RehoBoth International Ministry

10/28/2023

Good morning

"മരുഭൂമിയിൽ ഹ്യദ്യമായി സംസാരിക്കുന്ന ദൈവം"

ഏലീയാവിൻ്റെ ജീവിതത്തിൽ വലിയ പ്രതിസന്ധികൾ വന്നപ്പോൾ ഏലീയാവു ബേർശബെ മരുഭൂമിയിലേക്കു ഓടിപ്പോയി. അവിടെ വച്ചു ദൈവം ഏലീയാവിനോടു ഹ്യദ്യമായി സംസാരിച്ചു. ദൂതന്മാരെ ഭക്ഷണത്തിനായി ഒരുക്കി. ദൈവം നമ്മോടു ഹ്യദ്യമായി സംസാരിക്കുന്നതു ജീവിതത്തിലെ മരുഭൂമിപോലെയുള്ള
ഉണങ്ങിയതും വരണ്ടതുമായ അനുഭവങ്ങളിൽ കൂടി കടന്നുപോകുമ്പോഴാണു.
യിസ്രായേൽ മരുഭൂമിയനുഭവങ്ങളിൽ കൂടി കടന്നപ്പോൾ ദൈവസാന്നിധ്യം
ഉണ്ടായി. ഹോശേയ പ്രവാചകൻ
മുഖാന്തിരം യഹോവ അരുളിച്ചെയ്തു.

"അതുകൊണ്ടു ഞാൻ അവളെ വശീകരിച്ചു മരുഭൂമിയിൽ കൊണ്ടുചെന്നു അവളോടു ഹൃദ്യമായി സംസാരിക്കും.
അവിടെനിന്നു ഞാൻ അവൾക്കു മുന്തിരിത്തോട്ടങ്ങളെയും പ്രത്യാശയുടെ വാതിലായി ആഖോർതാഴ്വരയെയും കൊടുക്കും.
ഹോശേയ 2:14,15

വേദനകളുടെ തീവ്രതകളിൽ,
കഷ്ടതകളുടെ മൂർദ്ധന്യത്തിൽ
ഹ്യദ്യമായി ദൈവം നമ്മോടു സംസാരിക്കും. യാക്കോബ് ഏകനായി, ദു:ഖിച്ചു,കല്ലിനെ തലയിണയാക്കി വച്ചുറങ്ങുമ്പോഴാണു ദൈവദർശനം കാണുന്നതു.

ആത്മീയമായ ജീവിതത്തിൽ ഉന്നതനിലവാരം പുലർത്തിയ
ഭക്തന്മാരെല്ലാം
മരുഭൂമിയനുഭവത്തിൽ കൂടി കടന്നുപോയവരാണു. യോഹന്നാൻ സ്നാപകനു ദൈവത്തിന്റെ അരുളപ്പാടു ലഭിച്ചതു മരുഭൂമിയിൽ നിന്നാണു.

'ഹന്നാവും കയ്യഫാവും മഹാപുരോഹിതന്മാരായും ഇരിക്കുംകാലം സെഖര്യാവിന്റെ മകനായ യോഹന്നാന്നു മരുഭൂമിയിൽവെച്ചു ദൈവത്തിന്റെ അരുളപ്പാടു ഉണ്ടായി.
ലൂക്കൊസ് 3:2

ഈ അരുളപ്പാടു ലഭിച്ചപ്പോൾ യേശു സാക്ഷാൽ ദൈവത്തിന്റെ
പുത്രനെന്നും ലോകത്തിൻ്റെ പാപം ചുമക്കുന്ന കുഞ്ഞാടാണെന്നും അവൻ്റെ ചെരിപ്പിന്റെ വാർ അഴിപ്പാനുള്ള
യോഗ്യത തനിക്കില്ലെന്നും യോഹന്നാൻ സ്നാപകൻ വിളിച്ചു പറഞ്ഞു. ജീവിതത്തിലെ മരുഭൂമിയനുഭവങ്ങൾ ദൈവം നമ്മോടു ഹ്യദ്യമായി സംസാരിക്കുവാനാണു. മാത്രമല്ല
ദൈവത്തിന്റെ അരുളപ്പാടുകൾ
ലഭിക്കുന്നതിനാണു.

ചിലപ്പോൾ ജീവിതത്തിലെ മരുഭൂമിയനുഭവങ്ങൾ
നമ്മെ നല്ല പരിശീലകരാക്കിമാറ്റും. മരുഭൂമിയനുഭവങ്ങളിൽ കൂടി
നാം കൊള്ളാകുന്നവരായി മാറും.
ദാവീദിൻ്റെ ആടുകളെ മേച്ചുകൊണ്ടുള്ള ജീവിതം ഒരു
പരിശീലനക്കളരിയായിരുന്നു.
ആടുകളെ കൊല്ലുവാൻ വന്ന സിംഹത്തേയും കരടിയേയും കൊല്ലുവാൻ ദാവീദിനു കഴിഞ്ഞു. ഈ പരിശീലനം ഫെലസ്ത്യമല്ലനായ
ഗോല്യാത്തിനെ നിഷ്പ്രയാസം
കൊല്ലുവാൻ ദാവീദിനെ പ്രാപ്തനാക്കി.

