Ethio Future Media

12/03/2025

゚viralfbreelsfypシ゚viral #

04/05/2025

መጋቢት 27/2017 #መድኃኔዓለም (ጥንተ ስቅለት)

👉በስመ አሐዱ አምላክ አሜን መጋቢት 27 ጌታችን መድኃኒታችን አለምን ለማዳን ለኛ ለልጆቹ ዋጋ ሊከፍል የተሰቀለበት ጥንተ ስቅለቱን የምናስብበት አመታዊ ክብረ በአል ነው

የማይሞት እርሱ ሞተ ሙታንን ያድናቸዉ ዘንድ ሞተ
ሞትን ይሽረዉ ዘንድ ሞተ

✝️️ሞቱን በሚመስል ሞት ከእርሱ ጋር ከተባበርን ትንሣኤውን በሚመስል ትንሣኤ ደግሞ ከእርሱ ጋር እንተባበራለን ሮሜ.6፥5

✝️የክብር ባለቤት ጌታችን መድኃኒታችን ስለ ዓለም ድህነት በሥጋ የተሰቀለበት ዕለት ነው

✝️ሐዋርያው «አውቀውስ ቢሆን የክብርን ጌታ ባልሰቀሉት ቆሮ.1፥1-18 እንዳለ ይህ ዕለት የአይሁድ ካህናት ያለበደል ያለጥፋት ንጹሕና ጻድቅ የሆነውን ጌታ የሰቀሉበት ዕለት ነው

✝️ዕለቱም ጌታችን መድኃኒታችን የዓለም ሁሉ መድኃኒት ለአዳምና ለልጆቹ ሲል በመልእልተ መስቀል በቀራንዮ አደባባይ ተሰቅሎ መዋሉን የምናስብበት ታላቅ ቀን ነው ማቴ.27፥35-75 ክርስቲያኖች ሁልጊዜም ዕለተ ዓርብ ሲመጣ ሕማሙን ስቅለቱን ሞቱን የሚያስቡበት ጊዜ ነው

✝️በሮማውያን ሕግና ሥርዓት መስቀል የወንጀለኞች መቅጫ ምልክት የሕይወት መቅጫ አርማ ሆኖ ሳለ ለእኛ የዲያብሎስ ድል መንሻ ስላደረገው ሕይወትን ስለአገኘን በዚህም ምክንያት በመባል እንደሚታወቅ የቤተ ክርስቲያን አባቶች ያትታሉ

✝️ከስድስት ሰዓት ጀምሮም እስከ ዘጠኝ ሰዓት ዓለም ሁሉ ጨለማ ሆነ ማቴዎስ.27፥45 ፈጣሪዋ በዕንጨት መስቀል ላይ ተሰቅሎ ባየችው ጊዜ ፀሐይ ጨለመች እርሱም ከእመቤታችን ከቅድስት ድንግል ማርያም የነሣትን ለባዊት ነባቢት የሆነች ነፍሱን ከሥጋው ለያት በሥጋ ምውት ሲሆን በመለኮት ሕያው ነው እንዳለ ነፍሱ ከመለኮት ሳትለይ ከሥጋ ተለየች

✝️ጌታ ብሎ ቅድስት ነፍሱን ከቅድስት ስጋው በራሱ ፈቃድ ከለየ በኋላ አምላክነቱን ለመግለፅ የታዩ ተአምራት የሚከተሉት ናቸው በሰማይ ማቴ.24፥29፤27፥45

👉ፀሐይ ጨለመች
👉 ጨረቃ ደም ሆነች
👉 ከዋክብት ረገፉ
👉የቤተ መቅደስ መጋረጃ ተቀደደ
👉ምድር ተናወጠች
👉መቃብሮች ተከፈቱ
👉አለቶች ተፈረካከሱ

👉በእርሱ ቁስል ኢሳ.53-5 እርሱ የሾህ አክሊል ተደፍቶበት ለእኛ የክብር አክሊል ደፋልን ጐኑን በጦር ተወግቶና ቆስሎ ለዘለአለም ፈወሰን ተጠማሁ እያለ እኛን የሕይወት መጠጥ አጠጣን

👉አንዱ የእኛን ቅጣት ወሰደ ሞታችንን ሞተ ገነትን እንድንወርስና በሕይወት እንኖር ዘንድ ሞተ መርገማችንን ወሰደ

👉ስለዚህ እኛም የጌታችን የመድሃኒታችን ስቅላት ሞት ስናስብ መሞት የሰው ልጆች የጥል ግድግዳ ፈርሶ ፍቅር የተመሰረተበት ዕለት ነውና ምንም ቃላት ባይገኝለትም ክብር ምስጋና ዋጋ ከፍሎ ላዳነን በምህረት አይኑ ለጎበኘን ለአምላካችን ለመድኃኒታችን ይሁን "አሜን" ✝️ 💒 ✝️

