Xhamia Drita Duisburg

04/09/2026

HUTBE: Fëmijët tanë janë amanet

Të nderuar vëllezër besimtarë!

Vetëm para dy ditësh, filloi viti i ri shkollor për fëmijët tanë.

Prindërit i përgatitën me kujdes mjetet tyre shkollore si: librat, fletoret, rrobat e reja.

Por sot të nderuar vëllezër, dua që të ja bëjmë një pyetje vetës tonë:

“Ne prindërit, çfarë kemi futur në çantën e tyre përveç librave?”

“A kemi menduar vetëm për atë që do të mësojnë, apo edhe për atë që do të bëhen?”

Allahu i Madhërishëm na drejtohet në Kuran me një urdhër të prerë:

“O ju që keni besuar! Ruajeni veten dhe familjet tuaja nga Zjarri.” (Et-Tahrim, 6)

[Ligjeratën e plotë e gjeni në koment]

04/09/2026

KUSH EMIGRON PËR ALLAH, AI I HAP RRUGË E MUNDËSI TË REJA

Kush shpërngulet për hir të Allahut, do të gjejë në tokë shumë vende strehimi dhe begati...(Kuran: 4:100)

Muhamedi a.s ka thënë: Kush heq dorë nga diçka për hir të Allahut, Allahu do ť'ia zëvendësojë atë me diçka më të mirë.

O Zoti ynë!
Na bëj besimtarë të devotshëm e të dobishëm! 🤲

28/08/2026

HUTBE: Kur largohesh nga të mëdhatë, Allahu t’i fal të voglat

Njeriu gjatë jetës së tij mundohet të bëjë shumë gjëra të mira.

Fal namazin. Agjëron Ramazanin. Jep sadaka. Vjen në xhami. Lexon Kuran.

Por, krahas pyetjes: “Çfarë të mira duhet të bëj?”, ekziston edhe një pyetje tjetër, po aq e rëndësishme:

“Prej cilave gjynahe duhet të largohem?”

Sepse ndonjëherë njeriu është shumë i kujdesshëm me disa vepra të mira, por në të njëjtën kohë mban në jetën e tij një mëkat që e rrezikon shumë më tepër sesa ai mendon...
[Hutben e plotë e gjeni në koment]

21/08/2026

HUTBE: Muhamedi ﷺ – mëshirë që ecën në mesin e njerëzve
....Nëse një fëmijë i vogël luante në rrugë, ai ishte i pari që i jepte selam dhe ia përkëdhelte kokën.

Kur falej në xhami, nipërit e tij (Hasani dhe Husejni) i hipnin në shpinë kur ishte në sexhde, dhe ai e zgjaste sexhden vetëm e vetëm që të mos ua prishë gëzimin atyre fëmijëve.

A keni parë ndonjëherë një burrështetas apo një udhëheqës fetar me një butësi të tillë? Kjo ishte feja e tij. Afërsia me njeriun.....
[Ligjeratën e plotë e gjeni në koment]

14/08/2026

Hutbe: Allahu e njeh dobësinë tënde

Hoxhë Hisen Ceka
Xhamia Drita, Duisburg
14.08.2026

Të nderuar vëllezër besimtarë!

Secili prej nesh, ka probleme nga më të ndryshmet.
Dikush ka një problem në familje.
Dikush ka një shqetësim për fëmijët.
Dikush ka vështirësi në punë.
Dikush ka borxhe.
E dikush… është thjesht i lodhur nga jeta, por nuk ia tregon askujt.
Ndonjëherë kur e takojmë njëri-tjetrin, përshëndetemi, buzëqeshim dhe pyesim: “Si je?”
Dhe përgjigjja është gjithmonë: “Mirë, elhamdulilah.”
Por vetëm Allahu e di se çfarë fshihet vërtet pas asaj përgjigjje.

Dhe pikërisht për këtë njeri, vjen një ajet jashtëzakonisht i bukur dhe ngushëllues.Allahu i Madhërishëm thotë:
يُرِيدُ اللَّهُ أَن يُخَفِّفَ عَنكُمْ ۚ وَخُلِقَ الْإِنسَانُ ضَعِيفًا
“Allahu dëshiron t’jua lehtësojë, sepse njeriu është krijuar i dobët.” (En-Nisa, 28)

(Ligjeratën e plotë e gjeni në koment)

11/08/2026

Allahu është Furnizuesi

Të dashur fëmijë të Xhamisë Drita!

A keni menduar ndonjëherë se kush kujdeset për çdo gjallesë në tokë? Allahu është Er-Rezzak – Furnizuesi i Madh. Ai i jep ushqim dhe ujë zogjve në qiell, peshqve në det dhe insekteve të vogla në tokë. Askush nuk harrohet!

Mbyllni sytë për një moment dhe imagjinoni botën pa ujë. Asnjë pikë shiu nuk bie nga qielli. E pamundur të jetojmë, apo jo? Allahu na e dërgon ujin e ëmbël dhe të pastër si një dhuratë të përditshme nga mëshira e Tij për të gjithë ne.

Çfarë bëjmë kur kemi nevojë për diçka?