മോശെ തൻ്റെ അമ്മാവിയപ്പൻ്റെ ആടുകളെ നാല്പതു വർഷം മേയ്ച്ചു നടന്നു.
അതു മോശെയുടെ പരിശീലനകാലമായിരുന്നു. കോപിഷ്ടനായിരുന്ന മോശെയെ
ഈ മരുഭൂവാസം ഭൂവിലെ
ഏറ്റവും സൗമ്യനായ മനുഷ്യൻ എന്നു ദൈവം പറയത്തക്ക വിധത്തിൽ മാറ്റിയെടുത്തു.

ജീവിതത്തിലെ കനത്ത മരുഭൂമിയനുഭവങ്ങൾ നമ്മെ തളർത്തരുതു.
മരുഭൂമിയനുഭവങ്ങളിൽ ഉയരത്തിൽ നിന്നും ശക്തിയിറങ്ങി മരുഭൂമിയെ നീരോട്ടമുള്ള ഒരു
പൂങ്കാവനമാക്കും.

" ഉയരത്തിൽനിന്നു ആത്മാവിനെ നമ്മുടെമേൽ പകരുവോളം തന്നേ; അപ്പോൾ മരുഭൂമി ഉദ്യാനമായിത്തീരും; ഉദ്യാനം വനമായി എണ്ണപ്പെടും.
യെശയ്യാവു 32:15

ഹാഗാറിനു മരുഭൂമിയിൽ നീരുറവയെ തുറന്ന ദൈവം നമുക്കും നീരുറവയെ തുറക്കും.
മരുഭൂമിയിൽ ചാരുവാൻ നമുക്കു നമ്മുടെ പ്രിയൻ്റെ മാർവ്വിടമുണ്ടു. ജ്ഞാനികളിൽ
ജ്ഞാനിയായ ശലോമോൻ
തൻ്റെ ഉത്തമഗീതത്തിൽ പ്രാണപ്രിയനായ യേശുവിന്റെ
മാറിൽ ചാരി നിൽക്കുന്ന മണവാട്ടിയെ കണ്ടു പറഞ്ഞു.

' മരുഭൂമിയിൽനിന്നു തന്റെ പ്രിയന്റെമേൽ ചാരിക്കൊണ്ടു വരുന്നോരിവൾ ആർ?
ഉത്തമഗീതം 8:5

ജീവിതത്തിലെ മരുഭൂമിയനുഭവങ്ങൾ കണ്ടു
ആടിയുലയേണ്ട..നമ്മോടു ഹ്യദ്യമായി നമ്മുടെ അരുമനാഥൻ
മരുഭൂമിയനുഭവങ്ങളിൽ സംസാരിക്കും. നാം
ദൈവശബ്ദം കേൾക്കും. നമുക്കു ദർശനങ്ങളും അരുളപ്പാടും ലഭിക്കും. ഒടുവിൽ പ്രിയൻ്റെ മാറിൽ ചാരി നാം നിൽക്കുന്ന ഭാഗ്യനാൾ എത്രയും വേഗം സമാഗതമാകും.

"നിങ്ങളിൽ യഹോവയെ ഭയപ്പെടുകയും അവന്റെ ദാസന്റെ വാക്കു കേട്ടനുസരിക്കയും ചെയ്യുന്നവൻ ആർ? തനിക്കു പ്രകാശം ഇല്ലാതെ അന്ധകാരത്തിൽ നടന്നാലും അവൻ യഹോവയുടെ നാമത്തിൽ ആശ്രയിച്ചു തന്റെ ദൈവത്തിന്മേൽ ചാരിക്കൊള്ളട്ടെ.
യെശയ്യാവു 50:10

Have a blessed and joyful day

09/29/2023

Good morning

"ആത്മാവിനെ അനുസരിച്ചു നടപ്പിൻ. എന്നാൽ നിങ്ങൾ ജഡത്തിന്റെ മോഹം നിവർത്തിക്കയില്ല"
ഗലാത്യർ 5:16

ജഡാഭിലാഷം ആത്മാവിന്നും ആത്മാഭിലാഷം ജഡത്തിന്നും വിരോധമാണു. എന്താണു ജഡത്തിന്റെ പ്രവർത്തികൾ?

