Xhamia Al-Shems Rebstein

17/09/2026

12/09/2026

VIZITË NË XHAMINË “AL-SHEMS”

Mbrëmë Xhamia “Al-Shems” në Rebstein pati kënaqësinë të mirëpresë Myftiun e Strugës, H. Adi ef. Murtishi, së bashku me H. Shefit ef. Ajredini dhe H. Fatijon ef. Shemshedini.

Gjatë takimit, Myftiu i Strugës foli për veprimtarinë e Myftinisë së Strugës, si dhe për punën e Institutit të Hifzit dhe Drejtëleximit të Kuranit, i cili tashmë prej rreth një vit e gjysmë është duke funksionuar me sukses.

Gjithashtu u bashkëbisedua rreth jetës fetare të xhematit, edukimit të të rinjve dhe ruajtjes së vlerave islame në diasporë.

Namazit të Akshamit i priu H. Adi ef. Murtishi, ndërsa H. Fatijon ef. Shemshedini shërbeu si muezin dhe këndoi një ashere nga Kurani Famëlartë.

E falënderojmë Myftiun dhe bashkëpunëtorët e tij për vizitën dhe për kohën e kaluar me xhematin tonë.

Allahu i shpërbleftë dhe na bashkoftë gjithmonë në të mira!

Me respekt
Kryesia e Xhamisë

11/09/2026

TEMA E XHUMASË: „NE JEMI PASQYRË PËR NJËRI-TJETRIN”

Besimtari nuk është vetëm ai që falet dhe agjëron, por edhe ai që sillet me vëllanë e tij me sinqeritet, mëshirë dhe kujdes.

Pejgamberi a.s. na mëson se besimtari është pasqyrë e besimtarit. Pasqyra nuk të gënjen, por ta tregon të vërtetën; dhe pikërisht kështu duhet të jemi për njëri-tjetrin: ta këshillojmë me dashuri, ta korrigjojmë me urtësi dhe ta ruajmë kur nuk është i pranishëm.

Hadithi:

«الْمُؤْمِنُ مِرْآةُ الْمُؤْمِنِ، وَالْمُؤْمِنُ أَخُو الْمُؤْمِنِ، يَكُفُّ عَلَيْهِ ضَيْعَتَهُ، وَيَحُوطُهُ مِنْ وَرَائِهِ»

“Besimtari është pasqyrë e besimtarit dhe besimtari është vëlla i besimtarit; ai kujdeset për të dhe e ruan atë pas shpine.”

1️⃣ KËSHILLA ME SINQERITET

Nëse e sheh vëllanë tënd duke gabuar, mos e poshtëro - këshilloje me butësi. Pasqyra ta tregon të metën, por nuk të turpëron para të tjerëve.

2️⃣ VËLLAZËRIA NUK ËSHTË VETËM FJALË

Të thuash “është vëllai im” është e lehtë. Por vëllazëria e vërtetë shihet në mënyrën se si sillemi me të, sidomos kur ai ka nevojë për ne.

3️⃣ TA RUASH EDHE KUR NUK ËSHTË I PRANISHËM

“E ruan pas shpine” do të thotë të mos e tradhtosh, të mos flasësh keq për të dhe të mos lejosh që të dëmtohet në mungesë të tij.

4️⃣ TË JEMI PASQYRË, JO GJYKATËS

Qëllimi i pasqyrës është të tregojë të vërtetën, jo të dënojë. Prandaj, kur shohim një mangësi te vëllai ynë, le ta kujtojmë me mëshirë - sepse edhe ne kemi mangësi që dikush tjetër mund të na i tregojë.

A jam unë një pasqyrë e mirë për vëllanë tim?

Kur ai nuk është i pranishëm, a e ruaj apo e përgojoj?
Kur gabon, a e këshilloj me dashuri apo e gjykoj?
Kur ka nevojë për mua, a jam pranë tij apo vetëm e quaj “vëlla” me fjalë?

Le ta pyesim veten sot:
Çfarë do të shihte vëllai im nëse unë do të isha pasqyra e tij?
Ndoshta ndryshimi që kërkojmë te të tjerët, duhet të fillojë së pari te vetja.

Imami i Xhamisë
Xhelal ef. Jakupi

07/09/2026

⚽️ Das 4. Fussballturnier steht vor der Tür!

Ab sofort kannst du dich ganz einfach via WhatsApp oder DM anmelden und dir deinen Platz sichern.

👉 Du willst noch mehr Teil des Events sein?

Werde Sponsor und präsentiere deine Firma nicht nur während dem Hallenturnier, sondern auch ein ganzes Jahr lang auf unserer Website.

