https://www.facebook.com/110473828629889/

柴娃娃唱遊小組 Chaiwawa Singing Group

Home
Canada
Toronto, ON
柴娃娃唱遊小組 Chaiwawa Singing Group

柴娃娃唱遊小組於2020年成立，2024年註冊為非牟利機構，希望藉由唱兒童詩歌的方式帶給我們下一代學習地道廣東話與認識福音的機會。鼓勵長輩陪同孩子一起參與課堂，並於課後與子女一同練習。讓此成為認識基督教信仰、培養品德的親子活動。

柴娃娃唱遊小組於2020年成立，希望藉由唱兒童詩歌的方式帶給我們下一代學習地道廣東話與認識福音的機會。我們鼓勵家長或長輩陪同小朋友一起參與課堂，並於課後與子女一同練習。讓此成為認識基督教信仰、培養品德的親子活動。歡迎基督徒及非基督徒家庭參加。

03/31/2026

🌿【一齊走過聖週 Holy Week】

隨著棕枝主日過去，聖週正式開始。

你哋有冇試過同小朋友一齊走過耶穌最後呢一段路？由進入耶路撒冷，到潔淨聖殿、最後的晚餐，
再到十字架、空嘅墳墓，直到復活嘅清晨——呢一條路，唔單止係一個個嘅故事，佢係一段可以一家人一齊經歷、默想嘅旅程。

👨‍👩‍👧‍👦 柴娃娃唱遊小組誠意邀請每一個家庭：
喺呢一個星期，每日用少少時間，
同小朋友一齊分享下當日嘅故事、討論一下、做一個簡單禱告。每日只需要少少時間，就可以一齊走近耶穌多一步。

✨ 雖然有時小朋友未必即刻明白，但呢啲一齊同行嘅時間，會喺佢哋心入面埋下真理嘅種子。

願所有參與柴娃娃嘅家庭，都能夠喺日常生活中，一齊看見耶穌、認識佢、跟隨佢。

你今日搵到耶穌未呀？

02/17/2026

年廿七，柴娃娃唱遊小組出隊參與社區的一個農曆新年年宵活動 🎊,小朋友們用歌聲，向大家拜年、傳喜訊、送上滿滿祝福 ❤️, 為新春佳節增添喜慶氣氛。

多謝主辦單位邀請 Ontario York Region Heritage Lions Club ，亦感謝每一位家長的支持和配合 🙏

柴娃娃唱遊小組團隊祝大家：
🧧 家庭和樂
🧧 身體健康
🧧 主恩滿溢
🧧 喜樂平安

新春快樂 🌸

On the Feb 14 , ChaiWaWa Singing Group participated in a community Lunar New Year Fair 🎊
Through songs and smiles, our children greeted everyone, shared joyful news, and offered heartfelt New Year blessings ❤️,
Adding festive cheer to the celebration.
Our sincere thanks to the organizer, Ontario York Region Heritage Lions Club, for the invitation,
and to every parent for your support and cooperation 🙏

The ChaiWaWa Singing Group team wishes you:
🧧 Family harmony
🧧 Good health
🧧 Abundant grace
🧧 Joy and peace

Happy Lunar New Year 🌸

02/14/2026

柴娃娃唱遊小組將於聽日（二月十四日）12點15分喺朗豪坊報佳音. 請多多支持！我哋亦都會有個攤位，嚟睇下啦！

02/11/2026

大家係咪開始喺度搵緊summer camp呢？今年柴娃娃唱遊小組會聯同萬民衛斯理社區服務中心舉辦粵語兒童聖經日營一加港零食Fun! 現已接受報名喇👇🏻https://pci.jotform.com/form/260206593843055

12/25/2025

「因有一嬰孩👶🏻為我們而生，有一子賜給我們。」
—— 以賽亞書 9:6

在這個十二月，柴娃娃唱遊小組懷着感恩的心，與孩子及家庭一同回應主的愛，走進社區服侍他人🥰

期間，我們舉辦了一場家長工作坊，與家長一同思考如何在日常生活中陪伴孩子實踐關懷與信仰；同時，也將所學付諸行動，先後到訪老人院報佳音，並於基石宣道會週六崇拜中獻唱🎤，與社區分享聖誕的喜樂與祝福。

✨ 祝大家聖誕快樂🎄，主恩滿溢。
願平安、喜樂與盼望，臨到每一個家庭。

“For to us a child 👶🏻is born,
to us a son is given.”
— Isaiah 9:6

This December, Chaiwawa Singing Group is grateful to walk alongside children and families as we respond to God’s love through serving the community.🥰

During this season, we held a parent workshop to reflect together on how families can accompany children in practising care, compassion, and faith in daily life. We also put these reflections into action by visiting seniors’ homes for Christmas caroling and by offering songs 🎤during the Saturday worship service at Cornerstone Chinese Alliance Church, sharing the joy of Christmas with the wider community.

