Xhamia Paqja Basel

Startseite
Schweiz
Basel
Xhamia Paqja Basel

Kontaktinformationen, Karte und Wegbeschreibungen, Kontaktformulare, Öffnungszeiten, Dienstleistungen, Bewertungen, Fotos, Videos und Ankündigungen von Xhamia Paqja Basel, Moschee, Schönaustrasse 65, Basel.

14/09/2026

Njoftim nga Familja Saliu

Të nderuar Bashkëvendas, familjarë, miqë dhe dashamire, me dhimbje të thellë ju njoftojmë se ka ndërruar jetë babai ynë
Musli Saliu nga Rahovica komuna e Preshevës.

Falja e Namazit të Xhenazes në Zvicër bëhet më datë 15.09.2026, e Martë ora 10:30 në:

Adresa:
Friedhof am Hörnli në Basel
Hörnliallee 70
4125 Riehen

Me nderime
Valon Saliu ( djali i të ndjerit)

01/09/2026

NJOFTIM PËR VARRIMIN DHE NAMAZIN E DREKËS

Selamun alejkum,

Ju njoftojmë se varrimi i të ndjerit Valdrin Gashi do të bëhet SOT, më 01.09.2026, në varrezat Friedhof Hörnli, Riehen.

Orari:

* Larja e xhenazes: 12:30
* Falja e namazit të xhenazes: 13:00
* Varrimi: 13:30

Për shkak të varrimit, namazi i drekës do të falet sot në orën 14:30, në xhami.

E lusim Allahun Fuqiplotë që ta mëshirojë dhe ta falë të ndjerin, ta shpërblejë me Xhenetul-Firdaus, ndërsa familjes së tij t’i japë forcë dhe sabër.

Allahu e mëshiroftë dhe e bëftë prej banorëve të Xhenetit!

Ju falënderojmë për pjesëmarrjen dhe mirëkuptimin.

Kryesia e Xhamisë Paqja – Basel

27/08/2026

📢 LAJMËRIM

Mirë se na erdhe hoxhë Dr. Hfz. Muzafer ef. Ramadani

Me kënaqësi ju njoftojmë se kemi privilegjin ta kemi në mesin tonë hoxhën e nderuar Dr. Hfz. Muzafer ef. Ramadani, Imam në xhaminë tonë.

Aktivitetet e përditshme dhe javore:

☕ Çdo ditë pas namazit të sabahut – “Kafe me hoxhën”: një kohë e veçantë dhe frymëzuese për xhematin me këshilla, hadithe, ajete kuranore dhe muhabet vëllazëror.

📖 Çdo ditë para namazit të drekës – Lexim i Kuranit.

📚 Të premten – Ligjërata para namazit të xhumas të grupit të parë dhe para namazit të xhumas të grupit të dytë.

🕌 Të dielën para namazit të drekës – Ligjëratë javore.

👨‍👩‍👧‍👦 Mësim i leximit të Kuranit – Për fëmijë dhe të rritur.
.. dhe shumë aktivitete të tjera që do të na pasurojnë shpirtërisht.

Ejani dhe përfitoni nga dija e hoxhës dhe nga zëri i tij i mrekullueshëm që Allahu i Madhëruar ia ka dhuruar.

24/08/2026

🌸 Esselamu alejkum, motra të nderuara! 🌸

Xhamia PAQJA ju fton në një mbrëmje të veçantë me dije, besim dhe frymëzim, nën ligjërimin e teologes Hfz. Emine Sopi.

📅 E premte, 28.08.2026
🕖 Ora 19:00
📍 Schönaustrasse 65, 4058 Basel

Në fund do të shërbehen ëmbëlsira dhe kafe. ☕🍰
Pjesëmarrja është vetëm për femra.

Mirë se vini! 🤍

09/08/2026

🌸 SELAM ALEJKUM! 🌸

📚📖📐📏🧮🖊️ Nesër fillon një rrugëtim i ri për fëmijët tanë… ❤️

Çanta në shpinë, librat në duar dhe ëndrrat në zemër… 🎒📚✨
Për disa është dita e parë e shkollës, për disa fillimi i një viti tjetër shkollor, por për të gjithë është një hap i ri drejt dijes dhe së ardhmes.

