Xhamia Paqja Basel

12/06/2026

INFORMATË

Të dashur vëllezër

Me gëzim ju informojmë se, me lejen e Allahut të Plotfuqishëm, vetura u s**t sot.

Falënderojmë përzemërsisht Carrosserie Saqipi GmbH, vëllezërit bujarë Fatgzim dhe Kushtrim Saqipi, për bashkëpunimin dhe ndihmën e tyre në s**tjen e veturës.

Një falënderim i veçantë i takon vëllait Amirit, i cili e dhuroi veturën për të kontribuar në blerjen dhe ndërtimin e xhamisë sonë të re, projekt i përbashkët i gjithë komunitetit shqiptar.

Lusim Allahun e Madhëruar që ta bekojë vëlla Amirin dhe të gjithë donatorët me bereqet, shëndet, sukses dhe mirësi në këtë botë dhe në botën tjetër.

Ju falënderojmë të gjithëve për mbështetjen dhe kontributin tuaj.

Me respekt të veçantë,
Kryesia e Xhamisë “Paqja”

27/05/2026

Fotoalbumi i Kurban Bajramit

27/05/2026

🌙 Urim nga Xhamia / Kulturverein PAQJA Basel

Me rastin e Kurban Bajramit, ju përcjellim urimet tona më të sinqerta të gjithë besimtarëve muslimanë kudo që ndodhen.
Allahu ua pranoftë kurbanet, lutjet dhe veprat e mira, duke sjellë paqe, bereqet, shëndet dhe harmoni në familjet tona.

Le të jetë kjo festë një kujtesë për solidaritetin, mëshirën dhe afërsinë mes njerëzve.

🕌 Gëzuar Kurban Bajramin!
Me respekt,
Xhamia / Kulturverein PAQJA Basel 🤍

25/05/2026

26 Maj – Dita e Arafatit 🤍

Profeti ﷺ ka thënë:

“Agjërimi i ditës së Arafatit, shpresoj tek Allahu, i fal mëkatet e vitit të kaluar dhe vitit që vjen.”
(Transmeton Muslimi)

Mos e humb këtë ditë të madhe:
🤲 Dua
📖 Dhikër
🕌 Namaz
🤍 Pendim
🌙 Agjërim

Allahu na pranoftë ibadetet dhe lutjet tona. Amin.

25/05/2026

🌙✨ Tekbiri i Teshrikut ✨🌙

Nga dita e Arafatit deri në ikindinë e ditës së katërt të Kurban Bajramit, zemrat tona madhërojnë Allahun me Tekbirët e Teshrikut. 🤍

“All-llahu Ekber, All-llahu Ekber,
La ilahe il-lall-llahu vall-llahu Ekber,
All-llahu Ekber ve lil-lahil hamd.”

Le t’i gjallërojmë këto ditë të bekuara me përmendjen e Allahut, falënderim dhe adhurim. 🕌

📅 Fillon: 26.05.2026 pas namazit të sabahut
📅 Përfundon: 30.05.2026 në namazin e ikindisë

Allahu na i pranoftë ibadetet, kurbanët dhe lutjet tona. Amin! 🤲

20/05/2026

11/05/2026

Një vizitë vëllazërore nga xhamia IKF – Islamischer Kulturverein Fricktal

„Së bashku. Për njëri-tjetrin. Për Allahun.“

Dje patëm kënaqësinë dhe nderin të mirëpresim mysafirët tanë të nderuar nga xhamia IKF – Islamischer Kulturverein Fricktal.

Xhamia jonë ishte e mbushur me besimtarë, ndërsa zemrat tona u mbushën me gëzim dhe mirënjohje për këtë vizitë të veçantë. Në krye të delegacionit ishte kryetari z. Arsim Zulji, së bashku me nënkryetarin z. Enes Rustemi dhe anëtarët e kryesisë. Takimin tonë e bëri edhe më të veçantë prania e hoxhës së nderuar të xhamisë IKF, Dr. Erhan ef. Kuldzioski.