Njëherë, tre njerëz të ndryshëm shkuan te një hoxhë. Njëri donte shi për tokën e tij, tjetri kishte nevojë për ushqim për fëmijët, dhe i treti dëshironte të kishte një fëmijë. Për të tre, hoxha pati të njëjtën këshillë:

“Kërkoni falje nga Zoti dhe lutuni, sepse Ai jep me bollëk!“

Dhe ashtu ndodhi! Të tre vepruan ashtu dhe Allahu i furnizoi me atë që kërkuan.

Rizku është shumë më tepër se ushqimi!

Dhuratat (rizku) e Allahut nuk janë vetëm ushqimi apo paratë. Ne kemi plot të mira rreth nesh:

Shëndeti i mirë është rizk.
Besimi në zemër është rizk.
Familja e dashur është rizk.
Sjellja e mirë me shokët është rizk.
Lutja jonë për sot:

“O Allah, Er-Rezzak, na furnizo me të mirat e kësaj bote dhe na hap dyert e Xhenetit!”

07/08/2026

Hutbe: Dy drejtime, ti kë zgjedh?

Të nderuar besimtarë!

Çdo njeri në këtë botë jeton mes ndikimeve të shumta. Familja dëshiron diçka prej tij. Shoqëria dëshiron diçka tjetër. Reklamat, rrjetet sociale, politika dhe kultura moderne përpiqen vazhdimisht ta drejtojnë jetën tonë në një drejtim të caktuar. Por, Kur’ani na tregon se, kur zhvishen të gjitha këto shtresa, në fund ekzistojnë vetëm dy projekte për jetën e njeriut:

E para: projekti i Allahut për robin e Tij dhe e dyta: projekti i pasuesve të epsheve.
Edhe ne që jemi ulur sot në këtë xhami, nuk jemi jashtë kësaj përballjeje. Çdo ditë zgjohemi dhe dikush përpiqet ta fitojë zemrën tonë. Pyetja është: kush do ta fitojë atë? Kush po e drejton jetën tonë sot?

Dëgjoni me vëmendje se si e përmbledh Allahu i Madhërishëm këtë luftë në një ajet të vetëm:
وَاللَّهُ يُرِيدُ أَن يَتُوبَ عَلَيْكُمْ ۖ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا
Allahu dëshiron që t’jua pranojë pendimet tuaja, por ata që jepen pas epsheve, dëshirojnë që të largoheni krejtësisht nga udha e drejtë. (En-Nisa, 27)
Në këtë ajet, fjala “يُرِيدُ” (dëshiron) përsëritet dy herë. Allahu dëshiron… Ata dëshirojnë… Në këtë jetë, pyetja nuk është nëse do të ndikohesh, sepse ndikimi është i pashmangshëm. Pyetja e vërtetë është: nga kush po ndikohemi?
[Linkun e plotë të ligjëratës e gjeni në koment]

07/08/2026

🕌 Njoftim i rëndësishëm për xhematin e Xhamisë Drita 🕌

Të nderuar vëllezër dhe besimtarë, es-selamu alejkum ue rahmetullahi ue berekatuhu.

Për t'u ardhur në ndihmë të gjithë besimtarëve që nuk e kuptojnë gjuhën shqipe (si shokët, kolegët apo të njohurit tuaj të kombësive të tjera që vijnë për namazin e xhumasë tek ne), kemi realizuar një mundësi të re teknologjike.

🎙 Hutbeja e Xhumasë edhe në gjuhën gjermane!

Në hyrje të xhamisë kemi vendosur posterin me QR Code, të cilin po jua dërgojmë edhe këtu në foto. Pasi ta skanojnë me celular, ata do të kenë mundësinë:

📝 Ta lexojnë hutben e javës në gjermanisht.

🎧 Ta dëgjojnë atë me audio (zë) po ashtu në gjermanisht.

📲 Ruajeni këtë foto në telefon:Ju mund t'ua dërgoni këtë foto me QR Code shokëve tuaj direkt në WhatsApp ose t'ua tregoni në telefonin tuaj që ta skanojnë menjëherë, pa pasur nevojë të presin sa të mbërrijnë te dera e xhamisë.

🔄 Si mund të ndihmoni ju?

Ju lutemi, nëse keni me vete miq apo shokë që nuk flasin shqip, udhëzojini që ta skanojnë kodin para se të fillojë xhumaja, në mënyrë që edhe ata ta kuptojnë mesazhin dhe ligjëratën e sotme.

Allahu ju shpërbleftë dhe jua pranoftë xhumanë!
Imami juaj, Hoxhë Hisen Ceka ✍️

07/08/2026

31/07/2026

Hutbe: Çfarë dëshiron Allahu për ne?

Të dashur vëllezër, shpesh në rrugëtimin e kësaj jete, njeriu ndalet dhe i bën vetes pyetje të mëdha: Çfarë dua unë nga jeta ime? Çfarë pret familja dhe rrethi prej meje?

Por, a e kemi pyetur ndonjëherë vetën:”Çfarë dëshiron Allahu për mua?”
[Ligjeratën e plotë e gjeni në koment]