📞 Melde dich jetzt unter der Nummer auf dem Flyer und sei dabei – ob als Mannschaft oder Sponsor!

——————————————————————————

⚽️ Turneu i 4-të i futbollit po afrohet!

Tani mund të regjistrohesh lehtësisht përmes Whatsapp-it ose një mesazhi privat dhe të sigurosh vendin tënd.

👉 Dëshiron të jesh edhe më shumë pjesë e eventit?

Bëhu sponsor dhe prezanto kompaninë tënde jo vetëm gjatë turneut në sallë, por edhe për një vit të tërë në faqen tonë të internetit.

📞 Kontakto tani në numrin që shfaqet ne flyer– si lojtar apo sponsor!

04/09/2026

Përmbledhje nga Tema e xhumasë: ”Ata që na bëjnë mirë meritojnë mirënjohjen tonë.”

Falënderimi i takon Allahut, Zotit të botëve. Paqja dhe mëshira e Allahut qofshin mbi të Dërguarin e Tij, Muhamedin ﷺ, familjen dhe shokët e tij.

Në jetën tonë ka njerëz që na bëjnë mirë me një fjalë, një këshillë, një ndihmë apo thjesht duke qenë pranë nesh. Islami na mëson të mos i harrojmë këto të mira, por t’i vlerësojmë dhe t’i kthejmë me mirënjohje.

1. Mos ua harroni të mirat të tjerëve

Allahu i Madhëruar thotë:

وَلَا تَنسَوُا الْفَضْلَ بَيْنَكُمْ

“Dhe mos e harroni mirësinë ndërmjet jush.”
(El-Bekare, 237)

Edhe kur marrëdhëniet ndryshojnë, e mira që dikush na ka bërë nuk duhet të fshihet nga kujtesa jonë.

Muhamedi ﷺ ka thënë:

“Kush nuk i falënderon njerëzit, nuk e falënderon as Allahun.”

Prandaj, të mos jemi të shpejtë në harrimin e të mirave të njerëzve, ndërsa i kujtojmë gjatë gabimet e tyre.

2. Kthejeni të mirën me të mirë

Muhamedi ﷺ ka thënë:

“Kujt i bëhet një e mirë, le ta shpërblejë atë. Nëse nuk ka mundësi, le ta lavdërojë.”

Nëse dikush të ndihmon, ndihmoje. Nëse nuk ke mundësi, falënderoje dhe përmende për mirë.

Nuk është e domosdoshme që çdo të mirë ta kthesh në të njëjtën mënyrë. Mjafton të mos e mohosh dhe të mos e harrosh.

3. Lutuni për ata që ju bëjnë mirë

Muhamedi ﷺ ka thënë:

“Kur dikush ju bën mirë, shpërblejeni; e nëse nuk keni mundësi, lutuni për të.”

Ndonjëherë nuk kemi mundësi t’ia kthejmë dikujt të mirën, por gjithmonë kemi mundësi të themi:

“Allahu të shpërbleftë për të mirën që më ke bërë.”

Ebu Hanifeja رحمه الله lutej vazhdimisht për mësuesit e tij, duke mos e harruar mirësinë e tyre.

Edhe Muhamedi ﷺ nuk ua humbte të mirën njerëzve. Ai e njihte dhe e vlerësonte të mirën, edhe kur ajo vinte nga njerëz që nuk besonin.

Mos e harro atë që dikush ka bërë për ty,
ktheja të mirën ose lutu për të.

O Allah, na bëj prej njerëzve mirënjohës.

Na ndihmo të mos i harrojmë të mirat që na bëhen dhe na mundëso t’i kthejmë ato me të mira.

Imami i Xhamisë Al-Shems

Hoxhë Xhelal ef. Jakupi

28/08/2026

TEMA E XHUMASË: “TË JESH I DOBISHËM-MISION I BESIMTARIT.”

Besimtari nuk pyet vetëm: “Çfarë do të përfitoj unë?”, por edhe: “Çfarë të mire mund të sjell unë?”

Allahu i Madhëruar thotë:

وَتَعَاوَنُوا عَلَى الْبِرِّ وَالتَّقْوَىٰ

“Ndihmojeni njëri-tjetrin në mirësi dhe devotshmëri…”
(El-Maide, 5:2)

1. Bëhu burim i së mirës
Në familje, në punë, në lagje, në shoqëri dhe në internet — përpiqu të jesh njeri prej të cilit vjen mirësi, jo dëm.