#ሼር #ማርያም #እግዚአብሔር #አሜን

04/04/2025

የአቦካዶ የጤና ጥቅሞችን ያውቃሉ? 10 የጤና ጠቀሜታዎች የሚከተሉ ናቸዉ

✅✅
አቦካዶ ብዙ የጤና ጠቀሜታዎችን የሚሰጥ በንጥረ-ምግብ-ጥቅጥቅ ያለ ሱፐር ምግብ ነው።

አቦካዶን በምግብ ገበታዎ ውስጥ ማካተት የሚሰጣቸው 10 የጤና ጠቀሜታዎች የሚከተሉት ናቸው፡-

1️⃣ በጤናማ ፋት የበለፀገ ነው | Rich in Healthy Fats

አቦካዶ በሞኖሳቹሬትድ ፋት በተለይም፤ መጥፎ ኮሌስትሮልን (LDL)ን በመቀነስ እና ጥሩ ኮሌስትሮልን (HDL)ን ከፍ በማድረግ ጥቅም የሚሰጠው ኦሌይክ አሲድ (Oleic Acid) ይዘቱ የበለፀገ ነው። ይህም የልብ ጤንነትን ያበረታታል።

2️⃣ የልብ ጤንነትን ይደግፋል | Supports Heart Health

በአቦካዶ ውስጥ የሚገኘው ፖታስየም የደም ግፊትን በመቆጣጠር፤ የልብና የደም ሥር (Cardiovascular) ጤንነትን በመጠበቅ ለልብ በሽታ ያለንን ተጋላጭነት ይቀንሳል።

3️⃣ እጅግ በጣም ጥሩ የንጥረ-ምግቦች ምንጭ ነው | Excellent Source of Nutrients

አቦካዶ አጠቃላይ ጤንነትን እና ደህንነትን የሚደግፉ ቫይታሚን ኬ፣ ሲ፣ ኢ፣ ቢ6፣ ፎሌት እንዲሁም ማግኒዚየምን ጨምሮ አስፈላጊ በሆኑ ቫይታሚኖች እና ማዕድናት የተሞላ ነው።

4️⃣ የምግብ መፍጫ ሥርዓትን ጤና ያበረታታል | Promotes Healthy Digestion

ከፍተኛ የፋይበር ይዘት ያለው አቦካዶ የምግብ መፈጨትን ይረዳል፣ የሆድ ድርቀትን ይከላከላል፣ እንዲሁም የአንጀት ማይክሮባዮምን ወይም ባክቴሪያዎችን ጤንነት ይደግፋል።

5️⃣ ለቆዳ እና ለፀጉር ጥሩ ነው | Good for Skin and Hair

በአቦካዶ ውስጥ የሚገኙት ቫይታሚን ኢ እና አንቲ-ኦክሲደንቶች ኢንፍላሜሽንን በመቀነስ የቆዳን ጤንነት ያስጠብቃል እንዲሁም ቆዳችን እንዲያገገም ያደርጋል።

ጤናማው ስብ ወይም ፋት ደግሞ ፀጉራችንን ይመግባል።

6️⃣ የዓይን ጤንነትን ይደግፋል | Supports Eye Health

አቦካዶ በሉቲን እና ዛአክሳንቲን የበለፀጉ ፀረ-አንቲኦክሲደንቶች ያሉት ሲሆን፤ ማኩላር ዲጄኔሬሽን እና የዓይን ሞራ ግርዶሽን ይከላከላሉ።

7️⃣ ፀረ-ኢንፍላማቶሪ ባህሪያት | Anti-Inflammatory Properties

በአቦካዶ ውስጥ ያሉት የአንቲኦክሲደንቶች እና የጤናማ ቅባቶች ጥምረት በሰውነት ውስጥ ያለውን ኢንፍላሜሽን ለመቀነስ ይረዳል።

ይህም እንደ አርትራይተስ ያሉ በሽታዎችን ለመከላከል ይጠቅማል።

8️⃣ የሰውነት ክብደትን ለመቆጣጠር ይረዳል | Helps in Weight Management

በአቦካዶ ውስጥ ያሉት ጤናማ ቅባቶች እና ፋይበር ረዘም ላለ ጊዜ የመርካት ወይም የመጥገብ ስሜት እንዲሰማን ይረዳል።

ይህም ከመጠን በላይ የመብላት አጋጣሚን ይቀንሳል፣ እንዲሁም ክብደትን ለመቆጣጠር ይረዳል።

9️⃣ ንጥረ-ምግቦች እንዲመጠጡ ያደርጋል | Boosts Nutrient Absorption

በአቦካዶ ውስጥ የሚገኙት ቅባቶች በስብ የሚሟሙ ቫታሚኖችን ማለትም (ቫይታሚን ኤ፣ዲ፣ኢ እና ኬ) እና ሌሎች ፀረ-አንቲኦክሲደንቶች ከተመገብነው ምግብ ውስጥ እንዲወስዱ ወይም እንዲመጠጡ ያደርጋል።

