን ክሲ ምውራድን፡ ግን መስቀሉ ምሳሌ መንግስቲ እግዚኣብሔር እዩ፡ ስለዚ ኸኣ ምእንቲ ኣባጊዑ ዝሞተን ዝተሰቅለን ንጉስ ክጽውዕ'የ።

ኣባ ጊዮርጊስ =- ናይዚ ሽፍታ ምኽንያት ምስባር ልቡ፡ ብዘደንቅ መንገዲ ይርእዮ። ሓዋርያት ብመገዲ ኽሓልፉ ኸለዉ፡ ጽላሎቶም ኣብ ልዕሊ ሕሙማት ክዓልብ ከሎ ይፍውሶም ከምዝነበረ፡ እዚ ሽፍታ'ውን ካብ ሓጢኣት እተፈወሰ፡ ኣብ የማን ጎይታ ኣብ እተሰቅለሉ ግዜ፡ ጽላሎት መስቀል ክርስቶስ ዓሊብዎ ከይኮነ ኣይተርፍን ይብል።

እዚ ሽፍታ ብክርስቶስ ዝኣመነ፡ ዓሳን እንጀራን ኣበርኪቱ ከብልዕ ርእይዎ ዘይኮነስ፡ ብጽምኢ ማይ ክሳቀ ብምርኣይ እዩ።

እዚ ሽፍታ'ዚ ንክርስቶስ ዝረኣዮ፡ ኣብ ደብረ ታቦር ገጹ ከም ጸሓይ ከብርህ ከሎ ዘይኮነስ፡ ኣብ መልዕልተ መስቀል ገጹ ብደም ተዓሊሱ ከሎ እዩ።
239

ሎቱ ስብሐት ብቁስሉ ኢና ዝሓወና

ሓጢኣት ሓውኻ ሸፊንካ ኣብ ክንድኡ ክትመውት እንተዘይክኢልካ እንተወሓደ ብሰንኪ ሓጢኣቱ ኣይትፍረዶ።🔰ቅዱስ ዮሓንስ ኣፈወርቅ🔰
08/04/2026

ሓጢኣት ሓውኻ ሸፊንካ ኣብ ክንድኡ ክትመውት እንተዘይክኢልካ እንተወሓደ ብሰንኪ ሓጢኣቱ ኣይትፍረዶ።
🔰ቅዱስ ዮሓንስ ኣፈወርቅ🔰

ረቡዕ 3ይ መዓልቲ ናይ ሰሙነ ሕማማት፡ ብቁስሉ ኢና ዝሓዌና!👏👏👏
08/04/2026

ረቡዕ 3ይ መዓልቲ ናይ ሰሙነ ሕማማት፡ ብቁስሉ ኢና ዝሓዌና!
👏👏👏

ኪርያላይሶን ኪርያላይሶን ኪርያላይሶን!ኣብ ግዜ ሕማማት እንዳ ሰገድና ንጥቀመሎ ቃላት፣ ምስ ትርጉሞም!!!ኣብ ግብረ ሕማማት ናብ ግእዝ ይኹን ናብ ትግርኛ ዘይተተርጎሙ ከም ዘለውዎ ናይ እብራይ...
07/04/2026

ኪርያላይሶን ኪርያላይሶን ኪርያላይሶን!
ኣብ ግዜ ሕማማት እንዳ ሰገድና ንጥቀመሎ ቃላት፣ ምስ ትርጉሞም!!!

ኣብ ግብረ ሕማማት ናብ ግእዝ ይኹን ናብ ትግርኛ ዘይተተርጎሙ ከም ዘለውዎ ናይ እብራይስጥን፤ቅብጢን ግሪኽን ቃላት ይርከብ። ናይዞም ኣብ ውሽጢ ሕማማት ንጥቀመሎም ቃላት ትርጉሞም ቀጺልና ክንርእዮም ኢና።

✝️.ኪርያላይሶን
ቃሉ ናይ ግሪክ ክኸውን ከሎ ኣጸዋውዕኡ “ኪርዬ ኤሌይሶን” እዩ። “ኪርያ” ማለት “እግዝእትነ” ማለት ኮይኑ “ኪርዬ” ማለት ድማ “እግዚኦ” ማለት እዩ። ክጽዋዕ ከሎ “ኪርዬ ኤሌይሶን” ክበሃል ኣለዎ። ትርጉሙ “እግዚኦ መሓረና” ማለት እዩ። “ኪርያላይሶን” ኢልካ ምጽዋዕ ካብ ብልምዲ እዩ። እዚ ድማ ኪርዬ ካብ ዝብል “ዬ”ኤሌይሶን ካብ ዝብል ድማ “ኤ” ብምስሓቦም ብትግርኛ “ያ”ን ፈጢሮም።

✝️.ናይናን
ናይ ቅብጢ ቃል ኮይኑ ትርጉሙ “ መሐረነ፡መሓረና” ማለት እዩ።

✝️.ዕብኖዲ
ናይ ቅብጢ ቃል ክኸውን ከሎ ትርጉሙ “አምላኽ” ማለት እዩ። “እብኖዲ ናይናን” ክበሃል ከሎ “ኦ አምላኽ መሓረና” ማለት እዩ።

✝️.ታኦስ
ናይ ግሪኽ ቃል እዩ፤ትርጉሙ ድማ “ጎይታ፡አምላኽ” ማለት እዩ። “ታኦስ ናይናን” ማለት ድማ “
ጎይታ መሓረና” ማለት እዩ።

✝️.ማስያስ
ናይ እብራይስጥ ቃል ክኸውን ከሎ ትርጉሙ ድማ “መሲሕ” ማለት እዩ። “ማስያስ ናይናን” ክብል ከሎ ድማ “ኦ መሲሕ መሓረና” ማለት እዩ።

✝️.ትስቡጣ
“ዴስፓታ” ካብ ዝብል ናይ ግሪኽ ቃል ዝወጸ ክኸውን ከሎ ትርጉሙ “ርህሩህ ገዛኢ” ማለት እዩ።

✝️.አማኑኤል
እዚ ቃል ካብ ዕብራይስጥ ዝተወስደ ኮይኑ ትርጉም ኣምላኽ ምሳና ኮነ ማለት እዩ “አማኑኤል ናይናን” ማለት “ኦ ምሳና ዝኾንካ ኣምላኽ ምሓረና” ማለት እዩ።

