Xhamia El-Hidaje në St. Gallen

Startseite
Schweiz
Saint Gallen
Xhamia El-Hidaje në St. Gallen

Bashkësia Islame El-Hidaje është bashkësia që i përfaqëson shqipëtarët muslimanë të qytetit të St. Ga Xhami me traditë islamo-shqiptare hanefite

11/09/2026

Mësime nga ezani:
“Allahu ekber - Allahu është më i madhi”

- hfz. Mehas Alija

10/09/2026

Ftesë për të gjitha motrat, kurse për mësimin e Kur’anit!

Të dashura motra,
Me kënaqësi ju ftojmë të bëheni pjesë e kursit për mësimin e Kur’anit për gra, pranë Bashkësisë Islame El-Hidaje.

Ky kurs është një mundësi e bukur për çdo motër që dëshiron të fillojë nga hapat e para apo të përmirësojë leximin e saj. Së bashku do të mësojmë leximin e Kur’anit, rregullat e texhvidit, faljen rregullat e namazit dhe mësim besim islam.

🗓️ Çdo të martë
🕢 Ora 19:30
🧕 Mualimja: Nazlije Memeti
📝 Regjistrimi deri më 27.09.2026
📱 076 279 03 42 (WhatsApp)

Ju mirëpresim me shumë kënaqësi!

Xhamia El-Hidaje

06/09/2026

Ngushëllime me familjen Veliji nga Lugina e Preshevës, me rastin e ndërrimit të jetës së nënës dhe vëllait të tyre.

Lusim Allahun xh.sh. që t’i mëshirojë merhumët, kurse familjarëve u dhashtë durim dhe ndihmë në jetë. 🤲

06.09.2026, e diel
Xhamia El-Hidaje

05/09/2026

A E PËRMEND ALLAHUN ME KËTË EMËR?

Një nga dhikret e veçanta është shqiptimi i fjalëve:

يَا ذَا الْجَلَالِ وَالْإِكْرَامِ

Ja Dhel-Xhelali uel-Ikram

“O Ti, Zotërues i Madhështisë dhe Bujarisë!”

Ky dhikr, për fat të keq, është bërë një nga sunetet që shumë njerëz e kanë lënë pas dore.

I Dërguari i Allahut s.a.v.a. ka thënë: “Përmendeni vazhdimisht: ‘Ja Dhel-Xhelali uel-Ikram’.” )Ahmed)

Pejgamberi a.s. e veçoi këtë Emër të Allahut, sepse në të fshihen kuptime dhe sekrete të mëdha.

“Ja Dhel-Xhelal” do të thotë: O Ti që zotëron çdo madhështi, bukuri, përsosmëri dhe madhëri! Ndërsa “El-Ikram” do të thotë: O Ti që i dhuron robërve të Tu begati dhe mirësi të panumërta!

Kur e përmend këtë dhikr, kujto se Allahu i di nevojat e tua, i dëgjon lutjet e tua dhe është i Plotfuqishëm të të dhurojë atë që është më e mirë për ty.

Mos e lër pas dore këtë dhikr të bukur:

يَا ذَا الْجَلَالِ وَالْإِكْرَامِ

Ja Dhel-Xhelali uel-Ikram! 🤲

“O ju besimtarë, kujtone shpesh Allahun!” (Ahzab, 41).

Hfz. Mehas Alija

04/09/2026

Hutbeja e xhumasë (04.09.026)

Imam Mehas Alija

04/09/2026

PJESËMARRJA E ENGJËJVE NË DITËN E XHUMA

Pejgamberi alejhis-selam ka thënë:

“Kur vjen dita e xhuma, në çdo derë të xhamisë qëndrojnë engjëjt dhe i shënojnë, me radhë, ata që vijnë të parët e pastaj ata që vijnë pas tyre. Kur imami ulet në minber për të mbajtur hutben, engjëjt i mbyllin regjistrat e tyre dhe ulen për ta dëgjuar përkujtimin (dhikrin).”

[Sahih Buhari, Libri: Fillimi i krijimit, Hadithi nr. 3211]

03/09/2026

NJOFTIM PËR NGUSHËLLIME

03/09/2026

PËR ATA QË DALIN IMAM:

"Nëse ndonjëri prej jush falet imam, le ta lehtësoje, sepse në mes tyre është i vogli dhe i madhi, i dobëti, i sëmuri dhe nevojtari! E, nëse falet për veten e tij, le ta zgjasë sa te dojë!"

(Ahmedi, Bukhariu, Muslimi dhe Tirmidhiu, nga Ebu Hurejra).

02/09/2026

MOS E NËNVLERËSO ISTIGFARIN – KËRKIMIN E FALJES NGA ALLAHU!

Allahu i Madhëruar thotë:

﴿لَوْلَا تَسْتَغْفِرُونَ اللَّهَ لَعَلَّكُمْ تُرْحَمُونَ﴾

“Përse nuk kërkoni falje nga Allahu, që të mund të mëshiroheni?”(Sureja En-Neml, 46)

Istigfari është një nga mënyrat më të bukura për t’iu kthyer Allahut. Ai e pastron zemrën, na kujton gabimet tona, na afron me Krijuesin dhe na hap derën e mëshirës së Tij.