Imami i xhamisë sonë, hoxhë Ramil ef. Sherifi, na fali namazin e akshamit me zërin e tij të bukur dhe të qetë.

Kryetari i xhamisë sonë, Ramazan Xhaferi, i përshëndeti mysafirët e nderuar dhe udhëhoqi programin e mbrëmjes.

Ligjërata e mbajtur nga Dr. Erhan ef. Kuldzioski në gjuhën gjermane ishte një kujtesë e çmuar për forcimin e besimit, afrimin me Allahun dhe rëndësinë e unitetit mes besimtarëve.

Me këtë rast, Dr. Erhan ef. Kuldzioski i uroi kryesisë së xhamisë dhe gjithë xhematit “për hajr” xhaminë e re, duke shprehur mirënjohjen e tij për këtë hap të rëndësishëm të komunitetit shqiptar në Basel.

Namazin e jacisë e udhëhoqi po ashtu Dr. Erhani, me zërin e tij të ngrohtë dhe frymëzues.

Një ndër momentet më të veçanta të mbrëmjes ishte fjala përshëndetëse e kryetarit të xhamisë IKF, Arsim Zulji, i cili uroi xhaminë Paqja për blerjen e xhamisë së re dhe për punën e madhe të bërë. Me këtë rast, ai i dorëzoi kryetarit Ramazan Xhaferi një dhuratë dhe kontribut nga xhamia IKF në vlerë prej 2’000 CHF, si mbështetje për blerjen dhe renovimin e xhamisë së re.

Kryetari Ramazan Xhaferi falënderoi xhaminë IKF për këtë gjest fisnik e vëllazëror, si dhe falënderoi gjithë xhematin dhe mysafirët për pjesëmarrjen e tyre.

Mexhlisi dhe diskutimi i hapur në fund ishin shumë frymëzues dhe forcuan edhe më shumë lidhjen tonë në besim dhe vëllazëri.

Allahu e shpërbleftë xhaminë IKF, kryesinë, xhematin e saj dhe hoxhën e nderuar për fjalët e sinqerta, dhe i begatoftë me të gjitha të mirat.

Me respekt,
Xhamia Paqja – Basel

07/05/2026

E Diel
10.05.2026
Mbas namazit të akshamit
Xhamia jonë ka kënaqësinë të mirëpresë musafirin e nderuar
Hoxhë
Dr. Erhan ef. Kuldzioski
VORTRAG AUF DEUTSCH

13/04/2026

SEMINAR

Vazhdojmë me seminarin e radhës!

📅 Çdo të enjte
🕰️ Pas Akshamit deri në Jaci

10/04/2026

📢 LAJMËRIM

Mirë se na erdhe, hoxhë Ramil ef. Sherifi!

Me kënaqësi të madhe ju njoftojmë se kemi privilegjin të kemi në mesin tonë hoxhën e nderuar Ramil ef. Sherifi, imam në xhaminë tonë.

Aktivitetet e përditshme dhe javore:

☕ Çdo ditë pas namazit të sabahut – “Kafe me hoxhën”: një kohë e veçantë dhe frymëzuese për xhematin, me këshilla, hadithe, ajete kuranore dhe muhabet vëllazëror.

📖 Çdo ditë para namazit të drekës – Lexim i Kuranit.

📚 Të premten – Ligjërata para namazit të xhumasë (për grupin e parë dhe grupin e dytë).

🕌 Të dielën para namazit të drekës – Ligjëratë javore.

👨‍👩‍👧‍👦 Mësim i leximit të Kuranit – Për fëmijë dhe të rritur.

✨ …dhe shumë aktivitete të tjera që do të na pasurojnë shpirtërisht.

Ju mirëpresim të gjithëve të përfitoni nga dija e hoxhës dhe nga zëri i tij i bukur që Allahu i Madhëruar ia ka dhuruar.