✝️.ኢየሱስ
እቲ ቃል ናይ ግሪኽ ኮይኑ መድኃኒት ማለት እዩ “ኢየሱስ ናይናን” ማለት “ኦ መድኃኒት መሓረና” ማለት እዩ።

✝️.ክርስቶስ
ክርስቶስ ማለት ካብ ግሪኽ ዝተረኽበ ቃል ኮይኑ “ ክቡር ማለት እዩ። ክርስቶስ ናይናን” ማለት “ ኦ ክቡር መሓረና” ማለት እዩ።

✝️.አምንስቲቲ ሙኪርያ አንቲ ፋሲልያሱ
ናይ ቅብጢ ቃል ክኸውን ከሎ ትርጉሙ “ተዘከረነ እግዚኦ በውስተ መንግሥትከ- ኦ ጎይታ ኣብ ትመጽእ መንግሥትኻ ዘክረና” ማለት እዩ።

✝️.አምንስቲቲ ሙዓግያ አንቲ ፋሲልያሱ
ናይ ቅብጢ ቃል ክኸውን ከሎ ትርጉሙ “ተዘከረነ ኦ ቅዱስ በውስተ መንግሥትከ-ኦ ቅዱስ ዝኮንካ ኣብ ትመጽእ መንግሥትኻ ዘክረና” ማለት እዩ።

✝️.አምንስቲቲ ሙዳሱጣ አንቲ ፋሲልያሱ
ናይ ቅብጢ ቃል ክኸውን ከሎ ትርጉሙ “ ተዘከረነ እግዚአ ኩሉ በውስተ መንግሥትከ- ልዕሊ ኹሉ ዝኾንካ ኣብ መንግሥትኻ ዘክረና” ማለት እዩ።

ስብሐት ለእግዚአብሔር
ወለ ወላዲቱ ድንግል
ወለ መስቀሉ ክቡር
አሜን!!!

#ስርዓት #ሰሙነ #ሕማማትኣብ’ዚ ሰሙን ቤተ-ክርስትያን ኣብ ሓደ ነገር ጥራሕ ኣድህቦ ትገብር፣ ንሱ ኸኣ ስቕያት ናይ ጐይታና ክርስቶስ እዩ። በዚ ምኽንያት፣ ነቶም ናይ መዝሙር ዳዊት ን...
06/04/2026

#ስርዓት #ሰሙነ #ሕማማት
ኣብ’ዚ ሰሙን ቤተ-ክርስትያን ኣብ ሓደ ነገር ጥራሕ ኣድህቦ ትገብር፣ ንሱ ኸኣ ስቕያት ናይ ጐይታና ክርስቶስ እዩ። በዚ ምኽንያት፣ ነቶም ናይ መዝሙር ዳዊት ንባባት፡ስርዓተ ጸሎት ሰዓታት፡ ነቲ ምስ ጐይታና ኢየሱስ ክርስቶስ ዚተሓሓዝ ናይ ልደቱ፡ ኣገልግሎቱ፡ ትንሳኤኡ፡ ዕርገቱ፡ ኣብ የማን ኣምላኽ ምቕማጡን ብኽብሪ ዳግማይ ምጽኣቱን ከይተረፈ ዘጠቓልል ዝተፈላለየ ኣርእስታት፣ በቲ ብቤተ-ክርስትያን ብፍሉይ ኣብ ሰሙነ ሕማማት ጥራሓ ንናይ #ጐይታ ስቓይ #ክገልጽ ኢሉ ዝተዳለወ #ዜማ ብምትካእ ከምዚ ትብለና፥

#ለከ #ሓይል #ክብር #ወስብሓት #ወእዘዝ #ለዓለመ #ዓለም። ኣማኑኤል ኣምላኪየ ለከ ሓይል ክብር #ወስብሓት #ወእዘዝ #ለዓለመ ዓለም። ኦ እግዚእየ ኢየሱስ ክርስቶስ፣ ለከ #ሓይል #ክብር #ወስብሓት #ወእዘዝ #ለዓለመ #ዓለም።”

#ሓይልን ክብርን ምስጋናን ባርኾትን ናትካ እዩ፣ ንዘለኣለም። ኣሜን።” ብተወሳኺ….. ንጐይታ ኢየሱስ ክኽሕድዎ ዝተማኸርዎ፣ ኣብ ድኅነትና ተግባራዊ ስጉምቲ ስለ ዝነበረ። ካብ ረቡዕ ለይቲ፣“ርህሩህ መድሓኒና” ንውስኸሉ።

እዛ #ጸሎት ኣብ መዓልቲ ዓሰርተ ጊዜ፣ ሓምሽተ ኣብ ጊዜ ቀትሪ፣ ሓምሽተ ኣብ ጊዜ ለይቲ ትደጋገም። እዚ ማለት ኣብ ቀዳማይ፡ ሣልሳይ፡ ሻዱሻይ፡ ታስዓይን ዓሰርተው ሓደ ሰዓታት ማለት እዩ።

ኣብ ነፍስ-ወከፍ እዘን ጸሎታት፣ ገጽና ናብ #ሥቕያት #ኣምላኽናን #መድሓኒናን መሊስና፣ ከምዚ ንብል፥ “መን ምዃንካ ንፈልጥ ኢና፡ ሓይልን ክብርን ምስጋናን ባርኾትን ንዘለኣለም ናትካ እዩ፣ ኣሜን።” እዚ ጸሎት እናበልና፣ ክሳዕ ስቕለት ዘሎ ኵሉ ፍጻሜታት ናይዚ ሰሙን ምስ ጐይታ ኢየሱስ ሓቢርና ንጒዓዝ። እቶም ፍጻሜታት እንታይ እዮም፧ ቤተ-ክርስትያን’ከ ኣብዚ ሰሙን እንታይ ተግባራት ትገብር፧

#እቲ #ስቓይ #ከመይ ኢሉ #ጀሚሩ ፧
ኣብ መዓልቲ #ሆሳዕና፣ ጐይታ ኢየሱስ ክርስቶስ ናብ ኢየሩሳሌም ክኸይድ ከሎ ከም ንጉስ ብኽብሪ ተቐበልዎ። እቶም ህዝቢ ስየ ሒዞም እናኣመስገኑን እናወደሱን ነጸልኦም ኣብ ትሕቲ ኣእጋሩ ኣንጸፍሉ። ብምልእታ እታ ከተማ ኸኣ ተባዓደት። (ማቴ 21፡10) እዚ ተግባር ነቶም ሊቃነ-ካህናት፡ ሽማግለታት ናይቲ ሕዝቢ ዝኾኑ፣ ጸሓፍትን ፈሪሳውያንን ሰዶቃውያንን ኣቈጥዐ።