" ജഡത്തിന്റെ പ്രവൃത്തികളോ ദുർന്നടപ്പു, അശുദ്ധി, ദുഷ്കാമം,
വിഗ്രഹാരാധന, ആഭിചാരം, പക, പിണക്കം, ജാരശങ്ക, ക്രോധം, ശാഠ്യം, ദ്വന്ദ്വപക്ഷം, ഭിന്നത, അസൂയ, മദ്യപാനം, വെറിക്കൂത്തു മുതലായവ എന്നു വെളിവാകുന്നു; ഈ വക പ്രവർത്തിക്കുന്നവർ ദൈവരാജ്യം അവകാശമാക്കുകയില്ല എന്നു ഞാൻ മുമ്പെ പറഞ്ഞതുപോലെ ഇപ്പോഴും നിങ്ങളോടു മുൻകൂട്ടി പറയുന്നു.
ഗലാത്യർ 5:19-21

ജഡത്തിന്റെ പ്രവർത്തികൾ മരിക്കണം. ആത്മാവിനാൽ നാം
ജീവിക്കണം. യേശു ജീവിച്ചതു
അങ്ങനെയാണു

" ക്രിസ്തുവും നമ്മെ ദൈവത്തോടു അടുപ്പിക്കേണ്ടതിന്നു നീതിമാനായി നീതികെട്ടവർക്കു വേണ്ടി പാപംനിമിത്തം ഒരിക്കൽ കഷ്ടം അനുഭവിച്ചു, ജഡത്തിൽ മരണശിക്ഷ ഏൽക്കയും ആത്മാവിൽ ജീവിപ്പിക്കപ്പെടുകയും ചെയ്തു.
1പത്രൊസ് 3:18

ആത്മാവിനാൽ നടത്തപ്പെടുന്ന മക്കളെ കുറിച്ചു റോമർക്കെഴുതിയ ലേഖനത്തിൽ
വിശദമായി പ്രതിപാദിക്കുന്നു.

"ജഡസ്വഭാവമുള്ളവർ ജഡത്തിന്നുള്ളതും ആത്മസ്വഭാവമുള്ളവർ ആത്മാവിന്നുള്ളതും ചിന്തിക്കുന്നു.
ജഡത്തിന്റെ ചിന്ത മരണം; ആത്മാവിന്റെ ചിന്തയോ ജീവനും സമാധാനവും തന്നേ.
ജഡസ്വഭാവമുള്ളവർക്കു ദൈവത്തെ പ്രസാദിപ്പിപ്പാൻ കഴിവില്ല.
നിങ്ങളോ, ദൈവത്തിന്റെ ആത്മാവു നിങ്ങളിൽ വസിക്കുന്നു എന്നുവരികിൽ ജഡസ്വഭാവമുള്ളവരല്ല ആത്മസ്വഭാവമുള്ളവരത്രേ, ക്രിസ്തുവിന്റെ ആത്മാവില്ലാത്തവൻ അവന്നുള്ളവനല്ല.
റോമർ 8:5,6,8,9, വാക്യങ്ങൾ.

നമ്മിൽ വസിക്കേണ്ടതു ജഡികമോഹങ്ങളല്ല. പരിശുദ്ധാത്മാവാണു. ഒരു പ്രാവു
ഒരിക്കലും മലിനമായ ഇടങ്ങളിൽ വസിക്കയില്ല. അതുപോലെ പരിശുദ്ധാത്മാവും. നമ്മുടെ ശരീരം ദൈവാത്മാവു വസിക്കുന്ന മന്ദിരമാണു. ജഡികപാപങ്ങൾ മൂലം പരിശുദ്ധാത്മാവു ശരീരത്തിൽ നിന്നും ദു:ഖത്തോടെ ഇറങ്ങിപോകുവാൻ ഇടവരരുതു.
പരിശുദ്ധാത്മാവിനെ ദു:ഖിപ്പിക്കരുതു. ആത്മാവിനെ
കൂടാതെ നമുക്കു ഈ ലോകത്തിൽ ഒന്നും ചെയ്യുവാൻ
സാദ്ധ്യമല്ല. നമ്മുടെ സഹായകനാണു പരിശുദ്ധാത്മാവു. സകല സത്യത്തിലും വഴി നടത്തുന്നതു
പരിശുദ്ധാത്മാവാണു.
പരിശുദ്ധാത്മാവു നമ്മുടെ കാര്യസ്ഥനാണു.യേശു ഈ ലോകത്തിൽ നിന്നും വിടവാങ്ങുന്നതിനു മുൻപേ ഇങ്ങനെ പറഞ്ഞു