✨ Wishing you a joyful Christmas🎄 and God’s abundant grace.
May peace, joy, and hope be with every family.

11/27/2025

相信大家都已得悉昨日香港發生的嚴重火災，造成多名死傷及多人失蹤。
💛 我們當中有不少家長來自香港，看到這些新聞時特別容易受到觸動，甚至有人認識受災者，因而倍感不安、心痛與牽掛。

由於事件成為國際焦點，小朋友有可能在不同途徑接觸到相關影像或資訊，包括：
📱 YouTube 自動播放的片段
📺 家長觀看新聞時的畫面
📸 社交媒體上的短片或照片
🧩 在學校聽到老師或同學的討論

因此，孩子提出問題是自然的反應，問題亦可能相當直接，例如：
「為什麼會有火？」
「有沒有人死亡？」
「為什麼會有人離世？」
「為什麼消防員也會遇上危險？」
作為家長，我們有需要以適切的方式回應。

---

👨‍👩‍👧‍👦 家長可如何回應孩子？

① 保持冷靜，先處理情緒，再處理問題

孩子在接觸到災難訊息後，可能出現疑惑、不安或情緒反應。
可先回應：
「我聽得出你可能有些不安或疑惑，我會在這裡陪着你。」
讓孩子獲得情緒上的安全感，較容易接受進一步解釋。

---

② 提供簡單、真實但不過度驚嚇的解說

示例：
「香港一幢大廈發生火災，有一些人受傷。消防和醫護人員正在努力拯救。」

避免：
❌ 具體或血腥細節
❌ 過度驚慄的描述
❌ 會引起強烈恐懼的內容

以「足夠理解」為原則，而非「詳細呈現」。

---

③ 回應孩子最核心的疑問：『我們是否安全？』

可溫和地說：
「我們現時身處安全的環境，大人會保護你。」
「如遇到危險，大人知道如何處理。」

這能協助孩子降低焦慮感。

---

④ 告訴孩子：世界上仍有許多人在努力保護大家

例如：
「消防員、醫護人員和其他專業人士正在盡力協助受影響的人。」
這能讓孩子明白，世界並非只有災難，也充滿着支援、力量與希望。

---

⑤ 協助孩子以可承受的方式表達關心

例如：
🖍️ 繪畫一幅「祝願平安」的圖畫
🙏（如家庭有宗教信仰）一起祈禱
💛 說一句祝福語

這能讓孩子將情緒轉化為更溫和、正向的行動。

---

在面對此類新聞時，家長本身亦可能受到情緒影響，因此：
💛 請容許自己有情緒反應
💛 也請善待自己，因為照顧好自己，方能照顧好孩子

【備註】
以上建議屬一般性指引，旨在協助家長在面對重大事件時，以適切方式回應兒童的提問並維持其情緒穩定。由於每名兒童的年齡、性格、生活經驗及情緒承受能力均有所不同，家長可按實際需要作出調整。若孩子出現持續焦慮、睡眠困難或明顯不安，建議尋求兒童心理或醫護專業人士的協助，以獲得更適切的支援。

---

🙏 願香港平安。
🙏 願受影響的家庭得到力量與安慰。
💛 願我們珍惜家中每一個平安的時刻。

11/15/2025

🌿【家長反思系列｜把最好的時間給神，也給最重要的人】🌿

上一次嘅柴娃娃聚會，我哋講咗《馬大與瑪利亞》嘅故事。
耶穌好溫柔咁提醒馬大：「不可少的只有一件。」
而瑪利亞揀咗上好嘅福份——就係坐喺耶穌腳前，親近佢。

喺親子活動入面，每個家庭都寫咗
「每日用得最多時間做嘅五件事」。

好多家庭都寫：
💬 返工、返學、瞓覺...

當中亦有：
💬 照顧家庭、煮飯、睇電視、打機...

睇落都係好真實、好日常。
但同時亦反映咗一樣嘢——
原來我哋每日都好忙碌，我哋最珍貴嘅時間都已經排得好滿。

✨ 馬利亞嘅故事提醒咗我們：
忙碌嘅事可以暫時放低，但同主耶穌相處嘅時間係唔可以被取代。

同樣地，當我哋愛一個人，就會願意將寶貴嘅時間俾佢。
家長能送給小朋友最好的禮物，
並唔係玩具、唔係補習、亦唔係安排滿滿的活動，而係：
💛 undivided attention──專心陪伴，不被打擾嘅時間。