🔟 የደም ስኳር መጠንን ይቆጣጠራል | Regulates Blood Sugar Levels

አቦካዶ ዝቅተኛ ግላይሴሚክ ኢንዴክስ ስላለው ጤናማ ስብ እና ፋይበር በውስጡ ይዟል።

ይህም የደም ስኳር መጠን እንዲረጋጋ በማድረግ የስኳር በሽታን ለመቆጣጠር ጥሩ ምርጫ ያደርገዋል።

አቦካዶን በምግብ ገበታዎ ማለትም:- በሠላጣ፣ በስሙዚ ወይም በሌሎች ምግቦች ውስጥ ማካተት፤ አጠቃላይ ጤንነትን በእጅጉ ያሻሽላል።

#ሼር

04/03/2025

New season, new beginnings! Let the sunshine in and the flowers bloom. 🌸☀️✨

04/03/2025

ፎርብስ የ2025 የቢሊየነሮች ዝርዝር ይፋ አደረገ

| ፎርብስ መጽሔት 39ኛውን አመታዊ የቢሊየነሮች ዝርዝር ያወጣ ሲሆን ዘንድሮ የቢሊየነሮች ብዛት ከመቼውም ጊዜ የበለጠ መሆኑን ዘግቧል።

በዝርዝሩ ውስጥ 3,028 ቢሊየነሮች የተካተቱ ሲሆን ይህ ቁጥር ከአምናው በ247 ከፍ በማለት ሪከርድ ሰብሯል።

የነዚህ ቢሊየነሮች ሀብት ድምር 16.1 ትሪሊየን ዶላር የተገመተ ሲሆን ይህም ከአለማችን አጠቃላይ ሀብት ውስጥ 15% ነው።

ዝርዝሩን የሚመሩት የቴክኖሎጂ ድርጅቶች ባለቤቶችና አለቆች ሲሆኑ ከአንደኛ እስከ አስረኛ ደረጃ ላይ የሚገኙት ወንዶች ናቸው። በተጨማሪም ከምርጥ አስሩ ውስጥ ስምንቱ አሜሪካውያን ናቸው።

የቴስላ፣ ስፔስ ኤክስ፣ ኤክስ እና ኤክስ ኤ.አይ ባለቤትና ከቅርብ ጊዜ ወዲህ ደግሞ የፕሬዝዳንት ትራምፕ አማካሪ የሆነው ኢላን መስክ የ342 ቢሊየን ዶላር ባለሀብት በመሆን አንደኛ ደረጃ ላይ ተቀምጧል።

ከመስክ ቀጥሎ የሜታ መስራች ማርክ ዙከርበርግ በ216 ቢሊዮን ዶላር፣ የአማዞን መስራች ጄፍ ቤዞስ በ215 ቢሊየን ዶላር፣ የኦራክል ኮምፒውተር ድርጆት መስራች ላሪ ኤሊሰን በ192 ቢሊየን ዶላር እንዲሁም የሉዊ ሺቶን እና ሌሎች የቅንጦት ምርቶች ቢዝነስ ባለቤት በርናርድ አርኖልት እና ቤተሰቡ በ178 ቢሊየን ዶላር ከሁለተኛ እስከ አምስተኛ ደረጃ ላይ ይገኛሉ።

የአሜሪካው ፕሬዘዳንት ዶናልድ ትራምፕ የ5.1 ቢሊየን ዶላር ባለሀብት በመሆን 700ኛ ደረጃ ላይ ተቀምጧል።

ከ3,028ቱ ቢሊየነሮች ውስጥ 406ቱ ሴቶች ሲሆኑ የዋልማርት ወራሽ የሆነችው አሊስ ዋልተን በ101 ቢሊየን ዶላር ትመራለች።

የዘንድሮው ዝርዝር ውስጥ 22 አፍሪካውያን ቢሊየነሮች የሚገኙ ሲሆን ናይጄሪያዊው የ23.9 ቢሊየን ዶላር ባለቤት አኪኮ ዳንጎቴ ከአለም 83ኛ ከአፍሪካና ከጥቁሮች ደግሞ አንደኛ ሆኗል። ዘገባው የስካይ ኒውስ ነው።