2. Mos e nënvlerëso asnjë të mirë
Një buzëqeshje, një fjalë e mirë, një ndihmë apo një këshillë mund të ketë vlerë të madhe tek Allahu.

3. Ki frikë Allahun kudo që të jesh

اتَّقِ اللَّهَ حَيْثُمَا كُنْتَ

“Ki frikë Allahun kudo që të jesh…”
(Tirmidhiu, 1987)

Në shtëpi, në punë, në rrugë, në xhami, në internet dhe kur je vetëm — kujto se Allahu të sheh.

4. Ji i dobishëm për njerëzit

وَاللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ

“Allahu është në ndihmë të robit përderisa robi është në ndihmë të vëllait të tij.”
(Muslimi)

Ndihmo dikë, lehtësoja një vështirësi, dëgjoje dikë dhe bëhu shkak për të mirë.

5. Mos u bëj burim dëmi

الْمُسْلِمُ مَنْ سَلِمَ الْمُسْلِمُونَ مِنْ لِسَانِهِ وَيَدِهِ

“Musliman është ai prej gjuhës dhe dorës së të cilit janë të sigurt muslimanët.”
(Buhariu dhe Muslimi)

Mos lëndo me gjuhë, me dorë, me postime, me shpifje apo me padrejtësi.

6.Kudo që të jesh

Misioni yt nuk fillon vetëm në xhami.

Në shtëpi, në punë ,në shkollë ,në rrugë ,në internet,madje kur je vetëm.

7.Umeti më i mirë është ai që sjell të mirë

كُنْتُمْ خَيْرَ أُمَّةٍ أُخْرِجَتْ لِلنَّاسِ

“Ju jeni populli më i mirë i nxjerrë për njerëzit…”
(Ali Imran, 3:110)

Dhe Allahu përmend cilësitë e këtij umeti:

تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ

“Urdhëroni për të mirë, ndaloni nga e keqja dhe besoni Allahun.”

Pra, besimtari duhet të jetë pjesë e zgjidhjes, jo pjesë e problemit.

8.Bëhu i bekuar kudo që të jesh

Allahu tregon për Isain ﷺ:

وَجَعَلَنِي مُبَارَكًا أَيْنَ مَا كُنتُ

“Dhe më bëri të bekuar kudo që të jem.”
(Merjem, 19:31)

24/08/2026

Sot patëm kënaqësinë të mirëpresim nxënësit e klasës së 6-të të shkollës fillore në Rebstein, të cilët vizituan xhaminë tonë.

Nxënësit u pritën nga imami Xhelal ef. Jakupi dhe sekretari i xhamisë, Yll Rash*ti. Gjatë vizitës, ata parashtruan shumë pyetje dhe patën mundësinë të dëgjonin ezanin dhe një pjesë të Kuranit të recituar nga imami.

Vizita të tilla janë gjithmonë të mirëseardhura. Faleminderit për vizitën dhe shpresojmë që nxënësit kaluan çaste të këndshme!

Heute durften wir die Schülerinnen und Schüler der 6. Klasse der Primarschule in Rebstein in unserer Moschee herzlich willkommen heissen.

Empfangen wurden sie von Imam Xhelal ef. Jakupi und dem Sekretär der Moschee, Yll Rash*ti. Die Schülerinnen und Schüler stellten viele Fragen und hatten die Gelegenheit, den Adhan (Gebetsruf) sowie einen Teil des Korans, vorgetragen vom Imam, zu hören.

Solche Besuche sind bei uns immer herzlich willkommen. Vielen Dank für euren Besuch! Wir hoffen, dass die Schülerinnen und Schüler eine schöne und bereichernde Zeit bei uns verbracht haben.

Me respekt,
Kryesia e Xhamisë
më 24.08.2026

23/08/2026

Tribunë me rastin e lindjes së Pejgamberit Muhamed ﷺ

Mbrëmjen e datës 22.08.2026, u organizua një tribunë e veçantë me rastin e lindjes së Pejgamberit Muhamed ﷺ, më të dashurit të Allahut të Madhëruar.

Në këtë tubim morën pjesë një numër i madh i besimtarëve, burra dhe gra, të cilët së bashku përjetuan një mbrëmje të mbushur me besim, dashuri dhe respekt për të Dërguarin e Allahut ﷺ.

Programin e hapi imami i xhamisë Xhelal Jakupi cili foli për rëndësinë e kësaj nate dhe për nevojën që mësimet, morali dhe shembulli i Pejgamberit ﷺ të jenë udhërrëfyes në jetën tonë të përditshme.