እቲ ህዝቢ ስለ ዘፍቐሮ ቀንኡሉ፣ በዚ ምኽንያት ኸኣ ንኸጥፍእዎ ኪሓስቡ ጀመሩ። ናብቲ ቤተ-መቕደስ ኣትዩ፣ ነቶም ዝሸጡን ዝሻየጡን ዝነበሩ ምስ ሰጐጎም ኣዝዮም #ሓረቑ። “በየናይ ሥልጣን እዚ ትገብር አሎኻ፧ እዚ ሥልጣን እዚስ መን ሃበካ፧” (ማቴ 21፡23) ክብሉ ሓተትዎ። ካብቲ ጊዜ ጀሚሮም ከኣ ክቐትልዎ ወሰኑ፣ ነሓድሓዶም ኸኣ ከምዚ ተበሃሃሉ፥ “ሓንቲ እኳ ከም ዘይተስልጡ ትርእዩ አሎኹም፡ እንሆ፡ ብዓለሙ ደድሕሪኡ ይስዕብ ኣሎ።” (ዮሓ 12፡19)

እቶም ሓለቓታት ንጐይታ ኢየሱስ ክቐትልሉ ዚደለዩ ምኽንያት፣ ስለ ዝቐንእሉ እዩ። እቲ ዘደንጹ ነገር ግና ናይቶም ህዝቢ ኣተሓሳስባ ክቕየር ከሎ እዩ። መጀመርታ ከም ንጉሥ ተቐቢሎሞ ከብቅዑ፣ ደሓር ግና ኣብ ቅድሚ ጲላጦስ “ስቐሎ፡ ስቐሎ!” እናበሉ ክጭርሑ ጀሚሮም።(ሉቃ 23፡21)

እቶም ህዝቢ ንክርስቶስ #እናጨደሩ ክቕበልዎ ከሎው፡ ከም ምድራዊ ንጉስ ስለ ዝሓስብዎ ዝነበሩ እዩ። “ሆሳዕና፡ ብስም እግዚኣብሄር ዚመጽእ ብሩኽ’ዩ።እታ እትመጽእ ዘላ መንግስቲ ኣቦና ዳዊት ብርኽቲ እያ፡ ሆሳዕና ኣብ ኣርያም።”(ማር 11፡9-10) እንተኾነ፣ ጐይታና ኢየሱስ ክርስቶስ እታ ናቱ መንግስቲ ሰማያዊትን መንፈሳዊትን ስለ ዝኾነት ነዚ ናይ ምድራዊ ንግስነት ኣይተቐበሎን። እቶም ሓለቓታት ኣይሁድ ነቲ ናዝራዊ ንምጥፋእ ዝሓሰብዎ ተንኰል፣ ንነዊሕ እዋን ዝጽበይዎ ዝነበሩ ንግስነት ተስፋ ስለ ዝቘረጹ ዝገበርዎ ባህርያዊ ግብረ-መልሲ እዩ ነይሩ።

ቭቤተ-ክርስትያን፣ መወዳእታ ስርዓተ ቅዳሰ ናይ ሆሳዕና፣ መጀመርታ ናይ ሰሙነ #ሕማማት እዩ ትብል። ምኽንያቱ፣ ካብቲ ግዜ ጀሚሮም ንጐይታ ኢየሱስ ክርስቶስ ኪቐትልዎ ክማኸሩ ስለ ዝጀመሩ። ኣብ ሰሙነ ሕማማት፣ ምእንቲ ናይ ሓዘን ስምዒት ክፈጥር ተባሂሉ፣ ናይ ቤተ-ክርስትያን ኣይኮናት (ስእሊ-ኣድሓኖታት)፡ ኣዕኑድ፡ ኣትራኖስ፡ መናድቕ ከይተረፈ ብጸሊም ዓለባ ይሽፈን። ንኵሉ ሰብ ኸኣ፣ ኣብ ስቓይ ናይ ጐይታ ከም ዝተሳተፈ ኮይኑ ይስምዖ። ከምቲ ሃዋርያ ጳውሎስ ዝበሎ፥ “ብዝዀነ ዀይኑ ናብ ትንሣአ ምዉታት እንተ ኣርከብኩ ኢለ፡
ብሞቱ እናመሰልክዎ፡ ንእኡን ሓይሊ ትንሳኤኡን ሕብረት መከራኡን ምእንቲ ኽፈልጥ፡ ኵሉ ኸም ወጽዓ እቘጽሮ ኣሎኹ።” (ፊልጵ 3፡10-11)

ፍትወይ !ንሰብ ካብ ጭንቀቱ ተድሕኖ ተስፋ ብምሃብ፡ ሽግሩ ኣንኢስካ ብምርኣይ፡ ኣብ ጎንኻ ኣለኹ ብምባል እዩ። ተስፍኡ ቀቲልካ ንቁስሉ ምስ ትጽግኖ ኣይሓውን እዩ። ንእግዚኣብሔር ዘይኮነስ ልዕ...
26/03/2026

ፍትወይ !
ንሰብ ካብ ጭንቀቱ ተድሕኖ ተስፋ ብምሃብ፡ ሽግሩ ኣንኢስካ ብምርኣይ፡ ኣብ ጎንኻ ኣለኹ ብምባል እዩ። ተስፍኡ ቀቲልካ ንቁስሉ ምስ ትጽግኖ ኣይሓውን እዩ። ንእግዚኣብሔር ዘይኮነስ ልዕልና ናይ ጸገሙ ምርኣይ ንጸገም ምምላኽ እዩ። እግዚኣብሔር ምሳና ኣብ ዝተባህለሉ ዘመን ሓዲሽ-ኪዳን ተባሂሉ ኣብ ጎንኻ ኣለኹ ኢልና ንጹጉም ምጽንናዕ ብሩህ ዘመን ምዕዳል እዩ። ትማሊ ክፉኣት መሲሎም ዝረኣዩ ዝነበሩ፡ ሎሚ ሕያዎት ምዃኖም፡ ትማሊ ደጊ መሲሎም ዝረኣዩ ዝነበሩ ሎሚ ጠንካራ ልቢ ምዃኖም ተተገንዚብካ፡ሎሚ ክፉእ ዝመስሉ ድማ ሓደ መዓልቲ ደጊ ምዃኖምን ደጊ ዝመስሉ ከም ዘደናግሩ ክትርዳእ ኢኻ። ኣብ ሽጉር መዓልቲ ዝቆመልካ ሰብ ከይተቀየምካ ፍተዎ።

