08/07/2024
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਪੰਨਾ ਨੰਬਰ 339 ਵਿੱਚ ਸ੍ਰੀ ਕਬੀਰ ਪਾਤਸ਼ਾਹ ਜੀ ਫ਼ਰਮਾਉਂਦੇ ਹਨ
❤️ਘਘਾ ਘਟਿ ਘਟਿ ਨਿਮਸੈ ਸੋਈ ॥
❇️ਹਰੇਕ ਸਰੀਰ ਵਿਚ ਉਹ ਸੱਚ ਹੀ ਵੱਸਦਾ ਹੈ।
❤️ਘਟ ਫੂਟੇ ਘਟਿ ਕਬਹਿ ਨ ਹੋਈ ॥
❇️ਜੇ ਕੋਈ ਸਰੀਰ ਰੂਪ ਘੜਾ ਭੱਜ ਜਾਏ ਤਾਂ ਕਦੇ ਸੱਚ ਦੀ ਹੋਂਦ ਵਿਚ ਕੋਈ ਘਾਟਾ ਨਹੀਂ ਪੈਂਦਾ।
❤️ਤਾ ਘਟ ਮਾਹਿ ਘਾਟ ਜਉ ਪਾਵਾ ॥
❇️ਜਦ ਉਸ ਦਿਲ ਅੰਦਰ ਇਨਸਾਨ ਸੱਚ ਦਾ ਰਸਤਾ ਪਾ ਲੈਦਾ ਹੈ।
❤️ਸੋ ਘਟੁ ਛਾਡਿ ਅਵਘਟ ਕਤ ਧਾਵਾ ॥੧੦॥
❇️ਤਾਂ ਇਸ ਪੱਤਣ ਨੂੰ ਛੱਡ ਕੇ ਉਹ ਖੱਡਾਂ ਵਿਚ ਕਿਤੇ ਨਹੀਂ ਭਟਕਦਾ ਫਿਰਦਾ॥10
❤️ਙੰਙਾ ਨਿਗ੍ਰਹਿ ਸਨੇਹੁ ਕਰਿ ਨਿਰਵਾਰੋ ਸੰਦੇਹ ॥
❇️ਆਪਣੇ ਇੰਦ੍ਰਿਆਂ ਨੂੰ ਚੰਗੀ ਤਰ੍ਹਾਂ ਰੋਕ, ਸੱਚ ਨਾਲ ਪਿਆਰ ਬਣਾ, ਤੇ ਸਿਦਕ ਹੀਨਤਾ ਦੂਰ ਕਰ।
❤️ਨਾਹੀ ਦੇਖਿ ਨ ਭਾਜੀਐ ਪਰਮ ਸਿਆਨਪ ਏਹ ॥੧੧॥
❇️ਭਾਵੇਂ ਤੈਨੂੰ ਆਪਣੇ ਸੱਚ ਦਾ ਰਸਤਾ ਨਹੀਂ ਦਿਸਦਾ ਤੂੰ ਨੱਸ ਨਾਂ ਜਾ। ਇਹੀ ਮਹਾਨ ਅਕਲਮੰਦੀ ਹੈ॥11॥
❤️ਚਚਾ ਰਚਿਤ ਚਿਤ੍ਰ ਹੈ ਭਾਰੀ ॥
❇️ਸੱਚ ਦਾ ਬਣਾਇਆ ਹੋਇਆ ਇਹ ਜਗਤ ਮਾਨੋ ਇਕ ਬਹੁਤ ਵੱਡੀ ਤਸਵੀਰ ਹੈ।
❤️ਤਜਿ ਚਿਤ੍ਰੈ ਚੇਤਹੁ ਚਿਤਕਾਰੀ ॥
❇️ਇਸ ਤਸਵੀਰ ਦੇ ਮੋਹ ਨੂੰ ਛੱਡ ਕੇ ਤਸਵੀਰ ਬਣਾਉਣ ਵਾਲੇ ਕੁਦਰਤੀ ਨਿਯਮ ਨੂੰ ਚੇਤੇ ਰੱਖ।
❤️ਚਿਤ੍ਰ ਬਚਿਤ੍ਰ ਇਹੈ ਅਵਝੇਰਾ ॥
❇️ਕਿਉਂਕਿ ਵੱਡਾ ਝੰਬੇਲਾ ਇਹ ਹੈ ਕਿ ਇਹ ਸੰਸਾਰ ਰੂਪ ਤਸਵੀਰ ਮਨ ਨੂੰ ਮੋਹ ਲੈਣ ਵਾਲੀ ਹੈ।
❤️ਤਜਿ ਚਿਤ੍ਰੈ ਚਿਤੁ ਰਾਖਿ ਚਿਤੇਰਾ ॥੧੨॥
❇️ਸੋ, ਇਸ ਮੋਹ ਤੋਂ ਬਚਣ ਲਈ ਤਸਵੀਰ ਦਾ ਖ਼ਿਆਲ ਛੱਡ ਕੇ ਤਸਵੀਰ ਬਣਾਉਣ ਵਾਲੇ ਨਿਯਮ ਵਿਚ ਆਪਣੇ ਚਿੱਤ ਨੂੰ ਪ੍ਰੋ ਰੱਖ॥12
ਦਵਿੰਦਰਜੀਤ ਸਿੰਘ
ਹਮਬਰਗ ਜਰਮਨ ਤੋਂ 03-5-2024