Bëjeni sa më shpesh istigfarin:

أَسْتَغْفِرُ اللهَ
أَسْتَغْفِرُ اللهَ
أَسْتَغْفِرُ اللهَ

Dhe mos harroni këto lutje të bukura:

🌷 أستغفرُ اللّٰهَ وَأَتُوبُ إِلَيْهِ
“Kërkoj falje nga Allahu dhe tek Ai pendohem.”

🌷 أستغفرُ اللهَ الَّذِي لاَ إِلٰهَ إِلّا هُوَ الحَيُّ القَيُّومُ وَأَتُوبُ إِلَيْهِ
“Kërkoj falje nga Allahu, përveç të Cilit nuk ka të adhuruar tjetër me të drejtë, të Gjallit dhe të Përjetshmit, dhe tek Ai pendohem.”

🌷 لاَ إِلٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ
“Nuk ka të adhuruar tjetër përveç Teje. Ti je i Pastër nga çdo mangësi. Vërtet, unë kam qenë prej zullumqarëve.”

🌷 رَبِّ إِنِّي ظَلَمْتُ نَفْسِي فَاغْفِرْ لِي
“O Zoti im! Vërtet, i kam bërë padrejtësi vetvetes, prandaj më fal.”

🌷 رَبِّ اغْفِرْ لِي وَتُبْ عَلَيَّ إِنَّكَ أَنْتَ التَّوَّابُ الرَّحِيمُ
“O Zoti im! Më fal dhe pranoje pendimin tim. Vërtet, Ti je Pranuesi i madh i pendimit, Mëshirëploti.”

🌷 رَبِّ اغْفِرْ لِي وَارْحَمْنِي وَاهْدِنِي وَعَافِنِي وَارْزُقْنِي
“O Zoti im! Më fal, më mëshiro, më udhëzo, më jep mirëqenie dhe më furnizo.”

Le ta mbajmë gjuhën të lagur me përmendjen e Allahut dhe zemrën të lidhur me pendimin.

Ndoshta një istigfar i sinqertë është shkaku që na hap derën e mëshirës së Allahut.

أستغفر الله وأتوب إليه 🤲❤️

Hfz. Mehas Alija

31/08/2026

“Shkenca dhe Kur’ani” - një tribunë e dobishme dhe frymëzuese në Xhaminë El-Hidaje

Të dielën, më 30 gusht 2026, në ambientet e Xhamisë El-Hidaje në St. Gallen, u mbajt tribunë me rastin e Lindjes së Muhammedit a.s., me temën “Shkenca dhe Kur’ani”.

Programi u hap me fjalën përshëndetëse të imamit të xhamisë, Hfz. Mehas Alija, i cili uroi të pranishmit dhe theksoi rëndësinë e organizimit të takimeve të tilla, të cilat forcojnë lidhjen e besimtarit me fenë, dijen dhe shembullin e Muhammedit a.s.

Një moment i veçantë në fillim të programit ishte paraqitja e shkurtër e fëmijëve të Mektebit të Xhamisë El-Hidaje, të cilët interpretuan së bashku tekbire dhe salavate, duke i dhënë programit një atmosferë të bukur shpirtërore dhe festive.

Më pas, programi vazhdoi me interpretimin e ilahive nga Avdullah Salihi, ndërsa ligjërata qendrore u mbajt nga Hfz. Dr. Sari Fusha, mjek dhe teolog.

Në ligjëratën e tij me temën “Shkenca dhe Kur’ani”, Dr. Fusha trajtoi lidhjen ndërmjet shkencës dhe mesazhit kur’anor, duke sjellë perspektiva dhe reflektime mbi mënyrën se si dija dhe besimi mund të plotësojnë njëri-tjetrin. Në pjesën përmbyllëse të ligjëratës, ai u ndal veçanërisht te mjekësia profetike, dobitë dhe aktualiteti i saj, si dhe mënyra se si duhet kuptuar qasja e Muhammedit a.s. ndaj shëndetit dhe kujdesit për trupin e njeriut nga aspekti medicinal.

Pas ligjëratës, kryetari i Xhamisë El-Hidaje, Sadush Ajrullai, mbajti një fjalë përshëndetëse, duke falënderuar mysafirët dhe të gjithë ata që kontribuan në realizimin e këtij programi. Me këtë rast, ai u dhuroi dhurata protagonistëve të programit, në shenjë mirënjohjeje për pjesëmarrjen dhe kontributin e tyre.

Programi u përmbyll me një bashkëbisedim të drejtpërdrejtë ndërmjet xhematit dhe Dr. Sari Fushës, ku të pranishmit patën mundësinë të parashtrojnë pyetje dhe të marrin përgjigje e këshilla të ndryshme, veçanërisht nga aspekti shëndetësor dhe mjekësor.

Ky takim u vlerësua si shumë i frytshëm dhe i dobishëm, duke krijuar një mundësi të veçantë për kontakt dhe këshillim të drejtpërdrejtë ndërmjet doktorit dhe xhematit. Një ngjarje që bashkoi besimin, dijen, shkencën dhe përvojën praktike, duke dëshmuar edhe një herë rëndësinë e organizimit të programeve të tilla në jetën e komunitetit tonë.

Xhamia El-Hidaje falënderon të gjithë pjesëmarrësit, mysafirët dhe kontribuuesit për praninë dhe pjesëmarrjen e tyre në këtë aktivitet të bukur.

31.08.2026, e hënë
St.Gallen

Adresse

Herisauer Strasse 52
Saint Gallen
9015

Webseite

http://www.el-hidaje.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Xhamia El-Hidaje në St. Gallen erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.