ፍትወይ!
ክህበካ እናኸኣለ ዝኸልከለካ ሰብ ኣይትቀየሞ፡ ክህበካ እናደለየ ዓቕሚ ንዝሰኣነ ድማ ኣይትንዓቕ። ሰባት ክፉኣት እዮም ክትብል ከለኻ ንስኻ’ውን ሰብ ምዃንካ ኣይትረስዕ። ብጻዕሪ ዝዓበየ ሰብ ምስ ተዋረድካዮ እኳ ይልዕል። ቅኑዕ ሰብ ምስ ትኸውን ሰላምካ ህዱእ ይኸውን። ኣብ ዝመልኣልካ መዓልቲ ከምዝጎድል ዘክር፡ ኣብ ዝጎድለካ መዓልቲ ድማ ናትካ መዓልቲ ስለዘሎ ተስፋ ግበር። ምትብባዕ ጸጋ ወዲ ሰብ ንምዉጻእ ዝሕግዝ መሳሪሒ እዩ። ሰብ ጸጋኡ እንተኣውጺኡ፡ እቲ ረብሓ ንርእሱ ዘይኮነስ፡ ነቶም ኣብ ከባቢኡ ዘለው እዩ። ኣብ መዓልቲ ጭንቀትካ ከልዕለልካ ትደልዮ ሰብ፡ ኣብዛ ምድሪ እግዚኣብሄር ዝሃበካ ዝሽከመካ ፈታዊኻ እዩ!

ፍትወይ!
ካብ ቤተ ክርስቲያንን ሓቅን ርሒቕካ ንምምላስ ትዕቢት፡ ዘይሰርሕ ናይ ሕልና ወቀሳ ሒዝካ ሎሚ ትንገላታዕ ተሃሊኻ ወስን። ብዙሓት እኳ ተጸልእዋ ንስኻ ንበይንኻ ሃገርካ ፍቶ። ንሰበይትኻ ትኸስራ ትኹረት ምስ ዘይትህባ እዩ። ደቅኻ ብናይ ሓደራ መንፈስ እምበር፡ ንጥቕምኻ ኢልካ ኣይተዕብዮም። ህይወቶም ንዝሃቡኻ ዝኾነ ክትህቦም ኣይትቆጠብ። ዝግበረ ነገር ምስ ዝውረ ውስብስብ ይብል። ንቃል እግዚኣብሄር ከይግዛእ፡ ልምድታቱ ዝግዛእ ብዙሕ እዩ። ሕቶ ሒዙ ናብ ቤት እግዚኣብሔር መጺኡ ሕቶ ሒዙ ዝምለስ ኣማኒ እንተሃልዩ እቲ ጸገም ወይ ኣብቲ ኣማኒ ወይ ኣብቲ ኣገልጋሊ እዩ።

ፍትወይ !
ተሓሚምካ ኣብ ሃገርካ ትሕከም። ሃገር እንተሓሚማ ግን ዓለም ዕጽውቲ ትኾነካ። ተሓጒስካ ንምኽባር ሃገር ተድልየካ። ካብ ሰላም ዝበልጽ ሃብቲ፡ ካብ ምርድዳእ ዝበልጽ ስልጣነ፡ ካብ ፍቕሪ ዝበልጽ ሓጎስ የለን። ብዘይ እግዚኣብሔር ዘስፋሕፍሑ ሰባት እናጸበቡ እዮም። ልብሲ ጻዕድዩ ልቢ ተረሲሑ ገና ናይ ናጽነት መንፈስ ኣይመጸን። ናይ ቀደም ሰብ ልቡ ንጹህ፡ ደባን ነበር። ናይ ሎሚ ቆልዓ ልብሱ ንጹህ፡ ልቡ ግን ርኹስ እዩ። ሰታይ ነገር ዝመልኣሉ ሰብ፡ ንምዝራብ እምበኣር ንምስማዕ ቦታ የብሉን። ደቂ ኣንስትዮ ዘብዝሕ መወዳእታኡ ስምብራትን ጽሉኡን ይኸውን።

ኣዝዩ ጽቡቕ መልክዕ ዝነበሮ ሓደ መንእሰይ ኔሩ፡ሓደ መዓልቲ ኣብ ራህያ (ወይ ቀላይ) ማይ ከይዱ፡ ነቲ ኣብ ማይ ዝረኣዮ ነጸብራቕ (Reflection) መልክዑ ይርኢ'ሞ። በቲ ዝረኣዮ መልክዑ ...
25/03/2026

ኣዝዩ ጽቡቕ መልክዕ ዝነበሮ ሓደ መንእሰይ ኔሩ፡ሓደ መዓልቲ ኣብ ራህያ (ወይ ቀላይ) ማይ ከይዱ፡ ነቲ ኣብ ማይ ዝረኣዮ ነጸብራቕ (Reflection) መልክዑ ይርኢ'ሞ። በቲ ዝረኣዮ መልክዑ ስለዝተማረኸን ስለዝተመሰጠን፡ ካብቲ ማይ ክርሕቕ ኣይከኣለን። ንገዛእ ርእሱ ካብ ምፍቃሩ ዝተላዕለ፡ ንኻልኦት ሰባት ዘለዎ ኣቓልቦ ኣጥፊኡ፡ ድሕሪ ግዜ ብጥሜትን ብጽምእን ኣብቲ ማይ ወዲቑ ከም ዝሞተ ዝገልጽ ናይ ግሪኽ ኣፈ ታሪኽ ኣሎ። ስም ናይቲ ፡መንእሰይ ናርሲሰስ ( Narcissus) ኢዩ ዝብሃል። መቸም እዛ ስሙ ምስ ኣንበብኩማ እታ ናርሲስት እትብል ኣባህላ ናብ ኣእምሮኹም፡መጽያ ትኸውን ኦያ።

Narcissist ዝባሃል ጠባይ ዘለዎም ሰባት ውን ሰሚዕኩም ኣለኹም፧

እምበኣር እዚ "ናርሲስት" (Narcissist) ዝብል ቃል ካብቲ ናይዚ ጥንታዊ ግሪኽ ኣፈ-ታሪክ ዝመጸ ኮይኑ፡ ናርሲሰስ (Narcissus) ዝበሃል ሰብ ነቲ ኣብ ማይ ዝረኣዮ መልክዑ ብምፍቃሩ ጥራይ ዝነብር ዝነበረ ሰብ እዩ ዝውክል።

