វត្តខ្មែរកាណាដា Cambodian Buddhist Temple of Canada

09/12/2026

09/08/2026

វត្តខ្មែរ កាណាដា ថ្ងៃទី១២ នេះ មានបុណ្យទក្ខិណានុប្បទាន 🙏🙏🙏

08/31/2026

សកម្មភាពជាងរើស និងជួសជុលចង្ក្រានបាយ វត្តខ្មែរកាណាដា

08/16/2026

បុណ្យកាន់បិណ្ឌ ភ្ជុំបិណ្ឌប្រពៃណីជាតិខ្មែរមានចំនួន១៥ថ្ងៃ ចាប់ផ្ដើមពីថ្ងៃអាទិត្យ ១រោច-១៥រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកញ្ញា -ថ្ងៃទី១១ ខែតុលា ឆ្នាំ២០២៦។
ញាតិញោមមានសទ្ធាជ្រះថ្លាចង់ចូលរួមកាន់វេនបិណ្ឌវត្តខ្មែរកាណាដា សូមអញ្ជើញចុះឈ្មោះ តាមសទ្ធា។

08/10/2026

“សាររំលែកទុក្ខ” ពីវត្តខ្មែរកាណាដា​ ជូនចំពោះ​​ “វត្តពោធិការាម​ និងក្រុមគ្រួសារ​ លោកម្ចាស់ ឈួង គួន” ដែលលោកម្ចាស់បានទទួលអនិច្ចធម្មកាលពីល្ងាចមិញ។

07/13/2026

#លិខិតថ្លែងអំណរគុណ
កម្មវត្ថុ៖ ការថ្លែងអំណរគុណចំពោះព្រះថេរានុត្ថេរៈគ្រប់ព្រះអង្គ និងពុទ្ធបរិស័ទជិតឆ្ងាយ ដែលបានចូលរួមក្នុងពិធីស្រោចស្រពសុគន្ធវារីប្រគេន និងប្រកាសតែងតាំងចៅអធិការ និងគ្រូសូត្រស្តាំ ឆ្វេង វត្តខ្មែរកាណាដា។
បពិត្រព្រះថេរានុត្ថេរៈគ្រប់ព្រះអង្គ ជាទីគោរពសក្ការៈដ៏ខ្ពង់ខ្ពស់!
ចម្រើនពរជញនចំពោះញាតិញោមពុទ្ធបរិស័ទជិតឆ្ងាយទាំងអស់ជាទីមេត្រី!
ក្នុងនាមទាំងបីអង្គ និងគណៈកម្មការអាចារ្យវត្ត ព្រមទាំងពុទ្ធបរិស័ទទាំងអស់នៃវត្តខ្មែរកាណាដា សូមសម្តែងនូវការដឹងគុណយ៉ាងជ្រាលជ្រៅបំផុត ចំពោះវត្តមានរបស់ព្រះថេរានុត្ថេរៈគ្រប់ព្រះអង្គ និងញាតិញោមពុទ្ធបរិស័ទគ្រប់ទិសទី ដែលបានចំណាយពេលវេលាដ៏មានតម្លៃ អញ្ជើញមកចូលរួមក្នុងពិធីស្រោចស្រពសុគន្ធវារីប្រគេន និងពិធីប្រកាសតែងតាំងចៅអធិការវត្ត ព្រមទាំងគ្រូសូត្រឆ្វេង និងគ្រូសូត្រស្តាំ ថ្ងៃទី១២ ខែកក្កដាឆ្នាំ2026 នេះ។
វត្តមានរបស់ព្រះតេជគុណគ្រប់ព្រះអង្គ និងញាតិញោមទាំងអស់ មិនត្រឹមតែបានផ្តល់នូវភាពអធិកអធមដល់ពិធីបុណ្យទាំងមូលប៉ុណ្ណោះទេ ប៉ុន្តែថែមទាំងជាការបង្ហាញនូវសាមគ្គីភាព និងការប្តេជ្ញាចិត្តដ៏មុតមាំក្នុងការរួមគ្នាថែរក្សា និងពង្រីកព្រះពុទ្ធសាសនា ព្រមទាំងវប្បធម៌ប្រពៃណីខ្មែរយើងនៅលើទឹកដីនៃប្រទេសកាណាដាឱ្យបានស្ថិតស្ថេរគង់វង្ស។
យើងខ្ញុំទាំងអស់គ្នា សូមថ្លែងអំណរគុណយ៉ាងស្មោះស្ម័គ្រចំពោះកិច្ចសហការ ការលះបង់ទាំងកម្លាំងកាយចិត្ត កម្លាំងប្រាជ្ញា និងបច្ច័យរបស់ញាតិញោមទាំងអស់ ដែលបានធ្វើឱ្យពិធីដ៏មានសារៈសំខាន់នេះ ប្រព្រឹត្តទៅដោយជោគជ័យ និងទទួលបានលទ្ធផលដ៏ត្រចះត្រចង់។
ជាទីបញ្ចប់ ខ្ញុំព្រះករុណាទាំងបីអង្គ សូមបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិក្នុងលោក សូមតាមជួយបីបាច់ថែរក្សាព្រះថេរានុត្ថេរៈគ្រប់ព្រះអង្គ និងញាតិញោមទាំងអស់ សូមជួបតែពុទ្ធពរទាំង ៤ ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូមអរព្រះគុណ និងអរគុណដោយសេចក្តីគោរពស្រឡាញ់។
ប្រទេសកាណាដា, ថ្ងៃទី១២ ខែកក្កដាឆ្នាំ២០២៦ ។

07/10/2026

សូមថ្លែងអំណរគុណចំពោះញោម ហោន បូយ ដែលបានប្រគេនទឹកសុទ្ធចំនួន៣០យួរ ឧបត្ថម្ភកម្មវិធីបុណ្យស្រោចស្រពសុគន្ធវារី ប្រគេនចៅអធិការវត្តខ្មែរកាណាដា សូមម្ចាស់ទានបានសុខចំរើនតរៀងទៅ

06/28/2026

សេចក្តីជូនដំណឹង
ពុទ្ធិកសមាគម-វត្តខ្មែរកាណាដា ព្រមទាំងសមាគមគ្រឹស្តសាសនិក អីស្លាមសាសនិក និងស្ថាប័ន អង្គការ សមាគមផ្សេងៗ នឹងប្រារព្ធធ្វើពិធីរំលែកទុក្ខ ក៏ដូចធ្វើពិធីបង្សុកូលឧទ្ទិសកុសលជូនដល់វិញ្ញាណក្ខន្ធលោក Mohamed Lamine ដែលត្រូវបានស្លាប់ក្នុងឧបទ្ទវហេតុការពារសន្តិសុខ កាលពីថ្ងៃទី២២ ខែមិថុនា ឆ្នាំ២០២៦ នៅតំបន់ Cote Des Neige, Montreal.
👉កន្លែង: វត្តខ្មែរកាណាដា
👉ពេលវេលា: ថ្ងៃអង្គារ ទី៣០ ខែមិថុនា ឆ្នាំ២០២៦។
⏰ចាប់ពីម៉ោង ៧.០០ នាទីល្ងាច រហូតដល់ម៉ោង ៨យប់។
អាស្រ័យហេតុ សូមអញ្ជើញបងប្អូនគ្រប់រូបចូលរួមកុំបីអាក់ខានឡើយ។
(សម្របសម្រួលកម្មវិធីដោយ សមាគមក្រម៉ាខ្មែរ)។