Kisha Ungjillore Shqiptare

09/01/2026

Miredita miq ne Zotin. Kujtese miqesore qe takimi mujor per Shtatorin per besimtaret shqiptare ne USA dhe Kanada eshte sot (E Marte) ne oren 8 pm EST deri ne 9pm. Eshte i njejti link si cdo muaj https://us06web.zoom.us/j/84607969196... Password 051116 Meeting ID 846 0796 9196 Do ndajme se cfare mund te bejme sebashku me mire. Sillni eksperiencen tuaj dhe si e shikoni bashkepunimin apo mundesite per te bere te miren ne komunitet, por gjithashtu dhe si ta perhapim ungjillin tek shqiptaret e tjere ne Ameriken e Veriut. Miresete mblidhemi si shqiptare qe e duan Zotin dhe qe jemi ne kete hapesire gjeografike te Amerikes se Veriut.

08/28/2026

https://kishashqiptare.ca/kush-thote-se-paraja-nuk-sjell-lumturine/

Nga: Robert J. Tamasy Çdo kulturë ka proverbat e saj, fjalë të urta që i kanë rezistuar kohërave e që kanë kaluar nga brezi në brez duke u pranuar si të vërteta. Por jo …

08/15/2026

https://kishashqiptare.ca/puna-e-perditshme-si-sherbim-ndaj-perendise/ Reflektimi i sotshem mbi punen

Në një ditë prej 24 orësh, një pjesë e madhe e kohës sonë kalon duke fjetur, duke përgatitur dhe ngrënë ushqim, dhe mbi të gjitha, duke punuar. Orët që mbeten zakonisht janë ato që marrin …

08/06/2026

Kujtese per bashkebesimtaret ne Toronto qe sherbesa mujore e te djeles eshte kete jave ne oren 5.30 pm. Miresetevini me miq dhe kureshtare. 36 Broadlands Blvd.

08/06/2026

Jezusi u lut për unitetin e besimtareve

Gjoni 17:20–23 "...që të gjithë të jenë një, ashtu si Ti, o Atë, je në mua dhe unë në Ty..."

Pak orë para kryqëzimit, Jezusi nuk mendonte për dhimbjen e Tij.

Ai mendonte për Kishën.

Në lutjen e Tij të fundit, Ai nuk kërkoi që dishepujt të mos kalonin sprova. Nuk kërkoi pasuri apo sukses per ta.

Ai kërkoi unitet.

Kjo na tregon se uniteti nuk është një çështje dytësore. Ai është në zemrën e Krishtit.

Kur Kisha jeton në unitet, ajo pasqyron marrëdhënien mes Atit dhe Birit. Nuk ekziston një model më i lartë se ky.

Bota nuk bindet vetëm nga predikimet tona.

Bota bindet kur sheh dashurinë tonë.

Kur besimtarët falin njëri-tjetrin, i shërbejnë njëri-tjetrit dhe ecin së bashku, atëherë ungjilli bëhet i dukshëm.

Një kishë e bashkuar është predikimi më i fuqishëm që mund të dëgjojë një qytet.

A do ta përshkruanin njerëzit kishën shqiptare si një komunitet të bashkuar?

Te ftoj te lutesh: ""Zot Jezus, faleminderit që u lute edhe për mua. Ndihmomë të mos jem shkak përçarjeje, por paqeje. Më mëso të dua vëllezërit dhe motrat e mia ashtu si Ti na ke dashur. Bëje kishën tonë një dëshmi të gjallë të dashurisë Tënde. Amen."

08/03/2026

Kujtese miqesore qe takimi mujor per Gushtin per besimtaret shqiptare ne USA dhe Kanada eshte nesër (E Marte) ne oren 8 pm EST deri ne 9pm. Eshte i njejti link si cdo muaj https://us06web.zoom.us/j/84607969196... Password 051116 Meeting ID 846 0796 9196 Sillni nje teme qe mund te jete e rendesishme per t'u diskutuar ne grup. Per disa prej jush eshte nje mundesi per te sjellur kerkesat e lutjes. Miresete mblidhemi si shqiptare qe e duan Zotin dhe qe jemi ne kete hapesire gjeografike te Amerikes se Veriut.

07/28/2026

A po rritesh?

Miq, jam i rrethuar me njerez qe po rriten. Ne moshe- me vite mbi supe. Ne profesionalizem-me eksperience. Ne vlere monetare - me investime apo kursime. Ne shoqeri - duke testuar, provuar, zhgenjyer por pa hequr dore.