ኣብ ስነ-ኣእምሮ (Psychology)፡ ናርሲሲዝም (Narcissism) ማለት ሰብ ነቲ ናይ ብሓቂ ዘለዎ ስብእና ኣግሊሉ፡ ንገዛእ ርእሱ ዝያዳ ንምግናን፡ ንኻልኦት ንምንዓቕ፡ ከምኡውን ንገዛእ ርእሱ ጥራይ ማእከል ዓለም ዝገበረ ሰብ እዩ።

እዚ ኣብ ላዕሊ ዘሎ ዛንታ፡ ንባህሪ ናርሲስታት ብምሳሌያዊ መገዲ የርእየና፦
• ርእሰ-መልክዕ ምፍቃር (Self-Obsession): ከምቲ ናርሲሰስ ኣብቲ ማይ ዝረኣዮ መልክዑ ጥራይ ዝተሸኽለ፡ ናርሲስት ዝኾነ ሰብ'ውን ኣብ ዓለሙ ጥራይ ተሸኺሊ፡ ብዛዕባ ውሽጣዊ ስምዒቱ፡ ጥቕሙ፡ ሃለዋቱ ጥራይ እዩ ዝሓስብ።

• ናይ ሓቂ ርክብ ዘይምፍጣር: ናርሲሰስ ምስቲ ናይ ማይ ነጸብራቑ እምበር ምስ ሰብ ርክብ ገዲፍዎ ኔሩ። ናርሲስታት'ውን ከምኡ እዮም—ምስ ካልኦት ሰባት ናይ ሓቂ ስምዒታዊ ምትእስሳር (Emotional Connection) ክፈጥሩ ይጽገሙ። ንሳቶም ምስቲ ዝፈጠርዎ "ኣነ ዝበለጽኩ እየ" ዝብል ምስሊ ናይ ገዛእ ርእሶም እዮም ዝፋቐሩ።

• መጻወዲ ናይ ገዛእ ርእሶም: እቲ ኣብ ማይ ዝረኣይ መልክዕ ናይ ሓቂ ኣይኮነን፡ ነጸብራቕ ጥራይ እዩ። ናርሲስታት'ውን ንነገራት ብመንጽር እቲ ንሳቶም ዝደልይዎ ምስሊ እዮም ዝርእዩዎ። ኣብ ባይታ ዘሎ ሓቅን ወይ ዘሎ ኩነታትን ኣይርእዩን እዮም።

ናርሲስት ዝኾነ ሰብ "ንኻልእ ሰብ ከም ሰብ ርእዩ ክሰምዖን ክርሕርሓሉን ዓቕሚ የብሉን፤ ምኽንያቱ ኩሉ ትኹረቱ ኣብ ገዛእ ርእሱ ስለዝኾነ።

ናርሲስት ማለት ዓለም ኣብ ዙርያኡ ጥራይ ከም እትዘውር ዝኣምን፡ ንገዛእ ርእሱ ካብ መጠን ንላዕሊ ዘጋንን፡ ስምዒት ካልኦት ሰባት ግን ከቶ ዘይርድኦ ሰብ እዩ።

መለለዪ ባህርያት ናርሲስት ዝኾኑ ሰባት፦
• 👑 "ኣነ ጥራይ!" — ኩሉ ግዜ ንሳቶም ዝበለጹ ክመስሉ ይጽዕሩ።
• 📣 ኣድናቆት ሃቡኒ! — ካብ ሰብ ቐጻሊ ምስጋናን ኣቃልቦን ይደልዩ።
• 💔 ርሕራሄ የለን — ንስኻ ክትጉዳእ ከለኻ፡ ንሳቶም ስምዒትካ ኣይርድኦምን እዩ።
• 🎭 "ይቕሬታ... ግን!" — ጌጋ ምስ ገበሩ፡ ንዓኻ ከም ዘበሳጨኻዮም ጌሮም ይቕሬታ ይሓቱ።ጌግኦም ክንገሮም ከሎ ሓላፍነት ኣይወስዱን፣ ኩሉ ግዜ ሰበብ ይደልዩ።

🧪 ፈተና፦ ኣብ ከባቢኻ ናርሲስት ኣሎ ዶ? (ወይስ ንስኻ?)
ነዚኦም 5 ሕቶታት ንገዛእ ርእስኻ ወይ ንሓደ ትፈልጦ ሰብ መልሰሎም፦

1️⃣ ምስ ሓደ ሰብ ክትዘራረብ ከለኻ፡ እቲ ዕላል ኩሉ ግዜ ናብ "ብዛዕባኻ" ጥራይ ይቕየር ዶ? 🗣️🔄

2️⃣ ሓደ ሰብ ምስ ዝጉዳእ፡ "እንታይ ይስምዖ ይኸውን?" ኢልካ ምሕሳብ ይኸብደካ ዶ? 😶

3️⃣ ይቕሬታ ክትሓትት ከለኻ፡ "ግን ንስኻ ኢኻ..." ኢልካ ናብ ካልእ ሰብ ተመካኝ ዶ? 🛡️

4️⃣ ሰባት ኩሉ ግዜ ክድነቁኻን "ጎበዝ" ክብሉኻን ጥራይ ትጽበ ዶ? 🌟

5️⃣ ንሰባት ከም መሳርሒ (ንጥቕምኻ ጥራይ) ትጥቀመሎም ዶ? 🛠️

ውጽኢት፦
መብዛሕትኡ መልስኻ "እወ" እንተኾይኑ፡ ወይ ኣብ ከባቢኻ ከምዚ ዓይነት ሰብ ኣሎ፡ ወይ ድማ ናርሲሲስቲክ ባህሪ የጥቅዓካ ኣሎ ማለት እዩ! 🚩🚩🚩

ናይ ሓቂ ፍቕርን ዕርክነትን ዝምስረት ብርሕራሄን (Empathy) ብሓባር ብምሕሳብን እዩ። መልክዕካ ኣብ ማይ ምርኣይ ጥራይ ንበይንኻ የትርፈካ! 💧🚫

“ካብ ገጽት ፈይስቡክ”

