Punjabi Bible Verse

ਅੱਜਕੱਲ੍ਹ ਮਸੀਹੀਅਤ ਨੂੰ ਇਸ ਤਰ੍ਹਾਂ ਪੇਸ਼ ਕੀਤਾ ਜਾ ਰਿਹਾ ਹੈ ਜਿਵੇਂ ਕਿ ਇਹ ਕੋਈ ਧਰਮ ਹੋਵੇ। ਲੋਕਾਂ ਨੂੰ ਗਿਰਜਿਆਂ ਵਿੱਚ ਜਾਣ ਨੂੰ ਹੀ ਮਸੀਹੀਅਤ ਦੀ ਬੰਦਗੀ ਕਿਹਾ ਜਾਣ ਲੱਗ ਪਿਆ ਹੈ। ਭੋਲੇ-ਭਾਲੇ ਲੋਕ ਉਸੇ ਨੂੰ ਸੱਚ ਮੰਨਦੇ ਹਨ ਜੋ ਪਾਸਟਰ ਕਹਿੰਦਾ ਹੈ, ਪਰ ਖੁਦ ਨਾ ਤਾਂ ਬਾਈਬਲ ਨੂੰ ਪੜ੍ਹਦੇ ਹਨ ਅਤੇ ਨਾ ਹੀ ਸਵਾਲ ਕਰਦੇ ਹਨ। ਜੋ ਲੋਕ ਸਵਾਲ ਕਰਨ ਦਾ ਹੌਂਸਲਾ ਕਰਦੇ ਹਨ, ਉਹਨਾਂ ਨੂੰ ਇਹ ਕਹਿ ਕੇ ਚੁੱਪ ਕਰਵਾ ਦਿੱਤਾ ਜਾਂਦਾ ਹੈ ਕਿ "ਤੁਹਾਡੇ ਵਿੱਚ ਦੁਸ਼ਟ ਆਤਮਾ ਹੈ", "ਤੁਸੀਂ ਪ੍ਰਾਰਥਨਾ ਨਹੀਂ ਕਰਦੇ

" ਵਗੈਰਾ-ਵਗੈਰਾ। ਪਰ ਅਸਲ ਵਿੱਚ ਅੱਜਕੱਲ੍ਹ ਦੇ ਬਹੁਤੇ ਪਾਸਟਰਾਂ ਨੂੰ ਪੜ੍ਹੇ-ਲਿਖੇ ਜਾਂ ਸੋਚਣ ਵਾਲੇ ਲੋਕ, ਜੋ ਸਵਾਲ ਕਰਦੇ ਹਨ, ਪਸੰਦ ਨਹੀਂ ਕਿਉਂਕਿ ਉਹਨਾਂ ਨੂੰ ਖੁਦ ਉਨ੍ਹਾਂ ਸਵਾਲਾਂ ਦੇ ਜਵਾਬ ਨਹੀਂ ਪਤਾ ਹੁੰਦੇ।

ਅੱਜਕੱਲ੍ਹ ਹਰ ਕੋਈ ਪਾਸਟਰ ਬਣਿਆ ਫਿਰਦਾ ਹੈ। ਕੋਈ ਚਾਰ ਬਾਈਬਲ ਦੇ ਅਧਿਆਏ ਪੜ੍ਹ ਕੇ ਪ੍ਰਚਾਰ ਕਰਨ ਲੱਗ ਜਾਂਦਾ ਹੈ ਅਤੇ ਕੋਈ ਬਾਈਬਲ ਸਕੂਲਾਂ ਵਿੱਚ ਦੋ-ਤਿੰਨ ਸਾਲ ਬਿਤਾ ਕੇ ਸਮਝਦਾ ਹੈ ਕਿ ਉਸਨੂੰ ਪੂਰਾ ਗਿਆਨ ਆ ਗਿਆ। ਪਰ ਇਹ ਨਮੂਨਾ ਬਾਈਬਲ ਵਿੱਚ ਕਿਤੇ ਨਹੀਂ ਮਿਲਦਾ ਜਿਵੇਂ ਕੋਈ ਇਸ ਤਰ੍ਹਾਂ ਕਰਦਾ ਹੋਵੇ।

ਜਦੋਂ ਅਸੀਂ ਬਾਈਬਲ ਨੂੰ ਆਪ ਪੜ੍ਹਦੇ ਹਾਂ ਤਾਂ ਪਤਾ ਚਲਦਾ ਹੈ ਕਿ ਪਵਿੱਤਰ ਆਤਮਾ ਆਪ ਮਨੁੱਖ ਨੂੰ ਸਿਖਾਉਂਦਾ ਹੈ। ਜਿਵੇਂ ਕਿ ਲਿਖਿਆ ਹੈ: "ਉਹ ਸੱਚਾਈ ਦਾ ਆਤਮਾ ਜਦੋਂ ਆਵੇਗਾ, ਤਾਂ ਤੁਹਾਨੂੰ ਪੂਰੀ ਸੱਚਾਈ ਵਿੱਚ ਅਗਵਾਈ ਕਰੇਗਾ ਅਤੇ ਤੁਹਾਨੂੰ ਹੋਣ ਵਾਲੀਆਂ ਗੱਲਾਂ ਦੱਸੇਗਾ।" (ਯੂਹੰਨਾ 16:13) ਪਰ ਇਸ ਨਮੂਨੇ ਦੀ ਬਜਾਏ, ਹੁਣ ਹਰ ਛੋਟੀ-ਵੱਡੀ ਗੱਲ ਨੂੰ ਨਮੂਨੇ ਦੇ ਤੌਰ 'ਤੇ ਕਹਿ ਦਿੱਤਾ ਜਾਂਦਾ ਹੈ ਕਿ "ਇਹ ਬਾਈਬਲ ਵਿੱਚ ਲਿਖਿਆ ਹੈ"। ਪਰ ਲੋਕੋ, ਬਾਈਬਲ ਵਿੱਚ ਇਹ ਵੀ ਲਿਖਿਆ ਹੈ, ਉਹ ਵੀ ਤਾਂ ਪ੍ਰਚਾਰ ਕਰੋ!

ਇਸ ਪੇਜ਼ ਦੇ ਰਾਹੀਂ ਲੋਕਾਂ ਨੂੰ ਸੱਚਾਈ ਦੇ ਬਾਰੇ ਦੱਸਿਆ ਜਾਵੇਗਾ (ਸਿਖਾਇਆ ਨਹੀਂ ਜਾਵੇਗਾ)। ਜੋ-ਜੋ ਗਲਤ ਪ੍ਰਚਾਰ ਹੋ ਰਿਹਾ ਹੈ, ਉਸ ਬਾਰੇ ਵੀ ਦੱਸਿਆ ਜਾਵੇਗਾ। ਤੁਸੀਂ ਆਪਣੇ ਸੁਝਾਅ ਅਤੇ ਸਵਾਲ ਇਸ ਪੇਜ਼ ਦੇ ਰਾਹੀਂ ਭੇਜ ਸਕਦੇ ਹੋ।

ਪ੍ਰਭੂ ਤੁਹਾਨੂੰ ਬਰਕਤ ਦੇਵੇ।