Po shpirterisht a po rriten ata rreth meje? Mendoj dhe shpresoj qe po, sepse rritja shpirterore nuk eshte gjithmone lehte ta masesh, por mund te them per ata qe i njoh nese po rriten shume ose pak.
Apostulli Gjon i drejtohet tre grupeve besimtaresh: pleqve, te rinjve dhe femijeve. Apostulli Pal ndersa i shkruan Korintasve thote qe ai thashme nuk mendonte dhe vepronte si femije - ai i kishte flakur mendimet femijerore.
Procesi normal eshte rritja. Nese nuk ka rritje atehere jeta e nje besimtari eshte anormale. Apostulli Pal qorton kur thote se ndersa ju duhet te ish*t mesues te tjereve, ende presin tju ushqejne se bebet. U drejtohet besimtareve qe nuk duan pergjegjesi, por duan qe t'u sherbehet me fjale, sherbim dhe plotesim nevojash. Por vete Pali i kishte hedhur tutje keto pritje femijesh, dhe kishte marre rolin e sherbyesit qe e ka cdo i rritur dhe prind.

A po rritesh vlla dhe moter? Sot ndoshta per here te 100te ktheju zerit qe te ka ftuar ne te kaluaren per te bere ate qe natyra njerezore nuk ta deshiron. Thuaji PO, deshires se Zotit dhe jo deshires tende vetjake. Bej dicka per d**e tjeter pa pritur te kthehet. Vendos qe te rritesh, qe te piqesh sepse ky eshte vullneti i Zotit.

07/27/2026

A po e kërkojmë vërtet Perëndinë?

Në leximin e sotëm u ballafaquam me një nga thëniet më të thella të Krishtit: "Lum ata që e kanë zemrën të pastër, sepse ata do ta shohin Perëndinë."

Kjo është njëkohësisht inkurajuese dhe sfiduese.

Është inkurajuese sepse na jep shpresë se njeriu mund ta shohë Perëndinë. Në shumë vende të Biblës thuhet se askush nuk mund ta shohë Perëndinë për shkak të shenjtërisë së Tij dhe mëkatshmërisë sonë. Megjithatë, Jezusi na zbulon se ekziston një rrugë drejt këtij privilegji të madh.

Por kjo fjalë është edhe sfiduese, sepse nuk thotë se *çdokush* do ta shohë Perëndinë, por vetëm *ai që ka zemër të pastër*.

Si besimtarë, shpesh na pëlqen t'i lexojmë vargjet biblike sipas mënyrës sonë të të menduarit. Në këtë rast mund të arsyetojmë se, për shkak se besojmë në Krishtin dhe kemi pranuar sakrificën e Tij, zemra jonë është tashmë e pastër. Kjo është e vërtetë në aspektin e shfajësimit përpara Perëndisë. Megjithatë, ky varg mund të kuptohet edhe si një thirrje për një jetë me motive të pastra. Nuk bëhet fjalë për njerëz që nuk mëkatojnë, por për ata që janë të prirur drejt pastërtisë, së mirës dhe shenjtërisë.

Të gjithë jemi të vetëdijshëm se, me dashje ose pa dashje, gjatë ditëve, javëve apo muajve, mund të bëhemi të shkujdesshëm në ecjen tonë me Krishtin. Mund të jetojmë pa vetëdijen e pranisë së Tij në përditshmëri dhe të kënaqemi me mendimin se jemi "automatikisht të pastër" vetëm sepse jemi besimtarë.

Unë do ta ftoja secilin prej nesh ta shohë këtë fjalë të Krishtit ndryshe: nën dritën e *rrugës së ngushtë*, e jo të *rrugës së gjerë*. Le të mos zgjedhim interpretimin që na pëlqen më shumë, por atë që është më pranë kuptimit biblik dhe synimit të vetë Krishtit.

Kur shohim gjendjen e kishës sot, qoftë të kishës sonë apo të kishës në përgjithësi, duket se pastërtia e zemrës nuk është ndër temat që diskutohen, predikohen apo kërkohen me ngulm në lutje. Shpesh duket sikur ende ndodhemi në një fazë të fëmijërisë shpirtërore, duke kërkuar më shumë duart e Perëndisë sesa fytyrën e Tij. Kërkojmë bekimet, por jo domosdoshmërisht Vetë Atë. Prandaj edhe mesazhi për pastërtinë e zemrës nuk na shqetëson aq sa duhet.

Thirrja për secilin prej nesh sot është të ndalemi dhe të pyesim veten:

* A e duam Perëndinë aq shumë sa themi?
* A e kërkojmë Atë me të njëjtin zell me të cilin kërkojmë gjërat e rëndësishme të jetës?
* Çfarë po bëjmë çdo ditë për ta orientuar zemrën tonë gjithnjë e më shumë drejt Tij?

