Xhamia Paqja Basel

Startseite
Schweiz
Basel
Xhamia Paqja Basel

Kontaktinformationen, Karte und Wegbeschreibungen, Kontaktformulare, Öffnungszeiten, Dienstleistungen, Bewertungen, Fotos, Videos und Ankündigungen von Xhamia Paqja Basel, Moschee, Schönaustrasse 65, Basel.

08/07/2026

📢 LAJMËRIM

Mirë se na erdhe, hoxhë Ferdi ef. Iseni!

Me kënaqësi të madhe ju njoftojmë se kemi privilegjin të kemi në mesin tonë hoxhën e nderuar Ferdi ef. Iseni, imam në xhaminë tonë.

Aktivitetet e përditshme dhe javore:

☕ Çdo ditë pas namazit të sabahut – “Kafe me hoxhën”: një kohë e veçantë dhe frymëzuese për xhematin, me këshilla, hadithe, ajete kuranore dhe muhabet vëllazëror.

📖 Çdo ditë para namazit të drekës – Lexim i Kuranit.

📚 Të premten – Ligjërata para namazit të xhumasë (për grupin e parë dhe grupin e dytë).

🕌 Të dielën para namazit të drekës – Ligjëratë javore.

👨‍👩‍👧‍👦 Mësim i leximit të Kuranit – Për fëmijë dhe të rritur.

✨ …dhe shumë aktivitete të tjera që do të na pasurojnë shpirtërisht.

Ju mirëpresim të gjithëve të përfitoni nga dija e hoxhës dhe nga zëri i tij i bukur që Allahu i Madhëruar ia ka dhuruar.

Kryesia
Xhamia Paqja Basel

24/06/2026

Mbrëmje e veçantë me nxënësit e Xhamisë Paqja

Më 23 qershor 2026, nxënësit e Xhamisë Paqja, së bashku me baballarët e tyre dhe hoxhën, kaluan një mbrëmje të mbushur me dashuri, respekt dhe vëllazëri.

Pas një darke të përbashkët nga Tacos Grill, fëmijët shijuan aktivitete sportive si pingpongu, basketbolli dhe futbolli, duke forcuar miqësinë dhe frymën e bashkimit. Më pas, të gjithë u drejtuan në xhami për faljen e namazit të akshamit.

Pas namazit, hoxha Ramil Sherifi i përgëzoi nxënësit për përfundimin e vitit mësimor dhe i porositi që të vazhdojnë lidhjen e tyre me Kuranin kudo që të jenë. Në fund, kryetari i xhamisë, Ramazan Xhaferi, falënderoi nxënësit dhe prindërit për besimin dhe përkushtimin e tyre, duke theksuar se fëmijët janë pasuria më e madhe e xhamisë dhe shpresa e së ardhmes.

Kjo mbrëmje dëshmoi edhe një herë se Xhamia Paqja është vatër edukimi, dashurie dhe vëllazërie, ku fëmijët rriten me Kuranin në zemër dhe me respekt për njëri-tjetrin.

Allahu i bekoftë të gjithë nxënësit, prindërit dhe kontribuuesit e kësaj vepre të mirë.

Xhamia Paqja
23 Qershor 2026 🤍📖⚽🏀🏓🌮📸

20/06/2026

Vizitë vëllazërore në Xhaminë Tulipan – Reinach

Më 19 qershor 2026, pas vizitës vëllazërore në Xhaminë Ardhmëria në Lenzburg, kryesia e Xhamisë Paqja vazhdoi mbrëmjen me një vizitë në Xhaminë Tulipan në Reinach.

Në Xhaminë Tulipan u pritëm me shumë ngrohtësi dhe dashamirësi nga kryesia, imamët dhe xhemati i saj, të cilët na bënë të ndiheshim si në shtëpinë tonë.

Namazi i jacisë u fal nën drejtimin e imamit të Xhamisë Paqja, Ramil ef. Sherifi, i cili ndau edhe një mesazh të bukur mbi rëndësinë e xhamisë si vatër e besimit, edukimit dhe ruajtjes së identitetit tonë në mërgim.

Gjatë kësaj vizite, patëm mundësinë të njihemi më nga afër me ambientet dhe veprimtarinë e Xhamisë Tulipan. Kjo vizitë na la mbresa të veçanta dhe na frymëzoi, ndërsa shprehim mirënjohjen tonë për të gjithë ata që kanë kontribuar në ndërtimin dhe zhvillimin e kësaj xhamie të bukur.

Përfaqësuesit e Xhamisë Tulipan na uruan gjithashtu për blerjen e xhamisë së re shqiptare në Basel, ndërsa kryetari i Xhamisë Paqja, Ramazan Xhaferi, falënderoi nikoqirët për mikpritjen vëllazërore dhe shprehu dëshirën që këto lidhje të mira të vazhdojnë të forcohen edhe më tej.

Allahu i bekoftë xhamitë tona dhe të gjithë ata që kontribuojnë në shërbim të fesë dhe të komunitetit tonë.

20/06/2026

Vizitë vëllazërore në Xhaminë Ardhmëria dhe Xhaminë Tulipan

Më 19 qershor 2026, kryesia e Xhamisë Paqja pati kënaqësinë të realizojë dy vizita vëllazërore në xhamitë shqiptare në Zvicër. Gjatë kësaj mbrëmjeje, fillimisht vizituam Xhaminë Ardhmëria në Lenzburg, ndërsa më pas vazhduam vizitën në Xhaminë Tulipan në Reinach.