'എന്നാൽ ഞാൻ നിങ്ങളോടു സത്യം പറയുന്നു; ഞാൻ പോകുന്നതു നിങ്ങൾക്കു പ്രയോജനം; ഞാൻ പോകാഞ്ഞാൽ കാര്യസ്ഥൻ നിങ്ങളുടെ അടുക്കൽ വരികയില്ല; ഞാൻ പോയാൽ അവനെ നിങ്ങളുടെ അടുക്കൽ അയക്കും.അവൻ വന്നു പാപത്തെക്കുറിച്ചും നീതിയെക്കുറിച്ചും ന്യായവിധിയെക്കുറിച്ചും ലോകത്തിന്നു ബോധം വരുത്തും.
യോഹ 16:7,8

"എന്നാൽ പരിശുദ്ധാത്മാവു നിങ്ങളുടെമേൽ വരുമ്പോൾ നിങ്ങൾ ശക്തി ലഭിച്ചിട്ടു യെരൂശലേമിലും യെഹൂദ്യയിൽ എല്ലാടത്തും ശമര്യയിലും ഭൂമിയുടെ അറ്റത്തോളവും എന്റെ സാക്ഷികൾ ആകും എന്നു പറഞ്ഞു.അപ്പൊ.പ്ര 1:8

യേശുവിന്റെ മരണശേഷം ഭീതിയിലായിരുന്നു ശിഷ്യന്മാർ.
എന്നാൽ യേശു വാഗ്ദത്തം ചെയ്ത ഈ ആത്മാവിനു വേണ്ടി കാത്തിരിന്നു അവർ ഏകമനസ്സോടെ പ്രാർത്ഥിച്ചു. അവരിൽ തീയ്യായി പരിശുദ്ധാത്മാവിറങ്ങി. അവർ ശക്തിപ്രാപിച്ചു എല്ലായിടത്തും
ധൈര്യപൂർവ്വം ചെന്ന് യേശുവിനെ സുവിശേഷിച്ചു
മരണം കൈവരിച്ചു.

ജീവിതത്തിൽ പ്രശ്നങ്ങളിൽ നാം
ഭീരുക്കളായി മാറുന്നതു ഈ ആത്മാവു നമ്മിൽ വസിക്കാത്തതുകൊണ്ടാണു. ദൈവം നമുക്കു നൽകിയിരിക്കുന്നതു ഭയത്തിന്റെ
ആത്മാവിനെയല്ല.

" ഭീരുത്വത്തിന്റെ ആത്മാവിനെ അല്ല, ശക്തിയുടെയും സ്നേഹത്തിന്റെയും സുബോധത്തിന്റെയും ആത്മാവിനെയത്രേ ദൈവം നമുക്കു തന്നതു"
2 തിമൊഥെയൊസ് 1:7

ഈർപ്പമുള്ള അടുക്കളയാണെങ്കിൽ അടുപ്പിൽ
തീ കത്തുവാൻ വിഷമമാണു. അടുപ്പിൽ തീ കത്തികൊണ്ടിരുന്നാൽ ഇഷ്ടികകൾക്കു ചൂടും തട്ടി ഭിത്തിയിലെ ഈർപ്പത്തെ നീക്കം ചെയ്തു അവ ഉണങ്ങിയിരിക്കും.
പരിശുദ്ധാത്മാവിൻ്റെ ജ്വലനം ഹ്യദയങ്ങളിൽ ഉണ്ടായാൽ പാപത്തെ കത്തിച്ചു കളയുവാൻ
സാധിക്കും.

"നിങ്ങൾ ജഡത്തെ അനുസരിച്ചു ജീവിക്കുന്നു എങ്കിൽ മരിക്കും നിശ്ചയം; ആത്മാവിനാൽ ശരീരത്തിന്റെ പ്രവൃത്തികളെ മരിപ്പിക്കുന്നു എങ്കിലോ നിങ്ങൾ ജീവിക്കും. ദൈവാത്മാവു നടത്തുന്നവർ ഏവരും ദൈവത്തിന്റെ മക്കൾ ആകുന്നു.
റോമർ 8:13,14

പരിശുദ്ധാത്മാവിന്റെ നിറവിനും പുതുക്കത്തിനുമായി നമ്മുടെ ഹ്യദയത്തിലെ സകല അറകളേയും തുറന്നിടാം.
രഹസ്യപാപങ്ങളാൽ ഹ്യദയത്തിൻ്റെ അറകൾ പൂട്ടിയിടാൻ ഇടവരരുതു. ദൈവത്തെ കൂടാതെ ആർക്കെങ്കിലും ഹ്യദയത്തിൽ
പ്രഥമസ്ഥാനം നൽകിയാൽ അതു നിരാശയിലേക്കും പരാജയത്തിലേക്കും നയിക്കും.
ഭൂമിയിൽ ദൈവം നമുക്കു നൽകിയ സകലതും ദൈവത്തിന്റെ ദാനം ഒന്നു മാത്രമാണു. പരിശുദ്ധാത്മാവു
ഹ്യദയത്തിൽ വസിച്ചാൽ
പരിശുദ്ധാത്മാവിനാൽ നാം നയിക്കപ്പെടും.
അങ്ങനെയുള്ളവർ ശരീരമാകുന്ന ആലയത്തെ വിശുദ്ധവും നിർമ്മലവുമായി
സൂക്ഷിക്കും. അവരിൽ നിന്നും ആത്മാവിന്റെ ഫലങ്ങളായ സ്നേഹം, സന്തോഷം, സമാധാനം, ദീർഘക്ഷമ, ദയ, പരോപകാരം, വിശ്വസ്തത, സൗമ്യത, ഇന്ദ്രിയജയം, എന്നിവ
ഒഴുകിവരും. ആത്മാവുള്ളവരാണു
ക്രിസ്തുയേശുവിന്നുള്ളവർ. അവർ ജഡത്തെ അതിന്റെ രാഗമോഹങ്ങളോടുകൂടെ ക്രൂശിച്ചു നിശ്ചയമായും ജീവിതത്തിൽ വിജയം
കൈവരിക്കും.