በቶም ንእግዚአብሔር ዘፍቀሩ ቅዱሳን አበው ብተመስጦ ዝሓለፍዎ ሕይወት ትነብሩ እንተ ኾይንኩም፣ ንስኻትኩም እውን ንሳቶም ዝፈተውዎ ክትፈትዉ ኢኹም።ቅዱን አቡነ ሽኑዳ 3ይ
24/03/2026

በቶም ንእግዚአብሔር ዘፍቀሩ ቅዱሳን አበው ብተመስጦ ዝሓለፍዎ ሕይወት ትነብሩ እንተ ኾይንኩም፣ ንስኻትኩም እውን ንሳቶም ዝፈተውዎ ክትፈትዉ ኢኹም።

ቅዱን አቡነ ሽኑዳ 3ይ

ንጹህ ኣተሓሳስባ ዝውንን ለባም ካህን፡ ጊላ ኣማልኽቲ፡ ብደስታ ዘይስለብ፡ ምስ ዉሸጡ ስኒት ዘሎዎ፡ ዝኾነ ዓይነት ቃንዛ ዘይስዕሮ፡ ብብድዐ መኣዝኑ ዘይስሕት፡ ብጭካነ ዘይጽሎ፡ እቲ ዝዓበየ ዉ...
24/03/2026

ንጹህ ኣተሓሳስባ ዝውንን ለባም ካህን፡ ጊላ ኣማልኽቲ፡ ብደስታ ዘይስለብ፡ ምስ ዉሸጡ ስኒት ዘሎዎ፡ ዝኾነ ዓይነት ቃንዛ ዘይስዕሮ፡ ብብድዐ መኣዝኑ ዘይስሕት፡ ብጭካነ ዘይጽሎ፡ እቲ ዝዓበየ ዉድድር ልቦና ብዝኾነ ዓይነት ገድሊ ኣይስንብድን እዩ፡፡ ዘጋጠመ የጋጥም ብምሉእ ልቡ ይቅበል፡ ብነብሰ‐ፍትወት ኣይድረኽን፡ ሰባት ዝበሉ ይበሉ ወይ ይሕሰቡ ድማ ኣይዓጦን፡፡ -

ነቲ ንዕኡ ዝምልከት ጥራይ ይዓምም፡ ብቐጻሊ ድማ ዓለም ነየናይ ሓላፍነት ከም ዝመዘዘቶ የሰላሰል'ሞ፡ ነቲ ዝቐረበሉ ድማ ብዝለዓለ
ዓቕሙ ይዋጻእን፡ እቲ ዘጋጠመ ንጽቡቑ ምዃኑ ይኣምንን፡፡ ምኽንያቱ፡ ጽሕፍቶና ሓንጎፋይ ኢልና ምስ ተቐበልናዮ ጥራይ እዩ ከም ኣምሳያኡ ዝስከመና፡፡

እቲ ለባም፡ ኵሎም ርትዓውያን ነገራት ከም ዝዛመዱ፡ ንዅሎም ሰባት ምሕላይ ድማ መርኣያ ሰብኣውነት ምዃኑ ወትሩ ይዝክር። እዚ ማለት ግዳ ከም ናታቶም ርእይቶ ክህልዎ ኣሎዎ ማለት ኣይኮነን። ነቶም ኣነባብራኦም ምስ ተፈጥሮ ዝሳነ ጥራይ እዩ ዝሰምዕ፡፡ ነቶም ካልኦትከ፧ ኣብ ገዛን ኣብ ደገን፡ ለይትን መዓልትን፡ ከመይ ዓይነት ሰባት ምዃኖምን፡ ምስ መን ግዜኦም ከም ዘሕልፉን ኣብ ግምት የእቱ፡፡ ናይ ገዛእ-ርእሶም መለክዒታት'ውን ዘየማልኡ ሰባት ንዝህብዎ ዝኾነ ዓይነት ናእዳ ድማ ግዲ ኣይህብን፡፡

ብኸመይ ስጕምቲ ትወስድ፧

ብቀስብን ነብሰ‐ፍትወትን ተደሪኽካ፡ ኣርሒቕካ ኸይሓሰብካ፡ እናተማታእካ ስጕምቲ ኣይትውሰድ።

ሓሳባትካ ኣይዓፍን።

ልዕሊ ዘየድሊ ኣይትዛረብ፡ ዘየድልዩ ተግባራት ኣይትፈጽም፡፡

ነፍስኻ ሰብኣውነት፡ ብሰለት፡ ዜግነት፡ ሮማውነት፡ ባህሪ ንጉስ ከንጸባርቕ ኣሎዎ፡፡ ልክዕ ከም ወተሃደር ህይወት ትህበካ ሓላፍነት ብዓቕሊ ተጸበ፡፡ ዝኾነ ቃለ-መሓላ ወይ ሳምዕ ኣይትጸበ፡፡ ወትሩ ዉዕዉዕ ስምዒት ይሃልወካ፡፡ ህድኣት ብሓገዝ ካልኦት ሰባት ክቕረበልካ ኣይትጸበ።

ቀጥ ኢልካ ደው በል። ግዳ ብትእዛዝ ካልኦት ዘይኮነ፡ ብድልየትካ።

ኣብ ዝኾነ ይኹን እዋን ካብ ፍትሒ፡ ቅንዕና፡ ባዕለ-ቝጽጽር፡ ትብዓት ዝበልጽ ነገር እንተ ረኺብካ፡ ዓይንኻ ኸይሓሰኻ ሓንጎፋይ ኢልካ _ ሕቑፎ። ኣዝዩ _ መስተንክራዊ ነገር ክኸውን ስለ ዘሎዎ ብምልኣት ኣስተማቅሮ፡፡

ግዳኸ ካብቲ ዉልቃዊ ባህግታት ዘወግድ፡ መቍሕ ደጋውያን ቀሰብታት ሰይሩ ሓራ ዝወጸ (ልክዕ ከምቲ ሶቅራጦስ ዝብሎ)፡
ንኣማልኽቲ ኢድ ዝነስአ፡ ንደቅሰብ ድማ ዝሓየለ ኣብ ዉሸጥኻ ዝነብር ነፍሲ ዘይሓይሽ ወይ ልዕሌኡ ዋጋ ዘይርከቦ እንተ ኾይኑ ቶባእ በሎ