በ-ዳንኤል መኮንን

04/03/2025

''በሕገ-ወጥ መንገድ በአሜሪካ ያሉ ቤተሰቦች ወይም ጓደኞች ካላችሁ ወደ ቤት እንዲመጡ ለመንገር ጊዜው አሁን ነው'' አምባሳደር ኤርቪን ማሲንጋ

| በሕገ-ወጥ መንገድ በአሜሪካ ያሉ ቤተሰቦች ወይም ጓደኞች ካላችሁ ወደ ቤት እንዲመጡ ለመንገር ጊዜው አሁን ነው ሲሉ በኢትዮጵያ የአሜሪካ አምባሳደር ኤርቪን ማሲንጋ አሳስበዋል፡፡

አምባሳደሩ በኤምባሲያቸው በኩል ባወጡት መግለጫ፤ ''አሜሪካን አስተማማኝ፣ ጠንካራ እና የበለጸገች ለማድረግ፣ ፕሬዝዳንት ትራምፕ የአሜሪካ የኢሚግሬሽን ሕጎች መከበራቸውን እያረጋገጡ ነው'' ብለዋል፡፡

አክለውም በሕገ ወጥ መንገድ ወደ አሜሪካ ለመግባት መሞከር፣ ቪዛ ለማግኘት መዋሸት፣ ያለሕጋዊ ፍቃድ መስራት ወይም የቪዛ ጊዜ ካለቀ በኋላ በአሜሪካ መቆየት ከባድ ቅጣት እንደሚስከትል ገልጸዋል፡፡

ቅጣቱም እስር፣ ከአገር መባረር እና ወደፊት የአሜሪካ ቪዛ እንዳያገኙ ቋሚ እገዳ መጣልን እንደሚያካትት ተናግረዋል።

የአሜሪካ መንግሥት ዜጎች በሕገ-ወጥ መንገድ ወደ ሀገር ውስጥ እንዲገቡ በሚረዱ ላይ እርምጃ እየወሰደ መሆኑን የገለጹት አምባሳደሩ፤ እርምጃውም ሕገ-ወጥ ስደት እንዲቀጥል የሚፈቅዱ ሕገ-ወጥ የሰዎች አዘዋዋሪዎችን እና የውጭ መንግሥት ባለሥልጣናትን እንደሚያካትት ገልጸዋል፡፡

አክለውም ''በሕገ-ወጥ መንገድ መግባት የአሜሪካን ሕጎች መጣስ ብቻ ሳይሆን ደህንነትን አደጋ ላይ ይጥላል'' ያሉም ሲሆን፤ በሕገ-ወጥ መንገድ በአሜሪካ ውስጥ የሚገኙ ዜጎች በመንግሥት ከመያዛቸው በፊት አሁኑኑ ወደ ሀገራቸው እንዲመለሱ አሳስበዋል።

01/10/2025

01/10/2025

| ቀጣዩ የካናዳ ጠቅላይ ሚኒስትር ማን ሊሆን ይችላል?

ጀስቲን ትሩዶ ሊበራል ፓርቲ አዲስ መሪ እስከሚመርጥ ድረስ በስልጣን ላይ ይቆያሉ

ቀጣዩ የካናዳ ጠቅላይ ሚኒስትር ማን ሊሆን ይችላል?

ሰሜን አሜሪካዊቷ ካናዳ በፖለቲካ አለመረጋጋት ውስጥ የምትገኝ ሲሆን ሀገሪቱን ለዘጠኝ ዓመታት በጠቅላይ ሚኒስትርነት የመሩት ጀስቲን ትሩዶ ከሰሞኑ ስልጣን እንደሚለቁ አሳውቀዋል፡፡

ጠቅላይ ሚኒስትር ትሩዶ ስልጣን ለመልቀቅ የተገደዱት በሀገሪቱ የኑሮ ውድነት ለዜጎች ከባድ ሆኗል በሚለው ምክንያት ነበር፡፡

ከዚህ በተጨማሪም የስደተኞች ጉዳይ ሌላኛው የሀገሪቱ ዋነኛ የፖለቲካ ትኩሳት መነሻ ሲሆን የጠቅላይ ሚኒስትር ትሩዶ መንግስት ቁልፍ ሰው ናቸው የሚባሉት የፋይናንስ ሚኒስትር ስልጣን መልቀቅም ሶስተኛው ምክንያት እንደሆነ ዩሮ ኒውስ ዘግቧል፡፡