Have a blessed and joyful day

10/06/2022

https://youtu.be/gxwk2sr8zKY

We are to serve and sacrifice for others. Living to serve others is Jesus' way of life! To be a servant of Jesus means we must be willing to give up all righ...

10/01/2022

https://youtu.be/pGOZU_dQ16U

Zechariah 9:9The Coming of the King Jesus Christ

09/30/2022

Good morning

"വിശ്വാസം കാത്തുസൂക്ഷിക്കുക"

അവസാനശ്വാസം വരെ വിശ്വാസം കാത്തുസൂക്ഷിച്ച പൗലൊസ് അപ്പൊസ്തലൻ ഇങ്ങനെ പറഞ്ഞു.

"ഞാനോ ഇപ്പോൾതന്നേ പാനീയയാഗമായി ഒഴിക്കപ്പെടുന്നു; എന്റെ നിര്യാണകാലവും അടുത്തിരിക്കുന്നു.ഞാൻ നല്ല പോർ പൊരുതു, ഓട്ടം തികെച്ചു, വിശ്വാസം കാത്തു. ഇനി നീതിയുടെ കിരീടം എനിക്കായി വെച്ചിരിക്കുന്നു; അതു നീതിയുള്ള ന്യായാധിപതിയായ കർത്താവു ആ ദിവസത്തിൽ എനിക്കു നല്കും; എനിക്കു മാത്രമല്ല, അവന്റെ പ്രത്യക്ഷതയിൽ പ്രിയംവെച്ച ഏവർക്കുംകൂടെ"
2തിമൊഥെയൊസ് 4:6-8

എത്ര പ്രത്യാശ നിറഞ്ഞ വാക്കുകൾ. നീറോ ചക്രവർത്തി തല അരിയാൻ പോകുന്നുവെന്നു
മനസ്സിലാക്കി മരണം മുന്നിൽ കണ്ടുകൊണ്ടു കാരാഗ്യഹത്തിൽ വസിക്കുമ്പോഴും തൻ്റെ വേല തികച്ചു എന്ന നിർവ്യതിയോടെ, നീതിയുടെ കിരീടമണിയുമെന്നു പ്രത്യാശിക്കുന്ന പൗലൊസ് തൻ്റെ നിജപുത്രനായ തിമൊഥെയൊസിനെ വചനത്താലും പരിശുദ്ധാത്മ നിറവിനാലും ഭാവി ശുശ്രൂഷകൾക്കായി ഉറപ്പിക്കുന്നു. ഇന്നു ശാസ്ത്രത്തിനും യുക്തിക്കും അടിമപ്പെട്ടു ദൈവവിശ്വാസം നഷ്ടപ്പെട്ടുകൊണ്ടിരിക്കുന്ന ഒരു സമൂഹത്തിലാണു നാം ജീവിക്കുന്നതു. യേശു ചോദിക്കുന്ന ഒരു ചോദ്യം എത്രയോ പ്രസക്തമാണു.

"എന്നാൽ മനുഷ്യപുത്രൻ വരുമ്പോൾ അവൻ ഭൂമിയിൽ വിശ്വാസം കണ്ടെത്തുമോ ” എന്നു കർത്താവു പറഞ്ഞു.
ലൂക്കൊസ് 18:8

നാം നമ്മുടെ വിശ്വാസം ഒന്നു പരിശോധന ചെയ്യണം.
ആദ്യവിശ്വാസം ഇപ്പോഴും മുറുകെ പിടിച്ചിട്ടുണ്ടോ?
വെളിപ്പാടു പുസ്തകത്തിൽ എഫെസൊസിലെ സഭയുടെ ദൂതന്നു എഴുതിയതിൽ ഒരു ദൂതു അവരുടെ ആദ്യസ്നേഹം വിട്ടുകളഞ്ഞു എന്ന ഒരു കുറ്റമായിരുന്നു. നാം ഏതിലാണു
വീണുപോയതെന്നു നാം ഒരു വിശ്വാസശോധന ചെയ്യണം.