ብድሕር'ዚ ንዝኾነ ናብ ጌጋ ኣንፈት ዝመርሕ፡ ካብ መገድኻ ኸተንደልህጽ ዘወናውን፡ ነቲ ንኣኻ ጥራይ ብፍሉይ ዝተዋህበ ብጽእና ኸይትጭብጥ ድማ ዝዕንቅጸካ ዝኸውን ቦታ ኣይትግደፍ፡፡ ርትዓዊ ሰብን ዜጋን ንኸይትኸውን ኣብ መንጉኻን እቲ ቅኑዕ መገድን ደው ዝብል ኵሉ ጌጋ እዩ፡፡ ኮታ ኵሉ፡ ጣቕዒት ህዝቢ፡ ልዑል ስልጣን፡ ሃብቲ፡ ሕንቃቐ፡ ወዘተ። ኵላቶም ንሓጺር እዋን ምስቲ ቅኑዕ ነፍስኻ ዝሳነዩ ክመስሉ ይኽእሉ እዮም፡፡ ግዳኸ ብሃንደበት ኣብ ትሕቲ ምሉእ ቍጽጽሮም ኣእትዮም ናብ ገደል ሒዞምኻ ምዕዛሮም ዘይተርፍ እዩ፡፡

ስለዚ ትኽ ብትኽ ሓንሳብን ንሓዋሩን ወስን'ሞ፡ የማነ ጸጋም ከይበልካ ድማ ቀጥ ኢልካ ተጓዓዝ።

እቲ ዝበለጸ ምረጽ።

እቲ ዝበለጸ እቲ ዘርብሓኒ እዩ።

ከም ርትዓዊ ሰብ፧

መልሰኻ እወ እንተ ኾይኑ፡ ብድሕር'ዚ ከም ጭራ ነብሪ ዝሓዝካ ኣይትፈኑ። ወይስ ከም እንስሳ ኽትነብር እዩ ድልየትካ፧

ከምኡ እንተ መረጽካ'ውን ብቕንዕና ከይሓፈርካ በሎ። ግዳኸ ብምስሉይነት እዚ መገዲ ዝበለጸ እዩ እናበልካ ከተእምን ወይ ክትሸፋፍን ኣይትፈትን፡፡ (ፈለማ ዕዮ ገዛኻ ከም ዝሰራሕካ ጥራይ ኣረጋግጽ፡፡)

ዝኾነ ነገር _ እምነት ኸተጕድል፡ ኣስሓኮ _ ኸተጥፍእ፡ ከምኡ'ውን ጽልኢ፡ ዘይምእማን፡ ሕማቕ ድልየት፡ ኣምሰሉነት ወይድማ ካብ ዓይኒ ሰብ ተኸዊልካ ኣብ ዕጹው ማዕጾ ነገራት ናይምትግባር ድልየት ዝዅስኵሰልካ ምስ ዝኸውን ንዮው በሎ፡፡ ንርትዓዊ ኣእምሮኻን ኣማእዛኒ ሕልናኻን ቀዳምነት ሂብካ ሓይሎም እንተ መዝሚዝካ፡ ካብ ዘየድልዩ ድራማታት፡ ከምኡ'ውን ሓሓሊፍካ ኣስናንካ ኻብ ምሕርቃም ክትድሕን ኢኻ።

ምንጪ መጽሓፍ ኣስተንትኖ

ዘይንስኻ መሲልካ ምቕራብ፡ ነቲ ዘይተኣደነ ባህሪያዊ ዓቕምኻ ኣብ ግቡእ መዓላ ከይውዕሎ ዝዓግት ዓቢ ዕንቅፋት እዩ። ዘይንስኻ መሲልካ ምቕራብ፡ ተኣማንነትካ ዝምንዝዕ ግናይ ኣመል እዩ። ዘይንስ...
24/03/2026

ዘይንስኻ መሲልካ ምቕራብ፡ ነቲ ዘይተኣደነ ባህሪያዊ ዓቕምኻ ኣብ ግቡእ መዓላ ከይውዕሎ ዝዓግት ዓቢ ዕንቅፋት እዩ። ዘይንስኻ መሲልካ ምቕራብ፡ ተኣማንነትካ ዝምንዝዕ ግናይ ኣመል እዩ። ዘይንስኻ መሲልካ ምቕራብ፡ ምዕቡላት ጎንታትካ ከይተለልን ከይትኹስኩስን ዝገብር ድኹም ጠባይ እዩ። ብቐንዱ ዘይንስኻ መሲልካ ምቕራብ፡ ነዊሕ ዕድመ የብሉን።

ዘይንስኻ መሲልካ ካብ ምቕራብ ዝፍውስ እንኳ መገዲ፡ ናብ መበቈላዊ መንነትካ ምምላስን ምሉእ ብምሉእ ገዛእ ርእስኻ ምዃንን እዩ። እወ ዘይንስኻ ካብ ምምሳል መታን ክትፍወስ፡ መበቈላውነት ተላበስ።

ንስኻ ምስ እትመውት፤መን ኮን’ዩ ዝበኽየልካ?ሓደ እዋን ክልተ ሕሙማት ኣብ ሓደ ሆስፒታል ኣብ ሓደ ክፍሊ ይእለዩ ነበሩ።ሓንቲ ዓራት ኣብ ጥቓ መስኮት፤ እታ ካልኣይቲ ድማ ኣብ ጎድኒ ካብ’ቲ መ...
23/03/2026

ንስኻ ምስ እትመውት፤መን ኮን’ዩ ዝበኽየልካ?
ሓደ እዋን ክልተ ሕሙማት ኣብ ሓደ ሆስፒታል ኣብ ሓደ ክፍሊ ይእለዩ ነበሩ።

ሓንቲ ዓራት ኣብ ጥቓ መስኮት፤ እታ ካልኣይቲ ድማ ኣብ ጎድኒ ካብ’ቲ መስኮት ርሕቕ ኢላ ነበረት። ጊዜ እናነውሐ ብዝኸደሉ ድማ ብዙሕ ክቐራረቡን ደልዱል ዕርክነት ክምስርቱን ከኣሉ። እቲ ካብ መስኮት ርሒቑ ዝነበረ ተሓካሚ፤ ክንቀሳቀስ ኮነ ንደገ ክዕዘብ ዕድል ኣይነበሮን።
#ቅንኢ

በዚ ድማ እቲ ኣብ ጥቓ መስኮት ዝዓራቱ ተሓካሚ፤ ከም ዓይኑ ኮይኑ ነቲ ብመስኮት ዝዕዘቦ ዝበለ ይነግሮ ነበረ። ክንዮ እታ ዘለውዎ ክፍሊ ዘላ ዓለም ድማ ብምልኣት ይገልጸሉ የዘንትዎን ነበረ።
#ቅንኢ