ይህን ተከትሎም በካናዳ ያላቸው ተቀባይነት የተቀዛቀዘው ጠቅላይ ሚኒስትር ጀስቲን ትሩዶ ፓርቲያቸው ሊበራል ፓርቲ ቀጣይ መሪውን እስከሚያሳውቅበት እስከ ቀጣዩ መጋቢት ወር ድረስ በጠቅላይ ሚኒስትርነት እንደሚቀጥሉ ተናግረዋል፡፡

ከዩክሬንዊ እናቷ በካናዳዋ አልቤርታ የተወለዱት እና የቀድሞዋ ጋዜጠኛ ቸርስቲያ ፍሪላንድ የጀስቲን ትሩዶ ዋነኛ ተተኪ ሊሆኑ ይችላሉ ተብሏል፡፡

ካናዳን በምክትል ጠቅላይ ሚኒስትርነት እና በገንዘብ ሚኒስትርነት ሲያገለግሉ የነበሩት ፍሪላንድ የሊበራል ፓርቲ እና የካናዳ ጠቅላይ ሚኒስትር የመሆን እድላቸው ከፍተኛ እንደሆነ ተገልጿል፡፡

የቀድሞ የካናዳ ብሔራዊ ባንክ ገዢ ማርክ ካርኔይ ሌላኛው የጠቅላይ ሚኒስትር ትሩዶ ተተኪ እንደሚሆኑ ግምት አግኝተዋል፡፡

የ59 ዓመቱ ካርኔይ በካናዳ ያጋጠሙ የኢኮኖሚ ምስቅልቅሎችን ሊያስተካክሉ ይችላሉ የሚል ዕምነት የተጣለባቸው ሰው ሆነዋል፡፡

የወቅቱ የትራንስፖርት ሚኒስትር አኒታ አናንድ፣ የሳይንስ እና ኢኖቬሽን ሚኒስትር ፍራንሲ ፊሊፕ እና የወቅቱ የሀገሪቱ የውጭ ጉዳይ ሚኒስትሯ ሜላኒን ጆሊ የጠቅላይ ሚኒስትርነቱን ስልጣን ሊረከቡ እንደሚችሉ የተገመቱ ፖለቲከኞች ናቸው፡፡

01/09/2025

🔥 በአሜሪካ ፤ በሎስ አንጀለስ ታሪክ አውዳሚ ነው በተባለ የሰደድ እሳት እስካሁን በውል ያልታወቁ ሰዎች ሲሞቱ ፤ በርካቶችም ተፈናቅለዋል።

እሳቱ በሎስ አንጀለስ ከተማ በብዙ ስፍራ እየተዛመተ ነው ተብሏል።

የሰደድ እሳቱ የሆሊውድ ምልክት በሚገኝበት የሆሊውድ ኮረብታማ ስፍራዎች ላይ እየተያያዘ መሆኑ ተነግሯል።

በሎስ አንጀለስ እና በአጎራባች ግዛቶች ቢያንስ 5 ሰደድ እሳቶች የተያያዙ ሲሆን ሶስቱን ሙሉ በሙሉ መቆጣጠር አልተቻለም።

1. ፓሊሳድስ

ፓሊሳድስ የተሰኘ መጠሪያ የተሰጠው ሰደድ እሳት በሎስ አንጀለስ የተቀሰቀሰው ማክሰኞ እለት ሲሆን በግዛቲቷ ትልቁ ነው። የፓስፊክ ፓሊሳድስ አካባቢን ጨምሮ ከ17 ሺህ 200 ሄክታር በላይ የሚሸፍን ሰፊ ግዛት አውድሟል።

2. ኢቶን

ኢቶን የተሰኘው ደግሞ በሰሜናዊ የሎስ አንጀለስ እን አልታዴና ባሉ ከተሞች እየተዛመተ የሚገኝ ሲሆን 10 ሺህ 600 ሄክታርን መሬት በመሸፈን በግዛቲቷ ሁለተኛው ትልቁ እሳት ሆኗል።

3. ኸረስት

ኸረትስ የተሰኘው ሰደድ እሳት ማክሰኞ እለት ተከስቶ ከሳን ፈርናንዶ በስተሰሜን በኩል እየተዛመተ ይገኛል። ይህም እሳት 855 ሄክታርን ይሸፍናል።

4. ሊዲያ

ይህ ደግሞ ረቡዕ ከሰዓት በኋላ በሎስ አንጀለስ በስተሰሜን ተራራማዋ አክቶን አካባቢ ተቀስቅሶ ወደ 350 ሄክታርን መሬት በመሸፈን ተዛምቷል።

