Xhamia Wil

01/08/2026

🇨🇭 Alles Gute zum Schweizer Nationalfeiertag!

Wir wünschen allen einen schönen 1. August voller Frieden, Gesundheit und Zusammenhalt.

Moschee Wil

31/07/2026

Daveti me urtësi dhe virtyti i sinqeritetit

Sot, në Xhaminë e Wilit, hoxha mysafir nga Podujeva, Besmir Havolli, mbajti ligjëratën para hutbes. Ai foli për rëndësinë e davetit (ftesës në Islam), duke u mbështetur në fjalën e Allahut: “Thirr në rrugën e Zotit tënd me urtësi dhe këshillë të mirë…” (En-Nahl, 125). Ai theksoi se thirrja në Islam duhet të bëhet me urtësi, sjellje të mirë dhe shembull të bukur.

Hutben e xhumasë e mbajti imami i xhamisë, Enes Koshi, i cili trajtoi temën e sinqeritetit, duke theksuar se ai është themeli i besimit, i besimit reciprok mes njerëzve dhe i një shoqërie të shëndoshë. U rikujtuan porositë profetike për të qenë gjithmonë të sinqertë, për t’u ruajtur nga gënjeshtra dhe për të mos përhapur çdo fjalë që dëgjojmë pa e verifikuar.

Lusim Allahun e Madhëruar që të na bëjë prej atyre që e thërrasin në rrugën e Tij me urtësi dhe që jetojnë me sinqeritet në fjalë e në vepra. Amin.

Xhamia Wil
31.07.2026

28/07/2026

Edhe ky projekt i xhamis u kry me sukse për renditjen e Kuranave dhe librave të ndryshe fetare

24/07/2026

Ajetet e fundit të kaptinës El-Kehf

“Thuaj: “Sikur deti të ishte bojë për të shkruar fjalët e Zotit tim, sigurisht që ai do të shterej, para se të soseshin fjalët e Zotit tim, edhe sikur Ne të sillnim si ndihmë edhe një det tjetër si ai.

Thuaj: “Unë jam vetëm njeri, sikurse edhe ju, mua më shpallet se vetëm një Zot është Zoti juaj, e kush është që e shpreson takimin e Zotit të vet, le të bëjë vepër të mirë, e në adhurimin ndaj Zotit të tij të mos e përziejë askë”.

Xhamia Wil
24.07.2026

22/07/2026

BOTIM I RI

Me kënaqësi ndajmë me ju botimin e veprës së njohur të Imam Neveviut:

“Mbi Etikën e Bartësve të Kuranit”

Kjo vepër klasike është një udhërrëfyes i çmuar për çdo lexues të Kuranit, nxënës të dijes, mësues e imam, duke trajtuar me urtësi etikën, moralin dhe përgjegjësinë që kërkon shoqërimi me Librin e Allahut.

Autor: Imam Neveviu
Përkthyes: Enes Koshi
Botues: Xhamia Wil
Korrik 2026

Lusim Allahun e Madhëruar që ta bëjë këtë vepër të dobishme për çdo lexues, dhe ta pranojë si sadaka rrjedhëse në shërbim të Kuranit dhe dijes islame.

Xhamia Wil
22.07.2026

04/07/2026

30/06/2026

Edhe nje grupp ne xhami

Mbi 30 ishte numri i nxenesve qe vizituan sot xhamine. Nha Wattwil deri Wil per t‘i pa perlat e xhamise.

Me fasciinin kthehen serrish per ne shkolle.

Xhamia Wil

28/06/2026

Vizitë vëllazërore dhe aktivitet i përbashkët me Xhaminë e Regensdorfit

Sot, më 28 qershor 2026, në prag të pushimeve verore, patëm kënaqësinë të mirëpresim në Xhaminë Wil vëllezërit dhe motrat nga Xhamia e Regensdorfit, të cilët erdhën me dy autobusë dhe rreth 130 nxënës për të kaluar një pasdite të përbashkët me ne.

Mysafirët u pritën nga kryesia, imamët, teologët dhe nxënësit e Xhamisë Wil. Programi përfshiu vizitën e xhamisë, faljen e namazit, një program të shkurtër edukativ, si dhe një garë argëtuese Kahoot, ku fituesit u shpërblyen me çmime.

Më pas, çdo nxënës mori nga një balonë simbolike të vendosur në sallë dhe të gjithë shijuam një drekë të përbashkët në një atmosferë të ngrohtë, plot buzëqeshje, miqësi dhe respekt.

Ishte një pasdite shumë e bukur, e dobishme dhe me mbresa të veçanta, që forcoi edhe më shumë lidhjet ndërmjet dy xhamive tona.

Falënderim i veçantë shkon për imamin, kryesinë dhe teologet e Xhamisë së Regensdorfit për bashkëpunimin e shkëlqyer dhe organizimin e kësaj vizite. Gjithashtu, falënderojmë nga zemra kryesinë, imamët, teologët, vullnetarët dhe nxënësit e Xhamisë Wil për mikpritjen e ngrohtë dhe angazhimin e tyre.

Allahu e begatoftë këtë vëllazëri dhe na bashkoftë gjithmonë në punë të mira!

Xhamia Wil
28.06.2026