「父母能夠給孩子最好的禮物是陪伴；孩子能夠給父母最好的禮物是回憶」

🕊️ 反思問題：
👉 喺每日繁忙嘅生活入面，我有冇留一小段時間比耶穌？
👉 我又有冇留一小段真正專注的時間，比我最愛嘅家人？

願我哋都能夠學效瑪利亞，選上好的福份──
把最好的，留俾神，亦留俾家人。🌈

#柴娃娃家長反思系列 #上好的福份 #親子靈修 #專注陪伴 #家庭信仰成長

11/01/2025

🌿【家長反思系列｜信仰的改變，影響孩子的生命】🌿

喺最近嘅家長反思環節入面，好多家長都分享咗自己信主之後嘅改變，例如：
💬「可以有平安」
💬「由自我為中心，變成以神為中心」
💬「變得感恩、懂得感謝」
💬「信耶穌後改變了講大話的習慣」
💬「感受到被愛」

呢啲改變，其實唔只影響自己，更深深影響住我哋嘅小朋友。🌱

👨‍👩‍👧‍👦 當父母活出信仰，小朋友就會透過生活見到耶穌。
當佢哋見到父母面對困難仍然平安、犯錯後願意悔改、忙碌中仍然感恩，佢哋就會學識：
👉「信仰唔只喺教會出現，喺生活入面都真實存在。」

🕊️ 孩子從父母的改變中，看見神的真實。
當父母由「以自我為中心」變成「以神為中心」，
小朋友就學到：人生唔係靠自己，而係可以依靠神。
當父母變得更感恩、誠實、溫柔，
小朋友就自然明白：信耶穌係一種愛嘅力量。💗

🙏 深度反思：
👉 我希望子女見到我哋咩改變？
👉 呢個改變可以點樣幫助到佢哋？

我哋一齊努力，透過我哋嘅生命，帶小朋友更認識嗰位好愛我哋嘅主。🌈

#柴娃娃家長反思系列 #信仰的影響力 #家庭靈命成長 #以生命影響生命

10/19/2025

🌿【家長反思系列｜在忙碌中，點樣帶孩子親近耶穌？】🌿

好多家長都分享咗一啲關於同小朋友分享信仰嘅困難：
💬「工作忙、要照顧小朋友、仲要處理好多瑣事…」
💬「有時太攰，靈修同禱告都好難堅持。」
💬「覺得自己未必係個好榜樣。」

其實，我哋都明白——
現今社會，生活真係好忙碌，
但喺忙碌入面，我哋仍然可以一步步帶小朋友去到耶穌面前。

🕊️ 唔需要多，只要幾個小習慣：

✨ 1️⃣ 一齊禱告，不論長短。
可以係早餐前、瞓覺前，甚至返學途中。
一句「主啊，今日請保守我哋」都係好嘅開始。

✨ 2️⃣ 將信仰放入日常對話。
見到天上嘅雲、花、彩虹，都可以講：「呢啲都係天父造㗎！」
幫小朋友喺生活中認識創造主。🌈

✨ 3️⃣ 用音樂同故事同耶穌連結。
唱詩歌、講聖經故事、為柴娃娃獻唱練習，就算只係五分鐘，神都可以使用嗰一刻。🎵

✨ 4️⃣ 以真實代替完美。
有時我哋都會攰、會嬲、會冇耐性，但當小朋友見到我哋軟弱嘅時候會禱告、會道歉、會重新開始，
佢哋就知道雖然爸爸媽媽唔係完美，但我哋能夠成為佢哋「依靠主」嘅榜樣。💞

🌟 反思問題：
👉 我最近一次同孩子一齊禱告係幾時？
👉 如果我今日太忙，有冇一個小方法仍能提醒佢：耶穌愛佢？

「讓小孩子到我這裡來，不要禁止他們。」
—— 馬可福音 10:14

柴娃娃唱遊小組祝願每個家庭喺忙碌中經歷神嘅恩典，學習一齊行喺耶穌嘅愛裡面。🤍

#柴娃娃家長反思系列 #親子靈修 #日常中的信仰 #跟隨耶穌

10/06/2025

柴娃娃唱遊小組祝大家中秋節快樂！ 🌕✨

喺中秋前夕嘅聚會入面，大家都好開心一齊慶祝節日～🎉👨‍👩‍👧‍👦💫
除咗👣追蹤耶穌✝️，小朋友仲有機會認識華人傳統節日，仲可以一齊食下月餅🥮！

💛

#柴娃娃唱遊小組 #中秋節快樂 #親子同樂 #追蹤耶穌 #文化體驗

ChaiWaWa Singing Group wishes everyone a Happy Mid-Autumn Festival! 🌙✨

At our pre-festival gathering, everyone had so much fun celebrating together! 🎉👨‍👩‍👧‍👦💫
Besides👣 following Jesus ✝️, the kids also got to learn about Chinese traditions and enjoy some mooncakes 🥮！

💛

Address

Toronto, ON

Website

facebook.com

Alerts

Be the first to know and let us send you an email when 柴娃娃唱遊小組 Chaiwawa Singing Group posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to 柴娃娃唱遊小組 Chaiwawa Singing Group:

Shortcuts

Want your place of worship to be the top-listed Place Of Worship in Toronto?