5. ሰንሴት

ይህ ሰደድ እሳት ረቡዕ ምሽት ላይ በሆሊውድ ኮረብታማ ስፍራዎች የተከሰተው ሰደድ እሳት ሲሆን ከሰዓት ባነሰ ጊዜ ውስጥ ወደ 20 ሄክታር እያደገ ይገኛል። በአሁኑ ወቅት ወደ 43 ሄክታር ተዛምቷል።

ውድሌይ እና ኦሊቫስ የተሰኙት ሰደድ እሳቶች በአሁኑ ወቅት በቁጥጥር ስር መዋላቸውን የአካባቢው የእሳት አደጋ ባስልጣናት ገልጸዋል።

የመረጃው ምንጮች ፦ ቢቢሲ እና ሲኤንኤን ናቸው።

01/09/2025

በ40 ምንጭና በተለያዩ አካባቢዎች በሰማይ ላይ እየነደደ የሚጓዘው ምን ይኾን? በሳይንስና በሃይማኖት]
✍️ በመጋቤ ሐዲስ ዶክተር ሮዳስ ታደሰ

💥 ዛሬ ጥር 1/ 2017 ዓ.ም. በሀገራችን በተለያዩ ቦታዎች የታየ በሰማይ እየተቀጣጠለ የሚኼድ በጣም በርካታ ፎቶዎችና ቪዲዮዎች በውስጥ መሥመር እየተላኩልኝ ነበርና ምልከታዬን ለማስቀመጥ እሞክራለኹ።
💥 ከሰማይ ላይ አብርተው ስለሚታዩ ስለሚወድቁ የተፈጥሮና ሰው ሠራሽ አካላት መረዳት ግድ ይላል።
የተፈጥሮ የሕዋ ዐለቶችን አስቀድመን እንመልከት፦

1. አስትሮይድ
2. ሜትዮራይድ
3. ሚትዮር
4. ሜትሮይት
መካከል ያለውን ልዩነት አንድነት መረዳት ያስፈልጋል፡-

1. አስትሮይድ
💥 በዋነኛነት በማርስ እና በጁፒተር መካከል ባለው የአስትሮይድ ቀበቶ ውስጥ የሚገኙት ዐለታማ ሥሪትነት ያላቸው አካላት ናቸው። መጠናቸውን ለመረዳት ለምሳሌ አስትሮይድ ቬስታ መጠኑ 329 ማይል (530 ኪሎ ሜትር) ዲያሜትር ያለው ሲኾን ከታናናሾቹ ውስጥ ከ33 ጫማ (10 ሜትር) በታች የኾኑም ይገኙበታል። የኹሉም አስትሮይድ አጠቃላይ ክብደት ግን ከምድር ጨረቃ ያነሰ ነው።

👉 በዚኹ አጋጣሚ በኢትዮጵያ አቆጣጠር ዐርብ ሚያዝያ 5/ 2021 ዓ.ም ወይም እንደ ጎርጎርዮሳዊ አቆጣጠር ኤፕሪል 13/ 2029 አፖፊስ የተባለው አስትሮይድ ከምድር በላይ 30,600 ኪሎ ሜትር (19,000 ማይል) ርቀት ላይ የሚያልፍ ሲኾን ቢሊዮኖች በዐይናቸው ያዩታል። መሬትን የመመታት ዕድሉ 2.7 ፐርሰንት ብቻ ነው። (አንድሮሜዳ ክፍል 2 ገጽ 388 - 394 )

2. ሜትዮራይድ
💥 ሜትዮራይዶች በሕዋ ያሉ ትናንሽ ዐለቶች ሲኾኑ መጠናቸው ከከሸዋ ቅንጣት እስከ 1 ሜትር አካባቢ ይደርሳሉ። አንዳንድ ሜትዮራይድ ዐለቶች ሲሆኑ ሌሎቹ ደግሞ ብረታ ብረት ወይም የድንጋይ እና የብረት ውሕዶች ናቸው። ሜትዮራይድ ብዙ ጊዜ ከአስትሮይድ ወይም ከኮሜት ወይም ከሌሎች ፕላኔቶች ጭምር የሚመጡ ናቸው። በአጠቃላይ ሜትዮራይድ ስንል ገና በሕዋ ላይ ያሉትን ነው።