Pastë mëshirë Zoti ndaj nesh kur zemrat tona bëhen të pandjeshme ndaj shenjtërisë së Tij. Dhe pastë hir të na pastrojë vazhdimisht, që një ditë të jemi ndër ata që do ta shohin Atë.**

07/15/2026

Reflektim:Mbjellja e vazhdueshme

Thirrja jonë si besimtarë dhe Kishë Shqiptare
Në leximin e sotëm të Ungjillit-Mateu 13:1-9, 18-23- shëmbëlltyra e mbjellësit na përball me një të vërtetë të thjeshtë, por jashtëzakonisht çliruese për jetën tonë shpirtërore dhe shërbesën tonë si komunitet besimtarësh qofshim.në diasporë apo trojet shqiptare.
Për shumë prej nesh, sidomos në kontekstin e një shoqërie që ndodhet në ndryshim të vazhdueshëm, është e lehtë të ndihemi të dekurajuar. Shpesh matim “suksesin” tonë bazuar te rezultatet që shohim: sa njerëz dëgjojnë mesazhin, sa vijnë në takime kishe, sa rriten në besim, apo sa ndikim ka Kisha jonë në ambientin përreth. Por a është ky vërtet përkufizimi biblik i suksesit? Çfarë kërkon Perëndia?
Përgjegjësia jonë është të hedhim farën.
Shëmbëlltyra e mbjellësit na kujton se ne kemi një rol specifik dhe shumë të rëndësishëm: ne jemi përgjegjës për shpërndarjen e farës.
Fara është Fjala e Perëndisë. Ne, si besimtarë shqiptarë dhe si trup i Krishtit (Kisha), jemi të thirrur ta mbjellim këtë farë kudo që jemi – në familjet tona, në vendet e punës, në lagjet tona dhe në marrëdhëniet tona të përditshme.
Ne nuk mund të kontrollojmë se si do të reagojë toka. Disa do të jenë si rruga, të tjerë si toka me gjemba apo gurë, dhe sigurisht, do të ketë edhe tokë pjellore që do të japë fryt. Kjo pjesë nuk është nën kontrollin tonë. Dhe megjithatë, pikërisht këtu shpesh lind frustrimi ynë: kur nuk shohim frytet që prisnim.
Si Kishë Shqiptare është një tundim i madh të ndjehemi sikur dështojmë nëse nuk shohim ndryshime të menjëhershme apo rritje të dukshme. Realiteti është që pjesa më e madhe e shqiptarëve nuk kanë prejardhje të krishterë dhe në mënyrë të natyrshme nuk janë duke kërkuar për udhën e ngushtë të Krishtit. Në këtë kontekst duhet të kujtojmë se suksesi nuk matet me përqindjen e frytit, por me besnikërinë tonë për të mbjellë.
Zoti nuk na kërkon të bëjmë që fara të rritet – Ai është Ai që jep rritjen. Ai na kërkon të jemi besnikë në mbjellje.
Nëse vazhdojmë të mbjellim me dashuri, durim dhe besim, pavarësisht nga reagimi i "tokës", ne jemi duke përmbushur thirrjen tonë.
Sot, më shumë se kurrë, nevojitet që besimtarët shqiptarë të mos ndalen. Kisha jonë nuk duhet të bëhet një institucion që pret rezultate të garantuara, por një komunitet që shpërndan farën e Ungjillit me bujari dhe pa lodhje.
Kur ndjeheni të dekurajuar ose kur pyesni veten nëse përpjekjet tuaja po vlejnë, kujtoni: detyra juaj është të mbillni. Nëse jeni duke hedhur farën e së vërtetës, të dashurisë dhe të shpresës së Krishtit, ju jeni duke pasur sukses. Rezultatet dhe rritja janë në duart e Perëndisë.
Le të vazhdojmë të mbjellim, sepse çdo farë ka potencialin të bëhet një pemë e madhe, në kohën dhe sipas planit të Perëndisë.

06/02/2026

Mirmengjes miq ne Zotin e perbashket. Kujtese miqesore qe takimi mujor per Qershorin per besimtaret shqiptare ne USA dhe Kanada eshte SOT (E Marte) ne oren 8 pm EST deri ne 9pm. Eshte i njejti link si cdo muaj https://us06web.zoom.us/j/84607969196... Password 051116 Meeting ID 846 0796 9196 Sillni nje teme qe mund te jete e rendesishme per t'u diskutuar ne grup. Per disa prej jush eshte nje mundesi per te sjellur kerkesat e lutjes. Miresete mblidhemi si shqiptare qe e duan Zotin dhe qe jemi ne kete hapesire gjeografike te Amerikes se Veriut.