"നിങ്ങൾ വിശ്വാസത്തിൽ ഇരിക്കുന്നുവോ എന്നു നിങ്ങളെത്തന്നേ പരീക്ഷിപ്പിൻ; നിങ്ങളെത്തന്നേ ശോധനചെയ്‍വിൻ.
2 കൊരിന്ത്യർ 13:5

" അഴിഞ്ഞുപോകുന്നതും തീയിൽ ശോധന കഴിക്കുന്നതുമായ പൊന്നിനെക്കാൾ നിങ്ങളുടെ വിശ്വാസത്തിന്റെ പരിശോധന വിലയേറിയതു എന്നു യേശുക്രിസ്തുവിന്റെ പ്രത്യക്ഷതയിൽ പുകഴ്ചെക്കും തേജസ്സിന്നും മാനത്തിന്നുമായി കാണ്മാൻ അങ്ങനെ ഇടവരും.
1പത്രൊസ് 1:7

പരിശോധിക്കപ്പെടാത്ത വിശ്വാസം വിലയേറിയതല്ല. അബ്രാഹാമിനു മമ്രേയുടെ തോപ്പിലുണ്ടായ വിശ്വാസം മോറിയാമലയിൽ പരീക്ഷിക്കപ്പെട്ടപ്പോഴും ഉണ്ടായി.
ആ വിശ്വാസത്തിന്റെ പരിശോധന പുകഴ്ച്ചക്കും തേജസിനും മാനത്തിനും കാരണമായി.ജീവിതത്തിൽ കൈതാങ്ങുവാൻ ആളില്ലാതെ വരുമ്പോൾ , രോഗങ്ങളാൽ വലയുമ്പോൾ, കടഭാരത്താൽ തളരുമ്പോൾ നമ്മുടെ വിശ്വാസം എവിടെ നിൽക്കുന്നു എന്നു ശോധന ചെയ്യണം. വിശ്വാസം നിർവ്യാജമായിരിക്കേണം.
അതിൽ കാപട്യം ഉണ്ടാകരുതു.
ശരിയായ വിശ്വാസം ദൈവസന്നിധിയിൽ നമ്മെ താഴ്ത്തും.പൗലൊസ് അപ്പൊസ്തലനു അഹങ്കരിക്കുവാൻ ഒരുപാടു ഗുണഗണങ്ങൾ ഉണ്ടായിരുന്നു.
പൗലൊസിൻ്റെ ഉത്തരീയത്തിൽ
പോലും അത്യത്ഭുത രോഗശാന്തിയുണ്ടായിരുന്നു. വലിയ വിദ്യാസമ്പന്നനും ജ്ഞാനിയും ആയിരുന്നു. എന്നിട്ടും പൗലൊസ് എളിമയോടെ പറഞ്ഞു.

"ഞാൻ അപ്പൊസ്തലന്മാരിൽ ഏറ്റവും ചെറിയവനല്ലോ; ദൈവസഭയെ ഉപദ്രവിച്ചതിനാൽ അപ്പൊസ്തലൻ എന്ന പേരിന്നു യോഗ്യനുമല്ല.എങ്കിലും ഞാൻ ആകുന്നതു ദൈവകൃപയാൽ ആകുന്നു; എന്നോടുള്ള അവന്റെ കൃപ വ്യർത്ഥമായതുമില്ല; അവരെല്ലാവരെക്കാളും ഞാൻ അത്യന്തം അദ്ധ്വാനിച്ചിരിക്കുന്നു; എന്നാൽ ഞാനല്ല എന്നോടുകൂടെയുള്ള ദൈവകൃപയത്രേ.
1കൊരിന്ത്യർ 15:9,10

ശരിയായ വിശ്വാസമുള്ളവൻ വിനയമുള്ളവനും ഞാനാകുന്നതു
ദൈവക്യപയാലാകുന്നു എന്നു
വിശ്വസിക്കുന്നവനും ആകുന്നു.
പാപികളിൽ ഒന്നാമനാണെന്നു
പൗലൊസ് സമ്മതിച്ചു.