3. ሚትየር
💥 ከላይ እንዳየነው ሜትዮራይድ ወደ ምድር ከባቢ አየር ወይም ወደ ሌላ ፕላኔት በከፍተኛ ፍጥነት ሲገቡ እና ሲቃጠሉ ሚትዮር ይባላሉ። በሌላ አጠራር “ተወርዋሪ ኮከቦች” ብለን የምንጠራቸው ሲኾን አንዳንድ ጊዜ ሜትየሮች ከቬኑስ የበለጠ ብሩህ ኾነው ሊታዩ ይችላሉ። ያን ጊዜ “የእሳት ኳሶች” ተብለው ይጠራሉ። ብዙ ተወርዋሪ ከዋክብት በአንድ ላይ በሰዓታት ሲታዩ "ሜትየር ሻወር" በመባል ይታወቃሉ።

4. ሜትሮይት
💥 ሳይቃጠል የምድርን ከባቢ አየር ዐልፎ በምድር ላይ የሚያርፍ የሜትሮይድ ቁራጭ መጠሪያ ነው። በሰዓት በዐሥር ሺዎች የሚቆጠሩ ኪሎ ሜትሮችን በመጓዝ በኃይለኛ ግፊት ወድቆ ሲበታተን ብሩህ ነበልባል ይመስላል።

ሜትሮይትስ በሦስት ዋና ዋና ዓይነቶች ይከፈላሉ፡-
1) ድንጋያማ ሜትሮይትስ (በዋነኛነት ከሲልኬት) ማዕድናት የተውጣጡ ናቸው)፣
2) የብረት ሜትሮዮይትስ (በአብዛኛው ከብረት-ኒኬል ውሕዶች የተውጣጡ ናቸው)
3) ድንጋያማ ብረት ሜትሮይትስ (በግምት እኩል መጠን ያላቸው የሲሊኬት ማዕድናት እና ብረት ኒኬል ይዘዋል)

👉 ሜትሮይቶች ሲታዩ የምድር ዐለቶችን ሊመስሉ ይችላሉ፣ ነገር ግን አብዛኛውን ጊዜ የሚያብረቀርቅ ሊመስል የሚችል የተቃጠለ ውጫዊ ክፍል አላቸው። ይኸውም በከባቢ አየር ውስጥ በሚያልፉበት ጊዜ የሜትሮይት ውጫዊ ገጽታ ሲቀልጥ የሚፈጠር ነው።

👉በምድር ላይ ከ 50,000 በላይ ሜትሮይትስ ተገኝተዋል.

ከእነዚህ ውስጥ 99.8% የሚሆኑት ከአስትሮይድ የሚመጡ ናቸው።

👉 በየቀኑ 48.5 ቶን የሜትሮይት ቁስ አካል ወደ ምድር ይወድቃል። ይህም በዓመት 17,000 ሚቴዮራይትስ እንደማለት ነው። አብዛኛው ግን በከባቢ አየር ውስጥ ተንኖ ተወርዋሪ ኮከብ ይኾናል።

👉 በቅርብ የተከሰቱ አደገኛ ከሚባሉት የሜትሮይትስ ክስተቶች ውስጥ ኹለቱን በማንሣት ጽሑፌን ልቋጭ፦
1ኛ) በዘመናዊ ታሪክ ውስጥ አንድ ትልቅ ሜትሮይድ ወደ ምድር ከባቢ አየር ውስጥ የገባው እኤአ በ1908 ሲኾን የቱንጉስካ ክስተት በመባል ይታወቃል። ይህ ሜትዮር በሩሲያ በሳይቤሪያ ላይ የተከሰተ ሲኾን ምድሩን ሳይመታ በፊት በአየር ላይ ጥቂት ማይል ርቀት ላይ ፈነዳ።

👉 የፍንዳታው ኃይል በመቶዎች የሚቆጠሩ ማይሎች ስፋት ባለው ክልል ውስጥ ዛፎችን ለማውደም የሚያስችል ኃይለኛ ነበር። ሜትዮሩ 120 ጫማ (37 ሜትር) ስፋት ያለው እና 220 ሚሊዮን ፓውንድ (100 ሚሊዮን ኪሎ ግራም) ይመዝን ነበረ። በአካባቢው በመቶዎች የሚቆጠሩ አጋዘኖች ሲሞቱ ነገር ግን ማንም ሰው በፍንዳታው መሞቱን የሚያሳይ ቀጥተኛ መረጃ የለም።