Në Xhaminë Ardhmëria u pritëm ngrohtësisht nga kryesia, imami dhe xhemati i saj, të cilët na mirëpritën me respekt dhe dashamirësi, duke dëshmuar edhe një herë frymën e bukur të vëllazërisë që na bashkon.

Imami i Xhamisë Paqja, Ramil ef. Sherifi, na priu në faljen e namazit të akshamit me zërin e tij të bukur dhe mbajti një fjalë përshëndetëse, duke rikujtuar rëndësinë e xhamive tona në ruajtjen e identitetit fetar dhe kombëtar në mërgatë.

Përfaqësuesit e Xhamisë Ardhmëria na uruan për blerjen e xhamisë së re shqiptare në Basel, ndërsa kryetari i Xhamisë Paqja, Ramazan Xhaferi, falënderoi nikoqirët për mikpritjen dhe theksoi rëndësinë e forcimit të bashkëpunimit dhe lidhjeve ndërmjet xhamive tona.

U ndamë me dëshirën që këto takime vëllazërore të vazhdojnë edhe në të ardhmen, duke forcuar unitetin dhe afërsinë mes komuniteteve tona.

Allahu e bekoftë këtë bashkëpunim dhe na bashkoftë gjithmonë në të mira.

16/06/2026

🌙✨ Gëzuar Vitin e Ri Hixhri 1448 ✨🌙

Me rastin e fillimit të Vitit të Ri Hixhri 1448, Xhamia Paqja në Basel uron të gjithë besimtarët dhe familjet e tyre për një vit të mbushur me mëshirën, paqen dhe begatitë e Allahut të Madhëruar.

Le të jetë ky vit një mundësi për t’u afruar më shumë me Krijuesin tonë, për të forcuar besimin, për të shtuar dijen dhe për të kultivuar dashurinë, unitetin dhe vëllazërinë mes nesh.

Lusim Allahun e Lartësuar që t’i pranojë veprat tona të mira, të na dhurojë shëndet, mirësi dhe suksese në çdo hap, si dhe ta bëjë këtë vit të ri një fillim të bekuar për ne dhe familjet tona.

“Allahu e bëftë këtë vit të mbarë, të bekuar dhe të pranuar!”

🌿 Me respekt dhe urimet më të sinqerta,
Xhamia Paqja – Basel
📍 Schönaustrasse 65, 4058 Basel

14/06/2026

🌿✨ LIGJERATË PËR FEMRA ✨🌿

Me shumë kënaqësi ju ftojmë në një mbrëmje të veçantë shpirtërore, ku do të kemi nderin të dëgjojmë ligjëratën e teologes Hfz. Emine Sopi.

📅 E Premte, 19 Qershor 2026
🕖 Ora 19:00
📍 Xhamia Paqja
Schönaustrasse 65, 4058 Basel

🌷 Një mbrëmje frymëzuese që forcon imanin, ndriçon zemrën dhe sjell qetësi për shpirtin.

🤍 Takimi është i dedikuar vetëm për gjininë femërore.

☕ Pas ligjëratës do të shërbehen ëmbëlsira dhe kafe.

Mirë se vini të gjitha motrat!

12/06/2026

INFORMATË

Të dashur vëllezër

Me gëzim ju informojmë se, me lejen e Allahut të Plotfuqishëm, vetura u s**t sot.

Falënderojmë përzemërsisht Carrosserie Saqipi GmbH, vëllezërit bujarë Fatgzim dhe Kushtrim Saqipi, për bashkëpunimin dhe ndihmën e tyre në s**tjen e veturës.

Një falënderim i veçantë i takon vëllait Amirit, i cili e dhuroi veturën për të kontribuar në blerjen dhe ndërtimin e xhamisë sonë të re, projekt i përbashkët i gjithë komunitetit shqiptar.

Lusim Allahun e Madhëruar që ta bekojë vëlla Amirin dhe të gjithë donatorët me bereqet, shëndet, sukses dhe mirësi në këtë botë dhe në botën tjetër.

Ju falënderojmë të gjithëve për mbështetjen dhe kontributin tuaj.

Me respekt të veçantë,
Kryesia e Xhamisë “Paqja”

27/05/2026

Fotoalbumi i Kurban Bajramit

27/05/2026

🌙 Urim nga Xhamia / Kulturverein PAQJA Basel

Me rastin e Kurban Bajramit, ju përcjellim urimet tona më të sinqerta të gjithë besimtarëve muslimanë kudo që ndodhen.
Allahu ua pranoftë kurbanet, lutjet dhe veprat e mira, duke sjellë paqe, bereqet, shëndet dhe harmoni në familjet tona.

Le të jetë kjo festë një kujtesë për solidaritetin, mëshirën dhe afërsinë mes njerëzve.

🕌 Gëzuar Kurban Bajramin!
Me respekt,
Xhamia / Kulturverein PAQJA Basel 🤍

25/05/2026

26 Maj – Dita e Arafatit 🤍

Profeti ﷺ ka thënë:

“Agjërimi i ditës së Arafatit, shpresoj tek Allahu, i fal mëkatet e vitit të kaluar dhe vitit që vjen.”
(Transmeton Muslimi)

Mos e humb këtë ditë të madhe:
🤲 Dua
📖 Dhikër
🕌 Namaz
🤍 Pendim
🌙 Agjërim

Allahu na pranoftë ibadetet dhe lutjet tona. Amin.

Adresse

Schönaustrasse 65
Basel
4058

Webseite

https://paqjabasel.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Xhamia Paqja Basel erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.