Fjala e parë që Allahu i Madhëruar ia shpalli Pejgamberit tonë Muhamed ﷺ ishte:

﴿اقْرَأْ بِاسْمِ رَبِّكَ الَّذِي خَلَقَ﴾

“Lexo me emrin e Zotit tënd, i Cili krijoi!”
(El-Alek, 96:1)

Ky ajet na kujton vlerën e madhe që Islami i jep leximit, dijes dhe mësimit. Prandaj, çdo hap i fëmijëve tanë drejt shkollës është edhe një hap drejt diturisë, zhvillimit dhe një të ardhmeje më të mirë. 📖✨

🤲 O Allah, na i ruaj fëmijët tanë!
Shikoji me mëshirën Tënde në çdo hap që hedhin.
Ndriçoju mendjen me dije, zemrën me iman dhe rrugën me sukses.
Largoji nga çdo e keqe, shoqëroji me njerëz të mirë dhe bëji gëzim për sytë dhe qetësi për zemrat e prindërve të tyre. 🤍

Urojmë që ky vit shkollor të jetë i mbushur me hajr, bereqet, dije, suksese dhe momente të bukura. 🌷

Sepse pas çdo fëmije që shkon në shkollë qëndron një prind që lutet në heshtje:

“O Zot, ruaje fëmijën tim, udhëzoje dhe bëje të suksesshëm!” 🤲❤️

✨ Fillim të mbarë e të hajrit, fëmijë të dashur!
Allahu ju ruajtë, ju udhëzoftë dhe ju dhëntë dije të dobishme e suksese pa fund! 🌹

Me shumë selame dhe dashuri,
🤍 Kryesia e Xhamisë Paqja – Basel

08/07/2026

📢 LAJMËRIM

Mirë se na erdhe, hoxhë Ferdi ef. Iseni!

Me kënaqësi të madhe ju njoftojmë se kemi privilegjin të kemi në mesin tonë hoxhën e nderuar Ferdi ef. Iseni, imam në xhaminë tonë.

Aktivitetet e përditshme dhe javore:

☕ Çdo ditë pas namazit të sabahut – “Kafe me hoxhën”: një kohë e veçantë dhe frymëzuese për xhematin, me këshilla, hadithe, ajete kuranore dhe muhabet vëllazëror.

📖 Çdo ditë para namazit të drekës – Lexim i Kuranit.

📚 Të premten – Ligjërata para namazit të xhumasë (për grupin e parë dhe grupin e dytë).

🕌 Të dielën para namazit të drekës – Ligjëratë javore.

👨‍👩‍👧‍👦 Mësim i leximit të Kuranit – Për fëmijë dhe të rritur.

✨ …dhe shumë aktivitete të tjera që do të na pasurojnë shpirtërisht.

Ju mirëpresim të gjithëve të përfitoni nga dija e hoxhës dhe nga zëri i tij i bukur që Allahu i Madhëruar ia ka dhuruar.

Kryesia
Xhamia Paqja Basel

24/06/2026

Mbrëmje e veçantë me nxënësit e Xhamisë Paqja

Më 23 qershor 2026, nxënësit e Xhamisë Paqja, së bashku me baballarët e tyre dhe hoxhën, kaluan një mbrëmje të mbushur me dashuri, respekt dhe vëllazëri.

Pas një darke të përbashkët nga Tacos Grill, fëmijët shijuan aktivitete sportive si pingpongu, basketbolli dhe futbolli, duke forcuar miqësinë dhe frymën e bashkimit. Më pas, të gjithë u drejtuan në xhami për faljen e namazit të akshamit.

Pas namazit, hoxha Ramil Sherifi i përgëzoi nxënësit për përfundimin e vitit mësimor dhe i porositi që të vazhdojnë lidhjen e tyre me Kuranin kudo që të jenë. Në fund, kryetari i xhamisë, Ramazan Xhaferi, falënderoi nxënësit dhe prindërit për besimin dhe përkushtimin e tyre, duke theksuar se fëmijët janë pasuria më e madhe e xhamisë dhe shpresa e së ardhmes.

Kjo mbrëmje dëshmoi edhe një herë se Xhamia Paqja është vatër edukimi, dashurie dhe vëllazërie, ku fëmijët rriten me Kuranin në zemër dhe me respekt për njëri-tjetrin.

Allahu i bekoftë të gjithë nxënësit, prindërit dhe kontribuuesit e kësaj vepre të mirë.

Xhamia Paqja
23 Qershor 2026 🤍📖⚽🏀🏓🌮📸

20/06/2026

Vizitë vëllazërore në Xhaminë Tulipan – Reinach

Më 19 qershor 2026, pas vizitës vëllazërore në Xhaminë Ardhmëria në Lenzburg, kryesia e Xhamisë Paqja vazhdoi mbrëmjen me një vizitë në Xhaminë Tulipan në Reinach.