2ኛ) እ.ኤ.አ. በ 2013 በቼልያቢንስክ ሩሲያ ሰማይ ላይ ቤትን የሚያህል ሜትሮይድ በሰከንድ ከ11 ማይል (18 ኪሎ ሜትር) በላይ ወደ ከባቢ አየር በመግባት ከመሬት በላይ 14 ማይል (23 ኪሎ ሜትር) ላይ ፈነዳ። ፍንዳታው ወደ 440,000 ቶን የሚገመተውን የቲኤንቲ ኃይል በመልቀቁ ከ200 ስኩዌር ማይል (518 ስኩዌር ኪሎ ሜትር) በላይ መስኮቶችን የሰባበረ እና ሕንፃዎችን ያበላሽ አስደንጋጭ ኹኔታን ፈጠረ። በፍንዳታው ይልቁኑ በመስታወት ስብርባሪ ከ1,600 በላይ ሰዎች ቆስለዋል።

💥 ሌላው በሰማይ እየተቃጠሉ ሲሄዱ ሊታዪ የሚችሉት ሰው ሠራሽ ነገሮች
👉 ከአሁን በኋላ የማይሠሩ በጠፈር ውስጥ ያሉ ሰው ሠራሽ ነገሮች Space debris, space junk, orbital debris በመባል ይታወቃሉ።

ለምሳሌ፡-

👉 የድሮ ሳተላይቶች
👉 የሮኬት ክፍልፋዮች
👉 የፈነዱ ወይም የተጋጩ ተሽከርካሪዎች ወይም የተቆራረጡ ቁርጥራጮች ይገኙበታል።
👉 ከጠፈር ተልእኮ በኋላ የተጣሉ ቁሶች ናቸው።
💥 በግምት ከ10 ሴንቲ ሜትር በላይ ከ36,500 በላይ ቁሶች ሲኖሩ፤ ከ1-10 ሴ.ሜ በላይ 1 ሚሊዮን ቁርጥራጮች እና ከ1 130 ሚሊዮን የሚጠጉ ትናንሽ ቁርጥራጮች ይገኛሉ።

ሊያመጡ የሚችሉት አደጋዎች፡-

1) የሚሠሩ ሳተላይቶችን፣ ዐለም ዐቀፍ የጠፈር ጣቢያ (አይኤስኤስ) ወይም የጠፈር መንኮራኩሮችን በመግጨት ሊጎዳ ይችላል።

👉 አንዳንድ ቁርጥራጮች ወደ ምድር ከባቢ አየር ውስጥ ከገቡ መሬት ላይ አደጋ ሊፈጥሩ ይችላሉ።
👉 ለምሳሌ ሰኞ ታኅሣሥ 21/ 2017 ወይም December 30, 2024, በኬንያ፣ ሙኩኩ መንደር ውስጥ ከሮኬት የመለያያ ቀለበት በመባል የሚታወቅ አንድ ትልቅ ብረታማ ነገር የተከሰከሰ ሲኾን ቀለበቱ በግምት 2.5 ሜትር ዲያሜትር እና 500 ኪሎ ግራም ይመዝናል። እንደ እድል ሆኖ ግን ምንም ጉዳት አልደረሰም።

💥 ሌላው በተለያዩ ሀገራት ታዩ የሚባሉት የማይታወቁ በራሪ አካላት (UFO ወይም UAP) ዙሪያ ብዙ ቪዲዮዎች በYoutube ላይ የሠራሁትን ማየት ይቻላል።

💥 በሃይማኖት መጻሕፍት ስንመለከት በተለይ በዮሐንስ ራእይ ላይ ለቁጣ የሚወድቁ እንደ ችቦ የተቃጠለ የሚመስል እንደሚወድቅ እንዲህ ይጽፋል፦
✍️ “ሦስተኛውም መልአክ ነፋ፤ እንደ ችቦም የሚቃጠል ታላቅ ኮከብ ከሰማይ ወደቀ፥ በወንዞችና በውኃም ምንጮች ሲሶ ላይ ወደቀ። የኮከቡም ስም እሬቶ ይባላል። የውሃውም ሲሶ መራራ ሆነ መራራም ስለተደረገ በውሃው ጠንቅ ብዙ ሰዎች ሞቱ።”
— ራእይ 8፥10-11
✍️ “ሁለተኛውም መልአክ ነፋ፤ በእሳት የሚቃጠል ታላቅ ተራራን የሚመስል ነገር በባሕር ተጣለ፤ የባሕርም ሲሶው ደም ሆነ”
— ራእይ 8፥8

💥 ስለዚኽ አንባቢዎች የራሳችሁን ምልከታ በአስተያየት መስጫው ላይ ማስቀመጥ ትችላላችኹ።
(ስለ ሥነ ፈለክ ለመረዳት አንድሮሜዳ ክፍል 1፤ አንድሮሜዳ ክፍል 2፤ ማዛሮት መጽሐፍን ያንብቡ)

✍️ በመጋቤ ሐዲስ ዶክተር ሮዳስ ታደሰ

🙏🙏🙏