ብዛዕባ እቲ ብንፋስ ዝወዛወዝ ቆጽልን ጨናፍርን ኣእዋም፥ ብዛዕባ እቶም ንየማን ንጸጋም ዝመላለሱ ሰባት፤ ግርማን ለምልዕን እቲ ኣከባቢ ይነግሮ ነበረ። ነፍሲ ወከፍ መዓልቲ ከም ሓድሽ ክስተት - መሳጥንት ነበራ። ከመይ፣ እቲ ዝነገር ሰብ መዓልታዊ’ዩ ሓድሽ ርእየት እናተመልከተ ዝዕልሎ ዝነበረ። ምስ ንውሓት ግዜ፣ እቲ ካብ’ታ መስኮት ርሒቑ ዝርከብ፤ ኣብ ልዕሊ ዓርኩ ናይ ቅንኢ ስምዒታት ክግንፍሎ ጀመረ።
#ቅንኢ

ብውሽጡ’ውን ክሓርቕ ጀመረ። እቲ ዘዝረኣዮ ዘዘንትዎ ዝነበረ ዛንታታቱ ኣብ ክንዲ ዝሕጉስዎ - ከበሳጭውዎ ተረኽቡ። በብመዓልቱ ድማ ኣብ ልዕሊ ዓርኩ ጽልኢ ክግንፍሎ ጀመረ።
ወዮ ዓርኩ - ካብ መዓልታት ሓደ መዓልቲ፤ ኣብ ከውታ ለይቲ- ክቅንዞን ብብርቱዕ ክስዕል ጀመረ። ኣብ ክንዲ ሓገዝ ክረክብ ናብ ሓኪም ምልክት ምግባር፤ ዓርኩ እናሞተ ስቕ ኢሉ ተዓዘበ። ኮይኑ ድማ ዓርኩ ካብዛ ዓለም ብሞት ተፈልየ።
#ቅንኢ

ሬስ ዓርኩ ካብ’ቲ ቦታ ምስ ወጸ፤ ኣብ ጥቓ መስኮት ማለት ቦታ ዓርኩ ክልውጥዎ ሓተተ። ከም ድሌቱ ድማ ናብ’ቲ ዓርኩ ዝነበሩ ወገን - ናብ መስኮት ቐረበ። ሕጂ - “ንናይ ደገ ዓለም ብዓይነይ ዝዕዘበሉ ጊዜ’ዩ” እናበለ ክሕጎስ ጀመረ።

#ብሞት ዓርክኻ #ምሕጎስ

ሰውነቱ ኣመዓራርዩ ናብ ደገ ጠመጠ። እንተ ኾነ፣ ብድሕሪ እቲ መስኮት፤ መንደቕ ደኣ እምበር ምንም ዝረአ ከም ዘየለ ረኣየ - ሰንበደ - ሓዘነ።

ድሕሪ’ዚ፣ ኵሉ ነገር ግልጺ ኮኖ። ዓርኩ ዝረኤ ስለ ዝነበረ ዘይኮነስ፤ ስምዒታቱ ክምግብ ኢሉ- ባዕሉ ዝመሃዞ ዛንታታት የዘንትወሉ ከም ዝነበረ ፈለጠ። ክሳብ ክንደይ ሓቀኛ ዓርኪ ምንባሩ ተገንዘበ። እቲ ናይ ልቢ ዓርኪ ምንባሩ፣ ካብ ልቡ ዝመሃዞ - ሠናይ ዛንታ ክምህዝ ምኽኣሉ ብኣግርሞት ሓሰበ።
📎 #ኣብ #ክንዳኻ እሞ ኸእ #ዘየለ #ሰናይ #ዝዕዘብን #ዘዘንትወልካ #እሙን #ዓርከ ~ #መሓዛ

ስለምንታያ ልቡ ብ #ቕንኢ መርዚ ከም ዝተለኸፈ፤ ብጣዕሳ ተኾርመየ። ከም’ቲ ዓርኩ ጽቡቕ እንተ ዝሓስብ ነይሩ፤ ክንደይ ብሉጽ ተዘክሮታት ከሕልፉ ከም ዝኽእሉ ሓሰብ። ኮይኑ ግን ኵሉ ካብ ኢዱ ኣምሊጡ ምስ ከደ’ዩ። ኣብ ኢዱ ዘሎ ጣዕሳ ጥራይ ኮነ።
📎 #ቕንኢ #ቀታሊ'ዩ!

Ghilazghi Arhe

ቁጡዕ ሰብ ካብ ምዃን ገርሂ ሰብ ናብ ምዃን እንተ ተለዊጥካ፣ ጨካን ሰብ ካብ ምዃን ለዋህ ሰብ ናብ ምዃን እንተ ተቐይርካ፣ ብተግባር ዳኣ ኣርእየኒ እምበር፣ ንብዙሕ መዓልታት ፆዊመ፣ እዝን ...
23/03/2026

ቁጡዕ ሰብ ካብ ምዃን ገርሂ ሰብ ናብ ምዃን እንተ ተለዊጥካ፣ ጨካን ሰብ ካብ ምዃን ለዋህ ሰብ ናብ ምዃን እንተ ተቐይርካ፣ ብተግባር ዳኣ ኣርእየኒ እምበር፣ ንብዙሕ መዓልታት ፆዊመ፣ እዝን እቲን ኣይበላዕኩን ወይ ኣይጠዓምኩን፣ ትምኒተይ ገቲኤ እናበልካ ኣይትንገረኒ። ክሳብ ሐዚ ቁጣዓ ዝተመላእካ እንተኾይንካ፣ ንምንታይ ስጋኻ ብፆም ተጨንቕ፧ ቂምን በቐልን ኣብ ውሽጢ ልብኻ እናሃለዉ፣ ወይኒ ገዲፍካ ማይ ትሰቲ ንምንታይ፧ ፆም ማለት ምጥማይ ማለት ኣይኮነን። ጥቕሚ ዝይብሉ ፆም ኣይትፁም ምኽንያቱ
ፆም ንበይና ኣብ ላዕሊ ከተብፅሕ ኣይትኽእልን እያ።

ቅዱስ ዮሐንስ አፈወርቅ

Adresse

Frankfurt

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von ማኅደረ ጥበብ erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Verknüpfungen

Teilen