Në Xhaminë Tulipan u pritëm me shumë ngrohtësi dhe dashamirësi nga kryesia, imamët dhe xhemati i saj, të cilët na bënë të ndiheshim si në shtëpinë tonë.

Namazi i jacisë u fal nën drejtimin e imamit të Xhamisë Paqja, Ramil ef. Sherifi, i cili ndau edhe një mesazh të bukur mbi rëndësinë e xhamisë si vatër e besimit, edukimit dhe ruajtjes së identitetit tonë në mërgim.

Gjatë kësaj vizite, patëm mundësinë të njihemi më nga afër me ambientet dhe veprimtarinë e Xhamisë Tulipan. Kjo vizitë na la mbresa të veçanta dhe na frymëzoi, ndërsa shprehim mirënjohjen tonë për të gjithë ata që kanë kontribuar në ndërtimin dhe zhvillimin e kësaj xhamie të bukur.

Përfaqësuesit e Xhamisë Tulipan na uruan gjithashtu për blerjen e xhamisë së re shqiptare në Basel, ndërsa kryetari i Xhamisë Paqja, Ramazan Xhaferi, falënderoi nikoqirët për mikpritjen vëllazërore dhe shprehu dëshirën që këto lidhje të mira të vazhdojnë të forcohen edhe më tej.

Allahu i bekoftë xhamitë tona dhe të gjithë ata që kontribuojnë në shërbim të fesë dhe të komunitetit tonë.

20/06/2026

Vizitë vëllazërore në Xhaminë Ardhmëria dhe Xhaminë Tulipan

Më 19 qershor 2026, kryesia e Xhamisë Paqja pati kënaqësinë të realizojë dy vizita vëllazërore në xhamitë shqiptare në Zvicër. Gjatë kësaj mbrëmjeje, fillimisht vizituam Xhaminë Ardhmëria në Lenzburg, ndërsa më pas vazhduam vizitën në Xhaminë Tulipan në Reinach.

Në Xhaminë Ardhmëria u pritëm ngrohtësisht nga kryesia, imami dhe xhemati i saj, të cilët na mirëpritën me respekt dhe dashamirësi, duke dëshmuar edhe një herë frymën e bukur të vëllazërisë që na bashkon.

Imami i Xhamisë Paqja, Ramil ef. Sherifi, na priu në faljen e namazit të akshamit me zërin e tij të bukur dhe mbajti një fjalë përshëndetëse, duke rikujtuar rëndësinë e xhamive tona në ruajtjen e identitetit fetar dhe kombëtar në mërgatë.

Përfaqësuesit e Xhamisë Ardhmëria na uruan për blerjen e xhamisë së re shqiptare në Basel, ndërsa kryetari i Xhamisë Paqja, Ramazan Xhaferi, falënderoi nikoqirët për mikpritjen dhe theksoi rëndësinë e forcimit të bashkëpunimit dhe lidhjeve ndërmjet xhamive tona.

U ndamë me dëshirën që këto takime vëllazërore të vazhdojnë edhe në të ardhmen, duke forcuar unitetin dhe afërsinë mes komuniteteve tona.

Allahu e bekoftë këtë bashkëpunim dhe na bashkoftë gjithmonë në të mira.

16/06/2026

🌙✨ Gëzuar Vitin e Ri Hixhri 1448 ✨🌙

Me rastin e fillimit të Vitit të Ri Hixhri 1448, Xhamia Paqja në Basel uron të gjithë besimtarët dhe familjet e tyre për një vit të mbushur me mëshirën, paqen dhe begatitë e Allahut të Madhëruar.

Le të jetë ky vit një mundësi për t’u afruar më shumë me Krijuesin tonë, për të forcuar besimin, për të shtuar dijen dhe për të kultivuar dashurinë, unitetin dhe vëllazërinë mes nesh.

Lusim Allahun e Lartësuar që t’i pranojë veprat tona të mira, të na dhurojë shëndet, mirësi dhe suksese në çdo hap, si dhe ta bëjë këtë vit të ri një fillim të bekuar për ne dhe familjet tona.

“Allahu e bëftë këtë vit të mbarë, të bekuar dhe të pranuar!”

🌿 Me respekt dhe urimet më të sinqerta,
Xhamia Paqja – Basel
📍 Schönaustrasse 65, 4058 Basel

Adresse

Schönaustrasse 65
Basel
4058

Webseite

https://paqjabasel.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Xhamia Paqja Basel erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.