Ligjëratën kryesore të kësaj mbrëmjeje e mbajti Hoxhë Halil Avdulli, i cili ishte i pranishëm së bashku me një pjesë të xhematit dhe kryesisë së Xhamisë në Glarus. Me një ligjëratë të përkushtuar, ai përcolli mesazhe të rëndësishme mbi jetën, mësimet dhe shembullin e Pejgamberit Muhamed ﷺ.

Gjatë programit pati edhe lexim të Kuranit, ilahi si dhe pjesë nga Mevludi, të interpretuara me përkushtim nga Isa Avdija, duke i dhënë kësaj mbrëmjeje një atmosferë të veçantë shpirtërore.

Ishte një natë imanore dhe një mbrëmje me çaste të këndshme, në të cilën së bashku kujtuam dhe nderuam figurën, jetën dhe mësimet e të Dërguarit të Allahut ﷺ.

Me këtë rast, falënderojmë të dyja kryesitë e xhamive për bashkëpunimin dhe angazhimin e tyre, si dhe të gjithë besimtarët që morën pjesë dhe kontribuuan në realizimin e këtij programi.

Lusim Allahun e Madhëruar që të na bëjë prej ndjekësve të denjë të rrugës së Muhamedit ﷺ, të na forcojë në iman dhe të na mundësojë që mësimet e tij t’i zbatojmë në jetën tonë.

Me respekt
Kryesia e Xhamisë

21/08/2026

TEMA E XHUMASË-VAZHDIM!

“Prindi bamirës dhe fëmijët mosmirënjohës – mësimet.”

19 | Allahu vepron edhe kur ne jemi në gjumë

فَطَافَ عَلَيْهَا طَائِفٌ مِّن رَّبِّكَ وَهُمْ نَائِمُونَ
“Një goditje nga Zoti yt e përfshiu atë, ndërkohë që ata ishin duke fjetur.”
(El-Kalem, 68:19)

Mësimi: Ata ishin në gjumë dhe nuk dinin asgjë, ndërsa Allahu kishte vendosur mbi pasurinë e tyre atë që ata nuk e prisnin.

Këshillë: Mos u mbështet te pasuria dhe planet e tua. Mirësia që ke sot është amanet nga Allahu.

20 | Mos e lër koprracinë ta shkatërrojë mirësinë

فَأَصْبَحَتْ كَالصَّرِيمِ
“Dhe në mëngjes ai u bë si i prerë, i zhveshur.”
(El-Kalem, 68:20)

Mësimi: Ata planifikuan t’ua mohonin të varfërve pjesën e tyre, por Allahu ua shkatërroi atë pasuri që mendonin se e kishin në dorë.

Këshillë: Mos e privoni nevojtarin nga ajo që Allahu të ka dhënë. Pasuria është sprovë: ose të bën falënderues e bujar, ose të nxjerr në pah koprracinë.

21 | Planet e tua nuk janë mbi caktimin e Allahut

فَتَنَادَوْا مُصْبِحِينَ
“Në mëngjes ata thirrën njëri-tjetrin.”
(El-Kalem, 68:21)

Mësimi: Ata u zgjuan dhe vazhduan planin sikur çdo gjë të ishte ende në duart e tyre, pa e ditur se Allahu kishte vepruar tashmë.

Këshillë: Planifiko, por mos harro Kush e përcakton përfundimin. Njeriu mendon se e kontrollon të nesërmen, ndërsa vetëm Allahu e di çfarë do të ndodhë.

22 | Njeriu planifikon, Allahu vendos

أَنِ اغْدُوا عَلَىٰ حَرْثِكُمْ إِن كُنتُمْ صَارِمِينَ
“Shkoni herët te kopshti juaj, nëse doni ta vilni.”
(El-Kalem, 68:22)

Mësimi: Ata u nisën herët për të marrë atë që kishin planifikuar, por nuk e dinin se plani i tyre nuk do të realizohej.

Këshillë: Mos u siguro për të nesërmen. Merr shkaqet dhe bëj përpjekjen, por thuaj me zemër: “Në dashtë Allahu.”

23 | Kur koprracia të pushton, fshihet edhe mirësia

فَانطَلَقُوا وَهُمْ يَتَخَافَتُونَ
“Dhe u nisën duke i pëshpëritur njëri-tjetrit.”
(El-Kalem, 68:23)

Mësimi: Ata nxitonin dhe flisnin me zë të ulët, që të mos i dëgjonte askush. Dëshironin të arrinin në kopsht para të varfërve, sepse nuk donin t’u jepnin prej pasurisë.

Imami Xhelal ef. Jakupi