" ക്രിസ്തുയേശു പാപികളെ രക്ഷിപ്പാൻ ലോകത്തിൽ വന്നു എന്നുള്ളതു വിശ്വാസ്യവും എല്ലാവരും അംഗീകരിപ്പാൻ യോഗ്യവുമായ വചനം തന്നേ; ആ പാപികളിൽ ഞാൻ ഒന്നാമൻ"
1തിമൊഥെയൊസ് 1:15

പൗലൊസ് ദൈവസന്നിധിയിൽ ഏറ്റവും അധികമായി വിനയപ്പെട്ടു. പാപികളിൽ ഒന്നാമനെന്നു സമ്മതിച്ചു. വിശ്വാസം പരീക്ഷിക്കപ്പെടുമ്പോൾ പൊന്നുപോലെ പുറത്തുവരുവാനുള്ള ആഴമായ വിശ്വാസം വേണമെന്നു പഠിപ്പിച്ചു.
ക്രിസ്തു യേശുവിന്റെ നല്ല ഭടനാകണമെങ്കിൽ വിശ്വാസത്താൽ കഷ്ടം സഹിക്കണം എന്നു പഠിപ്പിച്ചു.
പൗലൊസിനെപോലെ വിശ്വാസത്താൽ നല്ല പോർ
പൊരുതി ഓട്ടം തികക്കാം.

" വിശ്വാസത്തിന്റെ നല്ല പോർ പൊരുതുക; നിത്യജീവനെ പിടിച്ചുകൊൾക; അതിന്നായി നീ വിളിക്കപ്പെട്ടു അനേകം സാക്ഷികളുടെ മുമ്പാകെ നല്ല സ്വീകാരം കഴിച്ചുവല്ലോ.
1തിമൊഥെയൊസ് 6:12

മരണം വരെ ഏതു സാഹചര്യത്തിലും വിശ്വാസം കാത്തു വിശുദ്ധിയോടെ ജീവിക്കാം..

Have a blessed and joyful day

09/25/2022

09/25/2022

Good morning

"കർത്താവിന്റെ സ്വസ്ഥതയിലേക്കു പ്രവേശിക്കാം"

"എന്നാൽ അവരുടെ വീണ്ടെടുപ്പുകാരൻ ശക്തിമാൻ; സൈന്യങ്ങളുടെ യഹോവ എന്നാകുന്നു അവന്റെ നാമം; ഭൂമിക്കു സ്വസ്ഥത വരുത്തേണ്ടതിന്നും ബാബേൽനിവാസികൾക്കു സ്വസ്ഥത വരുത്തേണ്ടതിന്നും അവരുടെ വ്യവഹാരം അവൻ ശ്രദ്ധയോടെ നടത്തും.
യിരെമ്യാവു 50:34

ബാബേൽ പ്രവാസത്തിങ്കൽ യിസ്രായേലിന്റെ നിലവിളി കേട്ടു
അവരുടെ വ്യവഹാരം തീർത്തു സ്വസ്ഥത നൽകിയ ദൈവം ഇന്നും ജീവിക്കുന്നു. നമ്മുടെ വ്യവഹാരങ്ങളും ദു:ഖങ്ങളും എന്തുമായികൊള്ളട്ടെ. നമ്മുടെ നിലവിളി കേട്ടു സ്വസ്ഥത നൽകുന്ന ഒരു ദൈവമുണ്ടു.
ജോസഫിൻ്റെ സങ്കടം ദൈവം കേട്ടു. യാക്കോബിനും
ലാബാനും ഇടയിൽ ദൈവം യാക്കോബിനു സ്വസ്ഥത വരുത്തി. സാത്താൻ തീച്ചൂളകൾ
എത്ര ചൂടാക്കിയാലും ദൈവം അതിന്റെ മദ്ധ്യത്തിൽ ഇറങ്ങിവന്നു നമുക്കു സ്വസ്ഥത നൽകും.

നമ്മുടെ ദൈവം സകലശത്രുക്കളിൽ നിന്നും രക്ഷിച്ചു സ്വസ്ഥത നൽകും.

"ആകയാൽ നിന്റെ ദൈവമായ യഹോവ നിനക്കു അവകാശമായി അടക്കുവാൻ തരുന്ന ദേശത്തു ചുറ്റുമുള്ള നിന്റെ സകലശത്രുക്കളെയും നിന്റെ ദൈവമായ യഹോവ നീക്കി നിനക്കു സ്വസ്ഥത തന്നിരിക്കുമ്പോൾ നീ അമാലേക്കിന്റെ ഓർമ്മയെ ആകാശത്തിൻകീഴിൽനിന്നു മായിച്ചുകളയേണം; ഇതു മറന്നുപോകരുതു.
ആവർത്തനം 25:19

" ഞാൻ നിന്റെ സകലശത്രുക്കളെയും അടക്കി നിനക്കു സ്വസ്ഥത നല്കും. അത്രയുമല്ല, യഹോവ നിനക്കു ഒരു ഗൃഹം ഉണ്ടാക്കുമെന്നു യഹോവ നിന്നോടു അറിയിക്കുന്നു.
2 ശമുവേൽ 7:11

യേശു ഭവനത്തിൽ ഉണ്ടെങ്കിൽ അവിടെ സ്വസ്ഥത ഉണ്ടാകും. യേശു അലറുന്ന കടലിനുമീതെ നടന്നുവന്നപ്പോൾ ശിഷ്യരിൽ സ്വസ്ഥത ഉണ്ടായി. യേശു യായിറോസിൻ്റെ വീട്ടിൽ വന്നപ്പോൾ അവിടെ സ്വസ്ഥതയുണ്ടായി. യേശു കല്യാണവീട്ടിൽ വന്നപ്പോഴും മരണവീട്ടിൽ വന്നപ്പോഴും അവിടെ സ്വസ്ഥതയുണ്ടായി. ദൈവത്തിന്റെ സാന്നിധ്യം എവിടേയും സമാധാനവും സ്വസ്ഥതയും നൽകും.

