Sourp Kevork Armenian Apostolic Church Laval

09/06/2026

4րդ Կիրակի Վերափոխումէն Ետք

Յիսուս խուլ եւ համր մարդ մը կը բժշկէ

31Յիսուս Տիւրոսի սահմաններէն մեկնելով, Սիդոնի վրայով անցաւ Դեկապոլիսի սահմաններէն եւ եկաւ Գալիլեայի լիճին եզերքը։ 32Եւ ահա իրեն բերին խուլ եւ համր մարդ մը, խնդրելով որ ձեռքը դնէ անոր վրայ։ 33Յիսուս զայն ամբոխէն հեռու՝ մէկ կողմ տարաւ, մատները անոր ականջներուն մէջ դրաւ, յետոյ թքեց եւ դպաւ անոր լեզուին։ 34Ապա երկինք նայեցաւ, հառաչեց եւ ըսաւ.
– Եփփաթա՛, որ կը նշանակէ՝ «Բացուէ՛»։
35Նոյն վայրկեանին անոր ականջները բացուեցան, եւ լեզուն բացուելով՝ սկսաւ կանոնաւոր կերպով խօսիլ։ 36Յետոյ Յիսուս պատուիրեց ժողովուրդին, որ ոեւէ մէկուն չըսեն։ Սակայն ի՛նչքան ալ անիկա կը պատուիրէր որ չտարածեն, անոնք առաւել չափով կը պատմէին այս մասին։ 37Մարդիկ ծայր աստիճան կը զարմանային եւ կ՚ըսէին.
– Այս մարդը ամէն ինչ լաւ կը կատարէ. նոյնիսկ խուլերուն լսել կու տայ եւ համրերուն՝ խօսիլ։

09/04/2026

09/02/2026

Պահոց Չորեքշաբթի

Յիսուս կը քալէ ջուրին վրայէն
45Ապա Յիսուս անմիջապէս աշակերտները ստիպեց որ նաւակ ելլեն եւ իրմէ առաջ երթան Բեթսայիդա, լիճին միւս կողմը, մինչեւ որ ինք ժողովուրդը արձակէ։ 46Ժողովուրդէն հրաժեշտ առնելէն ետք, Յիսուս լեռ բարձրացաւ աղօթելու։ 47Երբ երեկոյ եղաւ, նաւակը լիճին մէջտեղն էր, եւ Յիսուս առանձինը՝ ցամաքին վրայ։ 48Տեսաւ որ աշակերտները նաւակը վարելու մեծ դժուարութեան մէջ էին, որովհետեւ հովը իրենց դիմացէն կը փչէր։ Առաւօտեան ժամը չորսի մօտ էր, երբ ինք ջուրին վրայէն քալելով՝ անոնց քով եկաւ եւ կ՚ուզէր զանոնք անցնիլ։ 49Աշակերտները երբ տեսան որ ջուրին վրայէն կը քալէր, կարծեցին թէ ուրուական մըն է եւ սկսան պոռալ։ 50Արդարեւ, բոլորն ալ զինք տեսան եւ շատ վախցան։ Յիսուս անմիջապէս խօսեցաւ անոնց հետ եւ ըսաւ.
– Քա՛ջ եղէք, ես եմ, մի՛ վախնաք։
51Ապա նաւակ բարձրացաւ անոնց քով, եւ հովը դադրեցաւ։ Աշակերտները աւելի ապշեցան եւ շատ զարմացան։ 52Անոնք արդէն իսկ չէին հասկցած հացի հրաշքին իմաստը եւ հիմա ալ իրենց միտքը փակուած էր։
53Ապա լիճին դիմացը անցնելով եկան Գեննեսարէթ, ուր ցամաք ելան։ 54Հազիւ նաւակէն դուրս ելան, այդտեղի ժողովուրդը անմիջապէս ճանչցաւ Յիսուսը։ 55Յիսուս ո՛ւր որ երթար, ամբողջ գաւառին մէջ, մարդիկ իր ետեւէն հոս ու հոն կը վազէին եւ իրեն կը բերէին հիւանդները իրենց անկողիններուն մէջ։ 56Եւ ո՛ւր որ մտնէր՝ գիւղ, քաղաք կամ ագարակ, այդ տեղերու մարդիկը իրենց հիւանդները հրապարակներու վրայ կը դնէին եւ կ՚աղաչէին որ գոնէ թոյլ տայ հիւանդներուն, որ իր հագուստի քղանցքին դպչին։ Եւ անոնք որ դպան՝ բժշկուեցան։

09/01/2026

08/31/2026

Երեքշաբթի Օգոստոս 18-ին, տեղի ունեցաւ Tournoi de Golf Annuel - Sourp Kevork - Annual Golf Tournament-ը, Լաւալի Club de golf le diamant-ին մէջ, մասնակցութեամբ 130 խաղցողներու։ Տարեկան այս ձեռնարկին հասոյթը պիտի տրամադրուի CHU Sainte-Justine-ին, Sourp Kevork Armenian Apostolic Church Laval-ին եւ Armenian Prelacy of Canada-ի «Մանդակունի» ծրագրին։

08/30/2026

Յիսուս կը խաղաղեցնէ փոթորիկը
35Նոյն օրը երեկոյեան, Յիսուս իր աշակերտներուն ըսաւ.
– Եկէք լիճին միւս կողմը անցնինք։
36Աշակերտները ձգեցին ժողովուրդը եւ բարձրացան այն նաւակին մէջ, ուր Յիսուս կը գտնուէր։ Հոն ուրիշ նաւակներ ալ կային։ 37Յանկարծ զօրաւոր հով մը փոթորկեց լիճը։ Ալիքները նաւակին զարնուելով՝ ներս կը թափէին, զայն լեցնելու աստիճան, 38մինչ Յիսուս նաւակին յետսակողմը բարձի մը վրայ կը քնանար։ Աշակերտները արթնցուցին զինք եւ ըսին.
– Վարդապե՛տ, հոգդ չէ՞ որ մենք կը կորսուինք։
39Յիսուս ոտքի ելլելով սաստեց հովը, ըսելով.
– Դադրէ՛,– եւ լիճին ըսաւ.– Հանդարտէ՛։
Հովը դադրեցաւ եւ կատարեալ հանդարտութիւն տիրեց։ 40Ապա Յիսուս իր աշակերտներուն ըսաւ.
– Ինչո՞ւ այդպէս վախկոտ էք. տակաւի՞ն հաւատք չունիք։
41Անոնք չափազանց վախցան եւ իրարու կ՚ըսէին.
– Ո՞վ է արդեօք այս մարդը, որ նոյնիսկ հովն ու ծովը կը հնազանդին իրեն։

08/29/2026

14րդ Տարեկան Կոլֆի Մրցաշարք

08/28/2026

08/26/2026