യഹോവ മോശെയോടു
പാലും തേനും ഒഴുകുന്ന ദേശമായ കനാനിലേക്കു യിസ്രായേൽ ജനത്തെ കൊണ്ടു പോകാൻ കല്പിച്ചു. ഒരുത്തൻ തന്റെ സ്നേഹിതനോടു സംസാരിക്കുന്നതുപോലെ യഹോവ മോശെയോടു അഭിമുഖമായി സംസാരിച്ചു.
അപ്പോൾ മോശെ യഹോവയോടു പറഞ്ഞു.

"ആകയാൽ എന്നോടു കൃപയുണ്ടെങ്കിൽ നിന്റെ വഴി എന്നെ അറിയിക്കേണമേ; നിനക്കു എന്നോടു കൃപയുണ്ടാകുവാന്തക്കവണ്ണം ഞാൻ നിന്നെ അറിയുമാറാകട്ടെ; ഈ ജാതി നിന്റെ ജനം എന്നു ഓർക്കേണമേ.അതിന്നു അവൻ: എന്റെ സാന്നിദ്ധ്യം നിന്നോടുകൂടെ പോരും; ഞാൻ നിനക്കു സ്വസ്ഥത നല്കും എന്നു അരുളിച്ചെയ്തു.
അവൻ അവനോടു: തിരുസാന്നിദ്ധ്യം എന്നോടുകൂടെ പോരുന്നില്ല എങ്കിൽ ഞങ്ങളെ ഇവിടെനിന്നു പുറപ്പെടുവിക്കരുതേ.
പുറപ്പാടു 33:13-15

മോശക്കു യിസ്രായേൽ ജനത്തെ നയിക്കുവാൻ ശക്തി പകർന്നതു
ഈ ദൈവീക സാന്നിധ്യമായിരുന്നു. ഹ്യദയത്തെ കഠിനമാക്കുന്നവരും, ദൈവത്തെ പരീക്ഷിക്കുന്നവരും, ദൈവത്തിൻ്റെ വഴികളെ വിട്ടു പാപത്തിൽ ജീവിക്കുന്നവരും യഹോവയുടെ സ്വസ്ഥതയിൽ പ്രവേശിക്കയില്ല എന്നു 95-ാം സങ്കീർത്തനത്തിൽ പ്രതിപാദിച്ചിരിക്കുന്നു.

"ഇന്നു നിങ്ങൾ അവന്റെ ശബ്ദം കേൾക്കുന്നു എങ്കിൽ, മെരീബയിലെപ്പോലെയും മരുഭൂമിയിൽ മസ്സാനാളിനെപ്പോലെയും നിങ്ങളുടെ ഹൃദയത്തെ കഠിനമാക്കരുതു.അവിടെവെച്ചു നിങ്ങളുടെ പിതാക്കന്മാർ എന്നെ പരീക്ഷിച്ചു; എന്റെ പ്രവൃത്തി അവർ കണ്ടിട്ടും എന്നെ ശോധനചെയ്തു.
നാല്പതു ആണ്ടു എനിക്കു ആ തലമുറയോടു നീരസം ഉണ്ടായിരുന്നു; അവർ തെറ്റിപ്പോകുന്ന ഹൃദയമുള്ളോരു ജനം എന്നും എന്റെ വഴികളെ അറിഞ്ഞിട്ടില്ലാത്തവരെന്നും ഞാൻ പറഞ്ഞു.
ആകയാൽ അവർ എന്റെ സ്വസ്ഥതയിൽ പ്രവേശിക്കയില്ലെന്നു ഞാൻ എന്റെ ക്രോധത്തിൽ സത്യം ചെയ്തു.
95-ാം സങ്കീർത്തനം 8-11

"അതുകൊണ്ടു ആരും അനുസരണക്കേടിന്റെ സമദൃഷ്ടാന്തത്തിന്നൊത്തവണ്ണം വീഴാതിരിക്കേണ്ടതിന്നു നാം ആ സ്വസ്ഥതയിൽ പ്രവേശിപ്പാൻ ഉത്സാഹിക്ക"
എബ്രായർ 4:11

Have a blessed and joyful day